Ka Makaainana, Volume III, Number 9, 6 May 1895 — Page 8
8 HONOLULU, OAHU, POAKAHI MEI 6, 1895.
KELA A ME KEIA.
Elua mau hoolaha hooko moraki e puka aku nei ma keia helu.
He eiwa mau ma'i lepera a ka mokumahu Hawaii i lawe aku ai no Molokai i ka auwina la Poalima nei.
Mamuli o ko Alika Lopikana ae ana e holo lunamakaainana, ua waiho aku oia i kona kulana Hope Loio Kuhina.
Aperila 25 aku nei i piha ai na makahiki he umi o ka make ana o ka Moiwahine Kanemake Ema Kaleleonalani.
Ekolu malama hana oolea ma Kawa i loaa i kekahi Pake imua o ka Aha Apana i ka Poakahi i hala no ka aeahaukae.
Ua lele aku iloko o ke kai ke kuke o ka Miowera oiai ka moku he elua la i ka moana mai Kikane mai a ua nalowale loa.
He la koho balota kuikawa keia no ka apana elima. Hookahi no moho, oia o Alika Lopikana, i pani no Kale Kaaka i make.
Ua lohe mai makou ua ae ke Aupuni i ke noi a kela poe haole i kipakuia ai e hoi mai, a e huli hoi nui mai ana ma keia Auseteralia ae.
I nei kakahiaka e wehe ai ke kau kiure o ka Aha Kaapuni, a pau ka hoomaopopoia ana o na hihia, alaila, hoopanee a kakahiaka apopo.
Ua hooholo iho nei na Kepani o kakou nei i keia Poaono iho, la 11, e hauoli ai lakou no ka pau loa ana o ke kaua mawaena o Iapana a me Kina.
Ua haawi ae o Komisina Beritania Hoese he paina hoolaulea i ke Keikialii Iosepa o Batenabuga i ka po Poalua nei. Ua nui no na poe i konoia.
I ka Poakolu iho la ua hoounaia aku e Lunakanawai Pere o Kalua, he keiki uuku o 16 makahiki, e noho ma Keoneula no eono malama no ka aea wale.
Ma ka wanaao Poalima, la 3 nei, ma Aiea, Ewa, ua make iho la o Hanale Kaanaana. He 57 makahiki o kona ola ana ma keia ao a hala wale aku la. Aloha no ia hoa.
He hoolaha pili oihana ka ke keiki eleu ma ka hana aina o Wailuku, oia o Bila Daniela wawae paioa a leo puawi. Aohe no e hewa ke nana ae a hoomaopopo iho.
E malama ana ke Kahukula Nui i aha ninaninau kumu no na kumu ao hou loa ma Wailuku, Maui, maloko o ko laila halekula, ke hiki aku i na la 17 a me 18 o Mei nei.
Ua hooholo iho nei ka Hui Heihei Hawaii, ma kekahi halawai ana i kekahi o keia mau po iho la, e malamaia no ona mau heihei ana ke hiki aku i ka la 11 o Iune ae.
Poaha iho la i hooholo ai ka Aha Kiekie e pau ko Kale Aki laikini loio, mamuli o kekahi hana epa a apuka ana i hana ai i kekahi kanaka o Kona, ia D. Kealohapauole.
Mamuli hoi o ko Alopeka Makana hookiekieia ana aku i makai no ka Aha Kiekie, ma kahi o Uilama Feleba e waiho mai nei, ua lilo ae kona kulana makai no ka Aha Apana ia Alika Nikolasa Keoki, a i kakahiaka Poaha iho la kona hoomaka ana.
Ua paa i ka hopuia kekahi o na luina o ka Mariposa i mahuka ai ma keia huakai aku nei ana no Kikane i ka Poaha iho la a hoihoiia iluna o ka moku me ka hoopaaia i na hao umii.
Ua hookohuia aku o H C Maea i mea malama buke no ka Oihana Kalaiaina ma kahi o M K Keohokalole. Eia ka inoa hope ma ke keena o ka nupepa Kuokoa namu e hana nei i keia wa.
Na ka mokumahu Kimo Maki i kolo mai i ka mokupea W H Daimona iloko nei o Kou i ka Poaha iho la, no ka mea, ua hoomalolo ae ka Eleu no ka hoomaemae hou ia o kona mau ipuhao.
No ka ae oluolu ana o kekahi Pake ako lauoho e kahi i ke poo o kekahi hoalahui ona i ka La Pule i hala, ua hoopaiia mai oia e ka Lunakanawai Apana i ka Poakahi i hala e uku i $3 no ia hewa.
No ka ae ana o Lakaloa i kona hewa haalele kula imua o ka Aha Apana i ka Poalua iho la, ua hoounaia aku oia no Keoneula no elua makahiki. Ano kaulike ole no hoi na hoopai ana o keia wa.
Ua huli hoi mai i ka Poakolu iho la ka mokukuna Ka Moi mai na Mokupuni Lai sana mai me ka ukana lepo manu no ka Hui Hoomomoa Lepo Pakipika. He 26 na la holo mai nei aku a hoi hou mai la.
He umi mau manu okalika i hoounaia aku ma ka Mikahala o ke ahiahi Poalua iho la no Kipikai, kokoke ia Nawiliwili, Kauai, a o ka piha ana iho la ia o 25 manu i hoounaia ilaila no ka Hui Okalika Hawaii.
He hookahi malama e noho ai ma Kawa, o ka hoopai ia a ka Aha Apana i hookau aku ai maluna o H Paulo i ka Poalua iho la no ke akaka ole o kahi e loaa nei o kona ola, oia hoi, he aeahaukae ka olelo ana.
Ma ka Malulani o ka Poalua iho la i kau aku ai ke Alii ka Moiwahine Kanemake Kapiolani no Kailua, Kona, Hawaii, me ka ukali pu ia aku la e kekahi keiki, ke Kama'lii Kawananakoa. E hala ana kahi manawa iaia ma o.
He kaikamahine Hawaii ka i laweia mai nei ma ka Mokolii o ke aumoe Poalima nei mai Kalawao mai, ua olelo ka o Kauka Mourita ua ola oia. Ina e holo pono ana kona nanaia ana e na kauka ma ka halemai o Kalihi, alaila, e hookuuia ana oia.
Ke upuia aku nei i kahi o keia mau la iho e ku mai ai ka mokumahu hou o ka Hui Moku mahu Holo Pili Aina. Maluna mai no ona e hoi mai ai o Kapena Gedefere, peresidena o ia laina mokumahu. He moku nui iki ae ia mamua o Hawaii, Poakolu nei paha i haalele aku ai, a no laila, i ka Poaono iho paha e ku hou mai ai.
Ua lilo ae nei i ka hoolimalimaia e kekahi hui o na Hawaii ke keena mua iho nei o ka Holomua, a e weheia aku ana i halekuai lole. Eia ke hoomaemae a ke hana hou ia nei o loko e na poe paahana Hawaii wale no, a i keia Poaono iho e hemo ae ai. O ka makou wale no, e hoomanawanui na kenikeni a ia la, alaila, lu ae ma ka Halekuai Lahui o Kalahiki
I ke Sabati i hala, i ka wa a Kawelo i kii ai i kona noho lio i waiho ai ma kahi o Keoni Kalaukoa, mauka o Maemae, i ka wa iho nei o ke kaua kuloko, ua hoole mai la o Manaole aole e loaa ka noho lio. Hele koke o Kawelo e hoopii a i ka Poakolu iho e noho ai imua o ka Aha Apana.
Ma ka Mariposa o ka Poaha iho la, i kau aku ai ka Bihopa o Panopolisa i ukaliia e ka Rev Makua Kilaveka no Amerika a hala loa aku no Europa. Makai ae o ka uwapo na keiki puhiohe o ke kula o Sana Lui kahi i hookaulele ai i ka lakou mau hokeo no ka hoalohaloha i ko lakou makua. He papaaina kahoahoa hoi ka i haawiia e na hoahanau maloko o ka pa luakini i ka auwina la Poakolu aku.
He ahi kukui ka i a ae i ka po Poaha iho la, o ka hora 7:30 paha ia, i kekahi rumi o hope o ka hale noho o Keoki Wona, ma alanui Liliha a aole nae i pau. I hauleia ka ipukukui mai luna iho o ka mikini humuhumu lole a hanini ka aila a o ka hamu aku la no ia o ke ahi. E ole na lima kokua o na keiki kinai ahi o ia alanui, pio ai me ka poino nui ole O ka wahine wale no ko ka hale me na keiki a o ke kane ua hala i ka moku. Ua pau na lole o keiki a me ko ka makuakane i ka poino, a ua palapu hoi ka lima akau o Keoki Wuluse, oiai, nana ke ahi i kanai.
W. H. DANIELS,
[ BILA DANIELA]
A gena Kuai a Hooponopono Aina, Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka emoole.
Keena Hana a me Wahi Noho, aia ma Wailuku, Maui.
mei 6-mk.
Hoolaha Hooko Mo raki a me ke Kuai.
Ke hoolahaia aku nei ma keia mamuli o kekahi mana kuai i hoikeia maloko o kekahi moraki i hanaia i ka la 21 o IANUARI, M. H. 1887, e D. KAPOI, o Waihee, Maui, a me J M KAMAWAE o Honuaula, Mokupuni o Maui, i Hawaiian Commercial and Sugar Company., he hui i hoohuiia, a kopeia ma ke keena o ka Luna Kakau Hope Aupuni maloko o ka Buke 102, ma na aoao 498 me 499, ke manao nei ka Hawaiian Commercial and Sugar Company., e hooko aku i ka moraki i ole oia no kekahi uhaki ana o na kumu i hoakakaia ma ka moraki i oleloia, oia hoi i ka hookaa ole ia o ke kumupaa a me ka ukupanee ke hiki i ka manawa.
Ke hoolaha pu ia aku nei no hoi e hooliloia aku ana na aina, na pono a me na pomaikai a pau i hoikeia a i hoakakaia ma ka moraki i oleloia ma ke kuai kudala akea, ma ke keena kudala o George Hons ma Wailuku, Maui, ma ka POALIMA, ka la 31 o MEI, M. H. 1895, ma ka hora 12 o ke awakea o ka la i oleloia.
Eia iho ka hoakakaia ana o ka waiwai ma ua moraki la, penei:
1---O kela mau wahi a pau i hoakakaia maloko o ka Palapala Sila Nui Helu 1424 ia Kapoi i oleloia, e loaa ana he ili o 32 1-10 eka ma Honuaula, Maui.
2---O kela mau wahi a pau loa i hoakakaia ma ka Palapala Sila Nui Helu 2199 ia Kapo i oleloia, e loaa ana he ili o 21 56-100 eka ma Honuaula, Maui.
3---O ka pono, kuleana a pomaikai a pau loa o Kapoi i oleloia iloko o hookahi-hapa ua i mahele ole ia iloko o na aina i hoakakaia ma ka Palapala Sila Nui Helu 6721 Kuleana 2655 no Palulu a i lilo mai ia Kapoi i oleloia mai ia Kalalea w ma ka palapala hoolilo i hanaia i Feberuari 15, M. H. 1877, a kopeia ma ka Buke 49, ma na aoao 350 me 351.
4---O ka pono kuleana a pomaikai a pau loa o J M Kamawae i oleloia iloko o kela apana aina i hoakakaia ma ka Palapala Sila Nui Helu 2620 no Keokalani, e loaa ana he ili o 53 36-100 eka ma Honuaula, Maui, a o ia no hoi ka aina i lilo mai ia Kamawae i oleloia ma o ka palapala kuai mai ia S-D-H. Kanuha, i kopeia ma ka Buke 84, aoao 326. HAWAIIAN COMMERCIAL AND SUGAR COMPANY
Kuike na kumu. Ma ka aoao o ka mea kuai ka lilo no na palapala
No na mea hou aku i koe, e ninau ia
JOHN RICHARDSON.
Loio no Hawaiian Commercial and Sugar Company, a i ole, ia
GEORGE HONS,
Kuna Kudala.
Wailuku, Maui, Mei 4, 1895.
mei 6-4pl.
Hora 10 A. M. o ka la apopo e
noho ai kekahi poe kiure ma ke keena o ka Hope Ilamuku, no ka noonoo ana i ka weheia ae o
kekahi alanui uwapo hou mai ka uwapo O sianika a ka uwapo Burua. Mamua ae nae o keia akoakoa ana, e hele mua aku ana lakou e nana pono i kahi i manaoia.
He wahi keiki Olelo E uuku o ekolu makahiki ka i loaa aku ua piholo a make iloko o ke kaha wai mauka iho o ke alahaka o Koleaka. Ua nalowale oia i ka hora 10 o ka Poalima nei a ua hele huli aku ka makuakane, a i kona haupu ana aia paha iloko o ka wai, ua o'e aku oia me kekahi
laau loihi a pa kekahi mea a pipili mai ana ka lauoho. O
ka wa no ia i luu koke ia aku ai a loaa io aku la no, me he la ua hookahi hora ka make ana. Ua kauoha koke ia kekahi kauka, aohe nae ana mea e hana iho ai.
Aohe i koloneloia, no ka mea, aohe mau kumu e hoohuoiia ai.
KALAHIKI,
HALEKUAI LAHUI.
Helu - Alanui Moi, keena hana mua o ka
Hawaii Holomua.
E weheia ana ka halekuai maluna ae i ka
POAONO, MEI 11 1895, a malaila e loaa ai
na waiwai a me na lole hou loa o na ano a
pau, no na kumukuai emi loa mamua o na
wahi e ae.
Aohe hewa ke kipa mua mai a e ikemaka
mamua o ka hele ana i na halekuai e ae.
M. PALAU,
mei 6---3 ml Luna Hooponopono
Hoolaha Hooko Moraki a me
ke Kuai.
Ke hoolahaia aku nei ma keia mamuli o
kekahi mana kuai i hoikeia maloko o kekahi
mo raki i hanaia i ka la 21 o IANUARI,
M. H. 1887, e D KAPOI, KAHAULELIO
(w) a me L. W. P. KANEALII, kanakane
ma re, no Waihee lakou a pau, Apana o Wailuku,
Mokupuni o Maui, i ka Hawaiian Commercial
an d Sugar Co., he hui i hoohuiia,
a kopei ma ke keena o ka Luna Kakau Kope
Aupuni maloko o ka Buke 102, ma na aoao
498 me 499, ke manao nei ka Hawaiian Commercial
an d Sugar Co. e hooko aku i ka moraki
i oleloia no kekahi uhaki ana o na kumu
i hoakakaia ma ka moraki i oleloia, oia hoi
ka hookaa ole ia o ke kumupaa a me ka
ukupanee ke hiki i ka manawa.
Ke hoolaha pu ia aku nei no hoi e hoolilo
ia aku ana na aina, na pono a me na pomaikai
a pau i hoikeia a i hoakakaia ma ka moraki
i oleloia ma ke kuai kudala akea, ma ke
keena kudala o George Hons ma Wailuku,
Maui, ma ka POALIMA, la 31 o MEI, M. H.
1895, ma ka hora 12 o ke awakea o ka la i
oleloia.
Eia iho ka hoakakaia ana o ka waiwai ma
ua moraki la, penei:
1---O kela mau wahi a pau i hoakakaia
maloko o ka Palapala Sila Nui Helu 7654,
Kuleana 11257 no Waiolama, e loaa an he
ili o 71-100 o ka eka ma Waihee i olelo mua
ia, a i hooliloia ia D. Kapoi i oleloia ma kekahi
palapala hoolilo a Waiolima i oleloia, i
kopeia ma ka Buke 20, ma na aoao 263
me 264.
2---O kela mau wahi a pau loa i hoakakaia
ma ka Palapala Sina Nui Helu 1226 no Kihuluhulu
a me Kapoi i oleloia, e loaa ana he ili
o 29 87-100 eka ma Honuaula, Maui; a no
D. Kapoi i oleloia ia kuleana a pau loa ma
kona ano oia kekahi o na mea ma ka Palapala
Sila a mamuli hoi o kekahi palapala hoolilo
mai ia D. W. Kanuha, i kopeia ma ka Buke
78, ma na aoao 358 mc 359.
3---O kela mau wahi a pau loa i hoakakaia
maloko o ka Palapala Sila Nui Helu---
Kuleana 8960 no Napahoa, e loaa ana he ili
o 1 44-100 eka ma Waihee i olelo mua ia, a o
ia no hoi na wahi i hooliloia mai ia D. Kapoi
i oleloia ma ka palapala hoolilo a Moses Kealoha,
i kopeia ma ka Buke 46, ma na aoao
156 me 157.
4---O kela mau wahi a pau loa i hoakakaia
ma ka Palapala Sila Nui Helu---Kuleana
3925 no Nika I, e loaa ana he ili o 9 32-100
eka ma Kaanapali, Maui.
5---O ka pono, kuleana a pomaikai a pau
loa o Kahaulelio i oleloia iloko o kela mau
wahi e waiho la ma Waihee i olelo mua ia, a
i akaka i ka heaia o kahi o Haaheo, a i hooliloia
ia Polly Kalua ma ka palapala hoolilo a
W. Kahinu, i kopeia ma ka Buke 84, ma na
aoao 262 me 263, a o ia no hoi ka i hooliloia
mai ia Kahaulelio i oleloia ma ka palapala
hoolilo a Polly Kalua me Jno W Kalua, kana
kane mare, i hanaia i Ianuari 14, 1887, a i
kopeia ma ka Buke---, aoao---.
HAWAIIN COMMERCIAL AND SUGAR
COMPANY.
Kuike na Kumu. Ma ka aoao o ka mea
kuai ka lilo no na palapala.
No na mea hou aku i koe, e ninau ia
JOHN RICHARDSON,
Loio no Hawaiian Commercial and Sugar
Company., a i ole, ia
GEORGE HONS,
Luna Kudala.
Wailuku, Maui, Mei 4, 1895.
[mei 6---4 pl.]