Ka Makaainana, Volume IV, Number 21, 18 November 1895 — Page 7
HONOLULU, OAHU, POAKAHI, NOVEMABA 18, 1895. 7
MOEUHANE PAHAOHAO.
-
Na Wehewehe Kuliu a ko Makou Kilokilo.
E ku ana ko'u uhane iwaena o ke kulanakauhale o Honolulu, ike aku la au i ka waiho mai o Waialua, a oia ko'u wa i ike aku ai he elua kaa e holonui mai ana mai Waialua mai. He hookahi kaa me na wahine haole e kau ana ma ke kaa mua, a he hookahi kaa mai mahope o Makuna loio ko luna. Pane mai la o Makunai ia'u, "E ke keiki, e kokua!" A ae aku la ko'u uhane me ka hookamani. A lohe aku la au mai ka waha mai o na wahine haole i ka pane ana mai" "Ua pau loa na ohana mikanele i ka paa i ka hopuia e Akepoka ma, ua lele mai la ma Waialua a ina aku ke hele mai nei i Honolulu nei." O keia mau kaa e holo nei, me he la no mai Waialua mai no ka hoi, ma ke alanui Moi no keia holo ana mai o na kaa.
I ka holo ana aku o Makuna me kana wahine maluna o ko lana kaa, o ko'u manawa koke no ia i komo aku ai iloko o kekahi hale nui e hookuku lole ai me Kapu, ko'u kokoolua. A ike aku la au i kekahi pahu huina-ha, a mai loko mai o laila i unuhiia mai ai kekahi mau lolewawae ahina, a hookuku iho la au. He elua o'u mau lolewawae maloko, a o ka lolewawae pukapuka o ka lemu, oia ka'u i komo ai mawaho. A i ko'u komo loa ana aku ma kekahi mau rumi e aku, ua hele loa aku la au a puka loa aku la iwaho. A ike aku la au i kekahi poe kaikamahine e komo mai ana iloko o ka hale, aole nae o'u nana aku ia lakou.
A ia'u i puka loa aku ai iwaho ike aku la au i kekahi manuwa Pelekane e hookomo pololei mai ana i ka makeke kuai ia hou iho nei, a he hae Pelekane ke kau ana ma ke kia hope, a o ka lua o ka hae e kau ana ma ka laau o ka pea hope, he wahi hae uuku haekaeka lenalena a na uuia iho nae ilalo. A ike aku la i kekahi Pake e laweia mai ana e kekahi haole mai luna mai o ka moku, a e paa ana ka hae ma ka poaeae o ka Pake.
Mahope iho ike aku la au ia Kakina, Makale, Kokua Lunakanawai Kiekie, me Alapaki, iwaena o ka lehulehu e kuku ana me na helehelena makau ole ia Akepoka ma. A ike pu aku la au i kekahi wahino o Hapai kona inoa, he lei ilima ke kau ana i kona poo.
A ma ia hopo iho, ike aku la au i ke Keikialii Kalanianaole a me ka Moiwahine Liliuokalani e u kulou ana.
S. KANIOOKALANI.
Okatoba 23, 1895.
Na Wehewehe.
O ka lele ana mai o Akepoka ma, ma Wailua, he mau hoike ia no ka puiwa me ka hikilele o ka lehulehu no kahi hana e hoea mai ana.
O ka pane a na wahine haole, ua paa na ohana mikanele i ka hopuia e Akepoka ma, he mau ouli hooaiai e mai ia, me he la ho helehelena no kekahi hana malu iwaena o na mikanele, a malia ina aku paha a hoea ae ma keia mua iho. No ka mea, ke ku mai nei ka inoa Akipoka a hoike mai i kana hana. No laila, ma ka hoomaopopo aku, me he la, ke liuliu nei, ke hoomakaukau nei a ki poka mai (Akipoka)? Ia wai la?
O na kaa elua i holo mai ai, me he la, he mau elele kiu laua e lawe e mai ana i ka lono malu. O ka holo ana o ua mau kaa la ma ke alanui Moi, he hoike ia no ke alanui e hahai aku ai i ka Moi ina no ka pono a pono ole paha e hoea aku ai i ka Akipoka hana.
O Makuna, he loio oia. O ka hana a ka loio, he kakaolelo ola ma ke kanawai, he hana ia i komo iloko o ka paio me ka hoopaapaa; a o ka hopena aku he hakaka me ke kana. A malia ina iho a hoea ae!
O ke komo ana o ka mea nana ka moe i na lolewawae elua maloko, a o ka lolewawae pukapuka o ka lemu mawaho, he hoike paha ia o ke ano mahuka; owai la ua mea mahuka la? Malia he lehulehu paha lakou. A heaha la ke kumu o ia mahuka ana? Malia o ike aku no paha kakou. O ka mea kupanaha nae o ka hunaia o ka lolewawae maikai maloko, a o ka lolewawae pukapuka iho la mawaho, me he la, o ka manao maikai ka i hunaia a o ka manao ino ka i ahuwale ae i ke akea e ikeia aku ana. O kekahi mea pono ke nanaia, o ia no kela pahu huinaha, no ka mea, mai loko mai o laila i unuhiia mai ai na lolewawae ahina. Nolaila, ua loaa kona manao, penei: O ka pahu huinaha, o ia ke kahua o na mea huna, a o na lolewawae i unuhiia mai o ia paha na manao i hunaia a e ikeia aku ana. Aka nae, ua huna hou ia no e ka lolewawae pukapuka. Eia nae, ke hoike mai nei ka inoa o Kapu, malia he pu no ua mea huna la, a malia he la no ma keia mua iho, alaila, hoea kino ae ua pu la a wanaoa ae i ke akea, a e kani ae ana i ke akea, a e pukapuka ana ka lolewawae i ka poka o ka pu (Kapu). Nanaia aku!
O ka ike ana o ka mea nana ka moe i kekahi manuwa Pelekane e hookomo pololei mai ana i ka makeke hou, he hoike la no kekahi nuhou, ina paha he nuhou hoolele hauli mai Pelekane mai, a i ole, mai Akepoka ma mai no paha, a mai Amerika mai no paha. E nana aku no nae hoi, malia ina iho iloko nei. He mea pono no nae ke nanaia ka manao me ka hana e pili ana i ka manuwa. Heaha ke kumu o kona kukuluia ana i manuwa? Eia kona manao, ua hanaia oia i mea luku a pepehi aku, a ina o ka haina ia, alaila, he hana luku no ke hoea mai ana iloko o ka aina, ina no waho mai, a i ole ia, no loko nei no paha o ka aina. Nolaila, nanaia aku!
Makeke hou. Heaha la ka hoike o ia inoa? Eia kona hoike, he make, ina e kapaeia o 'te,' no ka mea, ke hoike mai nei kana hana i ke ano o ka make, penei. He make ka bipi i laweia aku ilaila a okioki liilii ia mai ma na apana io, he make ka i'a i laweia aku ilaila, a pela aku. Nolaila, o ka makeke, he wahi ia e kuaiia ai o na mea ola e lilo aku ai no ka make.
O ka hae Pelekane, he mea pono ke imiia ka hana a ka hae mamuli o ka inoa hae. Eia paha ka manao o ka hae, he hae ka ilio, o ka hope o ia he nahu. Nowai la auanei keia haeia mai a mahope nahu mai? Eia iluna owai ke nahu a ka ilio e nahu mai ai? E nana aku no nei mua iho. He hae ka bipi, he o'e mai ka hope. Owai la auanei ka ka bipi e o'e mai ana, a heaha la auanei ke kumu e o'e mai ai o ka bipi? He ta paha. Nanaia aku! Malia ina aku paha.
(Aole i pau.)
-
Hele i ka Auau a Make.
Ma Nawiliwili, Kauai, Novemaba 8, o ke awakea paha ia, ma kahi kokoke i ka uwapo hoopae waapa, ua hele aku he elua mau Kepani i ka anau kai, hookahi o laua i lele mua iloko o ke kai a au hou mai la a pae i kula no ka ikaika loa o ke kai. Kahea mai la nae oia i kona kokoolua aole make lele aku iloko o ke kai, aka nae, aole he hoolohe aku o kona kokoolua, a lele aku la no Ua ikeia aku e aea ana no elua manawa a nalowale loa aku la. Ua hoolimalima ae na Kepani no ka luu ana a loaa kona kino he $25 makana, aole nae i loaa. O Wiu ka mea i luu, aole nae i loaa A hiki mai i keia la a'u e kakau nei, la 9, aole loa i loaa kona kino. HAAE.
Nawiliwili, Kauai, Novemaba 9, 1895.
-
Ua hookuuia mai na limahana Pake o ke Kopatika i hoomaluia ma Kahakaaulana i ka auwina la Poalua iho la.
Akaaka makou, - ha, ha, ha! Auwe, he hiki no ka i ka eepa o Kikihale Lawn (hamabaga) ko kapa iaia iho he lede i lede ole ia!! O ia nae paha ka Keoni Unea i ao ai i kana hanmana, ea! O, lalau no!
Ilalo o Waianae kahi i hoomaamaa ai i ke kiki kao ka puali kaualio o ke Aupuni i ka Poalima, la 8 nei, a i ka auwina la La Pule ka huli hoi nui ana mai me 54 mau kao i make. Ma ka loheia mai nae hoi, o na hua opihi o ua poe kao la ka i haaloleia aku e ua poe la, a o ka neo hoi ka i hoihoiia mai.
He Lakeke Huluhulu Polu Wahine ka i loaa a eia i ke keena o ko makou Puuku e waiho nei. O ka mea nona ia waiwai e pono o kii mai me ka uku i na lilo.
O ka wahine i lawe mai ai i na dala elima mai ia Rev. A. Makinikoki i kela mau pule aku nei, ua hopu hou ia no ka lawe malu ana he wati gula mai kekahi kanaka mai i ka po Poaono, la 9 nei.
-
Kuai Emi Loa! Kuai Hoopau!!
Aia ma ka Halekuai o
KU KIMA;
Helu 411, Alanui Nuuanu. Helu 59 maluna.
E hoomaka ana mai keia la aku no eha pule wale no.
Na Kalakoa o na waihooluu like ole, he emi loa.
Na papa-mu nani, he 40 keneta no ka i-a.
Pela me ko na kane mau lole maikai. Emi loa ke kumukuai.
Na paa lole kamalii, oluolu ka auhau.
E hele mai i ikemaka, aole lohe pepeiao.
ck 14-2mh
-
MA CHU YEN,
Owau, o Mele me ka oiaio, ke kahea aku nei au i o'u kini makamaka, mai ka hikina a ka la i Kumukahi a kolo welo i Lehua. He wahine au i loaa i ka ma'i ha-no no iwakalua makahiki, a na Kauka Makuini i lapaau a ola, he loea ma ka lapaau no ka Aina Pua. e kipa mai i ona la ma alanui Maunakea, helu 360. nov 4-4pl*
-
Ua Makemakeia
Ma ka
HALE INU RAMA LUVERA
(o ka Hale Meli mamua,)
Helu 91, Alanui Nuuanu.
5,000 Kanaka i na La a pau, no ka inu ana i ka
BIA KAULANA O KEOMOLEWA,
Ua Hele a Huihui i ka Hau.
EDUADA & HARE.
Telepona 589. Pahu Leta 475.
okt 28-tf
-
Hoolaha Hoohui.
Ke hoolahaia aku nei ma keia BRUCE WARING, e noho ana ma Honolulu, Mokupuni o Oahu, a me CHARLES S. DESKY, e noho ana no ma Honolulu i olelo mua ia, ua hoohui ae ia laua iho.
O ka hana a ka hui, o ia ke kuai mai a me ka hoolilo aku i na Waiwai Paa a me Lewa ma ko Hawaii Paeaina.
O ka inoa hui o ka hui, o ia no o BRUCE WARING AND COMPANY.
O kahi nui a hui e lawelawe ai i ka hana, aia no ia ma Honolulu i olelo mua ia.
Hanaia ma Honolulu,}
Sepatemaba 30, 1895.}
okt 28-3mnw
-
NO WAIANAE
O R. & L. CO.
MA NA POAONO A ME NA LA PULE.
E haalele no na Kaamahu ia Honolulu nei ma na hora 9:15 A.M. a me 1:45 P.M o na Poaono. Ke huli hoi mai, e hoea ana i Honolulu nei ma na hora 3:11 a me 5:26 P.M.
Ma na La Pule, e haalele ana ke Kaamahu ma ka hora 9:15 A.M. E hoea hou mai ana i ka hora 5:26 P.M.
NA PALAPALA UKU PUNI:
Papa Ekahi, - - - - - - - $1 75
Papa Elua, - - - - - - - - - 1 25
F.C. SMITH,
Agena Ohua a Palapala Nui.
ok 21-tf
-
J K KAHOOKANO
LOIO a he Kokua ma ke Kanawai.
KEENA HANA: Alanui Kaahumanu,
Honolulu. jan 8, '94-1mk
-
W.H. DANIELS,
[BILA DANIELA]
Agena Kuai, a Hooponopono Aina, Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka omoole.
Keena Hana a me Wahi Noho, aia ma Wailuku, Maui.
mei 6-mk.