Ka Makaainana, Volume IV, Number 5, 29 July 1895 — Page 6
6 HONOLULU, OAHU, POAKAHI, IULAI 29, 1895.
NA AINA MAMAO.
-
Na Lono Huikau mai kela a me
keia Wahi o ke Ao Nei.
-
Ko Iapana Poino ma ke Kaua.
A hiki i Mei 8, ka la hope loa i loaa ai o ka maluhia, wahi a ka hoike, ua hiki aku ko Iapana poino ma ke kaua i ka 2,903 i make ma ke kahua a mamuli paha hoi o ka mai. Mai keia heluna he 736 i make ma ke kahua, 228 i make mamuli o na eha, 1,658 mai ka mai, 46 i ka ulia a kaawe paha, a he 25 i nalowale.
Hoauheeia o Amerika o Enelani.
Ma ka hookuku heihei waapa ma ka la 10 nei, ma ka Muliwai Tamesi, mawaena o na poe hoehoe o ke Kulanui o Conela, Amerika Huipuia, me na kaeaea hoehoe o Camabarige o Enelani, ua kaa ka eo i na keiki Pelekane. Ua loaa kekahi mau Amerika i ka umii ma kahi kokoke i ka puuwai mahope koke iho o ka hoomaka ana o ka heihei a ua pauaho koke. He ewalu loa waapa ka oi o na Pelekane mamua i ka pau ana o ka heihei, oiai nae hoi, he elua loa waapa ka oi i ka hapaha mua mai ka pahu hopu. Ua au aku ko Amerika poe no Enelani e hoohoa ai a auhee, e like la no paha hoi me ko Enelani poe ke holo mai no Amerika.
Holapu no ke Kaua Kipi ia Cuba.
Aohe no i ano kaukaulua iho ke kaua kipi e holapu la ia Cuba. Iulai 4 i haawi pio aku ai ka puali kipi i hoomaluia e Zeia malalo o na poe Sepania ma Remidio. Aole o Zeia iwaena o ia poe a ua akaka ole no hoi kona hopena. Ma kekahi hoouka kaua ana, ua hoauheeia he 1,500 poe kipi, he 280 o lakou i make i haaleleia iho ma ke kahua, ma ka aoao hoi o na Sepania he 50 i make a eha.
Iloko o nei malama e hoouna ia aku ai he 16,000 koa mai Sepania no Cuba, a he 60.000 hoi iloko o Okatoba a me Novemaba. O na lono no hoi ua lanakila na kipi ma kekahi mau hooili kaua ana. Ke nui la ka huli aku o ka lahui mahope o na kipi, a ua manaolanaia no hoi e lakou e loaa ana he lanakila hiwahiwa loa ia lakou e kapae loa aku ai i na hookaumaha ana a Sepania.
Hana Hoao Hoopahu a na Hiena.
He pahu laau o 25 paona ke kaumaha ka i hoea aku ma Berelina, Geremania, i ka po Poa eno, Iune 29, a ua hoounaia aku ma ka inoa o ka Luna Hooko Nui o ka Oihana Makai. Mamuli o ka ikeia ana o kekahi ano wai e kakahe ana malalo ae o ka pahu ke kumu i hoohuoiia ai e na luna oihana. Ua weheia ae o lalo a ikeia ino la he aila benezinena wai la, a i ka nana pono loa ia ana iho i ikeia iho ai he lehulehu na omole o ia ano aila, i hoohuiia me kekahi apana welu, a hoopaaia me kekahi wati hoonikilele i kauia ka manawa i ka hora 10 30 Iloko no h i o ia pahu, he pu panapana o elima keena poka i piha, a ua hoopaaia me kekahi kaula mai ke kiko a ke pani o ka pahu a me ka wati. Nolaila, i ka manawa i hoonohoia ai o ka wati, a i ole ia, i ka wa paha e weheia ae ai o ke pani o ka pahu, o ka wa paha ia e pahu ae ai. Aohe i akaka ka mea nana i hoouna aku i keia mea, me ka manao paha e hoopoino i ka hale oihana o na Makai.
Na Kepani kue Pake ma Famosa.
Ua hoaiai aku KA MAKAAINANA nei ma ka helu i hale no na hana ma ke Mokupuni o Foamosa. Eia hou no kekahi mau mea no laila: O na poe koa Pake hoi nei i auhee ai mai Hobe aku, ua kau nui aku ma na waapa i Iune 6 a holo aku no ka moku nahu Geremania Ata e mo-ku ana iwaho ae o ia wahi. Eia nae hoi, aole i hoihoi loa na poe i haaleleia aku mahope Ua hoomaka aku lakou e ki pu i na waapa a me ka mokumahu mai na papu aku a make 7 poe me 17 poe i eha. A ia wa i komo aku ai ka mokukaua Geremania Itilisa ma ia lealea. He mau poka kakaikahi i ki pololei ia aku i ka papu a waiho ana he 13 poe i make ka mea i pau ai o keia ano e.
Ekolu tausani poe koa Pake i waiho aku i ka lakou mau lako kaua, a ua hoouna koke ia aku ma na moku Kepani a me na moku kuwaho e ae no Amoe, kahi aku o lakou i hookuuia aku ai, a ma ia wahi no hoi lakou i hakalia ole iho ai i ka hoeu ana ae i kekahi hoohaunaele hou nana i kono ae i ka Itilisa eleu e komo aku e hoomalielie.
Pioloke na Poe Kipi o Samoa.
Ano kupilikii no ke kulana ma Samoa. No kahi manawa mamua aku o Iune 19, ka wa o ka lono i hoikeia ae ai, ua malama halawai mau na poe ko kua o ka aoao kipi, a ma ka halawai mua loa ana ma L filufi, i Atua, ua hoea ae he 5,000 poe. Ua manaoia aohe ana e hiki ke hookoia aku na kauoha ana a ka Aha Kiekie, a e hiki ole ana no hoi i na Kanikela o na mana ekolu ke hoomalu aku me hookahi wale no mokukaua Pelekane uuku Ma keia mau halawai ana ka i malamaia ai kekahi mau hana pegana loa o na au pouliuli, a ua manoaia hoi mamuli o ia mau hoohana ana, ua manao na kipi e kue aku i ka mana hooko o ke Aupuni. I ka pau ana o keia mau halawai ana, ua hoounaia aku he mau kope o kekahi palapala. e hoike ana i na manao o na 'lii a pau akoakoa ae i ke Aupuni Samoa a me na Kanikela ekolu. He leo ao ke ano o ka palapala, e uwalo aku ana "e hoomaopopo ka lahui a pau loa." Wahi no a na olelo ana, ke mau la no ka noho'na maluhia. Ua hiki i na poe a pau i kaua aku ia lakou ke hele aku me ka laelae a me ka hoopilikia ole ia, a aohe hoi e hookoia na hopu ana no na hewa kalaiaina i hala mua He palapala okoa ae no hoi kahi i na alii a me na luna aupuni kuwaho, e hoike ana i ka lakou noi no ko Malietoa waiho aku a me ka hoopauia hoi o ke kulana Moi. Ua hoounaolelo aku o Malietoa e halawai no oia i ka ikaika me ka ikaika.
Na Hunahuna Laulaha.
Ua haalele aku ka mokukaua Geremania Falake ia Sadane no Samoa.
Ua oleloia aohe i hololea loa ke alawai oki o Kiela. O kekahi kumu no ka pii loa o na auhau ana i na moku e makemake ana ma ia wahi e komo ai.
Mamuli o ka nawaliwali i ka ua mea o ka palupalu, ua waiho aku o S. George Gray [Keoki Gere], ka loea kalaiaina o ka hema, i kona noho iloko o ka Ahaolelo no ka Apana o Aukalana.
Ke hoonana la na Ilikina Wawae eleele e hoopiena ae ma ke Teretori Akaukomohana, Canada, e pepehi i na poe ili keokeo a pau ma ko lakou wahi. Ua holo aku ka mikanele Pelekane i mea e pakele ai kona ola.
Ua lonoia he mai pilikia loa ko Kama'lii Basimaka, a o kekahi lono ua make oia i ka la 3 a 4 nei paha, eia nae, aole loa he wahi kahua iki no keia ano lono. He wahi omaimai no kona, aole nae hoi i hopohopoia.
He mau tausani lehulehu o na poe Hova o Madagasaka i hoauheeia e na poe Farani, ma kekahi hooiuu kaua ana mai nei, me ka nui o ka poino ma ko na paele aoao. E ua no make a me 15 i eha ma ko na Farani aoao.
Mamuli mai nei o na hana a Haku Rosebere a me kona mau hoa, ma ka haawi ana i na inoa hooalii a hoohanohano i kekahi poe hoa kalaiaina o ka poai Liberala, ua lilo ia i mea hoohilahila loa i ka manao o Pohaku hauoli, ka hapauea kalaiaina loea, a ua hoike akea ae oia i kona manao ma kekahi palapala akea i kona oe na lakou oia i koho mau iloko o ka Anao elo i kona haalele loa i ka noho a lawelawe pili kalaiaina ana ma na ano a pau ma nei mua aku ma ka aoao Liberala.
Ua hooholoia mai nei o ka hapanui loa o ko Suedena me Norewai Ahaolelo, Iulai 5, e ukuia aku ko Saudena lilo no ka oihana kukai a me kanikela a hiki i ka la mua. Ma ka hoomakaia ana o na kukai kamailio ana, ua olelo ae ke Kuhina Nui na manaolana oia e hooholoia na mea i manaoia me kekahi mau kumu ole. A ma ke kohoia ana iho, ua hooholo pakahi ia ia mau haawina e 69 ia 45 a e 72 ia 42.
-
Dr. W.D. JONE,
[KAUKA IONE.]
Kauka Lapaau no na ano ma'i a pau o loko o ke kino, fiva taifoida, maka eha, niho eha, puu eha a me na ano e a pau e loaa ana i ke koko ino a me na palapu e ae. Aole ana mau okioki a kolikoli ana. Hiki loa iaia ke lapaau i na ano ma'i a pau loa, a ke loaa ole ka oluolu, aohe uku ana, ina nae hoi nana wale no e lawe awea mea i ma'i.
MANAWA HANA: Hora 9 a 11:30 A.M.; i a 6 P.M.
KEENA: Alanui Konia, ma na keena mauka loa o Birito Hale, ma ka huli ma Ewa ma ai Nui Moi aku. mei 13-3ml
-
HUI KAMAA O NA POE
HANA.
POE KALEPA NUI A LIILII I NA
ANO KAMAA A PAU LOA.
Helu 516, Alanui Papu, ma Kauhale Hou o Burua.
Honolulu, P.H. iul 15-tf
-
KALAHIKI.
HALEKUAI LAHUI.
Helu -, Alanui Moi, keena hana mua o ka Hawaii Holomua.
E weheia ana ka halekuai maluna ae i ka POAONO, MEI 11, 1895, a malaila e loaa ai na waiwai a me na lole hou loa o na ano a pau, no na kumukuai emi loa mamua o na wahi e ae.
Aohe hewa ke kipa mua mai a e ikemaka mamua o ka hele ana i na halekuai e ae.
M. PALAU.
mei 6-3ml Luna Hoohana.
-
G.E. SMITHIES,
[KEOKI KAMILA.]
Mea Hooponopono Hoike Helu, Mea Ohi a Koi A e, Mea Kakau Kope, a Mea Kalepa Aina.
KEENA: Helu 406, Alanui Papu, ma ka Hale Opunui.
Telepone Helu 184. mei 27-3ml
-
F.J. TESTA, (Hoke).
MEA OHI A KOI AIE.
Mea Huli Moolelo Aina a Waiwai e ae paha.
Mea Unuhi a Mahele Olelo Hawaii a Enelani paha.
Mea Hana Palapala Kanawai o na Ano a pau.
Mea Kuai Mikini Humuhumu Lole.
Mea Hoolimalima a Hoolilo Aina.
Mea Kuai Waiwai no ka Uku Komisina Haahaa.
Ua makaukau mau oia o lawelawe i na hana a pau e haawiia mai ana iaia. He kuike ka rula.
E loaa no oia ma keia keena. apr 8-1mk