Ka Makaainana, Volume IV, Number 25, 16 December 1895 — Page 6
6 HONOLULU, OAHU, POAKAHI, DEKEMABA 16, 1895.
Alanasaila ka Nani
-KA-
HAKU BARONA WAHINE.
-
Ka Naita Huna o ke Kapakila Ulaula - Ke Aka Kino Wailua Kamahao - Ka mea Hoopahaohao o ka Po - Na Lei Daimana Ekolu - Ka mea Huna Pohihihi lua ole o ka Lua Waiwai o Hamelota.
-
Ela Bene
KA HAKU BARONA OPIO;
-A ME-
Ane Bela
KA MANU HULU OMAOMAO
O SEKOTIA.
-
Mokuna I. - Helu 8
-
Na Lei Daimana Ekolu - Ka Paio no ka Moto - Ela Bene ka oi - Ka leta i poina loa.
Ua kopeia keia leta iloko o ka imo ana a ka maka, me ka hiki ole ke hoomaopopoia kona hopena a aohe mea hookahi i ike i kona manawa i hookui pu ai me ka uwila, kela mea huna o ke ola mau loa. He oiaio, ua hookomo aku o Ela Bene i kela mau huaolelo ano nui i ka puuwai o Ane Bela, a o Ane hookahi wale no ka i ike ia mau huaolelo i like me ke sekona o kauwai nui kau hale o ua halepule la e koele la i loko o ke anoano eehia o ia la kamahao.
Ua hookuuia na hana o ia la me ka huaolelo hookahi, "no Ela Bene ka mea kaulana nana i haaheo na kaiaulu o Sekotia no ka manawa pauole." Ua hooi loa ae na kumukula a Ela Bene i na hoohiwahiwa ana no ka lakou milimili punahele, a ua hoalaia he mau ahaaina hoohanohano ia Ela Bene a me ka Moi Wolesaire, ke kaulana, a na ia mea i hooi loa ae i ka inoa o Ela Bene iloko o ka aina laula o Sekotia.
E ka hoa heluhelu, e huli aku kaua a nana i ka halealii o ka Moi Wolesaire, a ilaila kaua e makaikai pu aku ai i kona hopena, a oiai, ua hoea mai la kaua i ka pau ana o keia mokuna, ka mokuna mua o keia nanea ilihia, aole kaua i launa aku i ka ipuka o ka Lua Waiwai o Hametona, ke ana o na Lei Daimana ekolu. Aka, e hoomanawanui iho oe a hoea hou aku o -
"Ka La Alohi o Murisedera,
Ka Mahina Meli o Salaredina."
-
MOKUNA II.
Ka Halealii Apala.
I ka la mahope iho o kela hookuku ana, ua hoea aku o Bene opio a me kana kumu kula i ka Halealii o ka Moi Wolesaire, a ua hookipaia aku la me ka hanohano nui a ua paholaia mai la he papaaina i luluu i na mea ono a ka puu e hialaai iho ai a ko'u ka puu i ka wai a ka naulu. Eia nae, hookahi no hooke ana a ka pihaa uwoki oe e pili wale ana. I ka pau ana, ua komo ae la ka Moi a me Bene opio maloko o kekahi rumi mehameha o ka halealii Apala iluna loa, ae huli pono aku ana ka puka aniani i kekahi malapua e luhe ana ma kapa o kekahi lokowai pipii.
Maloko o ia rumi mehameha i noho iho ai ka Haku Barona opio a me ka Moi Wolesaire ke kaulana o Sekotia, a iloko o keia wa a laua e noho hamau ana i pane aku ai o Bene:
E ke alii, ka Moi, o kau i noi mai ai iau e hoike aku au i ko'u moolelo oia kau i noi aku ai i kou oluolu, e lohe ana oe i kekahi la, a o ia la oia kau e hoike piha aku nei ia oe, a mamua ae o ko'u hoike ana aku ia oe, ke noi aku nei au ia oe, e ae mai oe, e hoohiki me a'u a hiki i ka make ana, o ia hoi, e lohe ana oe, a o ke Akua wale no ka mea i ike la mau mea. Aole oe e hoike aku i kahi mea e ae mawaho o kaua, oiai, he moolelo oi aku ko'u o ke pahaohao nui i na e lohe ana oe, e ke alii ka Moi, alaila, e ae mai ana anei oe e hoohiki?
Aia he noonoo nui iloko o ka Moi Wolesaire no na olelo a kona hoa'loha opio ana e hoomaopopo la, aia he mea ano nui i lia nui ia e ka opio ana e paulele nei no ka nui o kona paha'oha'o, ua ae aku la oia e hoohiki, a o ka Mana Lani wale no ko kaua hoike no keia aelike a hiki i ko pau ana o ka lani a me ka honua.
"Ua pono ia," wahi a ka Moi, "a ke ae aku nei au i kau noi, e kuu hoa'loha."
(Aole i pau.)
-
Hora 4 o keia ahiahi e haalele mai ai ka Auseteralia.
Ke haawi aku nei o Makapolena Ma i na Waina Kaleponi ma na kumukuai haahaa. Ua maemae loa hoi ka lakou mau ano waina a aole hoi i paipaiia e like mena ano waina lehulehu e ae e kuaiia nei ma keia makeke.
La 19 e ku mai ai ka Monowai mai ka Ipuka Gula.
Ke oili hou aku la no ka moolelo o Alanasaila ka Nani. Nui loa maikai kela moolelo.
No ka hele wale ana aku no a loko o ko hai pa e noho ai me ke kuleana ole, ua hoopaiia iho la o Kimeona he eono mahina e noho hana oolea ai ma Kawa e ka Aha Apana i ka Poalua iho la.
He iwakalua paha poe i make ma Kalivilana, Ohio, mamuli o ka haule ana o kekahi kaa uwila ma kahi o kekahi alahaka uwai i uwaiia, he 100 kapuai ke kiekie, a kuho ana iloko o ka muliwai.
Ka Huakai i Molokai.
Ua makaikai hele aku i na wahi a pau o ke kahua ma'i lepera na lala o ka Papa Ola ma kela huakai aku nei a lakou i ka pule i hala, a i ko lakou huli hoi ana mai no ka moku ua hiki ole ke kau iluna o ka waapa no ka nui o ka ino. Pakele ke kapena o Keauhou mai waiho na iwi iloko o ka hohonu, e ole kekahi keiki ma'i i haawi aku i ua kokua ana, manao ae ai ke ola. Aole i kau mai na ohua ma Ka laupapa, aka, ua pii aku ka huakai a hiki i Kalae a iho ma Kaunakakai, a malaila i kau nui mai ai na poe a pau. Ua holo loa o Keauhou malaila, a o ia ka mea i loaa ole aku ai ia Mikahala a hoi wale mai no. O Peresidena Kole ka mea mua loa i hoea aku i kai o ka uwapo e ni naninau ai no na kumu i ulolohi loa ai ka huakai, me ka manaoia paha ua halawai o Keauhou me na niuhi o ka moana. Hu no hoi ka aka!
-
Moku Kiakahi Hou.
Ma ka hora 2 auwina la o ka Poalua iho la i hookomo mai ai a kuu ka heleuma ma kahi kokoke i ka uwapo hoolei bipi, he wahi moku kiakahi mai Maui mai, malalo no o ka hookele ponoi ana a kona ona, Kapena John Kapu. He 32 kapuai ka loa o keia wahi kiakahi, 12 kapuai laula, 4 kapuai a keu ka hohonu. He ano poepoe opu keke kona nanaina ke nana aku. Auwina la o ka Poaono ka haalele ana ia Nahiku, Koolau, Maui, a o ia no hoi kahi i kapiliia ai, a hiki mawaho o Kuau i ka hora 6 a.m. o ka La Pule, a ma ka hora 12 awakea o ia la kaalo mawaho o Kahului. Hora 6 p.m. hiki i Kamalo. Molokai, hora 12 o ke aumoe, kaalo ma waho o Kaunakakai, a no ka makani ole, ua ulolohi loa ia ka holo ana mai a hoea i Haleolono i ka hora 6 a.m. o ka Poakahi. Kau pono mawaho o Waimanalo i ka hora 6 p.m., kaalo mawaho o Makapuu i ka hora 8 kakahiaka Poalua, a komo no hoi iloko nei i ka hora i hoike mua ia ae nei. He 8 mahina ka loihi o kona manawa i kapiliia ai a paa, a holo mai la no Honolulu nei e hana ai a pau pono na hemahema. Ua hoopiliia mai ua wahi mohu la makai o Ulakoheo.
E holoholo aku ana keia wahi kiakahi mawaena o Maui me Hawaii ma ke ano lawe ai, a pela aku. I kona hookomo ana mai, ua hoea koke aku la na kiai o ka Hale Dute e huli ia luna me ka manao he moku huna uwahi hohono opiuma, aole nae. O Kaimilani ka inoa.
-
E.M. NAKUINA.
KOMISINA O NA ALA LIILII A ME
NA PONO WAI.
Notari Lehulehu, a he Agena Haawi Palapala Ae Mare no Honolulu nei.
KEENA HANA: Helu 308, Alanui Kalepa. dk 3-1mk.
Na Waina Kaleponi
HOEMIIA KUMUKUAI
-MA KAHI O-
MAKAPOLENA MA,
Alanui Kaahumanu.
-
Ke hoolilo aku nei makou i na WAINA MADEIRA, POTA, ANAGELICA a me TOKE, ma na
Kumukuai Emi Loa,
A no ka Maemae a me ka Mikomiko, o keia ae la na Waina maikai loa i haawiia ma keia mau Paemoku.
Ano no hoi o Mr. E.C. Makapolena i huli hoi mai nei mai Kaleponi a ua loaa aku nei hoi na launa a me na kukai ana me ka Halekuai Waina i ike lea ia o KOHLER & VAN BERGEN, no laua hoi na inoa i ikeia a puni o Amerika Huipuia no ka laua mau
Waina Maemae Maoli No.
Eia wale no ke kuai ana o keia mau waina ma keia Paeaina ma ko makou halekuai ma Alanui Kaahumanu, a ma ka HALE INU WAIONA O KAOPUAUA, kihi hikina o na Alanui Beritania me Nuuanu, a ma ka NEKINA, kihi hema o na Alanui Hotele me Nuuanu.
E HOOMANAO O NA
WAINA MAEMAE WALE NO
Ka makou e kuai nei a me ka haawi aku i ke ana piha.
Macfarlane & Co.,
Alanui Kaahumanu, makai iho o ko Bihopa ma Banako.
dek 9-mp
-
Kuai Hoopau Nui!
NO KE KAU KARISIMASA.
Iloko o keia mau la e nee nei a pau na la kulaia hoohauoli Karisimasa a me Makahiki Hou, e kuai hoemi loa ia aku ana na waiwai o ka halekuai o
H.W. SCHMIDT & SONS
(KAMIKA ME NA KEIKI),
I loaa ai hoi he wahi no na waiwai hou e hiki mai ana. E oi loa aku ana ka emi i ko na hale e ae, aia ka pono o ke kaawale aku, a na ka hiki mua no ke eo. O ka wa pono keia, aohe wa e aku, e loaa ai me ka oluolu loa o na
Kihei Huluhulu, na Kihei Uhi Moe, na Lole Keiki, na Lole Pio Huluhulu o na ano a pau, na Huluhulu o na waihooluu a ano like ole,
Na Lole Pio Tela, na Palaka o Kane, na Aahu, na Kamaa, a pela aku, he nui loa hoi ka helupapa aku.
H W Schmidt & Sons,
Alanui Papu, ma Ewa ae o W G Iwini Ma.
dek 9-4mnw
-
KU KIMA
Helu 411, Alanui Nuuanu. Helu 59 maluna.
Oiai, ua pau ka wa kuai hoemi ma ko'u halekuai, eia nae, e hoomauia aku ana no ke kuai emi ana o na waiwai iloko o keia mau la e nee nei a pau ae na la kulaia.
O na Kalakoa, na Lole Huluhulu, na Kinamu, na Keokeo Halua, na Lole Alapia, a pela aku.
Pela no hoi me na aahu o Kane me Keiki.
Heluna nui o na Kamaa no na poe a pau.
ok 14-2mh dek 9
-
AINA PA-HALE NO KE KUAI.
Aia keia pa-hale ma Kapauhi, ma Waikiki iho o ka Hale Ahahui Opiopio Pake, he 3,120 kapuai-huinaha ka ili.
No na mea a pau e pili ana, e ninau ia
F J TESTA,
nov 11-mp 327 Alanui Moi.
-
W.H. DANIELS,
[BILA DANIELA]
Agena Kuai, a Hooponopono Aina, Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka omoole.
Keena Hana a me Wahi Noho, aia ma Wailuku, Maui.
mei 6-mk.