Ka Makaainana, Volume IV, Number 27, 30 December 1895 — NA PALAPALA [ARTICLE]

NA PALAPALA

Aole maluna iho o makou ke koikoi o na hala a me na hewa uo na ma iao i hoopukaia, malalo o keia poo, aka iia no maluna iho o na poe na lakou i kakau mai. Ua Kapaeia ka Oiaio. (Hoomauia.) E nana ae maluna o Kamoho alii, ka mea i hanau mahope iho o Kane, a o Makalii, Kuhailo, a me na poe a pau o kona papa, ua hanau lakou mamua a mahope o Kane, ka mea mana loa, o ia paha o Kumulipo (k) a me Waiolola (k) a me Waiololi (w) ma ka {illegible} moolelo Hawaii: o Adamu me Eva ma ka moolelo Hebera. O Papa a me Haumea (w), o laua ma ka moolelo Hawaii, a ma o Kumulipo i puka mai ai ke kuauhau o na alii a hiki ia Liliuokalani. Mai ia Paoa mai a hiki ia Liliuokalani, he 75 ia hanauna. O kela poe i oleloia ae la maluna o lakou ka makamua o na poe i hanau mai mai ka puhaka mai o Kaneluhonua a me Hinaanaia. O keia Hinaanaia, o ia no o Haumea, o Papa, Hina {illegible} naouluae, Huhune, Hinaiakamalama, Hikawaopuaiane, aohe he wahine e aku. Mai loko mai o Kumulipo a me Paele i hoohanauia mai ai na mea o loko o ke kai, na mea ola kupu, e laa ka limu, na pupu, na ole, na pupu makaloa, na pupu kiokio, na pupu huluhulu, na ano pupu a pau o ke kai a me ia pupukanioe. O na mea ola a me na mea kino uhane, ua hanauia mai lakou e Waiololi a me Waiolola o na mea i puka mai mai loko mai o Kaneluhonua a me Hinaanaia. I ka hiku o na hanauna o Hana {illegible} aakia, oia o Haumea, o Kane ka mea kaulana no kona mana, no ka mea, ola ka mea i hanau ma ka manawa o Haumea, kona makuahine. No kona hauna ana pela, hoonoho ae la kona makuahine iaia i haku mahina o na keiki a pau i puka aku mai kona puhaka, me ke kauoha pu aku i kana mau keiki e hoomana iaia. Pela i lilo ai o Kane i poo no kana mau hoahanau a pau, na keiki hoi a kona makuahine. Lokahi ae la lakou a pau ma hope ona a hoolohe aku la i kana mau olelo, a kau ae la i mau kanawai no ka hana ana i na mea a pau e pili ana i ka hanaia ana o ka lani a ka honua. Ia la, i ka la o Kane i hanau ai, hooholo like ae la na aumakua a me na {illegible} Xa lele a pau, ua noe i puka mai ka puhaka mai o Haumea, a me ko lakou mau makua pu, i keia mau leo pule koihonua: "O Kane ke alii o ka mana, O Kane ke alii o ka ike, O Kane ke alii o ke ola, O Kane ke alii hana nui." I ko Kane puka ana aku mai ke poo aku o kona makuahine mahae ae la oia a lilo i ekolu kino okoa, oia o Kanekamoalii,

Kanekanaloa, a me Lonoikaoualii. A mamao iki aku, alaila, mahae hou aku la oia i ehiku kino okoa, oia o Kanehikili (Kanehekili), Kanepa ina (Kanepaina), Kaneikawaiola, Kanekau wila (Kanekauwila), Kaneopua, Kanekii, a me Kanelele. A kaawale iki aku mahae hou ae la a loaa o Kaneikapualena, Kaneikokala, Kanehunamoku, Kaneiahuea, Kanepupule, Kaneulala, Kanemoe lepo. Pela i mahele mau ia ai kona kino a hiki i ka nui loa i ana, a hiki ole ke lulu aku. I mai ka Baibala Hemolele, "E like auanei kau mau mamo me na hoku o ka lani a me na one o ke kai, aole e pau i ka heluia" O ka hoailona o ka la o Kane i hanauia, aole e hiki mua ka Hokuloa, nolaila i oleloia ai e na poe kahiko, he poo-kapu ko Kane, a pela no i keia wa, aole e kau ia e ka hoku, aole he puwai aole he papa heana, he la kapu loa, o ia ka la e mohai ai ka oihana kahuna i ka mohai i ke Akua, iloko o ka heiau maluna o ke anuu ka lele, a me ka luapau. luapau. ( Aole i pau )