Ka Makaainana, Volume IV, Number 5, 29 July 1895 — Untitled [ARTICLE]

E holo ana makou i Niihau. Ae paha! Ahiahi o ka poakolu iho la i hookomo mai ai ka Mariposa a pili ma ka uwapo Osianika mai na Panalaau Hema mai. Ma ka hora 10 kakahiaka o ka poaha mai i niau loa aku ai no Kapalakiko. I ke ahiahi Poalua nei, ma Kikihale, ua kipoia iho ia ke poo o Kaluna e kana wahine a moku pu. Ua ona like no i ka wa i hahauia iho ai oia e kana wahine, a ua kahewai mai ke koko maluna ona. Ua laweia ae laua no ka Halewai a ilaila i lapaauia ai na palapu o ka mea i eha. He pauku hao ka mea i uhauia iho ai. ; i -1