Ka Makaainana, Volume IV, Number 4, 22 July 1895 — Page 3
HONOLULU OAHU POAKAHI, IULAI 22, 1895. 3
HOOMANA KA TOLIKA
He Kuhikuhi no ke Ao ana i na Hoahanau o ka Ekalesia Anagalikana.
APANA MUA—MAHELE I V
NA HOPENA E MAU NEI O KA EKALESIA.
III. KA EKALE SIA, KA HALELANA O KA PALEKANA.
[Hoomauia mai ka Helu 3, Buke IV.]
"Mai ke (Akua) mai no ka ike a pau no ka hoomana, a aole wale no hoi o ka mea a ka Baibala i hooili mai ai ia kakou. Aole loa he manawa i kamailio ole mai ai ke Akua i ke kanaka, a olelo mai la iaia a kekahi wahi maopopo i kana apana hana. . . . . Ua hoike maopopo ia mai kakou ma ke Kauoha Hou, aole loa he manawa Ona i haalele ai Iaia iho me ka mea hoike ole ma ka honua nei, a iloko o kela a me keia lahuikanaka ua lawe nui Oia i na poe e makau a e hoolohe ana Iaia. O ia nae hoi, me he la he mea kekahi i hoike oiaio a pili ano akua ia, ma kela a me keia hoomana a puni ke ao nei, ua hoopiha loa ia a hu ae mawaho o ka palena kupono, e like la paha me ia i kahi wa, a i kahi mau wa hoi ua uumiia e na manao aia a hoomaloka i hoohui pu ia ai me ia e ka manao a noonoo pelapela ana o ke kanaka. O ia iho la na loina ao o ka mana a me ka noho maoli ana mai o ke Akua ike ole ia, o Kona kanawai a hoomalu ana no ka noho pono, o ka ili ana mai o ka pono o ka hana, a me ka maopopo loa hoi o kekahi hookolokolo pono ana, a o ka makana a me ka hoopaiia, e like la hoi me ia e haawiia mai ai i na poe pakahi; nolaila, o ka Hoikeana, ma ka olelo pololei ana, he pomaikai laulaha ia mai o a o, aole hoi a he pomaikai kuloko; a o ka like ole hoi mawaena o ke kulana o na poe Iseraela mamua a me na poe Karistiano i nei wa, a me ko na poe pegana no hoi, oia hoi, aole o kakou, a nele hoi lakou me ka hiki ke loaa aku o na hoopomaikaiia ana mai e nei mua aku, aka, ua loaa mau no i ka Ekalesia o ke Akua, a aole loa hoi i loaa i ka hapanui ae o kanaka, na palapala ku i ka mana o ka oiaio, a me na auwaha hoi i hoomaopopoia mai o ka launa ana aku me Ia. O ka olelo a me na Sakarena kumu ku i ke ano o na kanaka i waeia o ke Akua . . . "
Aia a hoomaopopo iho kanaka he oihana ka Ekale sia mai ke Akua mai, ke kino o Karisto, ka Heiau a me ka Mea Paahana o ka Uhane Hemolele, e lilo no hoi auanei ia ia lakou i mea ano nui loa e hoomaopopo ai i kahi o ka Ekalesia, i lilo ai hoi lakou i poe lala nona, a pela no auanei e kaa ai maloko aku o ka Halelana o ka Palekana.
MAHELE V.
NA MAHAE ANA ILOKO O KA EKALESIA.
O ka manao o ka lokahi, o ia no ko lalo ae o na kii hoohalike i hoakakaia ai o ka Ekalesia maloko o ke Kauoha Hou. Ua kamailioia ka Ekale sia malaila oia no,—ke Aupuni o ka lani, ke Kino o Karisto, ka Heiau o ke Akua, ka Wahine e mareia ai, na lala o ke Kumu Waina. He hookahi wale no Aupuni, hookahi Kino, hookahi Heiau, hookahi Kumu Waina. O keia "hookahi" a lokahi paha, ke mau nei ia e pili ana ia Iesu Karisto; Oia no ka Moi o ke Aupuni, ke Poo o ke Kino, ka Mea Kukulu o ka Heiau, ke Kane e mareia aku ai, ke Kumu Waina. O ka manao nui e kamoe ana ma na hoakaka a pau o ke Kauoha Hou no ka Ekalesia, o ia no ko ka Ekalesia lokahi ana iloko iho ona ponoi ma o kona hui ana la me Iesu Karisto.
Maloko o ke Kauoha Hou, elua ano i hoohanaia ai o ka huaolelo "ekale sia." Ua hoohanaia e like la no me ia i hoohanaia ai maloko o keia buke, o ke anaina Akua hookahi i hookumuia ai e Iesu Karisto. Eia hou, ua hoohanaia no na mahele liilii iho o ka Ekalesia hookahi, e like la hoi me keia iho ke heluhelu kakou maloko o Hoikeana no na ekalesia ehiku o Asia. Aka, aole loa hoi kakou e manao iho ua kuokoa ia mau ekalesia, a i ole ia, he mau ahahui paonioni paha hoi ia o na Karistiano; he mau mahele wale no lakou o ke anaina hookahi a puni ke ao nei a Karisto i hoakaka ai o "ko'u Ekalesia." Aia ke kalele ana o ka lokahi o ka Ekalesia maluna iho o Iesu Karisto, kona Mea Hookumu a Poo Akua. Ua hookahi ka Ekalesia iloko ponoi iho ona, no ka mea, ua hookahi no ia me Ia. Ua hookahi ka Ekalesia iloko Ona, a hookahi hoi me Ia. No keia lokahi, o ka Epicopate, a oihana paha o na bihopa, ka aelike hoopaa. O ka manao ae la keia a Sana Kupiriano i hoakaka ai maloko o kana hana (buke) kaulana "maluna o ka Lokahi o ka Ekalesia."
[Aole i pau.]
He Pake, o Amana, ka i hoopaiia e ka Aha Apana i ka Poakolu iho la no ke kuai waiona me ka laikini ole, he $100 me na koina.
PUALI PUHIOHE LAHUI
Aohe Ona, Aohe Nui o na Loaa, Aohe Noho Aie.
I kuu hoa'loha maikai, F. J. TESTA;
Aloha kaua:—
Akahi no au a kau palapala aku ia oe, kokoke e piha ka elua mahina. Nolaila, e kala mai oe ia'u.
Mai ko makou haalele ana aku i ka aina o kaua a hiki i keia la a'u e kakau nei, aole loa i mahuahua loa ka pomaikai i loaa ia makou, ua pau no ka hapanui i ka ukuia no ko makou mau lilo o ke kaahele ana. Nui ka makou mau wahi i hele ai a hiki i keia wahi, ua heleia ke kula panoa, holo ma ke kaa-ahi ma na pali, ua komo maloko o kekahi lua pao nona ka loa he elua mile a puka ma kahi aoao, a mai laila aku a hiki i Lose Ana gelese, Sana Diego, Pasedino, Sana Baredino, Vaselia, Fereseno, Modeseto, Setoketona, Sana Hose, Sanata Calara, a me kekahi mau wahi he nui aole hiki ke helu papa aku. Aka nae o ka nani, ka maikai, a me ka hiehie o ka aina aole ia maanei. Ua hoomanao au o Hawaii no ka oi, ka Paredaiso a ka oluolu i noho ai.
Ia makou i hele ai i ka auau kai ma Kahakai Redona do, ua olelo mai la na haole aole hiki i na kanaka ke hele mai kekahi wahi mai, he 150 kapuai ke kiekie. Ua aa koke aku o Keoni Inea a me Keo Kaaua e lele mai kela wahi kiekie mai a haule iloko o ke kai me ka poino ole, iwaena o 6,000 a oi aku poe makaikai. Ua haule ino ka haole akamai i ka lele kawa o ia wahi i keia mau keiki.
He nui ka mahaloia o na kanaka Hawaii no ka naauao, aole hoi e like me na mea i hoolahaia ma na nupepa. Nui ka olelo o na haole maanei i ka lapuwale o na mikanele. Wahi a lakou, he pono loa e hoihoi hou i ka Moi ma kona wahi. Ma keia huakai e lohelohe mau ana makou i na mea pili i ka aina. O Wasinetona ko makou pahu hopu, aia a ike makou ia Kalivilana, alaila, huli hoi no ka aina hanau me ka ukuia o na lilo a pau e ka Ona Miliona.
Maikai no ke ola o na keiki. Aole no hoi he oiaio o na lono e pili ana i ka ona o na keiki a moe i ke alanui, he hoopunipuni kela mau lawe'na olelo. Ina makou i hana pela, aole loa makou e hiki i keia mau wahi. He inu no, ma ke ano kamau iki no nae o ke ano keonimana, aole nae hoi e like aku me ia i ka aina oiwi.
Me ke aloha nui, R W. A YLETT.
Kaemuliwai, Kaleponi, Iulai 5, 1895.
HUI KAMAA O NA POE HANA.
POE KALEPA NUI A LIILII I NA ANO KAMAA A PAU LOA. Helu 516, Alanui Papu, ma Kauhale Hou o Burua. Honolulu, P. H. iul 15-tf
HALEPAI MAKAAINANA.
F. J. TESTA (Hoke) - - Ona Aia ma Alanui Konia, mauka o ke kihi Akau, ma ka huli ma Ewa, o Alanui Moi. Ua makaukau loa e hana i na ano hana paipalapala a pau loa, e laa Na Bona, Na Aelike, Na Laikini, Na Palapala Kono, Na Likiki, Na Bila-poo, Na Hoolaha Pai Alanui, A pela aku, a pela aku. NA HANA BUKE A ME PAI NUPEPA. Aia malaila e paiia nei na nupepa "Ka Makaainana" a me "Ke Kuokoa" namu. E hookoia no na kauoha me ka hikiwawe a me ka eleu. iul 15-mhp
G. E. SMITHIES
[KEOKI KAMILA.]
Mea Hooponopono Hoike Helu, Mea Ohi a Koi Aie, Mea Kakau Kope, a Mea Kalepa Aina. KEENA: Helu 406, Alanui Papu, ma ka Hale Opunui. Telepone Helu 184. mei 27 3m
No ka Hoolimalima.
O ka hale ma Alanui Kalepa, i hoohanaia mamua e ka Hui Hoolaha Buletina Puka La. Ua hiki loa no o lalo ke maheleheleia i mau keena oihana, a pela aku. E ninau ma ke keena o WM. G. IRWIN & CO., Kaupalenaia. iune 24
E. M. NAKUINA.
KOMI SINA O NA ALA LIILII A ME NA PONO WAI. Notari Lehulehu, a he Agena Haawi Palapala Ae Mare no Honolulu nei. KEENA HANA: Helu 308, Alanui Kalepa. dk 3-1mk
W. H. DANIELS,
[BILA DANIELA]
A gena Kuai a Hooponopono Aina, Mea Hana Palapala Kanawai, Mea Ohi Aie, a pela aku. O na hana a pau e haawiia aku ana iaia, e lawelaweia no ia me ka eleu a me ka emoole. Keena Hana a me Wahi Noho, aia ma Wailuku, Maui. mei6-mk
F. J. TESTA, (Hoke).
MEA OHI A KOI AIE.
Mea Huli Moolelo Aina a Waiwai e ae paha. Mea Unuhi a Mahele Olelo Hawaii a Enelani paha. Mea Hana Palapala Kanawai o na Ano a pau. Mea Kuai Mikini Humuhumu Lole. Mea Hoolimalima a Hoolilo Aina. Mea Kuai Waiwai no ka Uku Komisina Haahaa. Ua makaukau mau oia e lawelawe i na hana a pau e haawiia mai ana iaia. He kuike ka rula. E loaa no oia ma keia keena. apr 8-1mk