Ka Makaainana, Volume IV, Number 27, 30 December 1895 — Page 8
8 HONOLULU, OAHU, POAKAHI, DEKEMABA 30, 1895.
I Ka Liilii o ke Au.
Oiai kekahi poe o uka o Auwaiolimu e lealea nui ana i kahi manawa o ka po Poaono nei, a no ka nui hanakuli maoli no hoi i ka waina, sake, a waiona e ae paha, ua komo aku o Alika Nikolasa ma kona ano makai e papa ia lakou. Ma ia hooko ana nae hoi ana i kana hana, na lalauia mai oia a lawelawe ino ia e kekahi o kela poe a ka a kiolaia ilalo a haki pu kekahi wawae. Ewalu o kela poe i hopuhopuia i nehinei a eia nui ke paa nei, aohe aeia e hemo iwaho nei malalo o ka belaia a ano o ae paha. Aia o Alika i ka Halemai Moiwahine e waiho nei, a ua loaa hoi ka maha iaia.
-
Na Haole Ohumu Kipi.
O ka olelo hooholo a ka Aha Apana no na haole i hopuia ai no ka ohumu kipi, ua hooholoia e waihoia aku ko lana hihia i keia kan kiure ae o ka Aha Kaapuni. Lehulehu na poe i ku hoike ae no ke Aupuni, e laa o Paulo Numana, Kikaha, Kauka Taka, a me kahi poe iho, oia nae, aohe mau mea ano nui loa e ku ai o ka hewa ia laua, no ka mea, he mau kamakamailio wale no ka i hoikeia ae. Ma ka manao o na hoike mua elua, he mau kiu laua no ka Repubalika. Aohe laua i aeia e belaia, nolaila, e noho ana laua ma kahi paa a hiki i ko laua wa e hookolokoloia ai iloko o Feberuari.
-
Mokumahu Kuwaho.
I ka Poakolu iho la i ku mai ai ka mokumahu Rosina he 18 na la holo mai Iokohama mai me 600 mau tona ukana no na hui Kepani o nei. Ua lawe pu mai keia mokumahu he 23 mau Kepani no kaia awa. Ua halawai me ka ino iwaena moana. Ua ahiahi loa o ka Poaha iho la i holo loa aku ai no Potalana me na eke leta no ia awa.
I ka Poaha mai no hoi i hookomo mai ai ka mokumahu Mauna Lebanona he 11 na la holo mai Vitoria mai. Mawaho iho o ka hale waapa Maile ua ili iho la oia a paa o mua a hiki i ka pii ana mai o ke kai, ua hemo ae la. Hora 9 o kakahiaka Poaono nei i holo loa aku ai oia no Iapana.
O T.H. Davisi Ma na agena o keia mau mokumahu maanei.
-
He ko'e o 10 iniha paha ka i puka mai loko mai o Hauanu, ke kaikamahine uuku o 6 makahiki a keu a Wahinealoha, o kai o Koholaloa, i kakahiaka nui o nehinei.
He $223.50 ka huina nui o na loaa o ka aha keaka lio o ke ahi ahi Poakahi i hala, no ka pomaikai o na poe ma'i lepera, a ua haawiia i ka Papa Ola. A mai ia F. Gay mai hoi o Kauai he $50. Mawaho ae keia mau huina dala o ka makou i hoike mua aku ai. Pehea ana la ka Papa Ola e hoolilo ai?
Hihia Hoopae Opiuma.
I ka Poalima iho la i hooloha ia ai imua o ka Aha Apana, ka hihia o kela poe haole i hopuia ai ilalo o Waianae maluna o ka mokukuna Henerieta no ka hoao ana e hoopae malu i ka opiuma. O Wile Kelekona, Hope Makai Nui o Waianae, Ilamuku Balaunu, Hope Luna Dute, Makasekota a me kekahi mau mea e ae na hoike koikoi ma ka aoao o ke Aupuni ma keia hihia. Mahope iho o ka pau ana o na olelo hoike o ka aoao Aupuni, ua noi mai la kekahi o na loio o na poe i hoopiiia e hookuuia lakou, no ka mea, aole i lawa na oleloike a me na kumu hoopii no ka ahewa ana ia lakou e like me ka manao o ke kanawai. Mahope ino o ia noi ana, ua kali ka Aha i ka haawi ana mai i kana olelo hooholo mai ka Poaono nei a i nei kakahiaka, a ua hoopaiia mai kona kapena no 18 malama hoopaahao a me $500, a pela no hoi me kela haole i hopuia ai ilalo o Waianae, he ohua, wahi a ka oleloia. O na luina haole ekolu a me ke kuke Pake, he 3 malama a me $500 pakahi, a me $1.10 koina pakahi. Ua hoohalahala aku keia poe i ka Aha Kaapuni. O ka hihia hoi o ka moku, i keia Poakahi ae e hooloheia ai imua o Lunakanawai Kaapuni Waitina. O ka hui loio o Hakawela, Kakina, a me Kanale ma na loio o na poe i hoopiiia.
-
Hoike Kula Sabati.
Ua nui ka mahaloia o na hana hoike hapaha o na Kula Sabati Kaumakapili a me Kawaiahao i malamaia i nehinei e ka lehulehu. Ma Kaumakapili hoi, o ka lohe ole ana o kekahi haole i ka olelo kanaka, ua haawi aku la oia o kana olelo hooholo e haawi ana i ko Kula Sabati o Waikahalulu ka helu ekahi, no ka mea, he mau himeni haole ka lakou a me ka namu pu mai no hoi ma na haawina i aoia aku. Aohe nanaia iho o ka nui manu ma ka olelo makuahine. I ka wa e pule pualu ia ana ka pule a ka Haku, ua komo mai na haumana kula o Kamehameha me ka hookamumu ana i ko lakou mau kapuai, a ua lilo ke anoano a me ke eehia o ke anaina i mea ole loa i ko lakou paa raia ole.
-
Heihei lio a pela wale aku, na lealea e malamaia ana ma Kapiolani Paka i ka la 1 o Ianuari, 1896.
Mahope iho o ka hora 2 o ka auwina la Poakahi i hala i kuu iho ai ka heleuma o ka mokukaua Amerika Balitimoa iloko nei o ke awa, he 20 la holo mai Iokohama mai. Halawai me ka ino no elima ia i ka moana, a ua lilo i mea ole ka moku i na aie. O kekahi kianoa waapa ua lilo i ke kai. Ua nui iki ae o ia nei i ka Piladelapia. E ku iki iho ana oia maanei a hoi aku no ka home.
Poaha iho la i hopuia ai o Kimo Kolo no ka malama opiuma. Ua loaa aku he ipukukui, elua a ekolu paha mau ipu omo uwahi, mau poho hua inisi, a me na pono paahana e ae, a me ia pu no hoi a noho ana i ka Halewai. Imua o ka Aha Apana i ka Poalima ae, ua ae aku no i kona hewa, a hoopaiia e uku i $75 me na koina. Malia ua hoi loa no i Kawa, oiai, he wahi no hoi nana i kamaaina mau.
KELA A ME KEIA.
-
ALOHA HAPE NU IA A PAU LOA!
Ua eono aenei mau aoao o ko Hilo nupepa.
Poalua i hala i noho ai ka Aha Kiekie ma ka banako me elua wale no mau lunakanawai.
E heluhelu ae i na hoolaha e oili aku la ma ko makou helu o keia la.
I keia Poalima iho e ku mai ai ka Auseteralia mai Kapalakiko.
E hele i kahi o Makapolena Ma no na Waina maikai. Oluolu ka lakou kuai ana a piha pono no hoi ke ana.
I ka Poaha o keia pule ae e wehe ai ko kau kiure kaapuni o ka mokupuni o Hawaii ma Hilo
He hebedoma haipule keia pule ae, e hoomaka ana mai ka la 5 aku o Ianuari, no ka hoomana Kalavina.
I ka la apopo paha e noho ae ai ka Luna Kula Nui hou ma kona wahi, oia o Hanale S. Taonasena o Lahainaluna.
I ka Poalua iho la, la 24, i piha ai ko 78 makahiki o ka hapauea H A Wilimana. I nui ke aho a loaa ke keneturia.
He $260 ka makana Karisimasa i loaa ia Kale Pitasona i keia makahiki mai na poe kalena aku. Oia ke kiai o waho o Laeahi.
Eia na Pake ke manao nei e kukulu i hui hoolako papa kukulu hale ma ke kulanakauhale nei ma keia mua iho. Eleu mai nei na keiki o ka Aina Pua la.
Po Poalima iho la i ku mai ai ke Kulanakauhale o Pekina mai Kapalakiko mai. Hora 6 o ke ahiahi Poaono nei i au aku ai oia no na kai o Kina me Iapana.
E hoomaopopoia apopo a ahiahi iho e heluia ai na hua o ke pu o ko L.B. Ka halekuai, a e pono hoi e komo aku na palapala koho i ke awakea o ia la.
Ua haalele aku ka Rev. Makua Konoradi ia Kalawao, Molokai, a eia iho oia ianei ma ka Mokolii mai o ka Poaono nei. Ua ko ole ke noi a ko laila poe ma,i, a o ko ka Papa Ola iini no ka i ko.
Ma ke Kinau o keia kakahiaka e holo aku ai ka Bihopa o Honolulu no ka hana ma kahi mau apana iloko nei o kona kihapai hana. Ekolu ona pule e kaawale ai a huli hoi hou mai.
Mamuli o ka lokomaikai o ka ona nona ke keaka lio, ua hookomoia ko Home Lunalilo poe hapauea e makaikai i na hana o ka auwina la Karisimasa nei me ka uku ole. Nui aku la no hoi paha ka hauoli o ia poe.
Poakolu iho, la 1 o Ianuari, 1896, ka Ia hoano o ke Okipoepoeia aha o ka Haku, a o keia Poakahi ae hoi, la 6, ka Epipania, o ia hoi kona hoike ana iaia iho imua o na poe o na lahui e ae. E hoomanaoia ana ia mau la, e like no me ke ano mau, e na Ekalesia Anagalikana me Katolika Roma.
Ia makou, e puka aku nei i keia la, ke puka pu aku nei me ka Buke Mele Lahui a ko makou uuku. Nui ka hoomanawanui ana i ka hana i ka po me ke ao a puka no hoi. He hapaha dala (25 keneta) wale no ke kumukuai. E wiki nui mai, o pau koko no auanei, ku i ka hoka. Ma ke kuike wale no e loaa ai ma kona keena, aole hoi i na luna.
Ma ka mokumahu Kulanakauhale o Pekina i hoea mai nei o Samuela Alekanedero, pokii o Porofesa W D Alekanedero, ma kona wahi mai ma Okalana, Kaleponi. O Hanale Balauwina kahi i huli hoi mai.
Ma ka paani kinipopo Pelekane i malamaia i ka Poakolu iho la mawaena o ko uka nei a me ko ka mokukaua Nene Ahiu, ua lilo ka eo na ko uka nei me 58 kue ia 27 ai-puni. Pai a pai aohe no hoi na keiki Pelekane me ko ka aina nei
Piha na anaina pule o ka La Karisimasa nei ma na luakini o Sana Anaru a me Malieokamalu, a pela no ka hoi ma ka Halepapu. O na anaina pule no o ia mau la hoano a pau, e like me ka makou hoike ana aku ma ka helu i hala, ka i laukanaka.
No ka hoohaunaele po o V Fitisimona, kekahi keiki a Rapali a he moopuna hoi na Pelekuke, i ke aumoe La Pule i hala mauka o Leleo, ua kopiia oia i ka Poakahi i hala imua o ka Aha Apana e uku i $5 me na koina. A lolo, no ka hooio no o kamalii.
Ma ke koho ana a Komopani G i kapena hou ma ko Hanale Kaia wahi, ua lilo ka hanohano ia J M Kea, Kale Wilikoki i lutanela ekahi, a o Joe Morse i lutanela elua. Lohe mai makou, mahope iho ka o ke koho ana, ua hoopulu ae o Keoni Kea i kona hookohuia, no ka nui loa hoi o kona hauoli.
Ma ko kuai kudala hooko i ka moraki o ke Kauka Palani, i make, ia A J Kakalaika, i make, o na aina ona o Kapahulu, Waikiki, i ka Poakahi i hala, ua hooliloia ia L A Kakina, kahu waiwai, no $3,600. He 11 eka a oi ka huina ili o ia mau apana elua. O ia iho nei ke kahua hanai manu okalika.
-
HUAKAI MAKAHIKI HOU
I WAIANAE.
O.R.L.Co.
E haalele mai ana na kaamahu ia Honolulu nei i ka hora 9:15 A.M. a me ka hora 1:45 P.M. Ke hoi mai, e hoea ana i Honolulu nei i na hora 3:11 a me 5:26 P.M.
-
Uku, Holo a Hoi mai - $1.25
-
No keia la wale no keia mau hoouka ana. E pono e apo mai i nei wa kupono no ka holo ana ilalo e ike ai i ka Uluniu o Poka-i.
F.C. Smith,
Agena Ohua a Palapala Nui
dek 30-1mnw
-
Apo Lima Gula Nalowale.
Ma ka La Karikimaka nei ua haule aku la kuu apolima gula i kakauia me na hua me keia: J. KAAI, mawaena o na Alanui Moi, Aala, Beritania, a hiki i ka halepule Katolika Roma. O ka mea e loaa ai o keia, e oluolu e hoihoi ae ma ke keena o keia pepa, a e loa ano he uku makana.
MRS. NOHEA-KAAI.
dek 304mnw*
-
Hoolaha a ka Lunahooponopono Waiwai.
Ua koho pono ia ka mea nona ka inoa malalo iho i lunahooponopono waiwai no ka waiwai o HANA KUKONA (w) o Honolulu, Oahu, i make.
Ma keia ke hoikeia aku nei ka lohe i na mea a pau he mau koi ka lakou ma ka moraki a palapala e ae paha, e hoike koke mai i ka mea nona ka inoa malalo iho nei iloko o eono mahina mai keia la aku, a i ole, e hoole loa ia mahope o ia manawa. A o na poe a pau he mau aie ko lakou i ka mea i make, e awiwi lakou i ka hookaa koke mai ma ke keena o S.K. Ka-ne, ma ke kihi o na alanui Moi a me Betela, ma ka hale maluna. S.K. KA-NE,
Lunahooponopono Waiwai o ka Waiwai o Hana Kukona (w), i make.
Honolulu, Dekemaba 27, 1895.
dek 30-3mnw