Ka Makaainana, Volume III, Number 8, 29 April 1895 — Page 1
| This text was transcribed by: | Ward Mardfin |
| This work is dedicated to: | Francis K. "Blue" Lono & Ohana and Hana |
Ka Makaainana.
BUKE III-----Ano Hou. Honolulu, Oahu, Aperila 29, 1895 HELU 8
Ke Aloha Aina e Hooluhi Nei.
Aia i ka luna o Daimana Hila,
Ke aloha aina e hoolulu nei,
E kilohi iho au o Kaimuki,
Ka uwahi noe o ka pu raifela,
Ilaila makou i ike iho ai,
I ka hana lokoino a ka hookele,
Wikiwiki ko waha i ka olelo,
He aloha aina ko'u puuwai,
Eia ka oe a he muhee,
A he loli makapaa no ka moana,
Hookabi mea nui i ka lahui,
Ke aloha aina e hoolulu nei,
Aia i ka hale hooluhi kino,
Na opuu rose a o Hawaii,
E ola Hawaii a mau loa,
A kau i ke ao malamalama.
Hainaia mai ana ka puana,
Ke aloha aina e hoolulu nei.
D. K. K.
Hoopololei.
Ma kela manao a J. L. Kukahi i puka ai ma kela helu aku nei, ua komo he wahi paewa iki, a eia iho ka hoopololei ana i loaa mai iaia mai: O ka la 14 o Dekemaba e kau ai ka Hilo o ka malama o Makalii, ua komo hewa ia, a o ka la 16 ka pololei. O ka la 15 o Ianuari, 1896, e kau ai ka Hilo o ka makahiki hou, o ka la 14 ka pololei.
Na Hana Pili i na Kula.
I ka halawai ana o ka Papa Hoonaauao i ka Poaha, la 18 nei, ua hooholoia e loaa he hoomaha loihi ana o na kula mai Iulai 3 a Sepatemaba 9. A ma ia halawai ana no i hooholoia ai e hoopau i na kula Hawaii o Kawaiahao a me Kaumakapili. Ua hoopau io ia iho nei no ia mau kula a he mau kula haole laua i nei wa. Aia ka mua malalo o Misi Roda Gerina, me 40 haumana, a o ka hope iho aia malalo o Misi Lize Gune, me 35 haumana komo hou loa. O na kumu maoli, S. W. Kaikuahine a nae J. P. Iwa, he mau makai kula laua i nei wa no ka laua mau kula mua a me kekahi mau kula e ae. Mai ke kula mai o Kamoiliili o Misi Gerina, a ua paniia aku kona wahi e Misasa Isabela Kalaikona. I hanaia keia mamuli o ka piha loa o na kula kahiko i na poe komo hou loa, a he mau kula hoi kela no ke ao waie ana no ia poe. Ua waiho aku hoi o Misis Kulena i ke kula o Waiahole, a ua paniia aku e Kale Kini, kekahi opio o ke kula Kamehameha i holo ai i Amerika Huipuia e hoonaauao ai a ua hoi mai nei. Eia ka Papa ke manao nei e kukulu aku i halekula haole hou no uka o Hanaiakamalaina.
Ua hanau mai na ka wahine a Kale Kuaika i ka hora 10 o ke aumoe Poalima nei ma ko laua wahi no e noho nei mauka aku nei o Koiuiu, he mau keikekane i hanau mahoe ia. Eleu no ka hoi ua kanaka o ka paeli ana ma kuauna mahaha. Oia ka hana ana!
ONA MAU NO KE ALOHA.
Na Hiona Holomua o ka Ahahui
Kokua Manawalea Lahui.
E like no me ka mau, pela no i halawai ae ai ka Ahahui Kokua Manawalea Lahui i ka auwina la Poakolu nei. Eia iho
Ka Hoike Eha o na Loaa:
Mrs. Laura Mahelona .. $ 31 00
Mrs. Lilia Aholo ... 27 50
Mrs. Kilikiliula Weed .. 12 00
Mrs. Mikala Maile ... 10 00
Mrs. Ema Kipili ... 5 00
Miss E K Doiron ... 2 50
Mrs Keluia Kainoa ... 55
NA LULU MAU.
E. Johnson ... 2 00
LULU KUIKAWA.
Alai Akamu, Hilo, ... 100 45
S H Haaheo, Puna, ... 50 00
Huina ... $246 00
No ka aoao hemo aku hoi mai ka waihona aku, eia iho
Ka Hoike Eha o na Lilo:
Ohana o Keoni Beka ..$ 1 25
" Kahaiae ... 2 00
" D K Koa ... 1 00
" Kanaana ... 1 25
" L Kameakane ... 1 50
" R Palau ... 1 50
" Manuel Kuhio ... 1 00
" D Keaunui ... 1 00
" J K Kamali ... 1 25
" Nahinalau ... 1 00
" Pihana ... 1 50
" Enoka ... 1 00
" H P Kaohi ... 1 00
" Kamaka ... 1 00
" H Kalei ... 1 00
" Aberahama ... 1 00
" Kaolowi ... 1 00
" Geo. Makalena ... 1 00
" Kaaihue ... 1 50
" Kamai ... 2 00
" S Kalalau ... 1 50
" Elia ... 1 50
" D Damiana ... 1 50
" Kaneuu ... 1 00
" Keamopohaku ... 1 50
" Kauai ... 1 00
" John Mahuka ... 2 00
" Waianae ... 1 25
" John Piko ... 2 00
" G H Pahia ... 1 50
" Kakaio ... 1 50
" Paterika Lene ... 2 00
" J Kaae ... 2 00
" Keoni Waipio ... 1 00
" Wm Kekoa ... 1 00
" Alika Kamika ... 2 00
" Holo ... 1 00
" Kamaki Pule ... 1 00
" Hanupau ... 1 00
" Kilohana ... 1 00
" Toma Pedro ... 1 50
" Kema Kekipi ... 1 00
" Kaaikike ... 1 00
" J W Bipikane ... 1 00
" Keoni Pio ... 1 00
" W M Moepali ... 1 50
" J K Beni ... 1 00
Huina ... $65 00
KELA A ME KEIA LILO.
Lilo laka puka no na ohana ma Kakaako ... $ 1 00
Hui Poi Hawaii a Apr. 20 4 10
" " " 27 5 00
Kwong Sing Loy, lole no na keiki ... 1 10
______
Huina lilo a Aperila 27 ... $76 20
Eia ke koo ne ma ka waihona a Aperila 27, he $857.50.
E halawai ana no ka ahahui e like me ka mau, ma ka manawa mau a ma kahi mau no.
Kiai Paahao Lawelawe Ino.
Ua loheia mai ua hoeha aku o J. K. Iniha, kekahi o na kiai paahao o loko o Kawa, ia Kalei, kekahi o na pio kalaiaina, i kakahiaka o nehinei. Mea ia mai ua ano ona ka ua kiai la, a i ke komo ana aku paha hoi o kekahi wahi puolo na ke pio, a i ka loaa ana aku ka, a ma kahi hoi o ko ke kiai olelo maikai aku mai hana pela a mai hana penei, ua haawi aku la oia he man-ai welawela. Hookano no hoi la. He poina ole no paha i kona noho mua ana i Kawa no ia nana like no. Ua aneane ka o loko e haunaele. Aole ia o na hana e alohaia ai, aka, he mea no ia e hiki ole loa ai ke hoopoinaia.
I ke alo no ka a Hala.
Ma kela hihia o kela Kepani aihue o Lahaina i hanaia ai imua o ko laila Aha Apana, ua ae okua aku oia nana io no i ai hue. I kona hopuia ana maloko o kekahi o na hotele Iapana maanei ua loaa ka wati a me $50. Ua hahai oia no kona komo ana iloko o ka hale o kona hoa a loaa kekahi pahu waiho lole, lawe oia iloko o kekahi mala-ko a wawahiia iho la. Hele oia e kuai kini aila-puaa, haawi oia he hapa i kahi Kepani okoa aku a iloko iho o ke koena i waiho iho ai oia i na dala, i nakeke ole, a holo no Wailuku, a ilaila wawahi i kekahi mau dala ulaula a hoouna he $80 no Iapana, me kona manao no hoi mahope aku oia e ukali ai no ka aina a paa e i ka upoiia.
A i ke ku ana ae hoi imua o kela Lunakanawai Apana, ua nalo ke dala a me ka wali, oiai nae hoi iluna no o ke pakaukau o ka Lunakanawai kahi i waiho ai mamua o ka noho ana ae o ka Aha. He elima wale no poe iloko o ka aha ia wa. Me ka hana nui no i huliia ai, pau na poopoo i ka noliia, a no aneane paha e piha ua hora, elua, ua loaa aku ua mau mea la i nalowale, o ke dala iloko o kekahi eke, iloko o kekahi kuono o ke ke@na noho o ka Lunakanawai ia Makai Simeona. E ole nae hoi ia, maha ae la kahi manao o ua Lunakanawai la, ina la paha ua luu ke kua ona i kaheka kahakai.
Halepaahao i ka Lewa
Ua loheia mai nei no hoi no Maui mai, kahi o ka eo a me ka apiki i luakaha pu ai, aia no he wahi hana ano hou e hanaia mai la malaila. O ke ano o ia hana, na kela Makai Nui manu pelehu ka i noonoo, oia hoi aia ke hanaia la he mau hale laau hoopaa paahao maluna iho o na kaa nunui, i ano like aku me na kaa bipi kauo. Ekolu mahele o ka hale, he elua no na paahao e moe ai, i hanaia na wahi moe a ano like me ko na moku, malalo ae a maluna iho, a hookahi hoi keena no na luna. He ekolu ka nui o keia mau kaa e hanaia la. Ua makemakeia keia mau kaa no na paahao e pau nui ana i ka hele i ka hana alanui, a i mea hoi e hooluaiele ai i ka hoihoi i ka halepaahao, o keia mau kaa na wahi e moe ai oiai ma ke ala a me ke kahua o ka hana. Eleu io no ia Maui la!
Paoa Hou no ia Huakai.
Ilalo o ka I'a Hamauleo, i kahi moku kiakahi heihei Sepere e ku ana i kona mouo mawaho ae o Kalauao i kakahiaka La Pule i hala, ua hoea ae he ehiku poe lawelawe o ka Oihana Dute ma ke kaamahu, oia ka Luna Kiai Awa Sanada, Hope Gilfilana a me elima poe e ae. Ua ani peahi ia aku ko ka moku poe a ua holo mai no kula ma ka waapa, a mai kula i laweia aku ai he ekolu o ia poe no luna o ua moku la. Ia lakou iluna, ua huli iho la mai loko a waho no na lako kaua a opiuma paha, he neo hae ka mea i loaa. Pau ka huli ana i kahi moku, ua hele nui ae a kauhale o Misasa Levaina Kapu, huli nui aku la a loaa no ia haawina like he neo. Kakahiaka ae ka i hoi nui mai ai no luna nei me ka hoka, ua ano like nae me he mau ilio la i pepelu na huelo ma na au o hope. Ua huakai lawaia paoa no paha me ka maunu ino. ahu ka pala!
O A ona, ka Pake makaikiu i hopuia ai i ka po Poaha nei no ka holo ana ma ke kaa hehihehi wawae me ke kukui ole, ua hoopaiia imua o ka Aha Apana i ka Poalima nei e uku @ $1 me na koina.
Poaha iho, Mei 2, e ku mai ai ka Mariposa mai ka Hema mai a holo loa aku no Kapalakiko O ka Miowera ia la like no mai ka awa hookahi mai no, e holo loa ana nae oia i ka Akau, A e ka Auseteralia mai Kapalakiko mai ma ka le 3 aku.
E uawaiia aku ana ko makou keena nei a kokoke aku ia alanui Nuuanu i kahi o keia mau la iho, aia nae hoi a hololea loa ae na hooponopono ana a ko makou puuku. Aohe ia e hewa, he hookokoke aku hoi i ka@@ o ka laukanaka, a haalele iho i ka luamilo a makou i hoomanawainui ai no kahi mau malama lehulehu.