Ka Makaainana, Volume IV, Number 8, 19 August 1895 — Page 7
HONOLULU, OAHU, POAKAHI, AU GATE 19, 1895. 7
LAUOMI DIHAE
----KA----
UI I MOHAIIA I KE KOKO
---KA----
NANI I ALANA IA I KA OI O KA PAHIKAUA.
Ka Mea Huna Iloko o ke Kiaha Waina;
Ka Mea Pohihihi i ka Maka o
ke Kuikele.
---A O KE---
KEIKI NUMAREDINA
KE Komo Lima Maka Popoki.
MOKUNA XVIII
Ka Aha hookolokolo a na kupua ----Kau ka weli i na kiai o ke Kihapaipua o Numere----Huai puka nui ia na pihaa moewai o kahawai---Ke kilokilo wahine e oloio ana iwaena o na kia
I ko lakou manawa i hele aku ai e hoike i keia mea imua o ke kilokilo, ua pono iho la no ia i kona manao. A oia ka ua wahine la i pane mai ai me keia mau olelo,----
"I ka wa a ka la e aneane aku ai e iho ma kela aoao o ka poepoe honua, o ia ko kakou wa e kau aku ai maluna o kahi waapa a holo aku no kela kapa o ka muliwai Mu zine, ka aina o ka haku o kakou e noho ai."
Ua ae like iho la ua poe kai kamahine la i keia mau olelo, a i ke kokoke ana mai o ia manawa, ua kakakau iho la lakou a pau maluna o ua wahi waapa la no ka aina o Siama. O ka mea kupaianaha loa nae ia lakou i kela wa, o ia no ko lakou ike ana aku he wahi popoki eleele e noho mai ana mamua o ua waapa la me elua mau ilio ma kona aoao, aole hoi o kahi luahine nana i malama ia la lakou.
No ia mea i puoho ae ai o Murisedela a pane ae la,----
"O kuu popoki no kela, ua like loa kona ano me ia."
O ka manawa no ia a na ilio elua i hae ae ai me ka leo nui a panee aku la ua wahi waapa la me ka hoe olo ia. A ua lilo he mea kahaha loa ia lakou. Nani ka waapa a ke kupaianaha nui wale o keia. Ina paha pela ko makou waapa e holo ai---makemake ino i ka mea maikai. Ae no hoi paha.
No ka manawa pokole wale no pae aku la ua waapa la ma kela kapa o ka muliwai, a o ia no ka wa i lekei aku ai kahi popoki eleele i kula a holo aku la me ka mama nui a nalowale. A koe wale iho la no na lilo elua me lakou nei, o ia hoi na ilio o ka alo hoomanawanui ana i ina inea o ke alahele.
Lele nui aku la lakou a pau i kula a kamoe malie aku la ko lakou alahele no ka halealii, ka home hoi o ua nani ala o Hurama i hanaiia ai me ka waiu ono ono o kona makuahin, a lakou nei ma ae nei e pipili nei.
O na kaikamahinealii e hele pu ala me ua mau haku la, aia lakou ke holele pau la i ka lena ike a ko lakou mau maka maluna o ka palahalaha maikai o ka aina o Siama Ke hoohihi la lakou i ka nani o keia aina, a o ka oi loa aku paha i ko lakou wa i lohe ai i ke kani o ka leo o na manu o luna o Haredina, i ane like aku paha me ko Kapalama manu leo lea i ka aluna ahiahi pela ua mau ka mahele la i hooho ae ai no ka hauoli i kela mau manu maikai,----
"O Mu risedela, oia wale no ka mea i kaulana a puni ke ao nei ua like kona leo mele me na manu o luna o Haredina." A akaaka ae la ua poe kaikamahine la me ka hauoli. O na hoomahie ana hoi, aia maluna o Numaredina a me Lauomidihae.
Pela wale iho la no ua poe kamahele la i hoomau aku ai i ka hele ana imua no ka halealii, a ia lakou i komo aku ai iloko, aia hoi, ua mehameha ka hale aole ke kamaaina, na makua hoi o ua mau keiki imi wahine nei. Ua paa pio kahiko laua maloko o na pakaua o Peresia malalo o ka mana o ka moiwahine o ua aina la nona ka inoa o Leinaala.
I ka wa o na koa kiai i ike mai ai ia Numaredina, ua apo mai la lakou iaia me ke aloha, oiai, ua loihi na la o ka nalowale ana a akahi no a ike hou ia. Ua manaoia ua make oia me kona kaikuahine ma ka lima o na enemi a me na eepa o Waolani.
Ua lilo lakou i mea nui loa imua o na koa kiai o ka halealii, a na lakou i hoike mai imua o Numa redina i ke kumu i paa pio ai kona makua a me kahi i hoopaaia ai. He ku i ke aloha ko lakou leo i ka pane mai no ka pilikia o ka moi O ke aloha iloko o lakou no ko lakou alii ke ke mau la no iloko o lakou na hoomanao ana.
----
Oiai o J. Makadonela, mea malama lio o ka pa papa o Waila Ma e holoholo kaa ana i ke ahiahi Poaha, la 8 nei, a i ke kaalo ana ma ke kihi o na alanui Papu me Ho tele, ua puiwa ae la ka lio o kona kaa mamuli o ka holo pukalaki ana mai o kekahi kanaka me kona lio a kiolaia aku la ua haole la mai luna aku o kona kaa a paholehole na pa palima, a o ka lio hoi, ua hina pu aku la iluna o ke alahele aoao a eha ka wawae hope hema O ke kaa hoi, ua hakihaki na kolo.
HOOMANA KATOLIKA.
He Kuhikuhi no ke Ao ana i na
Hoahanau o ka Ekalesia
Anagalikana.
APANA MUA----MAHELE V.
NA MAHAE ANA ILOKO O KA
EKALESIA.
[Hoomauia mai ka Helu 7, Buke IV.]
O kahi mea wale no e hiki ai ke hoopilikia kamakeloa i ka lokahi o ka Ekale sia, o ia no ka nalohia ana aku o kekahi o na maawe kupono loa i kauohaia mai ai e ko kakou Haku, i mea e mau ai o ko kakou noho lokahi like ana i Ona la. E manaoio no paha hoi kakou aohe mea i hanaia ma kela a me keia o na mea a kakou e noonoo nei e oki aku ai la hoi i kekahi o na mahele o ka Ekalesia Katolika mai ia Iesu Karisto aku.
I keia wa, o na mahele Hikina, Roma, a me Anagalicana o ka Ekalesia, o lakou a pau ka poai Katolika, ka Ekalesia o ke Ao Holookoa * Aole loa o kekahi o keia mau Anaina ekolu ka Ekale sia holookoa, aka, he mahele wale no. Ina e nohaha kekahi aniani nana ma na apana ekolu, a o ka mea nui o keia mau apana, ua oki pololei ia ae la hoi kona mau kaekae, hoopaa kaawale ia iloko o ke apo laau, e lilo no auanei hoi keia apana i hona apo laau hou ia i lokahi nona ponoi iho, aka, aole nae hoi ia o ka lokahi o ke aniani nana kumu (mua); e hoike no auanei hoi ia i kekahi lokahi e like la me ia e hoikeia nei e ka Ekalesia Katolika Roma i keia manawa ano.
Aia pakahi no i na mahele ekolu o ka Ekalesia, e like me ka makou i olelo ae nei, na Manaoio, ka oihana o na bihopa i hoolaaia mai na Aposetole mai a me na bihopa na Sakarema a mau kowa paha o ka lokomaikai, mamuli hoi o ia e hoohuiia ai na hoahanau o ka Ekalesia i o Karisto la, ke kikowaena o ka lokahi. Oiai nae hoi, ua kaawale ma ka nana ana aku mawaho, maloko nae hoi ua hookahi no ka Ekalesia,----ke Kino o Karisto, i nohoia e ka Uhane
*Ua koho wale ia he 170,000,000 ka nui o na hoahanau o ka Ekalesia Roma, he 75,000,000 hoahanau o ka Ekalesia Helene a he 20,000,000 hoahanau o ka Ekale sia Anagalicana.
"Ike ole ia ma ka nanaina, ua kaawale ma kahi wahi okoa ma ka olelo, kue, auwe no ka hoi e! ma kekahi mau mea o kahi i kahi, eia nae, imua o ka Nohoalii o ke Akua o lakou no ka Ekalesia Aposetolika Katolika Hemolele Hookahi."----Kauoha Pioso. Hemolele, ka Mea Haawi Ola. He keu a ka ehaeha loa o keia mau mahae ana a kakou i kamailio ae nei;--- ku i ka walania loa lakou, i kue loa hoi i ka manao o ko kakou Haku i Hoomaikaiia, i hoikeia hoi ma Kana komo uwao eukaritia ana mai i ka po mamua iho o kona make ana;----he malokuloku loa ko lakou kaumaha, e akeakea ana hoi i ka hoolahaia aku o ka Euanelio, a me ka hoohulihuli ana mai i ko ke ao nei ia Karisto,---he pilihua loa hoi lakou i kumu no ka hoahewa mau loa ia ana aku.
[Aole i pau.]
-----
E lawe i KA MAKAAINANA i ike i na mea hou
Ma Kapuukolo i ke ahiahi Poakolu nei, ua hoi aku kekahi wahi kanaka me kona hoa'loha i kahiohio i ka wai o ke sake i ko laua hale, a e kali mai ana no hoi kana wahine hoomanawanui. I ka hiki ana aku, ua koi aku oia i kana wahine e aloha i kona hoa'loha i hele a luhe i ka wai o ke sake. Ua hoole mai ka wahine a ua lilo loa iho la ia i mea huhu no ua wahi kaaka nei, ua lalau aku la oia i kekahi pauku laau me kona manao e hoeha aku, ua holo aku la oia i waho o ke alanui, ua alualu aku no oia mahope a huki ma ka lauoho a e ole na lima kokua pakele ai. He hewa iho la ka, ka manao maikai o ka wahine o ka hoole aku i ke aloha i ka mea i poluluhi ka noonoo Peia iho la ka e hoomaunauna wale ai no i ka mea ua pau ka luhi ia hai.
Dr. W D. JONE,
[KAUKA IONE.]
Kauka Lapaau no na ano ma'i a pau o loko o ke kino, fiva taiofoida maka eha, niho eha, puu eha a me na ano e a pau e loaa ana i ke koko ino a me na palapu e ae. Aole ana mau okioki a kolikoli ana. Hiki loa iaia ke lapaau i na ano ma'i a pau loa, a ke loaa ole ka oluolu, aohe uku ana, ina nae hoi nana wale no e lawelawea mea i ma'i.
MANAWA HANA: Hora 9 a 11:30 A.M.; 1 a 6 P.M.
KEENA: Alanui Konia, ma na keena mauka loa o Birito Hale, ma ka huli ma Ewa ma alanui Moi aku. mei 13-3ml
G. E. SMITHIES
[KEOKI KAMILA.]
Mea Hooponopono Hoike Helu, Mea Ohi a Koi Aie, Mea Kakau Kope, a Mea Kalepa Aina.
KEENA: Helu 406, Alanui Papu, ma ka Hale Opunui.
Telepone Helu 184. mei 27-3m
Na Mea Kanu no ke Kuai.
Aia ma ke keena o ko makou Puuku e loaa ai kekahi mau mea-kanu i hoouluia no ke kumukuai oluolu. E ninau ponoi ae no iaia. iun 3-jul 1
E. M. NAKUINA.
KOMI SINA O NA ALA LIILII A ME
NA PONO WAI.
No tari Lehulehu, a he Agena Haawi Palapala Ae Mare no Honolulu nei.
KEENA HANA: Helu 308, Alanui
Kalepa. dk 3-1mk
W. H. DANIELS,
[BILA DANIELA]
A gena Kuai a Hooponopono Aina Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka emoole.
Keena Hana a me Wahi Noho, aia ma Wailuku, Maui.
mei 6-mk.
J K KAHOOKANO
LOIO a he Kokua ma ke Kanawai.
KEENA HANA: Alanui Kaahumanu
Honolulu. ian 8, '94-1mk