Ka Makaainana, Volume IV, Number 20, 11 November 1895 — Page 7
HONOLULU, OAHU, POAKAHI, NOVEMABA 11, 1895. 7
NA AINA MAMAO.
Mau Lono Huikau ma kela a me
keia Wahi Like Ole.
No ka Mare o ke Duke o Malaboro.
E lilo ana ka mare ana o ke Duke o Malaboro me Misi Vanabila ma Nu Ioka i mare keokeo holookoa; o ia hoi, mai na aahu o na mea e mareia ana a me na ku aoao, a pau pu me na hoohiwahiwa ana o loko o ka luakini, he keokeo wale no. Ua oleloia aole keia mare ana he ake waiwai, oiai, ua waiwai no ke Duke nona ponoi iho aka, no ka makemake mai o kahi i kahi, i awili pu ia no hoi me ke aloha kulipolipo. Make no laua no laua iho, a eha no hoi kahi i kahi.
Nui na haawina popilikia e halawai la me ke Duke ma Nu Ioka. Ke hoea ae la na makana mare mai Enelani mai, a ke paa ia la hoi e ko laila Luna Dute aia a uku mua ia ka uku dute. Ma ko ke Duke manao paha, oiai, he mau makana wale no kela mau mea, a ke pau ae no ka mare, hoihoiia aku e laua no Enelani, nolaila, aole e pono e kauia ke dute, eia nae, aole pela ka manao o ko ke Aupuni kiai. Aole no paha e hoopaakiki loa aku ana ke Duke a e ukuia aku ana no e ia.
O kekahi pilikia i halawai ai me ia, iaia i ka holoholo kaa hehihehi wawae ma Paka Waena, Nu Ioka, me ke kue i ka rula, ua hopuia oia no ka holoholo paukiki loa. He mea punihei loa ka oia ia ano lealea. Ua aoia mai oia ma ka halewai a kookuuia mai.
Hookoia ka Hoopai o ka Make.
Maloko o na paia pa o ka halepaahao o Sana Kuenetina, Kaleponi, i liia mai mai nei i ka Poalima, Okatoba 18, o Han s Hansen a me Thomas St. Clair, he mau mea i komo like ma ka pepehi ana ia Malamamoku Fitigerala maluna o ke kiapa Hesepa, he mau makahiki aenei i hala, oiai ia moku ma ka moana a e holo mai ana mai Nukakela, Au seteralia, no Honolulu nei. O na mea mua keia i liia ma ia Mokuaina malalo o ka mana o na luna o ke Aupuni Poo. Pinepine na hoopaneeia ana o ko laua liia ana, a i nei hana ana mai la hoi ua hoole loa ka Peresidena e hookoe hou i ko laua ola.
Ua malamaia ka li ana me ke ano malu, he iwakalua wale no poe i aeia, mai na luna oihana, na kahunapule a me elua elele mai na ahahui Denemaka, oiai, he mau kanaka Denemaka laua, aka, e u holo luina ana malalo o ka hae Amerika. Uina like no na a-i o laua i ka haule ana. O ka mua, ua hooholoia kona make loa iloko o eiwa minute, a aka, o ka puuwai hoi o ka lua iho, aole i pau ka pana ana no umikumamaha minu te. Ua oleloia ua hololea na hana e pili ana i ko laua liia ana.
Huikalaia na Kipi ma Berazila.
Ua apono ka Aha Senate i ka bila e huikala ana i na poe a pau i komo ma ke kipi ana a Adimerala de Melo a me ke kipi ana no hoi kahi ma Rio Garana do Sula. Imua hoi o na Elele o ka Hale, ua aponoia kekahi hoololi e hookoe ana i na alii kipi mai ke komo hou ana aku iloko o ka oihana kaua aina no elua makahiki. Ua manaoia e apono ae ana ka Aha Senate i keia hoololi.
Na Hunahuna Laulaha.
Ke pii mau la no ka lanakila o na Kepani ma Foamosa.
Me he la e komo keakea ae ana o Rusia ma na hana pili ia Korea.
Aia o Iapana ke liuliu la e hoomahuahua ae i kona mau aumokukaua.
He mau hoohaunaele kue haole hou no ka i oehuia mai nei ma Kana Pu, Kina.
Ke noonooia la ka okioki ana ia Tureke, wahi a ka oleloia, no ka hookauliiliiia aku malalo o na Mana.
Ma Kapalakiko e hanaia ai he elua o na mokukaua hou o Amerika Huipuia mai loko mai o eono i kauohaia.
He 30,000,000 taele a Kina e uku aku ai no ko Iapana haalele loa aku i ka noho ana ma ka puali o Liaotuna.
Ua pau mai nei na poo i ke okiia o umikumamaha poe hou ma kela luku ana i na misionari ma Kukene, Kina.
Ua hana kuikahi mai nei o Rusia e hoopaa iaia iho e kokua aku ia Farani mai ke kueia mai e kekahi mana e aku.
He uweaolelo moana hou ke hoomoeia ana mai Farani a Nu Ioka me na hoolala aku i na Paemoku luia Komohana a me Amerika Hema.
Ua konoia ae ke Aupuni o Amerika Huipuia e komo pu aku me Farani ma ka hoikeike nui e malamaia ana iloko o ka makahiki 1900.
No ka nui loa o ke okaikai haunaele ma Seoula, Korea, he ukali paha hoi no ka pepehiia ana o ka Moiwahine, ua noi ae ka Moi i na luna o na aina e no ka hoopakele aku i kona ola. A mamuli hoi o ke kauoha a na Kuhina Amerika a me Beritania, ua hooleleia aku na koa mai na moku aku o ia mau aupuni malaila.
Wahi a ka oleloia i ka wa i pepehiia ai o ka Moiwahine o Korea, e ku kiai mai ana no he pualikoa Kepani ma kahi kokoke, ma kahi kapa aku paha o ke alanui, aohe nae hoi i haawi mai i na kokua ana iloko o ia mau uluaoa ana. He keu a ka nanamaka. O ia nae paha hoi, he poe Kepani ole wale na poe na lakou i lawelawe kela hana.
Kumakena Aloha no Jos. U.
Kawainui.
Ia M RS. HATTIE KAWAINUI;
Eia makou la me ka paumako nui, na hoa'loha o kau kane e noho ana ma Kona Akau, Hawaii, ma o ko makou komite la, a no ka mea hoi, mamuli o ka oluolu ana i ke Akua Mana Loa, ke kaili ana aku i ka hanu hope loa o kau kane i aloha nui ia, a moe aku la i ka moe kapu o Niolopua no ke kali ana i ka pu a ka luna anela, a waiho iho la ia oe, e u hookahi nona, a makou e olelo ae nei ua eha aku la oe i ka eha lima ole a ke aloha. Aloha ka pukaua, ke kaeaea. O ka mana o ka makakila, ua kuipaluia e ia.
Aloha Oulu, ke kaala a Kahekili. Ua pau, ua nalo, ua meha ka wawalo ana o kona leo, mai kela pea a keia pea o ka aina, aole loa e lohe hou ia, ua hala i ka pea kapu a Kane, i kukulu o Kahiki. Aka, o kana mau hana maikai, ke ku nei i kia hoomanao no na Hawaii a pau e hahai ana ma ke kulana ana i noho iho nei, a makou hoi e olelo nei, ua lilo iaia ka hanohano oi pookela loa ma na mea pili i ka hoolaha nupepa no na makahiki aneane he kanakolu i hala ae nei Aloha ke alakai o ka lahui, kona mau manao kuliu, kana mau olelo wanana oiaio, kona kulana kupaa, a ke poina ole nei makou no ia mau mea, a makou e olelo ae nei, ua hala ka pouhana o Hawaii Aloha, aloha nui, aloha pau ole.
E like me ka ka Buke Nui, "o ke kanaka i hanauia e ka wahine, no na la pokole ia, a ua piha i na popoilikia." Ke kanalua ole nei makou i kona komo ae i kela nani ma o, pau na luhi, pau ka inea. Mai makau a kaumaha, Na haumana a Iesu, Nana e i kahi maha No na luhi na luuluu.
Hui---Maha mau no na luhi,
Maha mau no na luhi,
Maha mau no na luhi,
Maha mau kakou.
Nolaila, E HOOHOLOIA;
Akahi.----Ke komo pu aku nei makou e u pu me oe no kau kane i aloha nui ia iloko o keia mau la o ka ehaeha.
Elua ----- Ke pule nei makou i na Lani, e hoomama mai i kou naau luuluu, a Nana no e kokua mai ia oe a me na keiki makua ole.
Ekolu.----Ke nonoi nei hoi makou i ke Akua ola mau, e kooloihi mai i kou mau la ma ka honua, a Nana no e kokua ia kakou.
Me ka haahaa,
Ke komite: J K Nahale, J W Keliikoa, Rev. W M Kalaiwaa, Rev W N Lono, S W Kawewehi, S. Haanio, Thomas Aiu, J Kaelemakule, D P Namauu, A J Kauhaihao, W J Wright, W D Kaea, D Kahao, D Alawa, D Simona, H P K Malulani, D P Waahila.
Ma ke Kauoha.
NA RULA O KA PAPA OLA.
KEENA O KA PAPA OLA,
HONOLULU, Okatoba 30, 1895.
O na hookapu ana a pau loa i ka holoholo ana o na moku a me ka holo ana o na ohua mawaena o na awa e ae a mawaena o Honolulu nei a me na awa e ae o ko Hawaii Paeaina nei, ma keia ua hoopauia.
Ma ke kauoha a ka Papa Ola. J. T. WATERHOUSE,
Peresidena.
nov. 4-3 mnw.
NO WAIANAE.
O. R. L. Co.
MA NA POAONO A ME NA LA PULE.
E haalele no na Kaamahu ia Honolulu nei i na hora 9:15 A.M. a me 1:45 P.M. o na Poaono. Ke huli hoi mai, e hoea ana i Honolulu nei ma na hora 3:11 a me 5:26 P.M.
Ma na La Pule, e haalele ana ke Kaahumanu ma ka hora 9:15 A.M. E hoea hou mai ana i ka hora 5:26 P.M.
Na Palapala Uku Puni:
Papa Ekahi - - $1 75
Papa Elua - - 1 25
F. C. Smith,
Agena Ohua a Palapala Nui
ok 21-tf
Kuai Hoopau Nui!
NO ELUA PULE WALE NO!!
SING LOY (Sini Loi)
Ma na Helu 51 & 53, Alanui Moi, ma Ewa aku o Alanui Maunakea.
Ma ka Poaono, Novemaba 2, e hoomaka ai keia kuai ana, a he paki maoli ana no ka olelo ana a Waipahe na kukai ana, a o loa aku hoi ka hoolu ana ma na kumukuai, i ike mua ole ia malaila mamua. O na waiwai e kuaiia aku ana, o ia no
Na Silika Pake o na Ano Like ole,
Na Makalena, Na Kalakoa,
Na Eleele o na Ano a pau,
Na Keokeo o na Ano a pau,
Na Kamaa a me na Papale
O Kane, Wahine a me Keiki,
A pela aku a pela aku, a nui loa a lehulehu, e pono ai no o ka ohana nui. He mea hewa ole ke kipa mai e ikemaka i ka huikau o ka Huin-a-Kale.
okt 28 4pl
MA CHU YEN,
Owau, o Mele, me ka oiaio, ke kahea aku nei au i o'u kini makamaka, mai ka hikina a ka la i Kumukahi a kolo welo i Lehua. He wahine au i loaa i ka ma'i ha-no no iwakalua makahiki, a na Kauka Makuini i lapaau a ola, he loea ma ka lapaau no ka Aina Pua. E kipa mai i ona la ma Alanui Maunakea, helu 360. nov 4-4pl
HALEKUAI KUIKE OAHU
"KE OLA O HAWAII.
Helu 322, Alanui Nuuanu.
Oiai hoi, ua pau ae la ke kuahaua ana, ua weheia hoi ka halekuai maluna ae i Iulai i nei, nolaila, ua makaukau loa e hooko a e hoolawa aku i na iini o na poe a pau. E ko no ka makemake o na wahine ke kipa mai malaila, a e pono no hoi ke kipa mua mai mamua o ka hele ana i na halekuai e ae. Malaila no e loaa ai
Na Makalena, na Kalakoa, na Keokeo Halua me Vitoria, na Papale, na Kakini, na Hainaka, na Waiala, a pela aku a nui a lehulehu wale.
E ike mai ia kakou hoakanaka.
M. E. SILVA,
iul 80tf Luna Nui.