Ka Makaainana, Volume IV, Number 5, 29 July 1895 — Hunahuna Mea Hou o Hamakua. [ARTICLE]

Hunahuna Mea Hou o Hamakua.

O Hamakua ka helu ekahi o na apana ma ka hoole ana o na kiure aole e lawe i ka hoohiki. Eia iho na inoa o kekahi poe o lakou: C. P. Mahi opio, o Opihikao, Puna, kona one hanau, a eia i Kapulena e noho nei, Wiliko, Kaiahua, G. Alika, no Waipio; K Paaluhi a me E K Mika, no Kukuihaele; P Keliikuewa me Kalili, no Kapulena; Hinau, no Honokaa; Waiohinu, no Paauilo; Maikai, no Kaao; Palea, no paauhau; Imikula, no Paauilo, a me kekahi hapahaole luna hana o ka mahiko o Paauilo, a me kekahi poe e ae aole i loaa na inoa ia'u. Nolaila, ola na iwi ia lakou. Ache e like me ko Kohala poe kiure ka ae e lawe i ka hoohiki. O kekahi no hoi, aole i ukuia mai ko makou uku la e like me ka mau, he $2 aka, o ka uku mile wale no, aia ka a hoohiki aku, alaila, ukuia mai ka uku la. Ma kekahi la o ka mahina i hala, ua loheia ka uwe ana o kekahi mau wahine elua, a pau ka uwe ana e kekahi o laua, ua hoomaka koke ka hoopaapaa aia a hakaka koke no. Aole i maopopo ke kumu. Ma Keahakea keia mau hana eepa i hana ia ai e keia mau wahine. Mahanahana ka wela o ka la i keia mau la e nee nei. A ke hoomaka mai nei ke ano wi o Hamakua i keia wa. Makanikeoe. Hamakua, Hawaii.