Ka Makaainana, Volume III, Number 14, 10 June 1895 — Page 3
HONOLULU, OAHU, POAKAHI, IUNE 10, 1895. 3
penei. Ua ikeia o ka moopuna punahele loa a ke Tai Wono Kuai, i hopu koke ia mai nei no ka pepehikanaka a me ke kipi, aole oia he mea me kekahi koko alii e like me ka mea i manaoioia nona. Aia oia iloko o kekahi keena uuku kahi i hoopaaia ai, a he wahi moena ekaeka wale no kona wahi mea e moe iho ai. O na poe alakai elima o na Tona Haka, ua pau nui mai nei i ka hoopaiia e make a ua hookoia. He poe aa lakou a pau a i kuhau nui ole iho hoi i ka make, he mea hoi i oi aku mamua ae o ke ano o na poe Korea. Ua olelo aku kekahi o na Lunakanawai ina no paha e oi loa ae ko lakou wiwoole, ua minamina lakou i ko lakou mau ola, o ka wa no ia o ke poe ae o na poe elima i pane aku ai aole loa oia i minamina iki i kona ola, aka, ua minamina loa oia i kona kapaia aku ma ke ano he kipi, a he mea nini loa hoi ia no lakou. Ua hooikaika aku ke Kanikela Kepani ma Seoula e hoopakeleia ae ko lakou ola, aka, ua naue ole ae na Lunakanawai Korea, a ma ke kakahiaka o Aperila 24 i pau nui ai ko lakou mau poo i ka pokeia.
Maalea ka Bea Keokeo e Hao Aina.
No Ladana mai ka lono i loaa ae ma Nu Ioka, Mei 26, e hoike ana ua hikinaiia iwaena o na anaina pili oihana ua hoonee ae o Rusia i kona mau pualikoa a ua hala aku ma ka palena o Siberia, no lakou paha ka nui o 20,000 i lonoia mai Sanahae, a ua hele nui aku a aia i ka okana o Kirini, ma Manakuria Hema, kokoke i ka palena o Korea. Aole no i lilo keia lono i mea haohaoia ma Ladana, kahi hoi o na poe i ike maopopo i hiki ole ke hilinai ua loaa he hooponopono lawa pono loa ana no kekahi mea ma kela kuikahi maluhia o Simonoseki, e like hoi me ia i hooponopono hou ia ai e na mana i akeakea aku.
No Berelina mai hoi ka lono i i Ladana ua hookaawale o Geremania iaiai iho mai ia Rusia ma ka hikina. Ua hikinaiia hoi he mau hana pahele wale no kela na Rusia, a o kona manao maoli no ka hao a lawe akoa ae ia Manakuria a me Korea pu.
Na Lonolono Kaua o ke Komohana.
O ke keiki a Li Hana Kana, oia o Li Tiene Fana, ua hoohanohano hanoia mai oia ma ka hookohu ia ana mai i komite nana e haawi aku i ka Mokupuni o Foamosa ia Iapana. Ua manaoia no hoi oia aku ana no ke Kuhina hou o Kina ma Iapana. E ukali koke ia aku ana no paha hoi ka hooponopono ana o ka paluhia me ka hoomaka hou ia ae o na kukai palapala pili aupuni ana a me na launa ana no hoi kekahi.
Aia o Farani ke kukai la me Iapana no ka haalelelia aku o Foamosa a me na Paemoku Pesacadore ia Kina. Wahi a ka Farani hoopaakiki, ina e paa ana o Iapana i kela mau pae moku, e lilo no auanei hoi ia i mea e hoonawaliwali ai i ka ikaika o na papukaua a me na aumokukaua. O keia ae la ka mea i lonoia ma Parisa, Mei 7.
Ua haalele iho he 5,000 koa ia Canatona no Foamosa, no ke pale ana aku i ke ala kue ae i upuia o na Hae Eleele i ko na Kepani noho aku ma ia mokupuni i kulike hoi me na olelo o ke kuikahi maluhia mawaena o Kina a me Iapana. Lehulehu o na poe koa i hiki ole ke hilinaiia aku, a me he la a huli aku no paha me na poe Hae Eleele. Ua unuhi aku o Kina i kana koi no ka hooloihi aku i ka manawa o ke kaua e hoomoe ai, ua kukaiia ae hoi na apono ana i ke kuikahi o ka maluhia ma Sifu i ke aumoe o Mei 8, pela ka lonoia mai Iokohama o ka la 9 mai.
He lono ka i loaa ae ma Ladana, Mei 9, mai Sifu ae, e olelo ana ua hoole loa o Rusia i na manao poholalo aku ia Manakuria, a ua olelo paakiki ae ke lawelawe la oia ma ke ala o ka hoopakele ana no iaia iho. A mai Sana Peterobuga, ia la no, i hoikeia ae ai e hoopuipui ae ana o Rusia, Farani a me Geremania i ko lakou ikaika kaua moana ma na kai o Kina.
Ke haliu la ko Iapana mau maka ma na pomaikai pili kalepa ana me Kina. E hookoloia aku ana hoi na lanakila i loaa i ko Iapana poe pualikoa me kekahi o na hooikaika oolea loa aku ma ka aoao o na poe kalepa, o ka mea ia e nune nui ia la o ka mea ia e nune nui ia la ma Iapana.
La Hauoli Nui no na Poe Paahana.
He la hauoli nui ka la mua o Mei aku nei iwaena o na anaina paahana o Europa, a ua komo loa ae no hoi ma Amerika Huipuia. O na poe socialisa kekahi i komo iloko o ka hoohauoli ana o ka la. Ma Viena, Auseturia, ua kai huakai ae a ua elua hora ka loihi o ka manawa e kaalo ae ai i kekahi wahi, me ke kohoia ho 130,000 ka heluna nui i komo ma ia huakai o ke kaalo ana iho ma kahi kokoke i ka Hale Ahaolelo. Pau ia, hele nui mawaho aku o ke kulanakauhale e lealea ai. A ma Liege, Belegiuma, na ulu ae ho haunaele a ua hopuhopuia kekahi o na poe hoohaunaele. Hookahi o ia poo i kulai aku i kekahi makai, aka, na eleu koko ae ka makai a ku hou ana iluna o kona mau kapuai a oki aku i ka mea hoeha mai iaia a waiho ana ilalo.
Na Hunahuna Laulaha.
He omaimai ko Peresidena Kalivilana e waiho la ma na lono hope loa mai nei. Ke manao la ke Zarina e lilo ana oia i makuahine iloko ae o Sepatemaba, pela mai kahi lono o Sana Peterobuga, Rusia, o
Mei 1 aku nei.
Ma ke Kai Ula, Mei 19, i ili ai kekahi mokumahu Tureke me na poe Mahomeda o luna no Meca. He 700 ola o luna, a ua pau nui no i ka hoopakeleia.
He hookahi i make a he eha i eha, o ka poino ia o na Farani ma ka lawe pio ana aeia Marovove, Madegasaka, i na la makamua o Mei. Koikoi loa ka poino ma ka aoao o ua Hova.
Ke nema loa ia la ka haiolelo wehe Ahaolelo a ka Peresidena o Berazila o ka Poaono, Mei 4.
Me he la e kue aku ana kekahi mau luna o na aina e i kekahi mau mamalaolelo o ia haiolelo.
Ua make ma Ladana, Mei 9, ka mea Hanohano Sa Robata Pila, kekahi o na loaa kalaiaina o Enelani. Oia ka hiapo a kona luaui, i loke no kona inoa me ko ke keiki, i hanauia i Mei 4, 1822.
He palapala ka ka Pope i kakau ae i ke Poo Ekalesia Amenia ma Konakinopela e hoike ana i kona aloha no na poe Amenia ae kokua ana hoi i ke kupono e loaa ona mau hooponopono ana ina ia aina.
Auwina la o Mei 19 i ulu ae ai he hoohaunaele ana ma Anewepa, Beleguina, i ka hookui ana ae o na lala e kekahi mau ahahui Katolika me na ahahui Liberala, a ua komo pualu aku na makai e uwao. Lehulehu na poe i pau i ka hopuhopuia.
Ua waihoia aku imua o ke Aupuni o Berazila, i Mei 19, na koi poho a na poe Beritania, i ulu ae mamuli o kela ala kipi ana malaila, he huina nui okoa no ka . Ua heomanaia aku ke Kuhina i Agenetine e kukai ae no ona kuikahi panailike.
Mahope o ka hele ana i na aina e no eha makahiki, na hoi aku ka Moiwahine Natalie i pau i Belegarade, Serevia, i Mei 10. Ua hui kana keiki, Moi Alekanedero, me ia a me kekahi aluka piha hauoli nui loa o ka lehulehu. He maikai no ke ola o ka Moi Milana i pau, a ua noho aku oia i Nisa.
Mei 22 i pau ai ka hookolokoloia ana e ehiku poe anakisa ma Felorena, Italia, no ka pepehiia ana ai o kekahi lunahooponopono nupepa iloko o Iulai i hala, i ka wa like no i pepehiia ai o Peresidena Kano o Farani. Ua ikeia na kekahi mea o Romiti kona inoa i paipai i keia hana, a ua hoopaiia oia e noho paahao a pau ke ola. O kekahi iho, o Faranaki, he kokua wale no a loaa he 30 makahiki. Ua hookuuia na poe e ae.
Poaono, Mei 25, i ahewaia ai o Oseka Waila, ma kona hookolokolo hou ia ana, a hoopaiia no hookahi makahiki hoopaahao ma ka hana oolea iloko o ka halepaahao Holowe, ma ka mahele akau o Ladana. I na la mua elua o keia hookolokolo hou ia ana ona, ua omaimaiia oia. Ua noho ae imua o ka aha ka Makuisa o Kuinibere a me kana keiki, kekahi ia o na kanaka opio i hana apiki ia ai e keia ahiu. E hoohanaia aku ana oia ma ka mea wili hehi wawae, ina nae hoi oia e oluolu pono ana, no eono hora o ka la, me kona pii iluna o ua wili la a ke kiekie o 6,000 kapuai i kela a me keia 20 minute, a pau ia, he elima minute.
Hale Inu Waiona KALEPA.
[No SAMU NOLENA mamua.
Malaila e loaa ai ke SAKE maikai loa i paipai ole ia e like la me kona wahi e ae, he hapaha [25 keneta] no ka omole,
HE $1 NO KE GALANI HOOKAHI.
Pela no hoi me ka Barani maikai loa, he $1 no ka omole, aole i paipaiia, aka, e like no me ka loaa ana mai.
E loaa no na Waiona e ae a pau loa malaila me ka oluolu loa.
S I SHAW, Ona Waiwai
mei 20-5mw
Hoolaha Hooko Morakia me ke Kuai.
Ke hoolahaia aku nei ma keia mamuli o kekahi mana kuai i hoikeia maloko o kekahi moraki i hanaia i ka la 25 o IULAI, M.H. 1888, e D. KAPOI, o Waihee, Mokupuni o Maui, a me JM KAMAWAE o Honuaula, Maui i olelo mua ia, ia Hawaiian Commercial and Sugar Company, he hui i hoohuiia, a kopeia ma ke keena o ka Luna Kakau Kope Aupuni maloko o ka Buke 193, ma na aoaoa 141 me 142, ke manao nei ka Hawaiian Commercial and Sugar Companu., e hooko aku i ka moraki i ole oia ao kekahi uhaki ana o na kumu i hoakakaia ma ka moraki i oleloia, oia hoi: ka hookaa ole ia o ke kumupaa a me ka ukupanee ke hiki i ka manawa.
Ke hoolahaia aku nei no hoi ma keia e hoolilo ia aku ana na aina, na pono me na pomaikai a pau i hoikeia a i hoakakaia ma ka moraki i oleloia ma ke kuai kudala akea, ma ke keena kudala o George Hons ma Wailuku, Maui ma ka POALIMA, ka la 31, o MEI, m.H. 1895, ma ka hora 12 o ke awakea o ka la i oleloia.
Eia iho ka hoakakaia ana o ka waiwai ma ua moraki la, penei:
1--O kela mau wahi a pau loa i hoakakaia maloko o ka Palapala Sila Nui Helu 1424, ia Kapoi i oleloia, e loaa ana he ili o 32 1-10 eka ma Honuaula, Maui.
2--O kela mau wahi a pau loa i hoakakaia ma ka Palapala Sila Nui Helu 2199 ia Kapoi i oleloia, e loaa ana he ili o 21 56-100 eka ma Honuaula, Maui.
3--O ka pono, kuleana a pomaikai a pau loa o Kapoi i oleloia iloko o na aina i hoakakaia ma ka Palapala Sila Nui Helu 6721 Kuleana 2655 no Palulu a i lilo mai ia Kapoi i oleloia mai ia Kalalea w ma ka palapala hoolilo i hanaia i Feberuari 15, M.H. 1877, a kopeia ma ka Buke 49, ma na aoao 350 me 351.
4--O ka pono, kuleana a pomaikai a pau loa o JM Kamawae i oleloia iloko o kela apana aina i hoakakaia ma ka Palapala Sila Nui Helu 2620 no Keokalani, e loaa ana he ili o 53 36-100 eka ma Honuaula, Maui, a e ia no hoi ka aina i lilo mai ia Kamawae i oleloia ma o ka palapala kuai mai ia S.D.H. Kanuha, i kopeia ma ka Buke 84, aoao 326.
HAWAIIAN COMMERCIAL AND SUGAR COMPANY.
Kuike na kumu. Ma ka aoao o ka mea kuai ka lilo no na palapala.
No na mea hou aku i koe, e ninau ia
JOHN RICHARDSON,
Wailuku, Maui,
Loio no Hawaiian Commercial and Sugar Company, a i ole, ia
GEORGE HONS,
Luna Kudala,
Wailuku, Maui, Mei 4, 1895.
Ua hoopaneeia hooko ana aku i ke kuai kudala o na waiwai maluna ae a Iune 21, M.H. 1895.
mei 3-3pl