Ka Makaainana, Volume IV, Number 3, 15 July 1895 — Page 2
2 HONOLULU, OAHU, POAKAHI, IULAI 15, 1895.
HOOMANA KATOLIKA
-
He Kuhikuhi no ke Ao ana i na
Hoahanau o ka Ekalesia
Anagalikana.
-
APANA MUA - MAHELE IV.
NA HOPENA E MAU NEI O KA
EKALESIA.
II. KA EKALESIA KA HALENOHO
O KA OIAIO.
[Hoomauia mai ka Helu 2, Buke IV.]
He ahahui Akua ka Ekalesia i waihoia mai ai o ka malama ana i na waiwai makamae o ka lokomaikai a me ka oiaio no ka pomaikai o ka lahuikanaka. Ua ike aenei kakou iloko o na au mamua aku o ko ke Akua lilo ana i Kanaka, e hoopuai akahele mai ana Oia i Kona oiaio i ka lahuikanaka e like la me ka hiki ia lakou ke auamo ae. Ua kapa mau ia ae keia hoopuhi ana o ka "hoike ana." O ka ke Akua hoike ana mai, ua pau pono ia iloko o Iesu Karisto. Ola, ma ke ano o ke Akua i hooliloia mai i Kanaka, ua "piha ia i ka oiaio." Wahi mai a Iesu, - "Owau no ka Oiaio" Ua hiki mai Oia e lawe mai i ka oiaio iloko o kona piha pono i ka lahuikanaka.
Ua hoolaunaia aku ka huina o ka oiaio e Karisto ma o ka Uhane Hemolele la i ka Ekalesia, iloko o ke kino o kona poe ala kai mua. I na Aposetole i olelo aku ai ko kakou Haku, - "Aka, o ke Kokua, oia no hoi ka Uhane Hemolele, ka Mea a ka Makua e hoouna mai ai ma Ko'u inoa, Nana no oukou e a'o mai i na mea a pau, a e lawe mai hoi i na mea a pau loa i ko oukou hoomanao ana A'u i olelo aku ai ia oukou," a eia hou no, - "Aia a hiki mai Kela, ka Uhane o ka oiaio, Nana no oukou e ala kai aku iloko o ka oiaio a pau" Ma keia ano iho la i loaa ai ka oiaio a pau iloko o ka Ekalesia mua loa. Ua hoike mai o Sana Iuda ia kakou ua "haawi mua ia mai" ka manaoio "na ka poe haipule." O ke ano io pili loa o ka huaolelo "mua," oia no ka "hookahi a pau loa," a i ole ia, "hookahi wale no." Malia o kohoia mai no hoi paha ka Ekalesia e hoakaka a e hoonui ae no ka oiaio i haawiia mai la pela, aka, aole loa e hiki iki iaia ke pakui hou aku. O keia manaoio a oiaio paha, na haawiia mai no ia "na ka poe haipule," oia hoi, i ka Ekalesia ma kona ano he kahu kiai i hookohuia mai e ke Akua. He waiwai makamae loa ka oiaio o ke Akua e haaleleia mai ai la hoi e hookolo ae i kona wa ma ke ao nei. O kona makemake e loaa ona hale, iloko o laila e hiki ai oia ke malama pono ia me ka noa mai na hoohihia ana a kanaka. Ua ake e loaa ona kahu-kiai nana e malama iaia, a e haawi mai ai hoi i na au mahope mai me ka popilikia ole. O ia halenoho a me ia kahu kiai, o ia no "ka Ekalesia o ke Akua ola, o ke kia a me ke kahua o ka olelo oiaio."
No ka Ekalesia ka oihana o ka hoakaka pololei ana i ka Karisto ao ana. Ua hiki iaia ke hooko pono aku i keia hana ma o ke kokua ana la a ka Uhane Hemolele, ka Mea hoi e nono mau ana me ka Ekalesia. O ko ke kanaka iini hoi, e loaa ona kumuao i hiki ke hilinaiia no ka loina e ao ana ia Karisto; o ia kumuao, oia no ka Ekalesia o ke Akua. He kumuao oia e paa ana i kekahi hooia a ke Akua a ua kalele hoi ia hoeia ana maluna o na olelo a kona Haku, - "Nolaila, e hele aku oukou, a e ao aku hoi i na lahui kanaka a pau loa, e bapetizo ana ia lakou ... e ao aku ana ia lakou e malama i na mea a pau A'u i kauoha aku ai ia oukou, a aia hoi, Owau mau no me oukou i na manawa a pau, pela no a hiki i ka hopena o ke ao nei" O ka Ekalesia ke kumuao i hanau-laniia mai no ka oiaio.
III. KA EKALESIA, KA HALELANA
O KA PALEKANA.
Mamuli o ka ke Akua hoonoho ana mai i ka Ekalesia oia ka pohai o ka lokomaikai (garatia), a me ka halenoho o ka oiaio, nolaila, ua ukali aku "aohe he palekaua ana mawaho aku o ka Ekalesia." Ma ka manao ana i keia, aole kakou i konoia mai e haawi aku i ka hoahewa ana e pili ana no ke kulana hope loa o na poe e noho aku ana a make mawaho o ka Ekalesia ma ke ao nei. "O na poe mawaho, na ke Akua lakou e hoohewa mai" Oiai nae hoi e hopohopo ana no ko lakou hoolaia, e waiho aku no kakou ia lakou i ke aloha o ka Mea i ike hookahi ina paha ua lohe lakou, a ua hoole aku i Kana hea e komo aku iloko o ka pa oiaio. E manaolana nae paha hoi kakou, o na poe i loaa o e ai he wa no lakou e komo mai ai iloko o ka Ekalesia ma ke ao nei, a i ole ia, ua hoomaopopo ole paha hoi i kana mau koi ana, e hiki no lakou, ina ua kupaa lakou i ka lunaikehala, ke laweia aku iloko o ka Ekalesia ma paredaiso, i ka manawa o ke kakali a ia mawaena o ka make a me ka hookolokoloia ana.
[Aole i pau.]
-
E lawe i KA MAKAAINANA i ike i na mea hou.
NA MOKUPUNI.
-
Na Lono Kuwaho mai kela a me
Keia Apana o keia Aupuni.
Na Aniani Liiliii o Kupelina.
He paio hahana mawaena o J. Kanahele a me Aola, ma Hilea, ma na la o Iune i hala aku la. Ua ala mai keia paio ana, mamuli no ia o ko Kanahele ninau ana aku ia Aola, penei: "He oiaio anei kela moolelo o olua i hoolahaia ai ma ka nupepa, no ko olua hopuia ana e ka moo?" Haina. "Ae" Ninau, "Pehea, aole anei he mea wahahee?' Haina. "Aole" "Ua ike pono anei olua i ke ano o kela moo?" Haina, "Ae" Ua hoike pu mai la no hoi oia, aole me kona huelo i hopu mai ai ia laua aka, me kona mau lima maoli no. Ia wa, olelo aku nei o Kanahele he mea maopopo ua wahahee loa ia oe. Nui mai la hoi ko iala leo, me ka olelo mai no he mea oiaio kana e olelo nei Kokoke laua e hanai kalo i kekahi a i kekahi, e ole o P P Puaikeao, nana hoi i hookaawale ae ia laua. Ma ka nana aku a kou mea kakau, he oi aku no a ka hilahila ole, no ka mea, he nui na kanaka malaila, aole nae he wiwo iho a bila hila no hoi, o ke aiwa hue ae ia. E ka makamaka, ke ao nei ka mea kakau, mai hana hou oe pela, he hana ino ia, hoi iho no kaua a kahi apu awa hoonoenoe, ilaila kaua e lelehu ai.
Ua hului ae kekahi o ko makou makai mai ka Ua Kaulaau mai ia ewalu Kepani piliwaiwai, a hoohanohano ae la ia J H Waipuilani i keia mau la iho nei, a ua makana pakahi ia mai lakou ma ka pa $7 o ka mea hookahi ke hui me na koina. Kani no ka ala, he keiki na Kamaoha, ke huiia mai la e ka wai a Luakini, he ma u ia.
Ke maaele hapalua mai nei ke Akua i na kuaua ia makou nei maluna o na laalaau, a koe mai ma kahakai; aka, ma ka Ua Haao nei, he o ia mau no ia ka haao ae no noho ana i Auaulele.
Ke nome hala ole mai nei no ka wiliko o Honuapo a me Naalehu nei Mahalo i ka Luna Nui no ka pomaikai o kona mau haku.
Ma ka la 23 o ia mahina no, ma Kawa, Kau Hawaii, ma ke kakahiaka, ua ala ae ka hiamoe ana o Kaainahawele a me kona ohana, ua hoomakaukauia na mea ai no ia kakahiaka, oia hoi, he umeke poi, a he opihi ka i'a a o ka wai he pia i hoawaawaia. Ia lakou no e haupa ana i na kohikelekele a ka puukolu, ia wa i iho mai ai ko luna poe, hikikii i kauaoena, a mahope iho o ka pau ana o ka paina ana a lakou, ua ike iho la o Kaainahawele, aohe wahi i'a i koe o ka ipukai. Ia, wa i niau kololani aku ai o Kaaluahawele i ke kui opihi, me ka ike ole ia e kona ohana. O ai oia e noke ana i ke kui opihi, ua poiia mai la oia e ke kai a lana ana kahi auwae i ke kai, a i loheia aku i ka hea ana mai, "Lilo au i ke kai e lilo au i ke kai e! Eia ka i'a waha nui o ka moana la ma kuu kua, ke hoi ae nei ma kuu alo!!" Lohe ka ohana i keia leo, haawi na lima kokua pae olulo ana i Kalaupapa, ua kolohe i ka la o ke Akua. Ua ike no hoi he la Sabati ia, he la hoano, eia ka he la lawaia iho la ka ia no na Mahomeka. Mai hana hou oe ma keia mua aku, o pilikia hou no auanei
Aohe no he mau mea hou o ka la 4 o Iulai nei, he neo wale no.
F R KAPOAILEWA
Kau, Hawaii, Iulai 1895.
-
Ma ka la 4 nei, ma Hanalei, Kauai, ua mareia o Kaheleiki opio me Misi Haonou, e Rev. J M. Kealona Pau ka mare, he paina hoomanao a me ka hulahula Europa ka i uheneia iho mahope.
-
Dr. W.D. JONE,
[KAUKA IONE.]
Kauka Lapaau no na ano ma'i a pau o loko o ke kino, fiva taifoida, maka eha, niho eha, puu eha a me na ano e a pau e loaa ana i ke koko ino a me na palapu e ae. Aole ana mau okioki a kolikoli ana. Hiki loa iaia ke lapaau i na ano ma'i a pau loa, a ke loaa ole ka oluolu, aohe uku ana, ina nae hoi nana wale no e lawe awea mea i ma'i.
MANAWA HANA: Hora 9 a 11:30 A.M.; i a 6 P.M.
KEENA: Alanui Konia, ma na keena mauka loa o Birito Hale, ma ka huli ma Ewa ma ai Nui Moi aku. mei 13-3ml
-
Hookapu Kai Lawaia.
Eia ke hoolahaia aku nei ma keia ua hookapuia ka lawaia ana ma ke Kai Lawaia o Kahala, koe wale no a loaa ka aeia mai e
J. HELELUHE,
Agena no ke Alii Liliuokalani.
Honolulu, Iulai 1, 1895.
iune 29 - 4 pl.
-
Aina no ke Kuai.
Elua Eka Aina maikai ma Kapaakea, ma ka hoomaka ana aku e pii i ka puu o Kamoiliili, ma ka aoao mauka. He wahi kahua hale maikai loa keia.
No na mea a pau e pili ana, e ninau i ko makou Pauku, ma keia keena.
mei 27-mh.
-
No ka Hoolimalima
O ka hale ma Alanui Kalepa, i hoohanaia mamua e ka Hui Hoolaha Buletina Puka La. Ua hiki loa no o lalo ke maheleheleia i mau keena oihana, a pela aku. E ninau ma ke keena o
WM. G. IRWIN & CO.,
iune 24 Kaupalenaia.
-
G.E. SMITHIES,
[KEOKI KAMILA.]
Mea Hooponopono Hoike Helu, Mea Ohi a Koi A e, Mea Kakau Kope, a Mea Kalepa Aina.
KEENA: Helu 406, Alanui Papu, ma ka Hale Opunui.
Telepone Helu 184. mei 27-3ml
-
E.M. NAKUINA.
KOMISINA O NA ALA LIILII A ME
NA PONO WAI.
Notari Lehulehu, a he Agena Haawi Palapala Ae Mare no Honolulu nei.
KEENA HANA: Helu 308, Alanui Kalepa. dk 3-1mk.
-
W.H. DANIELS,
[BILA DANIELA]
Agena Kuai, a Hooponopono Aina, Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka omoole.
Keena Hana a me Wahi Noho, aia ma Wailuku, Maui.
mei 6-mk.