Ka Makaainana, Volume IV, Number 18, 28 October 1895 — Page 3
HONOLULU, OAHU, POAKAHI, OKA TOBA 28, 1895. 3
kaha nei, e kanikau pu me oe, e ko makou Haku, ko makou noho ana, e u a e kumakena pu me oe a me na Keikialii, no kou pokii Alii, i nalohia iho nei, i ka hale leo ole a koou a ke aloha.
E HOOHOLOIA, a ke pule nei makou na ke Akua Kiekie Loa, e hoomama mai i kou naau kaumaha, a me ko na Keikialii. A e kaana pu hoi i ka noho ana pili aloha, kuikahi, mawaena ou, a me makou na ohua, kau poe kauwa haahaa o kou aloalii nei.
E HOOHOLOIA, I hookahi kope o keia Olelo Hooholo i ka Moiwahina Kanemake, a me na Keikialii, a i hookahi kope e hoolaha piha ia ma na nupepa o keia kulanakauhale.
Me ka mahalo, ma o ko makou komite la.
G. K. KEAWEHAKU, JR., D. M. PUNINI, JR., A. O. KAHULUALII, MRS. HANA LILIKALANI, MISS MALIE KALEIKOA,
Hanaia ma Honuakaha, Honolulu, i keia la 16 o Okatoba, M. H. 1895.
Mai na Makaainana o Kona Akau.
"O Halulu o ka manu kani halau,
O Ku o kaha ka eheu o ia manu,
Kani kiwaa ka manu i Kawaluna,
He kino manu no Kalani,
Ko inoa e!"
I ke Alii ka Moiwahine KAPIOLANI, a me au mau lei:
O makou iho me ka haahaa, na makaainana o Kona Akau, Hawaii, ma o ko makou komite la. A no ka mea hoi, ma Honolulu, Oahu, i pauaho mai ai i keia noho ana kou pokii alii i aloha nui ia, a hele aku la i ka moe kau a hooilo. Aloha wale! Aloha ke pohona-u, kahi a kamalii e kaohi la i ke kukuna o ka la, pumehana wale ia aina. Aloha ke kini o Hoolulu, aloha ke one o Kaiakekua a Niumalu; aloha ke wai o Kiope; aloha na paia o Keakealani; aloha na ao opua hookiikii i ke kai; aloha na kalo peleke-i i Kalaieha la e. Aloha! Eia makou la mai ke nui a ka liilii, ua kuipaluia a eha no kou pokii alii, oiai kona mau hiona olu a me kona leo nahenahe waipahe a makou e poina ole nei nona. Ua hala, ua nalo kekahi iliili o'a o ka hale o Keawe a me Umi o na la kahiko—
"Aia i Pokahi ka liko uwahi manu,
Ka noenoe ua noenoe i ka laau,
Ka noe uwahi o luna o Pokahi,
Aloha wale ia i'a he-i i ka uwahi,
Pa noe ia'u kikiopua,
E aha au e ke kiu o Haihala,
Ilalo au ike i ke kaha o Papiohuli,
Ahu ka hepa a ka liula i Mana, Umi'a!"
Nolaila, e hooholoia:
AKAHI— Ke komo pu aku nei makou e u pu me oe, a me au lei, no kou pokii alii i hala.
ALUA—Ke nonoi nei makou i ke kolu o na Lani, e hoomama mai i ko oukou mau luuluu.
AKOLU—O ka makou pule, e ola loihi oe, a me na keiki, a na ke Akua ola loa e kokua mai ia kakou iloko o keia wa kaumaha.
Me ka haahaa,
W. M. KALAIWAA, J. K. NAHALE, D. ALAWA, A. J. KAUHAIHAO, W. D. KAEA, J. KAELEMAKULE, THOS. AIU, J. W. KELIIKOA, S. W. KAWEWEHI.
Na na Hoahanau o Sana Anaru.
I ke Alii ka Moiwahine Kanemake KAPIOLANI.
O makou, o na poe i kakauinoa malalo iho, no makou iho a no na hoahanau e hoomana ana maloko o ka Luakini o Sana Anaru, ke makemake nei e hoike aku ia Oe, e ke Alii, i ko makou aloha paumako a luuluu, no ke kaumaha a ko kakou Makua iloko o ka Lani i oluolu ai e hoouna mai maluna Ou ma ka lawe ana aku i Ona la i ka uhane o Kou Kaikaina i aloha nui ia, ke Kama'liiwahine Poomaikelani.
O kahi hooluolu oiaio e hiki ai ia makou ke haawi aku ia Oe, e ke Alii, malalo o nei hookaumahaia Ou, o ia no ka manao ae, aia Kou Pokii i keia wa iloko o ka maha mamuli o na pono pau ole o ko kakou Haku a Hoola Iesu Karisto, iloko hoi Ona oia i manaoio ai, a o kona kino hoi e moe nei i keia wa iloko o ka moe kau a hooilo maloko o ka ilina, e ala hou mai ana ia ma ka la hope mamuli o Kona mana kiekie loa a e lilo i hale mau loa no ka uhane make ole.
E oluolu ke Akua e hookupaa ia Oe, e ke Alii, iloko o keia manaoio oiaio, ka mea hookahi i hiki ke kokua ia kakou i ka wa ola a me ka wa make, o ia ka uwalo haahaa a makou.
Kau poe kauwa hoolohe.
AL FRED HONOLULU, VINCENT H. KITCAT, EDMUND STILES, HENRY SMITH. Na Luna.
Honolulu, Okatoba 15, 1895.
Auwina la Poalua iho la i holo aku ai ka Olimepia no Iapana, a koe hookahi iho la ka Beninetona iloko nei o Kou.
Pakele kekahi wahine haole mai lele ke aho iaia e auau kai ana iwaho o Waikiki i ka La Pule i hala. E ole e ike koke ia e kekahi luina moku haole, pakele ai oia.
O ka haole nona ka halekuai ko-omoomo ma alanui Hotele, i hopuia iho a laweia aku nei i Kapalakiko e hookolokolo ai, ua hoopaiia mai nei he 15 malama hoopaahao no ke apuka.
Alana saila ka Nani
— KA—
HAKU BARONA WAHINE.
Ka Naita Huna o ke Kapakila Ulaula—Ke Aka Kino Wailua Kamahao—Ka mea Hoopahaohao o ka Po—Na Lei Daimana Ekolu— Ka mea Huna Pohihihi lua ole o ka Lua Waiwai o Hamelota.
Ela Bene
KA HAKU BARONA OPIO;
— A ME—
Ane Bela
KA MANU HULU OMAOMAO O SEKOTIA.
Mokuna I.—Helu 3.
I ka make ana o ka Haku Emapire II., ua hooili aku oia i kana keiki kamakahi me na a'o he nui i kana keiki, me ka malu loa. Ua hoomauia kela inoa o keia ohana o ka Haku ma keia inoa huna, ka Haku Emapire o Hamelota, ma ke ano he inoa kapakapa wale iho no ia, a o ka inoa pololei loa oia no ka Haku Aranasaila o ka pakaua o Alanakera.
E like me na hana mau i hanaia e na Haku, o ia no a hoea wale i ka manawa i pau ai ke kakela i ke ahi, a o ia ka manawa hope loa o na hana a me na mea a pau e pili ana i ka ohana o ka Haku, a o ka hope loa ia o na mea iaia ke ki e wehe ia ai ka mea huna o kela lua waiwai nui e hiki ai ke lilo ka honua holookoa, a koe okoa no he mau puu ahua o ke dala, ke gula, daimana, ka momi, a me na pohaku makamae o ka honua.
E ka mea heluhelu, e nana aku kaua imua i ka Halealii o ka Moi Wole saire, a me ke kakela Duberina o ka Haku Haosetine, o ke kulanakauhale o Edinebolo.
Oiai, o ka moolelo o ka Haku o ka pakaua o Duberine, ua pii ae kona kaulana ia mau la lehulehu e ko hele ia ana io a ianei, aka, o ke kupanaha a me ke pahaohao, aole ia i like aku me ke kaulana o na lei daimana ekolu a me ka lua huna o Hamelota.
Ua huli hoi aku la na powa puuwai eleele o na mauna Urala me ka hoka nui, a e pahola ana ia mau la ke kaulana o kekahi kaikamahine i haiamuia e ka nani a i hookaulanaia a puni na hilana no ka lua ole o kona naauao ma na mea a pau, nona ka inoa o Ane Bela, a nona hoi kekahi hapa o keia moolelo.
He ekolu mau mea nana i hapai ae i kona kaulana, ka mua, kona ui, ka lua, kona naauao, ke kolu kona ano waiwai, oiai, oia ka milimili punahele a kela Haku waiwai nui Hao setine o ka pakaua o Duberine, a no kona kulana ma na ano a pau he nani, a kilakila, a oia no ka makahiapo a kela Haku Haosetine.
No ka punahele loa o keia kaikamahine, ua hoonohoia he mau kaikamahine lawelawe nana. O kona mau lole e komo mau ai, oia no ke silika omaomao nani loa, a pela oia i kapa mau ia aku ai e na mea a pau— "Ka manu hulu omaomao o Sekotia." Maanei e waiho loa kakou i na hoomanao ana me ka poina ole o na lei daimana ekolu, a i ka nani hoi o Ane, a e huli aku kakou a makaikai aku no Ela Bene, ke kupanaha o na Hilana o Sekotia, a o ka mea kupanaha hookahi, a nona hoi kekahi hapa iloko o keia moolelo.
[Aole i pau.]
No ka Hoolimalima.
O ka hale ma Alanui Kalepa, i hoohanaia mamua e ka Hui Hoolaha Buletina Puka La. Ua hiki loa no o lalo ke maheleheleia i mau keena oihana, a pela aku. E ninau ma ke keena o WM. G. IRWIN & C., Kaupalenaia. iune 24
HALEKUAI KUIKE OAHU
"KE OLA O HAWAII."
Helu 322, - - - Alanui Nuuanu.
Oiai hoi, ua pau ae la ke kuahaua ana, ua weheia hoi ka halekuai maluna ae i Iulai 1 nei, nolaila, ua makaukau loa e hooko a e hoolawa aku i na iini o na poe a pau. E ko no ka makemake o na wahine ke kipa mai malaila, a e pono no hoi ke kipa mua mai mamua o ka hele ana i na halekuai e ae. Malaila, no e loaa ai Na Makalena, na Kalakoa, na Keokeo Halua me Vitoria, na Papale, na Kakini, na Hainaka, na Waiala, a pela aku a nui a lehulehu wale. E ike mai ia kakou hoakanaka. M. E. SILVA, Luna Nui. iul 8-tf
W. H. DANIELS,
[ BILA DANIELA]
A gena Kuai a Hooponopono Aina, Mea Hana Palapala Kanawai, Mea Ohi Aie a pela aku. O na hana a pau e haawiia aku ana iaia, e lawelaweia no ia me ka eleu a me ka emoole. Keena Hana a me Wahi Noho, aia ma Wailuku, Maui. mei6-mk.
E. M. NAKUINA.
KOMI SINA O NA ALA LIILII A ME NA PONO WAI.
No tari Lehulehu, a he Agena Haawi Palapala Ae Mare no Honolulu nei. KEENA HANA: Helu 308, Alanui Kalepa. dk 3—1mk.
HUI KAMAA O NA POE HANA.
POE KALEPA NUI A LIILII I NA ANO KAMAA A PAU LOA.
Helu 516, Alanui Papu, ma Kauhale Hou o Burua. Honolulu, P. H.iul 15-