Ka Makaainana, Volume IV, Number 23, 2 December 1895 — Page 2
2 HONOLULU, OAHU, POAKAHI, DE KEMA BA 2, 1895.
PUALI PUHIOHE LAHUI
-
Mau no ke Ohohiaia ma na
Wahi a Lakou e Hele la.
M R. LUNAHOOPONOPONO:
Ua haalele aku makou ia Kikako iloko o ka ulumahiehie a me ka pau ole o ko lakou iini no makou, maluna o ko makou kaamahu hoolimalima. Hoea mai la i Kana sas a nei iloko o na leo huro o ka lehulehu, a ma Wasinetona Paka makou i noho iho ai iloko o ko makou hale kaahele honua. He hookahi pule o ko makou noho ana ianei ua komo aku la makou iloko o ka huakai hookahakaha a ka puali o na ano like ole, e laa na pualikoa he mau haneri, na keiki hoohei kipuka ili he mau haneri, na hui malu he mau haneri, na kupakako o na halekuai, na keiki kuai bipi, a pela aku. He huina nui maluna aku o ka umi tau sa ni iloko o keia huakai, he 19 puali puhiohe a ke hui me makou piha ka 20, i maheleia ma kela a me keia wahi o ka huakai, a ia makou hoi ke alakai ana o ka huakai.
Oiai na mahele like ole e ku ana ma kela a me keia aoao o ke alanui, aia makou ke maki la iwaena o ke alanui me ka himeni ana ia S weet Lei Lehua. He mea hou loa keia i ikeia ma ke kulanakauhale o Kana sa sa nei iloko o ia la, ka hiki ia makou ke puhi me ko himeni puilo ko o ka wa paikau me ka malama i ka manawa. Ua nui ka huro hauoli o ka lehulehu ia makou e kaalo ae ai ma kela a me keia wahi o na huina alanui. Ua aneane e hiki ole i kekahi puali puhiohe ke puhi i ka lakou mau leo mele, mamuli o ka lilo o ko lakou alakai i ka nana ia makou oiai makou i kaalo pono aku ai mamua o lakou me ko makou himeni ana. Ua haalele kekahi poe i ka lakou mau ohe, ua pau ka ikaika hoohana o ko lakou puuwai mamuli o ka makou himeni ana, a'u e olelo ae ai o "Makanikeoe" ia, ka laau hana aloha a ka Hawaii. He aneane ehiku mile ka loihi o kahi a makou i hele paikau ai, a hookuuia na hana me ka piha hauoli o na mea a pau. A i kekahi la ae, ua puka ae la ma na nupepa na manao mahalo no makou, a'u e minamina nui nei i ka hoouna pu ole aku ia oe me ua pepa la.
He nui na mea hou a ka maka i ike ai , a'u e hiki ole ai ke hoike aku ia oe maloko o keia leta, koe wale no kela hoolele ahikao o ke kahua kaua o Nikabuga, ke ku ana o ke kulanakauhale holookoa, na papu kaua o ka Akau me ka Hema, ka muliwai Mi sisipi , na pualikoa o ka Akau me ka Hema me na Kenerala Kalani a me Li, ka elele i hoounaia e au iloko o ka muliwai, ka make ana, a me ke pio ana o Kene rala Li ia Kenerala Kalani, a me na mea no a pau e pili ana ia moolelo. Ua hanaia keia mau mea a pau me ka noeau imua o ko makou alo a me na makaikai he 15,000 a keu. O keia mau mea ae la a pau ka'u e hoike aku ai ia oe, a he ku no hoi i ka walohia ke nana aku. Pela makou i ma lama ai i ka hana ma ia wahi no elua pule a hiki i ka haalele an a aku ia wahi no ke
KULANAKAUHALE O TEKASA.
Eia makou i Dalla s , T ekasa . He fee ko onei i keia wa a'u e kakau aku nei. He kulanakau hale halepolepo keia o na alanui, a he mele hoohialaai punahele loa o "Di x see '' i ko onei poe kanaka. Ua hui pu makou me ka bana kaulana o Amerika nei, oia ka Sousa Ba na O ka haole nana i haku kela mele kaulana -"High S c hool Ca det Mar c h ," o kona inoa ia e o la iluna o kela puali puhiohe.
Eia iloko o keia aha noikeike o Te kasa kekahi mea kamahao, o ia hoi, he kanaka Inia i hanau pu ia mai me kona kaikuahine, a penei ke ano. O ke poo o ke kaikuahine, aia iloko o ka opu o ke kaikunane, a o ke kino holookoa mai na poohiwi a hala ilalo o na wawae ka i waho e lewalewa mai ana, a e ike aku no oe me kou mau maka i ka lewalewa mai mawaho o ka opu o kona kaikunane . He umi (.10c) keneta ka uku komo no ka nana a ia E w ehe mai no oia i kona aahu e uhi a na maluna o kona kaikuahine no ka makaikaiia. Me ke kuka loihi oia e hele ai ma ke alanui me ka hiipu ana i kona kaikuahine. Eia no oia ke ola maikai nei me na kahiko daimana na ma kona mau manamanalima, a he kulana o ke kaukaualii kona ano. Ua hele kino oia imua o ka Moiwahine V itoria , a mai iaia mai kekahi komo gula me ka pohaku daimana i manawaleaia mai, nona ka waiwai io o $1,000, a me kekahi pine daimana he $1,500 ka waiwai io.
He kanaka ahiu kekahi, ua hele no hoi na maiuu o kona mau manamanalima a like me ka niho o ka puaa ka loloa, a he aneane elima iniha ka loihi o kekahi maiuu, a malalo mai no hoi kahi. Pela no hoi me na maiuu wawae, ka lauoho, a pela aku, he ano ku i ka hooma'uka'u ke nana aku. He nui aku no na mea hoikeike like ole o na mea ano nui ae la nae ia i ka'u ike.
A maluna ae o keia mau mea a'u e hoike aku nei, hookahi no oi a' u e hauoli ai, - ua lilo ia makou ka makana helu 1 o ka aha hoikeike i malamaia ma ka la 1 o Novemaba nei. A oiai he elua bana kaulana iloko o keia fea, o makou a me ka S ou sa, ua noonoo iho la na komite no ka ba na e lilo ai o ka makana, a ua hooholoia me ka manao lokahi, na makou ka makana. He hanohano nui keia nau e Hawaii e kaena iho ai - "Haw aii no e ka oi." He medela gula keia i okomoia i ka opuu daimana , nona ka waiwai io he $500, a eia na huaolelo i kahakahaia.
"Makanaia ia J.S . Libonio, e ka Ahahui Hoikeike o ka Mokuaina o T ekasa , Dalla s, 1895."
O keia ae la na m ea i palapalaia maluna o kela makana, he hanohano nui hoi i loaa ia oe, e Hawaii, a he hoike oiaio hoi e hooia ak u ai imua o ko Amerika a pau, he lahui naauao io no ka lahui Hawaii o ke ano keonimana oiaio. A ano, ke ike mai la oukou, e kuu lahui oiwi aloha, aia oukou ma ka papa 1 o na leo mele, a he puupuu ikaika hoi e lewa ai ka papa auwae o na poe hookamani nui e opu la i ke alo, na nahesa maalea hoi e ai hookano la i ka momona o Hawaii kuauli, a'u e manaolana nei e hoea mai ana no ka la e auaiia aku ai na poe i anai mai ia oe, a e haoia aku ai na poe i hao mai i kou waiwai, e Hawaii aloha, nona nei mau lalani mele i kuniia i ko'u puuwai -
"E Hawaii e kuu aina hanau e,
Kuu home kulaiwi nei,
Na ke Akua e malama mai ia oe,
E Hawaii aloha e.''
Ua haalele aku makou ia Dalla s, T ekasa , no na wahi like ole o ka mokuaina o Misouri, a eia ke kaapuni hele nei i ke kulanakauhale a pau i ka la 20, alaila, haalele iho makou ia nei no Nu Ioka a hala loa aku ma kou no Potolana, Oregona.
O ka la 8 o Mei, l896 e pau ai keia kaapuni honua ana a makou, pela ka mea maopopo, a pehea la mahope aku. O ka Haku wale no ka mea i ike. O keia ka panina hope o keia leta, a e oluolu oe, e haawi aku i ke aloha a nui i kuu lahui oiwi, mai Hawaii a Niihau, a mai poina hoi i ka lakou mau leo pule no makou
Owau iho no me ka haahaa,
S. K. KAMAKAIA.
Kanasasa, Misouri, Novemaba 11, 1895.
-
C.E Williams me Keiki.
Ed. A. Williams, Luna Nui
Helu 611, Alanui Moi, ma Ewa iho o ka Pa o Aigupita.
-
He mau mea kuai lako hale o na ano a pau loa.
-
He mau mea Hana Pahu Kupapau a Hooponopono Hoolewa.
-
E hoolakoia no na Kaa Kupapau, na Kaapio a me na Kaa-ohana.
Ina no e ninau ia laua, e loaa no na Pohaku Kia Hoomanao no na He Kupapau.
-
O ka Ialoa kekahi hana hiki loa ia laua, aia ia malalo oka lawelawe ponoi ana a Ed. A Williams, F.D., he mea i puka pono mai ka Kalaka Kula o ka Ialoa Maikai ana iloko o Mei, 1894.
-NA TELEPONA-
Keena, Helu 179 - Kauhale a me Kahea Po,
Helu 815.
nov 2-mp.
Lele ma ka Pukaaniani .
Imua o ka Aha Kaapuni i ka Poalua iho la, ua ahewaia e k kiure mahope iho o ka hoolohe. ia ana no ka elua o ka manawa kela Pake hou pahi ma Kikihale, a ua hoopaiia e noho a pau ke ola ma Kawa. Mamua iho o ka puka ana o kona hoopai i ke kakahiaka, oiai e nanea ana ka makai nana oia e malama ana, ua lele aku la oia ma ka pukaaniani o luna a haule i lalo loa, a ua hele oia a eha me ka poholehole o na helehelena, aole nae i make. Ua hoao oia e make ma ia hana ana pela, aole nae i ko kona makemake. Ua kiiia aku oia e ka makai a hoihoiia no ka Halewai, a mai laila aku no Kawa. Nui kona ake e make, no kona manao no e liia ana oia. Aohe ona hilinai i na olelo aku a ka maheleolelo no kona hoopai. Eia oia ke kiai loa ia nei.
-
He elima mau misionari Moremona i hala loa aku ma ka Warimu no na Panalaau o ka Hema i ka po Poakahi i hala.
E ku mai ana paha iloko o keia mau la iho ka mokukaua B eritania Nene Ahiu mai Beri tania Kolumebia a holo loa no Valapa riso . Ianei n o k eia mokukaua he mau makahiki aenei i hala.
-
Ua Makemakeia
Ma ka
HALE INU RAMA LUVERA
(o ka Hale Meli mamua,)
Helu 91, Alanui Nuuanu.
5,000 Kanaka i na La a pau, no ka inu ana i ka
BIA KAULANA O KEOMOLEWA,
Ua Hele a Huihui i ka Hau.
EDUADA & HARE.
Telepona 589. Pahu Leta 475.
okt 28-tf
-
KAMAA! KAMAA!
O KANE, WAHINE a me KEIKI,
Mai ke Kumukuai Haahaa Loa a ke Kiekie Loa. He mau WAIWAI HOU loa wale no o ke kulana Helu Ekahi.
O na launa kalepa me na Hawaii ia e konoia aku nei.
D.B. KAMIKA,
Luna Nui o ka Hui Kamaa o na Poe Hana.
Aia ma Alanui Papu, makai iho o ko N.S. Sachs' Halekuai.
iul 15 nov 11-mp
-
Kuai Emi Loa! Kuai Hoopau!!
Aia ma ka Halekuai o
KU KIMA;
Helu 411, Alanui Nuuanu . H elu 59 maluna.
E hoomaka ana mai keia la aku no eha pule wale no.
Na Kalakoa o na waihooluu like ole, he emi loa.
Na Papa- mu nani , he 40 keneta no ka i -a.
Pela me ko na kane mau lole maikai . Emi loa ke kumukuai.
Na paa lole kamalii , oluolu ka auhau.E hele mai i ikemaka , aole lohe pepeiao .
ok 14-2mh
-
J K KAHOOKANO
LOIO a he Kokua ma ke Kanawai.
KEENA HANA: Alanui Kaahumanu,
Honolulu. jan 8, '94-1mk