Ka Makaainana, Volume IV, Number 2, 8 July 1895 — Page 6

Ka Makaainana.

 

PUALI PUHIOHE LAHUI

 

Mai Kamahele Imi Ola a Hala Nui Lo@ Nu Ioka

 

E Mr. Lunahooponopono:

          Akahi no a lu wahi inik@ aku keia.

          Ua haa ele aku au ia Kaleponi i nehinei i ka hora 9 A. M.  Kau ma ka moku holo muliwai no Okalana, kau ma ke kaaahi hora 9:30.  Ko'u pahu hopu, no keia wahi.  Hiki i Pablo (pabalo) 10 A. M; hiki i Pinole, 10:15 A. M. he 24 mile mai, Kaleponi mai, malaila a hiki i Rodeo Stock Yard.  Ilaila ike au he pa papa nui iluna o kekahi uwapo loihi iloko o ka muliwai i kaawale mai k@ aina aku.  He like ka hele ana o keia wahi me ka hele'@a o ka kaua kaaahi no Ewa i ka I'a Hamauleo.  Mai Rodea a hiki i Port Costa (Pota Cosota),  he 32 1/2 mile.  Eia ma kapa o ka muliwai makou e holo nei, ilaila ike aku au i ke taona o Benecia ma kahi aoao mai o ka muliwai.  He like loa keia aina me ke kulanakauhale Momi (Manana) ka nana aua, a hiki i Matinez, 35 6.10 mile.  He like hoi keia wahi me Kaalaea o kaua.  Hiki i Bredwood, o ia mau no o ka aina, he like loa nae keia wahi me ke kula o Lihue i Malamanui, hiki i Bayron (Berona) 67 1/2 mile, malaila mai hiki i Tracy City.  Mai keia wahi aku a hiki i Brant, he like ka aina me ko kaua, a ua like me ka moena pa wehe o kaua ke nana aku oe i ke kula ka hulili mai o ka la, ua like loa me Mokuleia ka palahalaha, a hoomanao ae la keia ia hope, oiai ke kaaahi e noke ana me kona kue pauma a me na ene kini i ka hoopapau, lana mai ai kahi manao i kahi mele kaulana,

"Aina nui palahalaha,

E noke oe a luhi ko kino."

          Mai liala aku hiki i Lathrope (Lataropa) 12 1/2 mile, hoomaha 20 minute.  Aole keia i hookomo wahi mea-ai, oiai, ke hoomanao nei no i ka aina.  No ko'u hele hookahi paha hoi kekahi i keia kula loa, ua noho no na milimili a kaua i Kaleponi a mahope mai lakou, ke hele e nei no au e hooponopono mamua mei me ka awiwi.  Mai laila ano keia wahi au e hoopau inika nei.  He wahi kauhale nuku keia, he hui loa o Honolulu.  Hiki ianie hora 2 P.M., hoolewa na wahi puolo no ka h@li i ka hale e noho ai o makou a pau me kahi o na keiki e p@hi ai, a pau no i ka hooponopono ia auwina la, akahi no a manao ae ke kuu o ka luhi.  Komo kahi ai, haule aku la moe wahi pela uwea (ua hiki no).  I ko'u hiki ana i Pota Coseta a hiki i keia wahi, he nui ka wela.

          He mau no ka maikai o ke ola kino o na keiki a pau, mau no ka ohaha maikai o na hiona huapala o lakou a pau.  Ke hoomakaukau nei no ke alanui o Nu Ioka, oiai, o ko makou mau la hope keia no Kaleponi nei.

                   L.J. Aylett    

          Modeseto, Kaleponi, Iune 20, 1895

 

E kuu milimili aloha;

          Ke hoouna aku nei au i keia hapa o ka makou huakai makaikai, me ka manaolana e hoike pau ae ana oe me ke koena ole o na mea i kakauia ma keia palapala imua o kuu lahui aloha.

          KE ALAHELE NO SANA HOSE - He kulanakauhale keia nona ka mamao he 51 mile mai Kapalakiko aku, a no elua hora a oi o ka holo ana ma ke kaaahi, hiki aku la makou ilaila a noho ma ka hotele (Hale Rasa).  Elua la me elua po o ko makou noho ana ilaila.  Ma ke alahele maluna o ke kaaahi, maalo ae la makou ma ke kulanakauhale o Sana Mateo, kahi a na alii opio D. Kawananakoa a me J. Kuhio Kalanianaole i hoonaauaoia ai me ko lakou hoahanau i hale e aku i ka make.  Ia makou ma ka hotele Russ House, ua haawi ae la makou he elua mau aha puhiohe malaila, a ua nui ka mahalo o na kamaaina ia ma kou.  Huli hoi no Kapalakiko i kahi la ae.

          NO OKALANA - He hookahi po o akou i haawi ai i aha puhiohe ma keia kulanakauhale, a huli hoi no ia po no ko makou hotele maluna o na waapa holo muliwai.  Ua koi mai ko laila poe e haawi i aha puhiohe malila ke loaa he wa kupono.

          NO SETOKETONA - He 100 mile ka loa ma ke ala mokumahu, a he 80 mile ma ke kaaahi.  Kau ma ka mokumahu Kulanakauhale o Setoketona, a e like me ka holo ana o ka moku no Lahaina, pela iho la makou e holo nei.  E waiho ana ma ko makou aoao akau ke kulanakauhale o L@faela, ma ka aoao hema ka Mokupuni Anela, mamua pono mai na Mokupuni Pahaku Ulaula a me na Hoahanau.  Aia iluna o keia mau mokupuni hope he hale ipukukui a me kahi e hookani ai i ke oeoe i mea nana e pailata pololei i na moku i ka wa paa i ka noe.  Ia makou i hookomo aku ai, e wa iho mai ana mamua pono ka mokupuni o Mea Ailana, kahi e hoolulu ai o na aumokukaua o ka Pakipika.  Ma kekahi aoao o ka nuku muliwai e ku ana ka hale hoohee dala kepau me keleawe.  Ua haawi ae la makou he mau leo puhi ma keia wahi, e hoike aku ana he mikioi na opuu rose o Hawaii ma na mea kani, aole noi e like me na hoolaha hakuepa e kekahi poe.

          O ka muliwai, e moe kekee ana ia i o a @anei, he mau kauhale o ku ana ma kapa a me na uwapo nunui.  I kolu hoomaopopo iho i keia wahi, ua kiekie ka wai maluna o ka aina.  He eono la o makou i noho ai ma keia aina ma ke Komosiela Hotele.  Nui ka wela o keia wahi.  Ua hana makou i ka hana me ka mahalo nui ia, a hoolahaia maloko o ka nupepa "Kuokoa" o Setoketona o ka la 8 o Iune nei, he Puali Puhiohe Dala" makou.

          Maloko o kekahi hale auau i hanaia, ua hele makou ilaila e paani ai, a ua waeia kekahi mau keiki lele kawa mai waena a@ o makou no ka lele ana maluna o kaupoku o kekahi hale i ku kuluia maluna iho o ke kiowai auau, nona ke kiekie he 100 ka puai, oi aku a emi mai paha, a nona hoi ka hohonu o ka wai i ka 7 kapuai wale no.  Ma keia wahi i lele ai kekahi haole a make loa, a ma ia wahi hookahi no i lele ai kekahi mau keiki ou e Hawaii me ka poino ole, a'u e kaena ae ai "Hawaii no ka oi."  Ua lilo keia lele-kawa ana i mea kamailio nui ia a na kamaaina o keia kulanakauhale, he lua ole hoi i keia @a ia wahi.

          Haalele iho la makou ia Setoketona iloko o na leo huro o ka lehulehu, a i panaiia aku hoi e makou me ka leo o na ohe no Kapalakiko.  Aia hoi ka lehulehu o na kaa i piha me na kane, wahine a me na kamalii ke hoholo ae la mauka, a hiki i kahi hiki ole i na kaa ke holo hou ae, a huli hoi aku la lakou a niau mai la makou.

          Ua ike makou i ka Sutro Baths, he hale auau i kukuluia ma ke kahakai o Kapalakiko, a i kapa inoa ia o ke Cliff House (Hale Kalifa).  Aia ma keia wahi na kino make o na ano holoholona a pau, mai ka moo moewai o ka muliwai Nile a i ka moo pina@a laau o ka muliwai Misisipi, mai ke keko lapuu hoi o Aferika a i ke keko hoomakeaka o ka Mauna Ararata, a mai ka manu kaupu hehi ale o ke Kaiwaenahonua a i na manu hulu melemele o luna o Helekula.  Ua unua mai ia mau nani like ole maloko o keia hale.

          A, e kuu MAKAINANA aloha, o ka heluna hea la ia i ka nani o ko kaua aina ukulii, na ea oluolu na kualono uliuli, ka ow@ nehe malie o na kahawai, a pela aku.  Nau e Hawaii ke kaena hiki, kuu aina hanau e, nou au e mele nei.  A mamua o kuu hooki ana i keia episetole, e hai ae oe i kuu lahui aloha, eia makou ke liuliu nei no ka holo aku i ke kulanakauhale o Fereseno a me Loso Anagelese, a me ke kahi mau kulanakauhale nui o Amerika nei.  E lululima pu ana makou me Kalivilana, a malia o halawai me na ulia laki o ka manawa, o ka ike no ia ia Komisina Balauna.

          Eia makou ke hoikeike nei i ka malamalama o Hawaii imua o ke ao holookoa, a malia o ia ka laau lapaau e lo@a ai ke ola ia oe, e Hawaii kuauli, a na ke Akua no auanei e anai aku i ka mea i anai mai ia oe.  Nolaila, e KA MAKAAINANA, e kikeke ae oe i ka puuwai o kuu lahui oiwi, e waiho ae i ka lakou m@u ulono ana imua o na Mana Lani no ka pono a me ka holomua o ka makou hana ma keia aina malihini.  O owau iho no nei me ke aloha a nui.

                   S.K. Kamakaia

          Kapalakiko, Kaleponi, Iune 20, 1895

 

          Hauoli Poa Kiulai na limahana o ke Kuokoa namu, o ka oi aku no nae o na keiki wiliki, hele ia a paewa ka pilina me ka nihoniho i ka wai o ke sake.  Ona ea?

 

 Laau Ma'i Lepera

Eia is Kauka Ogawa (Kepani) he

Laau Lapaau Ma'i Lepera

          maikai loa mai Iapana mai nei.  Aoha no e hewa ke hoao ae.

          Uku haab@a loa n@ elua malama, ma ka $10 no kanakolu la.

          Keena, - Alanui Hotele, kokoke i kahawai loa, Kikihale

          Iun 10 - 1 ml@

 

No ka Hoolimalima

          Oka hale @a Alanui Kalepa, i hoohanaia mamua e ka Hui Hoolaha Buletina Puka La.  Ua hiki loa no o lalo ke maheleheleia i mau keena oihana, a pela aku.

          E ninau ma ke keena o

                             Wm. G. IRWIN & CO.

          Iune 24                                   Kaupalenaia

 

Hookapu Kai Lawaia

          Eia ke hoolahaia aku nei ma keia @a hookapuia ka lawaia ana ma ke Kai Lawaia o Kahala, koe wale no a loaa ka aeia mai e.

                                       J.Heluhelu

                   Agena no ke Alii Liliuokalani

          Honolulu, Iulai 1, 1895

                             Iune 29 - 4 pl.

 

Aina no ke Kuai

          Elua Eka Aina maikai ma Kapaakea, ma ka hoomaka ana aku e pii i ka puu o Kamoiliili, ma ka aoao mauka.  He wahi kahua hale maikai loa keia.

          No na mea a pau e pili ana, e ninau i ko makou Puuku, ma keia keena.

                   mei 27 - mh.

 

KALAHIKI

HALEKUAI LAHUI

          Helu---Alanui Moi, keena hana mua o ka Hawaii Holomua.

          E weheia ana ka halekuai maluna ae i ka POAONO, MEI 11, 1895, a malaila e loaa ai na waiwai a me na lole hou loa o na ano a pau, no na kumukuai emi loa mamua o na wahi e ae.

          Aohe hewa ke kipa mua mai a e ikema@@ mamua o ka hele ana i na halekuai e ae.

                                      M. PALAU

          mei 6----3 ml                Luna Hoohana

 

L.D. TIMMONS

(Timona)

          Aia ma kona halekuai, kekahi o na keena kokoke ma Ewa loa o kela hale loihi mauka ae o ke kahua kahiko o Kaukeano ma Alanui Beritania, e loaa ai n@

                   Paihi o na Kane

                             Na Papale

                                      Na Aahu Kane

a me kela a me keia mau pono i pili wale no i kane.

          Aoha e hewa ke kipa ae a e nana a makaikai.

                   Iune 24 1ml@

 

          J K KAHOOKANO

LOIO a he Kokua ma ke Kanawai.

Keena Hana: Alanui Kaahumanu,

Honolulu            Ian 8, '94  1 mk