Ka Makaainana, Volume IV, Number 7, 12 August 1895 — Page 7
HONOLULU, OAHU, POAKAHI, AUGATE 12, 1895. 7
LAUOMIDIHAE
-KA-
UI I MOHAIIA I KE KOKO
-KA-
NANI I ALANA IA I KA OI
O KA PAHIKAUA.
-
Ka Mea Huna Iloko o ke Kiaha
Waina.
Ka Mea Pohihihi i ka Maka o
ke Kuikele.
-A O KE-
KEIKI NUMAREDINA
KE Komo Lima Maka Popoki.
-
MOKUNA XVII
Ka Aha hookolokolo a na kupua - Kau ka weli i na kiai o ke Kihapaipua o Numera- Huai puka nui ia na pihaa moewai o kahawai - Ke kilokilo wahine e oloio ana iwaena o na kia
I ka loaa ana iaia o kekahi lono o ia ano, hoi aku la oia a kahi e lana ana o kona waapa kupua, kau iho la oia me ka awiwi nui a iloko o ka mapuna hoe hookahi, aia ua wahi waapa la e oloio ana malalo o ka malumalu o na lala vilou e luhe iho ana maluna o ka muliwai Muzine.
Aole i liuliu loa aku kona hoe ana aku, hoea aku la ia i kona aina pahaohao a e neho mai ana hoi kana poe keiki me ka oha oha iaia. A o kana mea hou ano nui loa i hoike aku ai i kana poe keiki, o ia no ka mea e pili ana i kana huakai maluna o ka aina o Siama a me kona hoolohelohe ana i na mea e hanaia ana, a o ka hope loa no hoi, o ia kona hoike ana aku i ka paa pio ana o na makua o Numaredina ma, me keia mau olelo;
"E Numaredina, kuu keiki, e hoolohe mai i ka moolelo walohia o ko olua mau makua i hoopaa pio ia iloko o ka halepaahao o Kulina Eleele ka halepaahao i hoopaa pio ia ai kekahi mau moi kaulana o Harouna Arasaila. Ano, e hoolohe mai e kuu keiki, e kau aku no oe i ka hoopai o ka make maluna o ka mea nana i hoopaa pio i ko olua mau makua.
"Nolaila e lalelale nou iho i keia wa; no ka mea, e lilo no oe me kou kaikuahine i alii maluna o ka aina o Peresia holookoa. A mai poina hoi i ka hoomanao i ko olua mau hoahele iloko o na poino a me na popilikia he nui."
Iloko o keia mau olelo a kahi luahine, aia oMurisedela ke noke la i ka uwe no ke aloha i ko laua mau maluna, a o Numaredina hoi aia kona mau maka ke haka pono la maluna o ua kilokilo la me ka wiwo ole. Me he mea la, ua ake nui loa oia e hele koke e kau i ka hoopai maluna o kona mau enemi. No ka mea, o ke aloha o ka makua, aia no ia ke paila mau la iloko o keupupuuwai i na wa a pau.
Aka, ua Kaua iki aku la ke kilokilo iaia, e kali iki lakou no kekahi mau la mamua o ka hele ana aku. Oiai ua manao ke kilokilo, o ka hana mua e hana ai, o ia no ka hoihoi pakahi ana aku ia na kaikamahine a pau o kela a me keia aupuni imua o ko lakou mau makua; aole hoi o ke pikokoi ma na pipa alanui me he mau manu hulu like la e lele like ana i ka binana hookahi O ia paha! [Ae oia, o pipili ma no, ke loloa la na au i ke alualu Honihoni hohole samoka wahi a ka elele o ka pa kaua.]
O ka mea kupaianaha nae, i ka wa i lohe aku ai o Rahe Biama hoihoiia ana oia a me kona mau hoa imua i ke alo o ko lakou mau makua, aole loa ona makemake iki i ka hanaia pela. O kona makemake e hele pu no lakou me Numaredina ma, a ma kahi a laua e noho ai malaila like no lakou apau No ia mea i hele aku ai ua poe kaikamahine la a mua o Lauomidihae, a noi aku la e ae mai oia ia lakou e hele pu me laua ma ka laua wahi e hele ai, a ma ko laua wahi e moe ai malaila pu no lakou.
Komo iho la ke aloha iloko o Lauomidehae no keia poe wahine opio, a ae aku la i noi a lakou, a oia kana i hele aku ai a hoike imua o kana aloha.
"Aole pono e hoihoi aku ia lakou no ko lakou wahi e noho ai imua o ko lakou mau makua. Ma kahi a kaua e hele ai, malaila pu lakou a na ka make e hookaawale aku."
Mamuli o keia mau olelo a Lanomidehae imua o Numaredine, ua ae aku la oia, a oia no hoi ko laua manawa i hele aku ai e hoike i keia mau mea imua o ko lakou kokua. A no ia mea, aole iho la i ko ko ke kilokilo manao ma kana papa kuhikuhi i hoolala ai. Ua haule pahu ia (Duke ka eepa o kiaha saki) Rahe Biama. Pela no ka papa kuhikuhi a kekahi o na poe eepa nui wale o ke ao nei. E like paha la me kela Kuhina nana i noho hoomalu i na eepa o Leiolono, a holo ai i kahi kaaka hosake o ka Nekina.
[Aole i pau.]
-
Ua hookuuia mai ka pa kapili moku o Pota Balakele ka mokukuna hou eha kia ka Nakomisi, nona ka loa he 160 kapuai, a he 450 tona ke kaumaha, a aia no hoi ma kahi i kapiliia ai oia he elua moku hou, a e hoolanaia ana iloko o elua mahina. E lawe mua ana ka Nakomisi i kana piha ukana mai Tacoma aku no Sana Pedero.
NA MOKUPUNI.
Na Lono Kuwaho mai kela a me
keia Apana o keia Aupuni.
-
Ike ia "Kona Kai Opua i ka Lai
Opua Hinano ua Malie."
(Koena mai kela pule mai.)
HOIKE KULA SABATI ME HUI OPIO
MA KA LA PULE.
Hoi e ai i ka hora 11 a oi, no hookahi hora ka hoomaha ana, noho ka halawai mahope o ka hora 12 A.M. Hoomaka ka halawai, Kalalau wale a me kona hope ma ka noho. Hoomaka me ka himeni a me ka pule a J. Ili, himeni hou ia, ku mai o Kalauwale a hoakaka mai, na ko Naalehu peresidena e wehe i poomanao.
Ua ku mai o J Kaiokoili, a heluhelu ma Mataio, mokuna 25, a pauku 1-13, no na wahine puupaa he umi, elima i naauao, elima hoi i naaupo. Ua nui ka poe i ku e kokua i keia poomanao, mai na misiona kaahele, a na luna mai Keokea, Papa, Naalehu a me Opihali, a o ka hana hope, o ia ka hoomau ana i na Lunanui iloko o ko Iesu Karisto Ekalesia, a hookuu me ka himeni a me ka pule a Kiko
Noho ka hoike a ua hui opio mai Naalehu a Opihali. Na ko Naalehu i kaa mua ke kahua loa i noho alakai ia e J. Kaiokoili, he eiwa no lala o ka hui opio o Naalehu, eono wahine, ekolu kane, he mau pauku paanaau me na himeni; hookuu ko Naalehu, himeni me ka pule. Hoomaka ko Opihali, o O. Nakanelua ka peresidena, Ilianu, Moluhi, kona mau hope, a kohoia o J.M. Naiwielua i kakauolelo no ka la, hooholoia. Weheia na hana, himeni, pule, himeni hou. He mau pauku paanaau, haiolelo, himeni, haiolelo haole, Pake, Kepani, Kilibati, ua unuhiia ma ka olelo Hawaii, a ke nana aku, ua ku no i ka milolii na hana i hanaia e ko Opihali hui opio. He mau manao hoolana, heluheluia ka moolelo o ka la, a aponoia. Mai na misiona mai, o ia hoi ka hoomau i na peresidena o na hui opio. Hookuu na hana, himeni, pule. O keia ka hopena o na hana i lawelaweia ma Opihali, e pili ana i na Kula Sabati a me hui opio, o ka manawa paha i pau ai na hana a hookuu, o ka hora 5 a oi; i ka pau ana, ua hoi e paina, a ua hoi no kekahi poe o na kamaaina o Kona no ko lakou mau wahi pakahi, koe makou o Kau a ma ka Poakahi ae ka hoi ana, o ia ka la 17.
Poakahi, la 17, haalele ia Opihali hora 10 kakahiaka. Oiai makou ma Kaapuna, ua hiu e mai la no kekahi poe mamua, he mea ole ka uluohia o Kipahoehoe, i ka ihu hanu o ka hapa Kaleponi, "ia oe no kau apa ae e Kaoeno mahope," ua ku no kau apa, he moku hui o Kinau. Hiki ma Kapua i ka hora 1 a oi, hoomaha malaila, paina ai me ko laila mau kamaaina, oia o Sema a me Luika. Haalele ia Kapua hora 2 me ka hapa, a maanei aole i like ka hoi ana.
Nolaila, o makou o kekahi o na lala o ka hui opio o Naalehu, ma ka inoa o ko kakou ekalekia, ke haawi aku nei i ko makou aloha no ka ekalesia o Opihali, Kona Akau, ke Kula Sabati, Hui Opio, Hui Manawalea, na makua a me na pokii iloko o ka hana a ke Akua, no oukou a pau ko makou aloha nui, a ke lana nei ka manao e hui hou ana no kakou i ke kau e hiki mai ana. E haawi pu i na hoomaikai ia oukou e ka poe hoano o ke Akua, no ko oukou malama a hookipa maikai ana ia makou, oiai, aohe o makou mau makua ma ia wahi, aka, ma ka hana a ka Haku i hui ai kakou hookahi iloko o Karisto Iesu. Pomaikai ka noho lokahi pu ana o na hoahanau.
Ke haawi nei makou ia oukou e na Kula Sabati me hui opio o Opihali i ke kai Malino a Ehu i ke aloha. Aloha oukou a nui!
J.M. NAIWIELUA.
Naalehu, Kau, Iune 25, 1895.
-
NO WAIANAE
O R. & L. CO.
MA NA POAONO A ME NA LA PULE.
E haalele no na Kaamahu ia Honolulu nei ma na hora 9:15 A.M. a me 1:45 P.M.
Ke huli hoi mai, e hoea ana i Honolulu nei ma na hora 3:11 a me 5:55 P.M.
NA PALAPALA UKU PUNI:
Papa Ekahi, - - - - - - - $1 75
Papa Elua, - - - - - - - - - 1 25
F.C. SMITH,
Agena Ohua a Palapala Nui.
lui aug-tf
-
W.H. DANIELS,
[BILA DANIELA]
Agena Kuai, a Hooponopono Aina, Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka emoole.
Keena Hana a me Wahi Noho, aia ma Wailuku, Maui.
mei 6-mk.
-
J K KAHOOKANO
LOIO a he Kokua ma ke Kanawai.
KEENA HANA: Alanui Kaahumanu,
Honolulu. jan 8, '94-1mk
-
F.J. TESTA, (Hoke).
MEA OHI A KOI AIE.
Mea Huli Moolelo Aina a Waiwai e ae paha.
Mea Unuhi a Mahele Olelo Hawaii a Enelani paha.
Mea Hana Palapala Kanawai o na Ano a pau.
Mea Kuai Mikini Humuhumu Lole.
Mea Hoolimalima a Hoolilo Aina.
Mea Kuai Waiwai no ka Uku Komisina Haahaa.
Ua makaukau mau oia o lawelawe i na hana a pau e haawiia mai ana iaia. He kuike ka rula.
E loaa no oia ma keia keena. apr 8-1mk