Ka Makaainana, Volume V, Number 1, 6 January 1896 — Page 5

Ka Makaainana.

 

HONOLULU, OAHU, POAKAHI, IANUARI 6, 1896

 

Kela a me kei.  E hoomau aku ana makou i na manao like ole, e like me ia iloko o na makahiki elua i hala ae malalo o na poo like ole, i kulike hoi me na hoakaka maluna ae.

            Pololei ka makou i hoike aku ai mamoa, he Aupuni keia no kamalii haole a me @a kuewa mai.  I hoike no ka oiaio o ia, ua hookohuia ae nei he poe kamalii wale no i poe Lunakanawai uo na Aha Kaapuni a me Apana, a e ikeia iho no hoi ma kahi okoa ae o kei a helu.

            O ka hoike hoi no ke Aupuni ana no na kuewa, o na malihini ia e loaa nei na hana Aupuni, a o ka Lunakanawai Apana hou kahi o ia poe.  Aohe na poe o ka aina nei i ikeia.  Heaha aku ana la ko kaku hopena ma nei mua aku, ke mau aku hoi neia ano hana?

            Ma ka la Hape Nu Ia nei, ua haawi ae o Peresidena a me Misasa Kole i kekahi aha ike pili oihana maloko o Iolani Hale Eeu ole ae no hoi na ili o keia poe i kahi i hoolaa mua ia ai e na kapuai o na Moi Mawaho ae hoi o na luna oihana Aupuni a me na haole kamaaina a kuewa mai, aohe Hawaii hookahi i hele aku, mai na ili ulaula, na ili puakea, a me na hoaloha ili keokeo o ka lahui.  He ole a he ole loa no.

            Ina no hoi paha i hele nui aku na pio kalaiaioa i hookuuia mai ia la, aohe no ia he mea e hewa ai, eia nae, aole loa kahi mea hookahi i hele aku.  He hana pono no i, ina i hele aku, no ka mea, he haawi ana aku hoi ia i ka hoomaikai no ka manao aloha i paholaia mai.

            Eia nae, o kahi mea ehaeha loa ma ia la ike, o ia no ka ikeia ana aku o kekahi o na kaikamahine opio a ka hapauea Wilimana i mare kane ole ma ke ano he ukali no Misasa Kole.  Lohe mai nae hoi makou ua haua kela kaikamahine me kona hoihoi ole, aka, mamuli o ke kauoha a me ka hookikina a kona luaui, ma ke ano panai aku hoi no ka hookuuia ana o kana keiki, kekahi pio kalaiaina, he wa i hala ae.

            He ohana aloha aina a make Alii oiaio kela, a nawai no hoi e ole ka hoehaehaia o na poe o ia poai mawaho nei.  O ka hapauea no nae paha hoi ka i ka ike i kana mea e hana ai, aole loa o kahi ae.  Eia nae hoi, aole o ia wale ka ohana i hoouna palapala kono ia aku, aka o ka Bila Ko nuwela kaikamahine kekahi a me ka Samuela Paka mau kaikamahine, ua hooleia aku nae hoi me ka maikai.  O na hoopahele ana paha hoi nei e hana ai no ka hiki ke hoolauleaia na anao a elua.  Ina o ka manao ia, aole Ioa pela e loaa ai.

            Ahea no la hoi pau ae na hana hawawa a keia Aupuni.  O ka hope loa iho nei, o ia ka hoouna ana ae o ke Kuhina o ko na Aian E i palapala kono i ke poo o na Kanikela o na aina e maanei, me ke noi mai iaia nana e kono aku i na Kanikela e ae, no ka hele aku i ka aha ike pili oihana a ka Peresidena.  He hoowahawaha maapopo keia hana i na aupuni e, a ua pii no hoi ke kai o ka hapanui o ia poe, a he pii pono ana no.  

            E hoomaopopoia aole ke poo o na Kanikela he poo io mamuli o ka hookohuia mai, aka, mamuli hoi o kona kahiko ma ka hookohuia ana mai ma ia kulana oihana.  Eia nae, ua makemake aku nei ke Kuhina o ko na Aina E o keia Repubalika e hoolilo iaia i elele no ia Oihana.  Ua malamaia he halawai ana o na Kanikela a ua hooholoia aole e hele nui i ka aha ike, aka, mahope iho ua hoololi hou ae a hele nui ai kahi poe o lakou.  O na ano hana iho la ia e hoohaahaa a e hoohilahila ai i ke Aupuni mamuli hoi o ka Kuhina.  He ole ka ikeia o ia ano hana mamua, i nei au oehaa wale no.  

              Ua nuha hoi o Alapaki a hele ole ai o ike i kona haku Peresidena i ka la Hape Nu Ia, a hoi aku nei a i Kualoa e “noho mai e lile” ai.  He keu no paha hoi a ka apiki a me ke kupaianaha.  Mahalo hoi i nei Aupuai o lakou poe ewe mikanele, holo uae hoi i kuaaina e nuha ai.  Hilahila ole no hoi kamalii kahi pohue la.

             Hele no hoi a ua pau na hua ke pau no ka nupepa oili malama “Ka Hawaiiana” i ka hoonohoia, a ua hoomakaia no hoi e pai, ikeia iho la he manao i kupono ole i ka makemake o na lala o ka Hui Paipalapala Kekake Hawaii, no ka pelapela ka, wahi a ia hui, a hoopauia ke pai ana me ka ae ole e hoopukaia.  Mamuli o nei hana, ua nele ka hookoia o ka makemake o ka mea nona ia nupepa, a e laweia aku ana paha hoi i Kaleponi e pai ai.

            Nolaila, no nei hooko ole ia ana o ka haua ma ka aoao o ka halepai, ua hoopuka ae ka luna hooponopono @ ua wahi nupepa la he hoolaha, e haawi ana he makana o $250 i ka mea a mau mea paha o ka Hui Kekake Hawaii e hiki ana ke ike i kahi o ka pelapeia iloko o na mea i manaoia e hoopuka aku ma ka helu i kinaiia iho la.  Aia ka hooholo a apono ana i kekahi mau nupepa alakai o Nu loka, e laa ka Ahailono, P@u Ahiahi a me na Manawa, a ma ke kakaulima e waihoia ae ai i ka lauahooponopono iloko o kanaoao la.  Ehuehu no ka hoi nei kaaka la!

            Piipii kai no Hilo nupepa namu, i ka pau ioa o ko ke, Aupuni dala i ka hoomaemae ana ia Honolulu nei a hooneleia hoi na wahi e ae.  He $500,000 ka e pau ana no ke alanui aekai o Kakaako, Kalia me Waikiki, a hoopainaia hoi na hana a ae e pomaikai ai o ka aina, e laa ka hana ana i mau alanui hou, i mea hoi e pono ai o na oihana mahiai, a pela aku.  Ua pono ne nei piena ana, no ka mea, eia ae no hoi ke alanui i luna o Puowaina, ia kia-hoomanao o Kakina.  Lehulehu wale aku na mea i hanaia me ka loaa wahi po maikai ole o na apana kuwaho o na mokupuni e ae.

            Neoneo loa mai nei na lono kaua mawaena o Amerika Huipuia me Enelani.  O kea no iho la no ia, he hoopuiwa a hoohiki lele manao no ka manawa wale no, a o ka hele aku paha hoi koe a @alowale loa iloko o ka uwahi me ka a wahi ahi ele ae.  Ma ka hopena loa, o Eaelani no ke puka pono mai ana.

            Ia kakou no hoi a komo i nei makahiki hou, eia no lakou nei ma a eke noho mai nei me ka wiwo a me ka weli o @uoho hou ae no ua huaelo, o ka oi loa aku nae paha hoi, i ko waho mai.  A mawaho ae hoi o ia, he maluhia no ka laulea a me ka lualai ana o ka lahui, me ka manaolana nui no e hoea mai ana no ka wa e pono ai.

 

Kupaa Lai ou i ka Hoaoia Ana.

 

            He pepe manao hoohialaa, loa e pili ana i “Na Hoomanao ana no Kamehameha V,” i kakauia e Rafus A Lyman (Lupe Ali mana, ka i heluheluia ae ma ka halawai ana i Novemaba aku nei o ka Ahahui Moolelo Hawaii.  Iwaena o na hoomanao e ae, ua kukonukonu loa ke kamailio ana o ka mea kakau no ka manao kuhohonu iloko o ka Moi no ka laahia o kekahi hoohiki ana, a me ka hewa hoi o ka hoike wahahee.  O keia ke kumu ona i hoole ai i ka lawe ana i kekahi hoohiki i ke Kumuka nawai ana i manaopaa ai e ka pae ae.  Ma ke kamailio ana hoi no kekahi mea i haalele aku i ka noho kahunapule euanelio ana, ua olelo ae oia “ua kau maha oia i ka olelo ae no kona lahui ponei, na lehulehu loa o lakou i hele e hoike wahahee aku iloko o ka aha hookolokolo, a ua manao paha hoi na kahunapule kanaka maoli a me na hoaha@au ekale@ia ua hiki loa no ia lakou ke lawe ae i kekahi hoohiki ana e lilo i poe kahunapule euanelio a i poe ukali paha no Karisto, a i ko lakou wa e molowa ai @a hana, na hiki no ia lakou ke hoi hou aku i kekahi nohona hewa ana e like la ka maalahi me ka hookomo ana ino i kekahi kuka hou; a e like hoi me ka loihi o ko ka Lahuikanaka hoomaopopo ole ana i ka laahia o kekahi hoohiki ana i ke Akua, a me ka hewa hoi o ka uhaki ana i kela hoohiki ana, aole loa ka Lahuikanaka e lilo i mea ano nui. ” (O ia paha hoi, ma ka manao ana o ka mea unuhi o keia kalaimanao, - e lilo no ka Lahuikanaka i mea lihi waiwai ole loa.)

            E pono o Mr. Laimana e mahaloia no ka hoopaa moolelo ana iho i keia mea hoala manao i keia manawa kupono loa.  No ka mea, mamuli no o keia ano hoao ana i hooiaia ae ai ko na Hawaii kupono loa e mau ka noho Lahui ana.  Aole no paha hoi he hoohuoi ana, i ka wa a na poe e u noho hoomalu nei i keia mau Paemoku i keia wa, ua hoolilo ae lakou i kumu e loaa ai o ka pono koho balota a me ka hana ma kekahi kulana o ka hoole loa ana i ka hooponopono aupuni Moi ma kekahi ano, ua manao lakou e hoike aku ana na Hawaii i ke ano hoomaopopo maalahi like no kea no eehia o kekahi hoohiki ana, e like la hoi me ka ka Moi i hai ai he kanakolu makahiki i aui ae.  Ina pela io, ua kuhihewa loa lakou.  O ka hoohiki no, mamua o kahi mea e ae, ka i hoolilo aku i paleku hiki ole ke kaaloia mawaena o ka Lahui a me na poe hoomalu o keia wa.  Ma na wahi a pau a puni ua Paemoku nei, me ka nana ole ae i ka hookikina a na haole i pono e oi loa ae ko lakou hoomaopopo ana, ua hookuu na kanaka o ka aina i na oihana a me ka hana, i kupono paha hoi e lilo ia lakou, e komo aku iloko o na lima o ka malihini, mamua hoi o ka lawe ana ae me ko lakou mau lehelehe i kekahi hoohiki a ko lakou puuwai i hiki ole ai ke apono aku.  Hoaoia hoi ma ke ana o Kamehameha V., ua hoike ae hoi na Hawaii aia no he wahi waiwai iki iloko o lakou.  Malia paha ua hoohaahaaia lakou ma neia hoaoia ana i mea e hooia ai ina ua kupono a kupono ole paha hoi lakou e hoomau i ka paa ana i ko lakou kolana kuokoa ma kea no he Lahuikanaka – Honolulu Diocesan Magazine (Pepa E@a@sia Honolulu), e hoopuka hapane ia nei e ka Bihopa o Honolulu, Dekemaba 16, 1895.