Ka Makaainana, Volume III, Number 14, 10 June 1895 — Page 2

2 HONOLULU, OAHU, POAKAHI, IUNE 10, 1895.

 

LAUOMI DIHAE
---KA---
UI I MOHAIIA I KE KOKO
---KA---
NANI I ALANA IA I KA OI O KA PAHIKAUA.

 

Ka Mea Huna Iloko o ke Kiaha Waina:
Ka Mea Pohihihi i ka Maka o ke Kuikele.
---A O KE---
KEIKI NUMAREDINA
KE
Komo Lima Maka Popoki.

 

MOKUNA XVII.

 

                Ke alahele no ke Kihapai-pua o Numere---Ke aloha welawela, aole i nalohia aku---Owai ke kupua, o oe?---Hehihehi kulana i ka nani o ke Ao Olino---Huhuhui na opua i Awalau.
                Me keia mau olelo i huli ae ai ua mau ilio la a haalele aku la i ka hale a lana e makaikai ana,a me ka mama nui i holo aku ai laua no ka imi ana i ke alahele e loaa aku ai ko laua haku a a hoopakele ae hoi iaia. Iloko o ka manawa pokole wale no, loaa aku la ia laua ko laua haku me kona mau kaikuahine e moe ana no iloko o ko lakou mau pahu o ka hueloawa, a ma ka aoao o ko Numaredine pahu e ku ana he kahuna Moneka me ka pahikaua lima a paa ana oia he buke ko rona a e namunamu ana kona mau lehelehe.
                Ku iho la ua mau ilio la ma ka nana malie ana maluna o ke kahuna hana pahaohao, a o na kiai hoi aia lakou ke ku la me ka oni ole, no ka mea, ua piha lakou me ka ilihia a me ka makau pu no hoi no keia mau mea a lakou e ike nei. A no ka manawe pokole wale no nae kela a lakou e ku nei, aia hoi, ala ae la o Numaredina mai kona pahu ae a pela pu no hoi me kona mau kaikuahine, a ia wa no i eleu aku ai kani kahuna Moheka a haawi aku la i ka pahikaua ia Numaredina. A o ia ka ua keikialii la i hopu mai ai me na minoaka aka ana, a hookomo iho la iloko o kona wa-hi.
                Aole he mea hoohahi iwaena o na kiai i kue mai ia lakou nei iloko o ia manawa, oiai, o na hiona nani o Numaredina wale no ka mea nana i kaua aku i ko lakou mau lima mai ka hookau ana i ka hoopai maluna o lakou. Ua piha na kiai i ke eehia nona.
                O ka luna nui hoi o lakou, ke kiai maka ike nui wale o ka Po, aia ke hookinakina mai la ia lakou e hele imua no ka hanohano o ka aina o ko lakou haku wahike, aka, aole loa i hooloheia aku ia leo kauoha. He mea ole ia kauoha i ua poe kiai hohe wale la o ka manao uahoa, a o ka mea wale no i ikeia ia manawa aia lakou ke kamoe la ke alahele no loko o ke apo o ke kauoha, kahi o lakou a pau e lohe ai i ka leo weliweli o ko lakou alii. Ina no ke kipakuia mai luna aku o ka aina alohilohi a lakou i luhi ai, alaila, ua pau ko lakou ike ana i ka nani o ke kihapaipua o Numere.
                Hala aku la hoi lakou me ka nui manu o na kiai, no loko o ke apo o ke kauoha, a o kekahi poe e holo ana iwaena o na mala laiki, na kuapa loi, e luu papai ana hoi kahi poe no ka manawa hope loa o ko lakou ike ana i
ka aina o lakou. Ia manawa no koke no i hoeu koke aku ai ke kahuna moneka a kaua e ike ae la e ka mea heluhelu ia Numaredina a me kana mau ilio dukahele e ku la ma kona mau aoao, e hele awiwi no ke Kihapaipua o Numere, kahi a ka Mea Pohihihi i ka Maka o ke Kuikele e noho la.
                Aole i hoopau manawa wale iho no o Numaredina, aka, eu koke aku la ia me ka eleu nui a kamoe aku la imua, me ka ukaliia e kona poe kaikuahine. O na mea i hanaia maluna o lakou, aole loa e hiki ia lakou ke hoomaopopo ae i ka nui o ia mau ehaehaa. A ia lakou nae i hookokoke aku ai i ua malapua la, aneane e hapalua mile ka mamao mai kahi o ke apo o ke kauoha, kahi e ku ana o ka nohoalii o Habakudera, pa-e mai la he leo weliweli mai loko mai o ua malapua la, me keia mau huaolelo moakaka e hiki ole ai i ka mea pepeiao kuli ke hoole ae,---"Owai ke kupua o oe, e hele mai nei i ka aina o ko makou haku?"
                "Numaredina, aole he kupua, aka, he kamahele makaikai maluna o ha honua a me ka lewa."
                "E hele e na aeto, e ala ae hoi e na liona, e pepehi i na enemi o ko kakou haku, a mai hoonakele hoi i kela wahine malalo o ka aahu hoopunipuni. O Dimerata no ia malalo o ka inoa kapaka---ka 'Wahine Holo Waapa o ka Muliwai Muzine.' E pepehi iaia a make," wahi a ka Pueo o ka Waoakua.
                Aole loa e hiki i na kiai ke hooko koke i ke kauoha iloko o ia manawa o ka makau e noho pu la me lakou. Mea ole ia.
(Aole i pau.)

 

                E lawe i KA MAKAAINANA i ike i na mea hou.

 

NA AINA MAMAO.
Na Lono Huikai mai na Wahi Like Ole mai o ke Ao nei.

 

Hoeu Hoohaunaele ma Nicaragua.

                O ke aia kipi i upu wale ia e hoea ae ana ma Nicaragua, ua hoopaneeia aku la ka a loko ae o Iulai, oiai no nae hoi o Garanada aia no ke mau la ke oehuehu ana. Ua meha pu loa na mea a pau ma ka Aina Makika. E lawe aku ana o Generala Duate i ke Aupuni me ka pilikia ole. Ua makaukau na mea a pau ma Geretaona no ka hookipa aku i na Komisina Amerika me ka hoomaopopo ana i ke alawai oki. E haawiia ana i pualikia ukali no lakou mai kahi pea a kahi pea aku o ka aina holookoa.

Lilo o Foamosa i Aupuni Repunalike.

                Ua kukala ae o Foamosa i kona kuokou iho, pela ka lono i loaa i ka Ahailono ma Nu Ioka, Mei 24, ma ka uweaolelo mai Taipe, Foamosa. E hakaka aku ana ka lahui i na Kepani a aole hoi e ae e hoolohe aku i na kauoha mai ke Aupuni Imiperiala o Kina. He repubalika ke ano o kona aupuni i ku ae la, a he moo melemele maluna o ke kahua polu ke ano o kona hae. Ua hooliloia ke Kiaaina, Kana Tini Suna, i Peresidena, a ua hoikeia aku pela i na luna o na aupuni e.

Ala Kipikipi ma Ecuadoa.

                Na kekahi kiapa Beritania i hoea ae ma na Paemoku Bahama i Mei 10, wahi a ka hoikeia ana aku malaila, i lawe aku he 150 koa o ke Aupuni o Ecuadoa mai Manata aku, i laweia aku hoi e ka mokukaua Cotopaxi, he 200 ka nui, a Punetasia, mawaho ae o Esemerala i ka la 3 aku. Ma ka hoao ana aku e pae iuka, ua ki hoomau ia mai la e ko kula poe a hiki wale i ke kuemi hope ana me ka poino nui. I ka ike ana iho o ke kapena o ke Cotopaxi i ka waiwai ole o na pukuniahi o kona moku, no ka mamao loa mai Punetasia, ua holo aku a kekahi wahi kokoke loa i Esemerala a hoomaka aku la e kiola poka pahu i ke taona me ka hopena awahua. Ua hooweliweli aku oia e hoomauia aku ke ki poka pahu ana ke haalele ole iho na kipi ia wahi iloko o 24 hora. E ole e hoea koke aku he mokukaua Amerika, a holo kona kapena iuka me ka hae o ka maluhia, a mamuli hoi o kana mau ao a hooikaika naauao ana, ua haalelel aku ua kipi ia Esemerala a nohoalii ka mana o ke kapena ma ia wahi. Aia na kipi ke hoohalua la ma na wahi kokoke, a ke palahalaha loa aku loa hoi ke kipi ma o a maanei o ia aina. Ke paa la ke alakai kipi, Generala Bowene, ia Babahoio, ma ka muliwai Gaiasa he 70 mile mai ia Gaiakuila aku, me kekehai pualikoa o 1200 kanaka.

Loaa ka Malu ia Kili me Bolivia.

                Ua lonoia ae ma Bueno, Ea, Agenetine, Mei 10, ua hooholoia he huikahi maluhia a hoa'loha mawaena o Kili a me Bolivia, a ma ia hoi ua haawi aku ka mua no ka hope i kekahi lihi aina nuku a me kekahi mahele o ka Pakipika mawaena e Ikiiki a me Pisagua. O ka mea hoi i loaa ae ia Kili no keia haawi aina ana aku, oia no ka loaa aku o na pomaikai kalepa oi ae. Nolaila, mamuli o keia kuikahi, akahi no a loaa ia Boliva he lihi aina ma ke kai a he pono nui hoi nei i loaa aku la iaia mahope o kona paniia ana iloko no umi makahiki. I ka wa i pau ai o ke kaua o Kili kue ia Peru me Bolivia, iloko o 1894 ua laweia aku e Kili ko Bolivia, aina kahakai a pau loa, a nele iho la hoi oia me ka pono kalepa ma ka Pakipika a me ka hiki ole ke malama i aumokukaua. Ano, akahi no a loaa hou nui la kona wahi i holo mua, a e hoomau aku ana paha hoi oia i ke kalepa ana ma ke kai ma kahi o ka a'e aku maluna o ka lepo o Kili, a me ka hiki pu hoi iaia ke hapai hou ae i aumokukaua. He pomaikai nui keia i loaa hou ae la ia Bolivia.

Mahaloia o Iapana e na Mana Nui.

                O kekahi o na kumu a na Aupuni Europa i kue ai ia Iapana, oia no kona noho maoli ae ma ka Puali o Liao Tuna, a ma ka Iapana pane, ua ae aku oia i kela kue, oia hoi, aole oia e noho aku malaila a hiki i ka wa e pau ai o ke koi poho dala i ka ukuia. Ua lilo keia pane ana i mea nona e mahalo a o pai palena ole ia ao e ka papapai o Europa, a he haule pio maopopo loa hoi kela no ko Rusia manao lelepi a ua hoka loa oia ma ka olelo ana. A mamuli hoi o keia pane naauao ana aku a Iapana, ua paleia ae la no ka manawa kekahi hoouka kaua weliweli loa ma Asia, me ke akaka ole nawai ana la ka lanakila, me ka hookupilikii ole ia hoi o ke ao nei. A mamuli hoi o ko Iapana haalele aku i ka lawe ae ia Liao Tuna, e loaa aku ana iaia he uku poho pakui o £1,000,000. Eia nae hoi, iloko o keia mau hana ae la a pau mawaena o keia poe mana kaua, ua ikeia a ua hoomaopopoia he ake maoli no ko Rusia e loaa ona awa kumoku nona ma ka Pakipika nei, a ua ake no hoi e kaihi ae i ka hanohano o ka lanakila i loaa ia Iapana.

Pepehiia na Alakai o na Tona Haka.

                Ua loaa ae i Vanekouva, Mei 22, na lono Korea hope loa,