Ka Makaainana, Volume IV, Number 18, 28 October 1895 — Page 8

8 HONOLULU, OAHU, POAKAHI, OKA TOBA 28, 1895.

Ua Hala Ma o.
KAPENA H. W. MI ST.

                Ma ka ho ra 5 o ke kakahiaka o ka Poalima iho la i make ai o Kapena H. W. Miki, he haole i kamaaina i Honolulu nei no kekahi mau makahiki loihi. I ka hora 3 o ka auwina la Poaono i hoolewaia aku ai oia mai ka luakini aku o Sana Anaru no ka ilina o Maemae, malalo o na- lawelawe haipule ana a ka Rev. A. Makinikoki, i kokuaia e ka Bihopa o Honolulu. He kapena oia mamua no kekahi mau mokukaua Beritania, a ma ke kaua oia ma Karaimea, a ua hemo mai hoi oia mai ka hana me ka hanohano nui. Ua mare oia me kekahi o na kaikamahine a Kauka Makipine makua i make, a na laua he elima mau keiki— ekolu kane a me elua wahine e u aku nei nona. He mahele o na koa malina a me na luina o ka mokukaua Amerika Beninetona ka i hele aku i kona hoolewa. Ua noho lunahooponopono oia no kekahi mau nupepa o kakou mamua, a ua noho kakauolelo no ke keena o ko na Aina E i ke au o Aukina ke Kuhina, a mahope iho o Keoni Kamaki, a pau ai. He 62 ka nui o kona mau makahiki.

MI SI CHARLOTTE K. BECKLEY.

                Hora 1:20 o ka wanaao Poaono iho la i kuu mai ai ke aho o Mi si Charlotte Kapahukuiokalanimehameha Beckley (Lote Kahapula), ma kahi noho o kona makuahine, Misasa Ema M. Nakuina, mauka o Kalihi-waena. Ua piha iaia ka 19 makahiki ma keia ao mauleule. Oia kekahi i kokua pu iho nei me kona makuahine i na hana kokua a ka Ahahui Manawalea Hawaii, a ua elua pule paha a keu o kona waiho ana i ka ma'i nana i kaili aku la i kona ola makamae. Ua lawelawe oia i ka hana a'o, a oia no hoi kekahi o na kumu o ke kula Aupuni o Kalihi-waena. Minamina wale ia pua i mohala, aka, ako e ia e ka make.
            I ka hora 3 o ka auwina la o nehinei i maneleia ae ai kona kino wailua no ka Luakini o Malieokamalu, malalo o ka lawelawe haipule ana a ka Rev. Makua Leonoro a nalo me ka luaui a me na pokii i hala e aku iuka o ka pa ilina ma Ewa o Maemae. Ua nui no kaoo o ke kaalo ana ae, a ua nani no hoi na hoohiwahiwa pua ma ka hale a ma ka ilina. Aia me ka makuahine a me ka ohana ko makou u pu ana iloko o ko lakou noho'na luuluu ana. Aloha ino!

            Ua hoea io mai no na makua aoo o S Luisona i make ma ka Auseteralia o ka Poakahi i hala. Na ka laua hiapo i holo aku iwaho ma ka waapa pailata e hoike aku ai i ka lohe ia laua, a ua nui ko laua kaumaha, o ka makuahine ka ka waiho ino e waiho nei me ka na ole.

KELA A ME KEIA.

                E nana ae i ka makou mau hoolaha hou.
            O ke Kama'lii Davida Kawananakoa ke kapena o ka Hui Waapa Leilani.
            He 3 5/8 keneta no ka paona ke kumukuai o ke kopaa ma ka lono hope mai nei.
            Ua huli hoi aku i ka hora 4 o ka auwina la Poaono nei no Kapalakiko ka Au seteralia.
            Ua hookohuia o J T Walakahauki i Peresidena no ka Papa Ola ma kahi o W O Kamika.
            Eia he palapala noi dala ke lawe hele ia nei no ke kokua ana i ka ohana o J U Kawainui i make.
            He hoopii koi poho ka C W Akepoka i keia Aupuni no kona hoopaahao hewa ia ana a me ke kipakuia ana mai nei aku.
            Auwina la Poalima iho, hora 3, e malamaia ai na hana hoolaulea no ka wehe ana i ke Kula Kiekie Hou ma Kaakopua.
            Haule ino na keiki o Honolulu nei ma ka hookuku kinipopo i malamaia ma Hilo me ka hui Mahealani, he 23 kue ia 7.
            Ua hoi mai ka makani kamaaina, a e aho iki hoi ia, olu. He oia mau no nae hoi ka wela, koe aku nae hoi ka ikiiki o kela mau la aku.
            Ua hala aku la ka Loio Kuhina ma ka Alameda o ka Poaha iho la no Nu Kilani me ka ukali pu ia e Hon G. N. Wilikoki o Kauai.
            Apopo ka mokumahu Kina e ku mai ai mai Kapalakiko mai. A ma ka Poakolu, la 6 o No vemaba, ke Kopatika mai Kina a me Iapana.
            O ka bebe hou loa o eha malama wale no a Beni Zabalena, ua makeia i ka auwina la La Pule i hala. I ka Poakahi mai i nalo aku ai.
            Ua ku ae i Waimea, Kauai, ka mokukuna Laura Pike, mai Kapalakiko mai, me ka piha lako ai. He 200 tona ka nui o ua wahi moku la.
            Ua hookohuia o Kauka W. H. Reida i Kauka Aupuni no ka apana o Waialua, ma kahi o Kauka Alavare za i hooliloia aenei no ka Halemai o Kalihi.
            Aole i huli hoi mai ka Bihopa o Panopolisa ma ka Auseteralia o ka Poakahi i hala, e like me ka makou i hoike aku ai, aka, aia ma keia Auseteralia ae.
            Ano, ua heo hou aku nei o W. N. Limaikaika no Amerika, i ka Au seteralia o ka Poaono nei, me ka manaolanaia o kona ike hope loa ia ana ia ma Hawaii nei.
            He alanui hou ke weheia aku ana mawaena o na wahi noho o W. O. Kamika me T W Hopena, mai alanui Nuuanu aku a puka i ke alanui Liliha. He 42 kapuai ke akea i manaoia o ia ala hou ma Niupaipai.
            Ua hoololiia ae nei ka manawa o ke Kinau mai ka ho ra 2 o ka auwina la a i ka hora 10 o ke kakahiaka o na la ana e holo ai. A nolaila, e holo ana oia i ka hora 10 o kakahiaka o ka la apopo.
            Kokoke e pau loa na hemahema o ka makeke hou i ka hanaia.
            Ma ka Mikahala o nehinei i huli hoi mai ai ko makou mea kakau mai ka mokupuni kaili la.
            He kuai hoopau nui ka Sini Loi, ma kona halekuai malalo aku o ka Huina-a-Kale aenei, e hoomaka ana i ka Poaono iho, a pela aku a pau na pule elua. Aohe no e hewa ke kipa ilaila.
            Ua hele makaikai aku i na pali hauliuli o Koolau a hoea loa i ka ehukai o lalo, Waialua, ke Komi sina Beritania i ka pule i hala iho la, a ua hoohiki hou mai no i Honolulu nei i ka Poalima nei.
            Ua piha hauoli loa ia kekahi keiki wili papapai o ke Kuokoa namu i nehinei, no ka loaa wale ana iaia o kekahi okeni me ke kahe ole o ka hou. Eha aku la ka mea nana ke kenikeni i ka Pali keiki.
            O keia ka la hoano o Sana Simona a me Sana Iuda, a i ka Poalima iho hoi ko na Poe Hemolele a pau. E hoomanaoia ana no ia mau la me na anaina pule kupono ma na luakini o Sana Anaru a me Malieokamalu.
            Ma ka halawai ana o ka Papa Ola i ka Poaono nei, ua noonooia ka hooki i ka malama ana i na ohana e hoomaluia nei ma Kakaako, i nele i na home ma o ka pau ana i ke puhiia i ke ahi. A ua manaoia, o keia ka la e hookuuia mai ai lakou.
            He paina hoolaulea ka Peri sidena Kole i haawi ae ai i ka po Poalua iho la no ka hanohano o W. O. Kamika mamua o kona holo ana aku la. O na kuhina ekolu, Pi Ki Keoni me T. C. Pota, a me ka lakou mau wahine na poe i konoia.
            Ua wehe aenei o E duada a me Hare i hale inu waiona no laua, ma ka Hale Meli mamua, ma alanui Nuuanu aenei. He mau kamaaina no laua a elua. O ka inoa mua, oia no Eduada Wolota, he lala no ka Aoao Liberala mamua, a he makamaka oiaio hoi no na oiwi.
            I ka auwina la Poakahi i hala, ia Beni Galega e huli hoi ana no Waikiki, me kekahi o na kaikamahine a Kimo Kamabela ma ke kaa, ua hookuiia aku la ko laua kaa me kekahi kaa waiu ma ka huina o na alanui Rikeke me Moi nei, a haki pu aku la ka ka huila, aole nae he mau mea i eha.
            Ma ka po Poaono nei ua ulele hakaka ae kekahi mau wahine Hawaii ma Kikihale a aole o laua mea i eha i ka wa o ko makou mea kakau i haalele aku ai. I ka wa nae ana i hoi mai ai, lohe aku la oia i kekahi wahine i puana ana ae—"E pau ana kakou i ka hoolahaia." Pela no ka hoi paha!
            Ua holo puiwa aku ka lio me ke kaa no ka A gena o ka Papa Ola, Lalana, i ka Poalima nei, a hookui me kekahi Pukiki hana alanui a hina ke Pukiki, pii aku aku la kekahi huila ma ke poo a loaa he moku ma ka lae, aole nae he kukonukonu loa. Na Kauka Mare i wa-hi ka mea i eha a hoihoiia i kona hale. Mai ka pa mai o Aliiolani Hale ka holo ana a loaa ke Pukiki ma alanui Moi; ma ke alo iho o ka Pa Alii.
            Ma-u na alanui o ke kulanakauhale nei i kahi mea ua liilii o keia kakahiaka. E aho nae hoi ia aohe e hou hewa i ka wela a ka la.
            Ua paaia e ka Luna Dute o Hilo he 30 mau pahu wai seke no kekahi mea i maopopo ole ka inoa. Mai Kapalakiko loa mai no kela mau pahu maluna mai o kekahi moku kalepa.
            I ka holo lio kela Kauka Talamage ma na apana kuaaina o kakou. Ho! pehea kela lio ihu upepe nuinui owala makemake ku pololei paha? No no, iaia matemate here ma Kalaepohaku.

Kuai Hoopau Nui!
NO ELUA PULE WALE NO!!
SING LOY (Sini Loi)

Ma na Helu 51 & 53, Alanui Moi, ma Ewa aku o Alanui Maunakea. Ma ka Poaono, Novemaba 2, e hoomaka ai keia kuai ana, a he paki maoli ana no ka olelo ana. Waipahe na kukai ana, a oi loa aku hoi ka hoolu ana ma na kumukuai, i ike mua ole ia malaila mamua. O na waiwai e kuaiia aku ana, o ia no Na Silika Pake o na Ano Like ole, Na Makalena, Na Kalakoa, Na Eleele o na Ano a pau, Na Keokeo o na Ano a pau, Na Kamaa a me na Papale O Kane, Wahine a me Keiki, A pela aku, a pela aku, a nui loa a lehulehu, e pono ai no o ka ohana nui. He mea hewa ole ke kipa mai e ikemaka i ka huikau o ka Huin-a-Kale. okt 28-4pl

Waihona Buke Hawaii.

E loaa no na buke ma ka olelo makuahine no ke kuai ma ke keena o ko makou Puuku. Penei iho kekahi o ia mau buke: Laieikawai - - - $1 00 Gaberiela Lenoa - - - 75 R. W. Wilikoki - - - - 50 Hookahuli Aupuni o 1895 - 50 a pela aku, a pela aku. O na buke e ae no hoi kekahi, e laa na buke kanawai, a me kahi mau ano e ae, ke ninau pololei ia mai ia F. J. TESTA (Hoke), 327 Alanui Moi. ok 28-tf

Ua Makemakeia
Ma ka
HALE INU RAMA LUVERA

(o ka Hale Meli mamua,) Helu 91, Alanui Nuuanu. 5,000 kanaka i na La a pau, no ka inu ana i ka BIA KAULANA O KEOMOLEWA, Ua Hele a Huihui i ka Hau. EDUADA & HARE. Telepona 589. Pahu Leta 475. okt 28-tf

Hoolaha Hoohui.

Ke hoolahaia aku nei ma keia o BRUCE WARING, e noho ana ma Honolulu, Mokupuni o Oahu, a me CHARLES S. DESKY, e noho ana no ma Honolulu i olelo mua ia, ua hoohui ae ia laua iho. O ka hana a ka hui, o ia ke kuai mai a me ka hoolilo aku i na Waiwai Paa a me Lewa ma ko Hawaii Paeaina. O ka inoa hui o ka hui, o ia no o BRUCE WARING AND COMPANY. O kahi nui a ka hui e lawelawe ai i ka hana, aia no ia ma Honolulu i olelo mua ia. Hanaia ma Honolulu, Sepatemaba 30, 1895. okt 28-3mnw