Ka Makaainana, Volume III, Number 13, 3 June 1895 — Page 8

8 HONOLULU, OAHU, POAKAHI, IUNE 3, 1895.

KELA A ME KEIA.

                He 3 3/5 keneta ke kumukuai o ke kopaa i keia wa.
                Aole i aoao ae ka Aha Kiekie i ka Poaha nei, ka la hoomanao o na poe i make.
                Aia ke waiho la me ka nawaliwali ke Kahukula Nui ma ka halemai o Wailuku.
                E puhi aku ana ka bana Aupuni ma keia mua iho ma ke alo iho o ka Haleleta.
                I ka Poalima iho e hoike ai ke Kula Kahunapule maloko no o ka hale kula, hora 9 A.M.
                I keia Poaono iho, la 8, ka hoike hui o na Kula Sabati o Oahu nei ma Kaumakapili.
                E haalele mai ana ka Auseteralia i ka hora 4 o keia ahiahi a pelu hou aku no ka Ipuka Gula.
                Ma ka la 5 iho e noho ai ke kau kiure kaapuni o ka Apana Hookolokolo Elua ma Wailuku.
                I keia la e noho ai ka Ahahui Euanelio o ka Paeaina a me ka Ahahui Kula Sabati ma Kaumakapili.
                Aia no o VV Akepoka ke waiho la me ka ma'i maluna o kona wahi moe i ka wa a ka Auseteralia i haalele aku ai.
                I keia po Poakolu iho, hora 7:30, maloko o Kaukeano e poniia ai o Rev. D.P. Birnie (Bane) i kahu no ia luakini.
                I ka Poaono nei i pau ai ke kau kiure o Mei, a i keia la e noho ai ke kau kuikawa no ka hoopau pono loa an i na hihia.
                Aole i hoi mai ka Moiwahine Kanemake Kapiolani ma ka Malulani o ka Poalua i hala, a malia o hoi mai i keia Poalima iho, la 7.
                Aumoe o ka Poaha iho la i ku mai ai ka Monowai mai na Panalaau Hema mai, a i ka wanaao Poalima nei i kakae loa aku ai no Kapalakiko.
                Ia Rev. W.N. Lono ana ka haiolelo makahiki kuwaho a ka Ahahui Euanelio i keia po Sabati ae, la 9, maloko o ka luakini o Kaumakapili.
                O na pio kalaiaina i kipakuia ae, oia o Kimo Balaunu, Nika Pitasona a me Keoni Radinaq, ua huli hoi mai ma ka Auseteralia o ka Poakahi i hala.
                Ua loheia me ua waiho aku o Misita A.V. Gia, kaikoeke o A.P. Pitasona i make, i kona kulana malama buke no ka halekuai o J.T. Walakahauki.
                I kekahi Pake paahao e hana ana ma kekahi o na wahi eli pohaku i kakahiaka Poalima nei, ua haule iho he pohaku a pa oia a eha loa kekahi wawae ona.

No na poe e makemake ana i na kii pena hoonuiia mai na kii hooleleaka, ina ma ka waihooluu a inika paha, e pono e ninau mua ia O.K. STILLMAN (Oliva Kilimana), oiai, he agena oia ma ia hana. E ninau ma keia keena nona.
mei 20-mp

Maloko nei o ke awa i ka Poakahi i hale, ua lou ae i ka mea eli awa he poo iwi kanaka. Ua loaa aku keia poo he 20 kapuai ka mamao mai ke poo iwi kanaka i loaa ai ka i ka pule mamua aku. I ka Poaha iho e ku mai ai ka Mariposa mai Kapalakiko mai, a ua lonoia mai nei e huli hoi mai ana paha maluna ona o S.K. Kamakaia, kekahi o na keiki o ka puali puhiohe Lahui i holo aku nei a alakai nui hoi o ka Puali o ka Aloha.
Ma ka la 11 ae i manaoia ai e haalele aku ana ka moku kaua Amerika Olimepia ia Mea Ailana no ka holo mai ianei ma kahi o ka Piladelepia. Ua loaa aku i kekehai Pukiki mauka o Kamoiliili i ka Poalua iho la he pu raifela me na poka no, a na kekahi o na makai kaulio i hoihoi ae ma ka luna o ka Ilamuku.

Poaono, Mei 25, i haawi aha aina ae ai na Kepani paahana ma ke kahua o ka Oua Miliona, ma Wailuku, no ka hauoli ana no ke kuikahi maluhia o ke kana mawaena o Kina a me Iapana. Ua hoomaopopoia e ae ana keia Aupuni e uku i ka Keonikona koi poho, kela haole Pelekane i kipakuia ai i kinohi loa o ko kakou onene kaua me elua mau haole e ae, pela ka lonoia mai o mai nei. E hoike ana ke kula hanai kaikamahine o Kawaiahao i ka hora 9 o ke kakahiaka Poakolu iho maloko o ka halekula. A i ka po Poaha, hora 7:30, ma ka luakini o Kaumakapili na hana hoikeike a lakou. Ua loaa mai nei i ka hale hoahu mea kahua o ke Kula Kamehameha, he 11 pahu o na mea kahiko o kakou nei mai ka waihona mai o ka Papa Amerika o na Misiona Kuwaho ma Bosetona.

Hora 6:30 paha o kakahiaka Poakahi i hala i hanau mai ai o Misasa Teresa Owana Kakalaika he kaikamahine. Ua hookuuia ae o R.W. Wilikoki, me ke kiaiia no, e ike iaia ia la, a ua molehulehu no hoi i hoi ae ai no Kawa.

Eia kekahi mau hoa'loha ke hooikaika nei e kohoia o JM Vivasa i Hope Ilamuku ma kahi o Balaunu, ke pii ae oia ma kekahi kulana hou ae. No ka nele loa paha i na poe kupono, a o keia Pukiki iho la ka mea e koho aku ai. E ahu ana!

Mahope iho o ka hora 8 o ke kakahiaka Poaono nei i ku mai ai ka mokumahu Kulanakauhale o Pekina mai ka Ipuka Gula mai. Ua kakae loa aku no oia no ka kai o Kina me Iapana i ka hora 6 no o ia ahoaho me na ohua Pake me Kepani mai keia awa aku.

Poalima nei i hanaia ai ka palapala hoolilo no ko CRB Bihopa kuleana a pau iloko o ka banako maanei ia Samuela Samona; a i ka Poaono nei oia i noho haku kaokoa ae ai nona iho. He $4,000 ka lilo no na hoailona pai maluna o ia palapala hoolilo.

No hookahi hora me ka hapa ka noho ana o ka Aha Apana e hoolohe i ka hihia hoeha o Kimo Kukoma i ka Poakahi i hala, ua puka mai la ka olelo hooholo a ka Aha e hoopai ana iaia he $5 me na koina. Ua hoohalahala ka mea hoopiiia i ka Aha maluna ae.

                Ma ka hoopii oki mare a Kale Aki kue ia Isabela Aki, ua waiho ae o Lunakanawai Kaapuni Waitina i kana olelo hooholo i ka Poaono nei e ae ana i ke noi me ka hoopii a ka wahine no ka moekolohe o ke kane, me ka hoomauia aku o ka uku ola ma ka $10 o ka pule.
                Ma ka halawai ana o ka Papa Ola i ka pule i hala i ikeia iho ae, eia ko Wailuku poe ke hoopii mai nei e kipakuia ko lakou kauka Aupuni no ka ae ole e hele i kahi o na poe ilihune e lapaau ai. E noii pono ia aku ana keia kumu hoopii e ka Peresidena ke holo aku oia i Wailuku i ka la apopo.
                Hiwahiwa no na nana hoomanao no na poe make o Amerika, a pela no hoi me ke kai huakai o ka auwina la Poaha iho la. mai na koa Aupuni a me ko ka Piladelepia poe, ka ahahui Repubalika a me na makai, malalo o ke alakai ana a ka bana Aupuni. Nani na hoohiwahiwa pua o na he kupapau ma na ilina a pau ia la.
                Ua ku mai i ka Poakolu iho la, Mei 29, ka Miowera mai Vanekouwa mai, ke awa ana i haalele aku ai ma ka la 21. Ua haule oia he ekolu la mahope o kona manawa mau, mamuli o ka poino ana o kekahi mea paahana o kona enegini ma kana huakai aku nei mai nei aku no Vanekouwa. I ka Poaha ae i holo loa aku ai no na Panalaau Hema.

Na Mea Kanu no ke Kuai.

Aia ma kahi noho o Kimo Poe, ma kealanui e holo la iwaho o Waikiki, ma Pawaa, e loaa ai kekahi mau mea kanu kupono no ka hoonanai ana i na pa halenoho no ke kumukani oluolu loa. Aohe e hewa ke kipa aku e ike pono a e kukakuka pu.
iune 3

Aina no ke Kuai.

Elua Eka Aina maikai ma Kapaakea, ma ka hoomaka ana aku e pii i ka puu o Kamoiliili, ma ka aoao mauka. He wahi kahua hale maikai loa keia.
No na mea a pau e pili ana, e ninau i ko makou Puuku, ma keia keena.
mei 27-mh

Hoolaha Hooko Moraki a me ke Kuai.

                Ke hoolahaia aku nei ma keia mamuli o kekahi mana kuai i hoikeia maloko o kekahi moraki i hanaia i ka la 21 o IANUARI M.H. 1887, e D. KAPOI; KAHAULELIO (w) a me L.W.P. KANEALII, kana kane mare, no Waihee lakou a pau, Apana o Wailuku, Mokupuni o Maui, i ka Hawaiian Commercial and Sugar Co., he hui i hoohuiia, a kopeia ma ke keena o ka Luna Kakau Kope Aupuni maloko o ka Buke 102, ma na aoao 498 me 499, ke manao nei ka Hawaiian Commercial and Sugar Co. e hooko aku i ka moraki i oleloia no kekahi uhaki ana o na kumu i hoakakaia ma ka noraki i oleloia, oia hoi: ka hookaa ole ia o ke kumupaa a me ka ukupanee ke hiki i ka manawa.
                Ke hoolahaia aku nei no hoi ma keia e hoolilo ia aku ana na aina, na pono a me na pomaikai a pau i hoikeia a i hoakakaia ma ka moraki i oleloia ma ke kuai kudala akea, ma ke keena kudala o George Hons ma Wailuku, Maui, ma ka POALIMA, la 31 o MEI, M.H. 1895, ma ka hora 12 o ke awakea o ka la i oleloia.---
                Eia iho ka hoakakaia ana o ka waiwai ma na moraki la, penei:
                I--O kela mau wahi a pau loa i hoakakaia maloko o ka Palapala Sila Nui Helu 7654, Kuleana 11257 no Waiolama, e loaa ana he ili o 71-100 o ka eka ma Waihee i olelo mua ia, a i hooliloia ia D.Kapoi i oleloia ma kekahi palapala hoolilo a Waiolama i oleloia, i kopeia ma Kapoi i oleloia, i kopeia ma ka Buke 20 ma na aoao 263 me 264.
                2--O kela mau wahi a pau loa i hoakakaia maloko o ka Palapala Sila Nui Helu 1226 no Kihuluhulu a me Kapoi i oleloia, e loaa ana he ili o 29 87-100 eka ma Honuaula, Maui; a no D. Kapoi i oleloia ia kuleana a pau loa ma kona ano oia kekahi o na mea ma ka Palapala Sila a mamuli hoi o kekahi palapala hoolilo mai ia SDW Kanuha, i kopeia ma ka Buke 78, ma na aoao 358 me 359.
                3--O kela mau wahi a pau loa i hoakakaia maloko o ka Palapala Sila Nui Helu--Kuleana 3960 no Napahoa, e loaa ana he ili o I 44-100 eka ma Waihee i olelo mua ia, a o ia no hoi na wahi i hooholoia mai ia D.Kapoi i oleloia ma ka palapala hoolilo a Moses Kealoha, i kopeia ma ka Buke 46, ma na aoao 156 me 157.
                4--O kela mau wahi a pau loa i hoakakaia maloko o ka Palapala Sila Nui Helu--Kuleana 3925 no Nika I, e loaa ana he ili o 9 32-100 eka ma Kaanapali, Maui.
                5--O ka pono, kuleana a pomaikai a pau loa o Kahaulelio i oleloia iloko o kela mau wahi e waiho la ma Waihee i olelo mua ia, a i akaka i heaia o kahi o Haaheo, a i hooliloia ia Polly Kalua ma ka palapala hoolilo a W. Kahinu, i kopeia ma ka Buke 84, ma na aoao 262 me 263, a o ia no hoi ka i hooliloia mai ia Kahaulelio i oleloia ma ka palapala hoolilo a Polly Kalua me Jno Kalua, kana kane mare, i hanaia i Ianuari 14, 1887, a i kopeia ma ka Buke--, aoao--.
HAWAIIAN COMMERCIAL AND SUGAR COMPANY.
                Kuike na Kumu. Ma ka aoao o ka mea kuai ka lilo no na palapala.
                No na mea hou aku i koe, e ninau ia
JOHN RICHARDSON,
Wailuku, Maui,
Loio no Hawaiian Commercial Sugar Company, a i ol, ia
GEORGE HONS,
Luna Kudala.
Wailuku, Maui, Mei 4, 1895.
[mei 6--4pl.]

                Na Sana Lui ke eo o ka paani kinipopo me Koleaka i ka Poaono nei, he 5 puni a ka inoa mua kue ia 3 puni a ka inoa mua kue ia 3 puni a ka inoa hope.
                Ma ka halawai ana o na kanaka Hawaii i ka po Poakahi i hala, ma ka halepaikau ma Haimoeipo, no ke kukulu ana i pualikoa no lakou, ua hiki aku ka nui o na poe kupono i koa i ke 64, a ua kohoia na alii penei: Hanale Kaia i kapena, Keoni M. Mea i lutanela ekahi, a o Kale Wilikoki i lutanela ekahi, a o Kale Wilikoki i lutanela elua. I keia po e hoomaamaa ai lakou ma ka halepaikau.
                Ma ke kakahiaka o ka la 28 o Mei iho nei, ua make iho la o Edewada ff, Ward mahope o ko kaa ma'i loihi ena. O Lanakasia, Enelani, kona one hanau, a ua noho loihi ma Hawaii eni no 13 paha makahiki. Ua haalele iho oia he wahine, na keikikane elua a me ke kaikamahine. Oia kekahi hoa o ka papa loio o Honolulu nei. Hora 10 o ka Poakolu nei i maneleia aku ai kona kino mai kona wahi noho ma alanui Nuuanu no ka ilina o Maemae, malalo o ua lawelawe ana a na Keiki o Sana Keoki a me ka haipule ana a ka Rev. A. Makinikoki.

Hoolaha Hooko Moraki a me ke Kuai.