Ka Makaainana, Volume III, Number 13, 3 June 1895 — Page 3

HONOLULU, OAHU, POAKAHI, IUNE 3, 1895. 3

 

NA AINA MAMAO.

 

Na Lono Huikau mai na Wahi Like Ole mai o ke Ao nei.

 

Kanawai Ole na Hana ma Foamesa.

 

                No Honakona ka lono aia ke laulaha loa la na hana kanawai ole ma ka akau o ka mokupuni o Foamosa, a he ala mau ae hoi na hoohaunaele ana i kela a me keia la, me ka lehulehu o na poe i make a i eha. Ua kukala ae o Generala Ku Huna Kuke, he alii Hata, iaia iho i Moi no ka mahele akau o ia mokupuni, a na huli aku mahope ona he mau tausani lehulehu o na koa i lako pono a ke pii mau la ka mahuahua o kona poe i kela a me keia la. Lehulehu o kona poo i hopu pio ia e na mana Pake a pau na poo i ke okiia, a me he la nae hoi aia no ke laha loa aku la keia ala kipi Ke makemake la o Kina o ka ike ae o na inana kuwaho i kekahi aupuui repubalika no Foamosa.

Ala ke Kipi Kue ma Honodurasa.

                Ua lonoia ae ma Nu Ioka, Mei 17, ua ala ae he kipi kue ma Honodurasa. Mamuli o keia na hoouna awiwi aku ke Aupuni o Sana Salavadoa i na koa ma ka palena mawaena o na repubalika elua, e mea hoi e pale aku ai i ke komo kue ia mai o ka aina o kahi a e malama loa ia aku ana hoi ke ano ku loa mai i ka wa. No Houodurasa mai no nae hoi ka lono ua ki pu ia he 14 poe i hopu pio ia ae e ke Aupuni. A o kekahi lono ae hoi ua pepehiia iho he eha mau aliikoa a make loa e na koa malalo aku o lakou.

 

Poholalo no Kahi e Hoopoino i Kahi.

                He mau lono pili oihana hapa ka i loaa ae ma Panama, Colomobia, e hoike ana ua hana malu aku o Costa Rica e holako aku i na lako kaua a me kekahi hoohui ana me na kipi, a mamuli o ia na Coseta Rica e hoolako aku i na lako kaua a me kekahi mau kokua koikoi e ae. E kala no i paonioni ai o Coseta Rica me ke Aupuni o Colomobia no kekahi palena aina e hoopaapaa ia nei mawaena o laua. paha e holopono ana ke kipi a loaa ka lanakila, me he la e loaa aku ana no paha kekahi pomaikai kai ia Coseta Rica no kana kokua i haawi aku ai i na kini, o i akela palena aina i hoopaapaaia. Ua hoomaopopo o Colomobia i kona popilikia mamuli o keia hoohui ana, a ua lawelawe ae oia i na keehina e pale aku ai.

Kaua huliamahi paha ma Farani.

                E hiki ole ana i ke Aupuni, wahi a ka lono i loaa ae ma Ladana, Mei 10, ke pale hoololoiahiki ae i ke ala kipi a kaua huliamahi e nee laula loa la a puni o Farani---he kipi huliamahi hoi na ka Ekalesia e kue ana i ke Aupuni. O ke kulana o na bihopa ka mea e hoolilo la i ko la lehulehu noonoo ana i mea ku i ka hopohopo loa ia a aia ka aina holookoa ke mahae pu la. Hookahi wale no bihopa i hooikaika aku e hooloheia ke kanawai a e noho aku hoi malalo me ka haahaa, aka, ua kinai koke ia mai oia e kona poo ae. Aka, o kahi mea hoopahaohao loa, oia no ko ka Pope huli maopopo loa. Ua ike lea loa ia ae hoi, ma ke ano malu loa nae, na kaua aku ka Pope i kona hoomaikai ana mai kekahi pee mai o manao ana o ka lakou hana ka i oi loa aku hoi o ka peno loa. Aia hoi na Makua o kekahi oihana kahunapule Katolika, he poe ona hoi no na nupepa ekalesia ano pili kalaiaina a e pai ana he mau miliona pepa, e kalahea la no kekahi hoouka kaua a ka hopena loa. Ua hauoli loa hoi na poe socialisa mamuli o keia mau kahoaka kaua me ka ekalesia.

Ohumuhumu Kipikipi ma Salavados.

                He mea maopopo loa aia he ohumu kipi ke moe lolii la e kue aku ia Peresidena Guitereze, i kokuaia e Hope Peresidena Alefaro a me ka hapanui o ka Ahaolelo, wahi a kekahi lono i loaa ae ma Nu Ioka, Mei 9. Ke hoouluhua a hoonaulu la ka Ahaolelo i ka Peresidena ma na ano a pau, ka hana hope loa oia no ka hoomoe ana i ka bila haawina e hiki ai ke ukuia na lilo mau. Lehulehu loa o na poo aliikoa alakai i waiho aku i ko lakou mau kulana. E ole e uku koke ia na koa o kekahi apana, pau ai ke ano pilikia i hopohopoia. Ua pau i ka hopuia o ke Aupuni he heluna nui o na palapala hoolaha a kuahana kipi.

 

Omamalu ke Ao Eleele ma Aferika.

                O keia ana paha ka hopena o kekahi mau hana paonioni a ake aihemu aina mawaena o Farani a me Enelani ma Uganada, Aferika Waena, a ua hele aku hoi a hala loa i Nile Luna. Ke nee la na Farani imua ma ia wahi e ohi hapuku ai, aka, aia no ka Liona ke noho la malaila me ka eleu a me ka makaukau. O na Pelekane o noho la malaila, e kue mai ana lakou i ko na Farani nee aku, oiai, na hoomaopopoia o lakou na haku ia wahi nei wa, oiai no hoi ua makaukau loa lakou me na pu mikini a me na mea kaua ano hou loa, a ua ao nui hoi i na paele i ka lawelawe ana, he mea maopopo loa o poino ana na Farani ia lakou, eia nae, aohe i akaka loa na ai a lana malaila. Ua oleloia mai ka Nile Luna aku, o hala ana he malama okoa mamua ae o ka loaa ana aku o ka lohe i Farani a loaa aku hoi na kokuaia, a malia iloko o ia wa e pau loa aku ana paha lakou i ka hamuia, a i ole ia, lilo aku paha hoi na hoohana ana malaila i mea e puke ae ai o na loea kalaiaina ma na kukai palapala ana.

 

Alapohoia ka Aina Makika.

                Iwaena o na paonioni ana ma Nicaragua, ua hooholo ae ia Aupuni o alapoho ae i kela okana-aina kuokoa o na Ilikini a ua hoopauia aku ka heaia ana o ia inoa ma nei mua aku. Ma ka hooholo ana a ka Ahaolelo ua kapaia ka Aina Makika o ka Apana o Zelaia, mahope hoi o ka Peresidena a i mea hoohanohano nona. E ulu ao ana paha he paee mawaena o Nicaragua a me Colomobia no keia, oiai, ke olelo la ka hope nona kela okana-aina i kailiia e ka mua, a aole hoi i kueia ko na Ilikini Makika hooponopono kaokoa ana ia lakou iho ma ia wahi.

Haalele Enelani ia Corinito.

                Mamuli o ka ae ana o ke Aupuni o Nicaragua, ma o ka lawelawe ana a ke Kuhina o Salavadoa ma Ladana, i ka palapala koi a ke Aupuni o Beritania Nui i hooponopono hou ia, a nolaila, na pau ke paee mawaena o laua. Ua uweaoleloia ae hoi ia Adimerala Kiwinikona e haalele iho oia ia la, Mei 5, oiai, na ae o Nicaragua e uku aku i kela $77,500 i koiia e Beretania Nui no ke kipakuia ana o kokua Kanikela Haki a no kekahi mau hoopoino o ae i na poe Pelekane ma ka Aina Makika, a ma kahi hoi o kona aku ae ma ka waha o ka pukuniahi, e like me ka mea i manao mua ia, e uku no o Nicaragua ma Ladana iloko o 15 la mai ka haalele ana aku o na mokukaua Pelekane ia Corinito. He 400 ka heluna o na luina a me na malina Pelekane i hooleleia iuka o hoomalu ai, ua unuhiia lakou a pau i ka la ma mua iho a koe he 58 koa malina me na alii wale no e hoomalu ai i ka hale dute. Pioloke akahele na mokukaua i kakahiaka o Mei 5, a e aloalo mau ana na waapa i uka a i kai, e hoike ana he mea ano e kekahi. Mahope koke iho, ua hukiia iho na hae haipule o na moku, ua kauoha koke ia na koa malina, e kuku nui ana ma ke alo o ka hale dute, e hoi no ko lakou mau moku. Aole i loihi loa mahope iho ua hukiia iho ilalo ka hae Pelekane e welo ana maluna ae o ka hale Aupuni a aole i emo ma ia hope iho na kaawale aku na Pelekane mai na kahakai ao o Nicaragua. Ua haawi ae ka lehulehu ma kahakai, he mau haneri ka nui, i na hooho leo huro ana i ka wa i haliu aku ai na ihu o na waapa no waho o ke awa a no ko lakou mau moku liko ole hoi, a ia auwina la iho i holo nui aku ai na moku like ole hoi, a ia auwina la iho i holo nui aku ai na moku, i ka wa hoi i nui ae ai o ke kai.

Na Hunahuna Laulaha.

                Ke pii ae la ka oluolu a me ka maha o ke omaimai o Kuhina Nui Geresehama.
                Ma Ladana, Mei 4, i make ai o Lede Kimibale, wahine a ka Eala o Kimibale, Kuhina o ko na Aina E. Ois ke kaikamahine a Rikeke Hobata, ka Eala ekolu o Kalea, he inoa hoalii i nalo i nei wa.
                Ua kakauinoa ka Moi Humebato o Italia, Mei 7, i kekahi kauoha e hookuu ana i ka Ahaolelo a e kohoia na Elele i Mei 26. I nehinei e koho balota elua ai. Maka la 2 o Augate e noho ai ka Ahaolelo hou.
                Ua lonoia ae ma na whai pieniele dala o Berelina, Mei 9, ua kaawe ae ka Moi Milina i pau o Serevia, a i ole ia, ua pepehi maoli ia, eia ka auanei he lono palaueka wale no keia na kekahi poe ake piepiele a imi loaa.
                Mamuli o ka hooholo ana mai nei o ka Aha Kiekie o Amerika Huipuia no ka manawa elua, ua lilo kekahi mau hoakaka ana e ke kanawai o hookau ana i auhau kuloko maluna o na loaa i mea kue kumukanawai, a nolaila hoi, na lilo ia kanawai i mea ole. Eha lunakanawai i kue i ka manao o elima, ka hapanui.
                Ua lonoia ae ma Parisa, Mei 4, ua loaa he lanakila hiwahiwa i na pualikoa Farani ma Madegasaka, a ua lilo ae he kulana ano nui ma ka Muliwai Betesibalaka, me ka lilo pio ae o kekahi heluna koa paele, mau pu lehulehu a me na lako ai mahuahua. Nui loa ka poino o na poe Hova.
                Ua lonoia ae ma Ladana, Mei 7, mai Belegarade ae e komo aku ana o Serevia iloko o ka banekarupe. Ua olelo aia ka lahui ma ka aoao hoole maopopo loa i na koi dala a pau. Aia hoi ke Aupuni ko uhaai loa la i ka dala. I ke ahiahi mamua, iho i hooholo ai ka Ahaolelo i haawina uku makahiki mau o £ 15,000 no ka Moi Milana i pau. Ke haawiia la ua aha hulahula aloalii ua ahaaina a me na ano lealea o na ano a pau ma kekahi kulana ano hoohiwahiwa a hookelakela loa, he mea hoi i ike ole loa ia i na makahiki i hala ae mamua. Aia ke kulanakauhale ke hoonani loa ia la no ka hookipa hoohiwahiwa ana i ka Moiwahine Natalie i pau.

 

                Ua hookuuia mai o G.H. Pahia kekahi o na pio kalaiaina e paa nei ma Kawa, o helene ike i ke kino make o Kini Paka, i ka La Pule i hale, Mei 26, me ke kiaiia no, mai kakahiaka mai a pau ka hoolewa ana i ka auwina la.