Ka Makaainana, Volume IV, Number 6, 5 August 1895 — Page 8
8 HONOLULU, OAHU, POAKAHI, AUGATE 5, 1895.
[Mai ka aoao elima mai]
ake, no ka nui ka o na poino a me na hana lapaau kue kanewai. Pehea no hoi ina o na laikini o kahi poe o lakou kekahi e hoopauia? Ina pela, pai a pai.
-
Uluhua loa ke Kuhina Waiwai i ka noho Kuhina, no ka lilo i mea mahanahana loa i ke ahuwale ae o kana mau uhiuhi ana i ka popo a me ka mu iloko o ke "eke kalena" o ka lehulehu, mamuli hoi o ka hoonuu loa o kona mau hoa i ka nui maoli no paha hoi i kahi o ka ono. E aho no paha oia e hoi mai a mawaho nei a e noho ae no ma ke ano ona banako.
-
Piha kanaha-kumamalua la o ka noho ana e ke kau Ahaolelo kuikawa mua o ka Repubalika, aohe mau mea ano nui loa i hanaia ae no ka pono o ka lehulehu, koe wale no paha ka ikeia ana ae o ka popopo o ka waihona. Ua ahona no ia, ua ike - a! Ahea la pau? Aohe i pau mai na hana, nolaila, ua maopopo ole no.
-
No kela koi poho a Kimo Duriele, oia na ohua palemo o ka aoao Aupuni ke olelo nei he lopa a he ilihune maopopo oia, oiai, he wahi halekuai kika a wai momona uuku wale no kona ma ke kihi akau o ka pa o Luka Hale a o kekahi hoi, he kuke oia Ina no he ole loa oia o na ole loa, e ukuia e pono ai kona hoopaa hewa ia ana me ke kumu ole Aole no ka hune ana o kahi ka mea i kuleana ai ke Aupuni e hopuhopu wale aku no A na Amerika Huipai a e kakoo mai ana ia koi, a e loaa ana no; a ke pau ae hoi ia, oia hou aku no, a kinikini a manuunuu wale, a hana ka haawe a kaumaha a luuluu.
-
Ua noi ae o Lunamakaainana Kamauoha, a ua hooholoia, i $125 no ka uku ana no 25 kope o kekahi buke e hoopukaia aku ana no na hana (oehaa) o nei kau kuikawa. E loaa ana paha iaia hookahi kope, no kahi mea hookahi wale no nae hoi ka pomaikai. O ia nae paha hoi, o na kii kekahi o lakou i paiia iho nei e komo ana ma ia buke. A no kona maluhiluhi loa no ka lilo mau wale o ia mau dala o ka lehulehu, ua aeia oia e hoi e hoomaha no elua pule, a apopo holo.
-
Eia ke hohono mai nei ka uwahi o na hana ekaeka i lawelaweia e ka Makai Nui o Hana. Kupanaha no paha, o ka polelei mai no ka hoi i ka olelo mai, mai hana oukou i kumu hewa mawaena ou a me kou hoalaupa, eia nae, hoao no e pao i ka huewai a ke kanaka. Pehea mai nei keia e ka Levi i Levi pono ia?
-
Mai hoike o Kakela i kona aloha oiaio ina oia i lawe aku nei ia Kale Aki i kakauolelo nana ma Wasinetona.
KELA A ME KEIA.
-
He 113 ka nui o na hihia o keia au kiure.
E nana nou ia aku anaka ao ao makai loa o alanui Papu.
I keia la e noho ai ke kau kiure kaapuni o Honolulu nei.
E kukuluia aku ana he hale pohaku uinihepa ma ka huina o na nui Betela a me Hotele.
Elua mau mahele koa o luna o ka Beninetona i hooleleia mai iuka nei no ka paikau ana i ka Poalua nei.
Ua ku aku i Kapalakiko ma ka la 22 o Iulai mai Hilo aku ka mokumahu holoholo lealea Eia noa iloko o eiwa la holo.
Ma ka haleku i Waiona Kalepa e loaa ai ke SAKE maikai i paipaiole ia me ka wai, i like ole me ko kahi mau wahi aku ka paipaiia. He hapaha (25 keneta) ke kumukuai no ka omole hookahi. E kii nui ae!
Ma ka Warimu i huli hoi aku ai o Sekua no kona home, ka haole nana na laau lapaau kaulana i hoola iho nei i na ma'i o kekahi poe.
Hana mau na kuaua i na la i hala iho la, ke hele la a ukele na alanui. Hui pu mai hoi me ka makani heleuluulu, aohe nao ai i ka papaa.
Ma keia Poalima iho e ku mai ai ka Auseteralia mai Kapalakiko mai, a ma ka Poakolu o keia pule ae e haalele mai ai ia Kou nei no Kapalakiko.
Ua pau ka holoholo ana o kahi ookumanu Kahului mawaena o Kapalakiko a me Kahului i keia wa. No ke au kaeole mai no paha ke kumu.
Nui loa ka uluhua o ka poe e noho nei ma Aala no ka hana kuli mau o na mea kani o ka hale keaka Pake i na po a pau. Aohe io aku la no e nele.
Ma ka Mokolii o ka Poaono iho la i hoea mai ai ka Hope Ilamuku hou, H R Hikikoki, mai Molokai mai, ma kahi o Balaunu i hookiekieia ae
Ua huli hoi mai ka Luna Dute Nui ma ke Kalaudine o ka Poalima iho la, a ua noho aku la o T E Wala e malama i ke keena oihana dute o Hilo.
Ma ka la 1 ino la o keia maaina i hookiekieia ae ai o AM. Balaunu, Hope Ilamuku, i Ilamuku no ke Aupuni, ma kahi o E G. Hikikoki i waiho mai.
He lono ka i loaa mai ma ke Kalaudine no ka loaa ana aku o ke kino make o kekahi Pake ma Hamakua, Hawaii, a aia ka ke holiia la ka mea nana i hana ke karaima.
No ka hui himeni Kawaihau kapilipili e haawi ana na leo himeni hooleia ma ka po e mareia ai o H. Foke me Misi Aneta Numana, oia ka po Poakolu iho, la 7 ae.
Ua hala aku la ma ka Warimu o ka Poaha iho la ke Kuhina Noho Hawaii ma Wasinetona, W R Kakela a e kona ohana. Aohe ona ohu a onaia e ko lakou poe, lakou poe, o Kale Aki wale no paha ka i iho aku e ike.
Ma ka hihia labila o J.E. Gomesa kue i ka Hui Hawaiiana Gezete imua o ka Aha Kiekie i ke Poakolu iho la, ua aeia ke noo a ka aoao pale e hookolokolo hou ia ka hihia. Ua haawi mua ia ka pene no ka mea hoopii me $500 poho a ua hoohalahala ka aoao pale.
Ua waiho aku o Hone Makai Nui H.W. Dike o Makawao i kona kulana oihana, a ua paoiia uku ma kona wahi o W.H. Kini o Wailuku a o Keoki Kanaka noi ma ko Kini.
Auwina la Poakolu iho la i haawi ae ai ka Moiwahine Kanemake Kapiolani he paina hoolaulea ia Mekia Wudehausi a me kona ohana mamua o ka holo ana aku la no Enelani.
Ilalo o Waianae i ka Poakolu nei, ua piiia iho la ka wawae o kekahi Kepani hana e ke kaaahi lawe ukana a haki pu. Ua lawe loa ia mai oia i ka Halemai Moiwahine o lapaau ai.
I ka weheia ana o ka Aha Kaapuni ma ke kiure i ka hora 10 A M nei, ua hoopau wale ae ka Loio Kuhina i na hihia o J. E Buki, no ka ohumu kipi, a me ko ko makou Puuku, no ka hoeha makai.
Ma Honaunau, Kona Hema, Hawaii, ua awaiauluia iho la e Keoki Kanikau me Misi Taravesa, kaikamahine makahiapo a Misasa keoki Likikane o Maui, i make e aku, i kahi mau la o ka mahina i hala. ka mahina i hala.
Lehulehu loa o na poe i malama ae he mau paina hoomanao ma ka la 31 iho la o Iulai, ka la i hoihoiia mai ai ke EA o Hawaii nei, a o keia no hoi ka la i welo hou ae ai ka hae nani o Hawaii nei, mai kona nalo ana no eono mahina.
I ka Poalua nei i mareia ai o ka Makua Leolono maloko o Marieokamalu, o CA Lona me Irene Bukanana. Pau ka mare ana, ua holo pololei aku la na paa mare no kahi o Keoni Kolopana, a malaila i malamaia ai he wahi papaaina o na mea ai mama.
I ka Poakahi i hala i hookolokoloia ai na kanaka i hoeha ai i ka Pake iwaho o Punahou i ka po Poakahi mamua aku, oia o Nahulu a me Kaapana, a ua hoopaiia mai ka inoa mua ekolu mahina hana oolea ma Kawa me na koina ao ka inoa hope he $75 me na koina.
Mahope iho o ka hoopanee ana no kekahi mau la ua noho iho la ka Aha Apana e hoolohe i ka hihia moekolohe o A Mokimana me Misasa Luahiwa i ka Poaha iho la, a mahope iho o ka pau ana o na olelo ike a na aoao elua me na olelo hoonoho noho a na loio, ua puka mai la ka olelo hooholo a ka Aha e hookuu ana i na mea i hoopuia.
Ke hoomaka hou mai nei ke ku ana oia i a, oia noi, ka haha lalu. Ke hele la ka uwapo o Burua i keia mau ahiahi iho nei a kauluwela i na kane me na wahine, e halaoa ana hoi na kamakoi i oia ianei. Oia no ka poe mikimiki, nele no ka poe hoouiui. O ka Pake nae ka hewa i ka hokai mai me ka lakou mau upena i kahi e lawai a ia aku ana.
Ua hopuia o D Kapali a me B Remona, mamuli o ko laua nanamaka, i ka wa a Kupihea i hopu ai ia Joe Koa, kela kanaka opulepule, oiai oia e hou ana ia Paulo Molenohoa i ka pahi ma kela Poaono aku nei Ua belaia o Kapali a hemo mai, a o Remona hoi ua paa aku oia. Ma ke kahiaka hoi o ka Poakolu nei i hoopaiia ai imua o ka Aha Apana o Kapali he $10 a o Ramona hoi ua hookuu wale ia mai, mamuli ka o kona kuai.
Ma ke Kalaudine o ka Poalima iho la i huli hoi mai ai ka Bihopa o Honolulu mai kana huakai aku nei i na kihapai o kona Ekalesia ma Hawaii.
He paina komo hale ka misata A.K. Akau i haawi ae ai i ka ahiahi Poaono nei mauka o ke alanui Kula imua o kekahi poe kakaikahi i konoia. Maikai na mea a pau.
Ua malama ae o Loi Kekumano he paina hoomanao la hanau i ke ahiahi Poalima nei no ka piha ana o ka makahiki hookahi o kana keikikane. E ola loihi ke kama nona ka la, oia ka makou e kalokalo aku nei.
He palapala me ka bila kikoo dala hale leta maloko ka i nalowale i ka po La Pule i hala na ko makou Puuku. E Oluolu ka mea e loaa ai e hoihoi mai, oiai, ua papaia i ka uku ana i ua palapala kikoo dala la.
I ke awakea Poakolu, Iulai 24, na hopuia iho la he ekolu mau keiki Hawaii no ka hoeha ana i kekahi Pake ma Kikihale aenei. I ka Poaha i noho ai ka Aha e hoolohe i ko lakou hihia a hoopaneeia mai a ka Poalima nei. A ua puka mai ka olelo hooholo a ka Aha e hoopai ana ia Keoki Wainee he elua mahina e noho ai i Keoneula, a he ekolu hoi o Haole.
Ma ke kakahiaka Poalua iho la, ma Kaakopua, ua hanau mai he wahine i ke keiki aole nae i ola, ua make mua no iloko o ka opu o kona makuahine, a he mau hora wale no mahope iho o ka hemo ana o ke keiki ua lele loa ae la ka hanu o ka makuahine. Ia auwina la no i nalo aku ai laua ma ka ilina o Kawaiahao. O ka wahine keia a Coing On, ka kauolelo Pake a Laie Makuna, nona ka inoa o Mele, a kaikamahine hoi na Rev Mamela (kuai kamano) o Kaneohe Aloha no.
Kakahiaka Poaha iho la i ku mai ai ka Alameda mai Kapalakiko mai, a ma ka hora 5 no o ia ahiahi i holo loa aku ai no na Panalaau Hema. Ma ka hora 3 hoi a oi o ia auwina la i ku mai ai ka Warimu mai na Panalaau Hema mai, a ma ka hora 8 hoi o ia ahiahi i holo loa aku ai no kona alahelemoana no Vanekouva. Maluna aku ona i kau aku ai ka Mea Hanohano Ake, a me Mekia Wudehausi a me kona ohana, no ka huli hoi loa i ko lakou home ma Enelani. Ohuohu a luuluu o Ake a me ka ohana o Wubehausi i na lei mai na hoa'loha lehulehu i iho aku e ike a e aloha hope, a o Mekia Wudehausi hoi, ua ohu iki no, eia nae, ua hoole aku oia i ka hapanui o na ohu.
-
NO WAIANAE
O R. & L. CO.
MA NA POAONO A ME NA LA PULE.
E haalele no na Kaamahu ia Honolulu nei ma na hora 9:15 A.M. a me 1:45 P.M.
Ke huli hoi mai, e hoea ana i Honolulu nei ma na hora 3:11 a me 5:55 P.M.
NA PALAPALA UKU PUNI:
Papa Ekahi, - - - - - - - $1 75
Papa Elua, - - - - - - - - - 1 25
F.C. SMITH,
Agena Ohua a Palapala Nui.
lui aug-tf