Ka Makaainana, Volume IV, Number 17, 21 October 1895 — Page 1
Ka Makaainana
BUKE IV - Anou Hou. Honolulu, Oahu, Okatoba, 21, 1895. HELU 17
MOE KAU A HOOILO.
-
Poe i Imi Aku la i ke Ala Polikua-a-Kane.
SAMUEL LOUISSON.
Aneane paha e kani ka hora 7 o kakahiaka Poakolu iho la i kuu mai ai ke aho o Samuela Luisena, kekahi o na keiki a M. Luisona, o ka hui kalepa o M.S. Garinibama Ma, ma kahi i noho o Kauka Haoada. He kanaka opiopio oia o 24 makahiki, a no Honolulu nei no kona hanauia ana iloko o 1871. Ianei no hoi kona hoonaauaoia ana, a i Kapalakiko aku ka hoopau loa ana. He lala oia no kekahi mau ahahui kuloko lehulehu o kakou nei, a he lala no hoi o Komopani B o na koa Aupuni. I ka auwina la Poaono no oia i loaa ai ka ma'i, iaia e lealea ana i ka paani kinipopo upena, a ailiia aku la kona aho. O kona ma'i i make ai, he eha inoino loa iloko o ka opu. Hora 3 p m. o nehinei i malamaia ai ke anaina pule hoolewa nona ma ka Heiau o ka Hui Malu Masona, ma ke kihi hikina o na alanui Hotela me Alakea, a ua lawelaweia no hoi na hana hope loa e pili ana nona malalo no o na lawelawe ana a ia Hui Mu Malu. Aia no na makua i Kaleponi, i kela Auseteralia aku nei i manaoia ai ko laua hiki mai, a malia hoi o pae mai i keia la. O kona kaikuaana wale no kona pilikana maanei. Ua lehulehu na poe i moe aku kaoo ma kana huakai hope, a ua nani no hoi na hoohiwahiwa pua.
No nei opio hoi makou e olelo ae ai, oiai, ua like ole kona kahua kalaiaina me ko makou, ua hilinai nae hoi makou ua nui na mea i upuia nona, a oia aku ana hoi kekahi hoaloha oiaio loa o kakou a me ko kakou aina nei. Iloko hoi o ko makou mau launa ana me ia, ua nui ko makou hilinai a me ka mahalo pu nona, no kona oluolu, ike kanaka, a me ka lokomaikai. O ka makou olelo hope hoi nona, oiai, ua hala aku oia, e hookuu aku hoi iaia "e hoomaha iloko o ka maluhia."
JOHN FRANCIS PILLET.
Mahope iho nei hoi o kekahi kaa ma'i pokole ana no elua paha pule, na haalele mai la o Hoahanau Ioane (Brother John), ka elele hoopono, hoomanawanui, a pauaho ole o ka Hoomana Katolika Roma, mai na Makua a na Kaikuahine o ke kula Virigine, i keia ola ana i ka hora 10 a.m. o ka Poaha iho la, i ke 61 a keu o kona mau makahiki. Ua hanauia oia ma Belegiuma i Sepatemaba 2 , 1814, a hoea mai i Honolulu nei i Aperila 28, 1848. Nui kona kamaainaia e ua poe a pau, mai ke nui a ka liilii, a mai ke kiekie a ka haahaa, a mai ka waiwai a ka ilihune. He oluolu oia i na poe a pau, a ike mau ia no hoi ma ko kakou mau alanui a hiki i kona ma'i ana iho la a make, a loaa hoi kona mana
Hora 7 a.m. o ka Poalima nei i malamaia ai ke anaina pule nona maloko o ka luakini o Malieokamalu, malalo o na lawelawe ana a ka Rev. Makua Leolono. Lehulehu na poe i hiki ae malaila a i ukali aku no hoi mahope o kaua huakai hope loa. Ua kamoe aku ka huakai hoolewa no ka ilina o Koula, a ilaila oia i haaleleia aku ai ma ka waiho ana aku hoi iaia e hiolani no ka la hope o kona Haku iloko o ka "moe kau a hooilo" o na poe pono a pau.
MISASA A. PALEKALUHI.
Kakahiaka o ka Poakahi i hala, ua kuu mai la ka luhi o Misasa A. Palekaluhi i keia ola ana ma Kauluwela, no na la pokole wale no o ke kaa ma'i ana. I ka Poalua mai i nalo ai me ka ukaliia e ke kane, ka ohana, a me na makamaka he nui. Ua kanalima paha a keu na makahiki ma keia ao.
SAMUELA KAMAKA.
Mauka hoi o Puowaina, i ka hora 2 o ka wanaao Poalima nei, i hele aku ai o Samuela Kamaka i ke ala hoi ole mai. He wahine me na keiki a me ka ohana kana i haalele iho mahope nei e u aku nona. Ua kanaha kumamawalu ka nui o kona mau makahiki.
-
Eia ke hanaiia nei e ka Papa Ola he 62 ohana makai o Kakaako. O lakou ke koena o na poe aohe home e noho ai mamuli o ka pau ana o ko lakou mau hale i ke puhiia.
Iwaho ke Aliiaimoku o Kahala i ka lawaia i ka Poaha iho la, oia a me kona poe, a mahope aku hoi kona makai. Nui no na i'a like ole i hei mai ia lakou. Ia ahiahi iho no i huli hoi nui mai ai.
Loaa ka hana a kekahi poe o ka la e hele nei ma ka makeke kahiko e eli ai i ka lepo, a loaa aku la ke dala keokeo, ke komolima gula, a me kekahi mau mea ae no hoi a nui wale aku. E hiki ana ka loaa o kekahi poe mai ka 25 keneta a pii aku iluna a hiki i ka $3. Nui kela!
NUI NO KOENA
-
Ma ka Waihona o ka Ahahui
Manawalea Hawaii.
Akahi pule ae la i hala mai ka pau ana o ko keia Ahahui hanai ai ana i na oiwi nele. I kakahiaka Poalua iho la, hora 10 A.M., i pau ai na mea hana a me na lako mea ai i koe iho i ke kuai kudala, a ua lilo no me ka makepono loa. O ka la hope no hoi ia o ka noho ana iloko o ka hale, a eia kaupoku ke wawahiia nei no kekahi hale pakui hou ae paha.
E ikeia no ke kulana o ka waihona, e like me ia malalo iho, ma ka
Hoike Piha Elima a ka Puuku:
NA HOOLILO.
Ukuia na bila a -
Metropolitan Meat Co..............$214 20
W L Wilcox..............................471 25
H May & Co..............................69 44
H E McIntyre & Bros................4 15
Lewis & Co...............................32 88
H Hackfeld & Co.......................61 84
Hawaiian Hardwar Co................24 00
TH Davies & Co.........................77 62
J A Hopper..................................20 00
Castle & Cooke ..........................9 20
Union Feed Co., Kaupalenaia.....25 40
Kong Hop Kee............................. 10 25
McGuire's Express (2 pule) .........9 00
E O Hall and Son..........................4 10
Ving Fat & Co..............................5 00
Halepai Makaainana.....................2 00
Hawaiian Star ..............................7 25
Evening Bulletin..........................1 50
The Independent...........................2 00
Hawaiian Gazette Co....................7 25
Uku hana o 8 poe hana i ke Kahua poo a Okatoba 12............40 00
Kela a me keia lilo no elua pule ma ke Kahua-poo no elua pule e pau ana i Oct. 12......5 10
Huina lilo no elua pule e pau ana i Okatoba 12................................$1103 44
Koena dala ma ka Banako...........................................................4009 01
$5122 45
NA LOAA.
Koena dala mai ka hoike mua mai. $4860 17
Huina i ohiia mai kekahi hoaaloha. 10 00
No na pahu berena i hooliloia......... 36 25
Mai na oiwi mai o Anahola............. 17 00
No ka poi i hooliloia........................ 5 05
No na mea i hooliloia e J F Morgan ma ke kudala............ 183 98
Huina.................................................$5112 45
Koena dala ma ka banako, Oct. 12, 1895...................................................$4009 01
EMILIE MACFARLANE,
Puuku Ahahui Manawalea Hawaii.
Honolulu, Okatoba 12, 1895.
HUINA O NA POE I KOKUAIA.
Eia iho ka huina ona poe i kokuaia o na kane, wahine, a me na keiki no ka pule e pau ana i Okt. 12, 1895.
Mai ke Kahua-poo (na Apana 4,5,6,7,11,12,19,) alanui Betela..........4646
Apana 1......................4646
" 2...............................1765
" 3...............................1224
" 8...............................1064
" 9...............................2610
10...............................762
10 1/2...........................1128
" 13...............................1008
" 14...............................552
" 15...............................1038
" 16...............................1140
" 16 1/2..........................504
" 17...............................630
" 18...............................1152
" 20...............................1164
-
22,244
-
Iwaena o na ohua i hoea mai nei ma ka Mariposa no keia awa, he loio kekahi o E. Davisi ka inoa, i lawe loa ia ai e ka Miowera a hooleleia ma Apia, Samoa, mai Vanekouwa. I hele mai nei oia e ninaninau no na mea e pili ana i ka hihia koi poho a na hale Mula a me Karanasetona i ka laina mokumahu Canadiana Auseteralia.
Mau Mano ka Inai o ka Hoi'na.
Kakahiaka nui o ka La Pule i hala, makai o ka makeke hou o Ulakoheo, ma Waikahalulu, ua hoea ae o Hanale Kaia, Halemano Kaouli, i hou pu ia ai i ka pahi me J. Kauhane i make, J. Napoliona a me kahi poe e iho, a ua kuai mau amaama o Kaouli. Loaa kana mau i'a, ua kau ae oia i kona lio a haawi aku nei i ka puolo ia Hanale Kaia e waihi iloko o ka pepa. Ia Kaia hoi i hele ai no ia hana, ua kokuaia mai la oia e L.D. Keliipio, ka luna nana a ka Papa Ola i hoonoho ai malaila, ma kona haawi ana mai he elua mau mano liilii, e waiho ana iloko o kekahi ie papai ana i hooholo ai ua kupono ole e kuaiia, a o keia mau mano na i'a i wahiia iloko o ka pepa a haawiia ia Kaouli, o na amaama hoi, ua paaia mai ia e ka eu. Kaha aku nei o Kaouli hele, a pela no hoi o Kaia ma, a mawaho iho o ka Hale Leta i hui nui hou ai, o Kaia hoi, komo no kana hana maloko o ka Hale Leta, oiai, ua pau mai la ko Kaouli noho kiai ana i ka Hale Dute. Eia nae hoi, ua haawiia aku nei na amaama i kekahi mea okoa e haawi aku na Kaouli, a paa hoi iaia, ua noi hoowahapaa aku la hoi o Keaka, aka, ua hoole mai kela, no ka mea, ua laki ia i ka loaa hou o na amaama hou, me kona ike ole nae o kana mau amaama mua no ia. Aka, iaia (Kaouli) a hiki i kauhale a wehe ae la i ka puolo pepa-ana i hiipoi ai, he mea e kona piena i ka ike ana he mau mano a ua koloheia hoi oia e kela eu, a o na i'a iloko o ka la i, o kana no ia. Wahapaa no. No Keliipio nae paha hoi ka hewa.
-
I ka po Poakolu iho la i weheia ai kela hale keaka hou e ku nei makai mai o ka hale keaka mua ma Aala aenei, ma ka aoao ma nae iho ma Ewa mai o ke alanui kokoke i ka Be Viu.
I ka hakaka ana o Palekai, wahine a Samu Pedero, me ka wahine a Mu, mauka o Kauluwela, i ka Poaono nei, ua lele aku o Palekai a nahu i kona kokoolua a moku. No ka nui mai o ka ona keia hana.
Hora 9:40 a.m. o ka Poakahi i hala, mauka o Pauoa, i hanau mai ai na ka wahine a Kale Keo Pu. (C W Booth), he kaikamahine. Aka, he mea o ke aloha i ke kaili koke ia ana aku e ke Akua i ka Poakolu mai. Minamina wale ia pua o na la heu ole i ako koke ia.