Ka Makaainana, Volume V, Number 1, 6 January 1896 — Page 8

Ka Makaainana.

 

6       HONOLULU, OAHU, POAKAHI, IANUARI 6, 1895.

 

LAWE OLA PONOI

 

Eia Hou no Ua Mea Ki Pua Iaia Iho o ke Komopani G.

 

          Aole i loihi ae nei na la o ko Hanale Kaia waiho ana iloko o ka opu o ka honua ma o kona ki pu ana iaia iho, eia hoi, ua hoea hou ae la no ia hana inanaonao i ka Poalima iho la, hora 8:30 A. M., oia o Alawa Aluli (Oliver Lewis0, he koa no ke Komopani G  Ua ki ae oia iaia iho no me ka pu raifela Supirirafi a@.  Peni kahi moolelo i loheia mai:

          I ka po mamua iho, ua ulu ae he wahi hoopaapaa mawaena ona me kona kokoolua, oia o Ane Polapola, ma ko laua wahi noho makai o Honuakaha, a no kona olelo hooweliweli ana aku paha hoi i ka wahine, ua holo aku la kela a aole i hoi ae la po.  No ia mea, i ke ao aoa ae, na komo iho la oia i kona kapa koa piha, uhao iho la a piha kana pu raifela i ka poka, hoopaa iho la i ke kiko me ke kaula a nakii iho la ma kona manamanalima, hookomo mai la i ka waho o ka pu ma kona waha a huki aku la i ke kiko, a oia no ka manawa i kani ae ai i ka pu a komo aku la ka poka a huai mahope o ke poo a puka mawaho o ka pukaainiani [pukaaniani] o ko laua wahi hale.  P@ka holo ana aku o ka wahine me ka lehulehu e nana, e waiho mai ana oia ilalo ua make loa.  Ua hoike koke ia ae ka lohe i ka Halewai, a ua hoea aku ka Hope Ilamuku ma kahi o ka mea ki@pu.

          O kahi moolelo ae la ia, a eia hou iho no hoi kahi:  Ua laweia kana pu sifela e kahi i@ea kokoa i ka La Hape Nu Ia, a i kela kakahiaka no oia i kii aku ai, eia ka, i manao no nona iho.  Mamua iho ka o kona hana ana i kela hana, e lealea a'e himeni pu ana no ka me ka wahine, a me ke ano ona no hoi kani, a aole i liuliu loa ma ia hope iho, ua make loa oia i kona mau lima ponoi iho no.  Wahi hoi a @kahi oleloia, i hana ka oia ma ke ano hoao wale no, me ka olelo iho i ko Hanale Kaia naaupo o ka hana ana.  Ina pela io, alaila, ua manao paha hoi oia he mea hiki iaia ke nahu iho i ka puka me kona mau niho, eia nae, o kona poo ka i hahoahoa a hu ka loo iwaho.

          Ia auwina la iho no i hoolewaia aku ai ka mea i make no ka ilina o Maemae, malalo o ke alakai ana a kekahi hapa o kona puali, me ke kahunapule ole, oiai, he Katolika Roma oia.  Ua hiki kino aku ma kona wahi ke kapena o kona puali a me na lutanela, a me ke konela o na pualikoa.  He 23 makahiki o ka mea i make aku la.

          Ua haalele iho oia i kona makuahine ia Kalena Lewis, elua kaikuahine a me elua kaikaina a me ka kaikuaana, aia i Tahiti, e u aku no kona hele maewaewa [content unreadable].  O kona mari, oia o John Aluli Lewis, e kala oia i hala ai me kela aoao.

          Ma ka noho ana o ka aha kiure koronelo e noonoo i ke kumu o kona make ana, malalo o Hope Ilamuku Hikikoki, ua hooholo lakou ua make oia mamuli o kona ki@ ana iaia iho me kana @@ raifela.

 

Mau Hookohu Oihana Aupuni.

 

          Ua hookiekieia aku o Kokua Lunakanawai Elua, W. F. Faria, i Kokua Ekahi @@ a kahi o Lunakanawai Pekekona i make, a o W. A. Waitina, Lunakanawai Kaapuni Mua, ma ko Lunakanawai Faria wahi i Kokua Elua.

          A ma kahi hoi o Waitina i hoopiiia aku la ma ke kulana hou, ua hookahua aku la o A. W. Kaaka, Hope Loio Kaaia@, ma ia wahi, i Lunakanawai Ekahi no ka Aha Hookolokolo Kaapuni Ekahi.  A o Lunakanawai Apana Akoni Pere, na hookohuia aku la oia i Lunakanawai Kaapuni Elua, ma kahi o J. A. Makuna i waiho mai.

          Ma kahi hoi o ka noho Lunakanawai Apana o Honolulu nei i hoohakahakaia, ua hookohuia aku o Loio g. de la Vena ma ia wahi.  A me he mea la o Loio E. P. Dole aku ana ka Hope Loio Kuhina ke huli hoi mai oia mai Hilo mai.  No ka Poaono iho nei keia mau hookoho.

 

          Ma ka @e ui ana o ua hua o ke pa o ko L. B. Ka halekuai i ke ahiahi Poalua iho la, ua loaa he 747 @ua.  Nolaila, ua lilo ka makana, keia piano Nu Enelani maikai o $350 ka waiwai io, i ka mea koho kokoke loa, oia o W. E. Wall, kekahi mea ana aina o ke Keena Ana-aina Aupuni, he 745 kana koho.  Laki no!

          Ua hoopoinoia e ka waikahe ke alahao e moe la i Waianae i ka po Poakahi i hala, a ua lilo i hana nui na na limahana o ka @@ui alahao ka hooponopono hou ana a hiki i ka wa i paa hou ae ai.  A i ke kakahiaka Poakolu ae ua holo aku la na kaamahu no Waianae me ka piha i na poe ake e makaikai a hoohala manawa wale aku no ilalo o Poka'i.

          Ua paa hou iho nei o Kalaka  Luna i ka hopuia no ka aihue a me ka wawahi hale, me kona kokuaia ka hoi ma ia hana ana e Kai i.  O ka inoa hope ka i pakele, ma kona lilo ana i hoike no ke Aupuni, a pokai hoi ka hoa mua.  Aia i Kawa e noho nei i keia wa.  No ka hewa wawahi hale, ua waihoia aku i ka Aha Kaapuni e ka Lunakanawai Apana, ma kona hookolokoloia ana i ka Poalima nei.

          I ka auwina la Poaha iho la, ia Luahiwa e holonui aku ana maluna o kona lio ma alanui Moi nei, a i ka hoea ana ma ke alanui Papu, ua hoi huli ae la oia i ke poo o kona lio ma ka aoao mauka me ke kaohi o e ihe, a o ia no ka manawa i hookui aku ai me Kewalo, oiai hoi oia e holo mai ana me kona kaa hehihehi wawae mauka wai @ kiolala aku la oia mai kona kaa aku.  I ke ala  ana mai ua poholeholeia kona mau lima, a o ke kaa hoi, ua poinoia.  Mahope iho o ua hooponopono ana mawaena o laua, ua ae o Luahiwa e uka i ua lilo a pau no ka h@@a i ke kaa hehiwawae o Kewalo a p@a maikai.

         

KELA A ME KEIA.

 

          E holo aku ana o Peresidena Dole i Hawaii keia pule.

          Poaha iho e kapalulu mai ai ka Mariposa mai na Panalaau Hema mai.

          O keia la o ka Epipania.  He mau anaina pule ma na lua kini Enelani me Roma.

          Buke Mele Lahui, hapaha no ke kope, aia wale no ma ke keena o ko makou Puuku e loaa ai.

          La Pule ino, la 12, e noolaaia ai ka halepule hou e ku nei ma alanui Beritania o ka hoomana Medos@ta.

          Ua holo aku no na Paeaina o Karo@ine kahi @okukuaa misionari R. W. L@gana i ka auwina la Poalima nei.

          Ua hookohuia mai o S K. Kane i hoa no ka Ahakuka Malu o ka Repubalika ma kahi o J. U. Kawainui i make

          Ua hoea hou mai nei o Opiuma Balaunu i o kakou nei.  Oia nei ka mea kau loa ia o ka weli e na poe o nei.

          Ua ku mai i ka auwina la Poalima iho la ka Auseteralia a i keia ahiahi no e pelu hou aku i no Kapalakiko.

          He wahine Pake ka i hopuia i ke ahiahi o nehinei malalo ae nei o K@K@hale, no ke kuai opiuma.  Eia a ua poeleele loa laweia ana i ka Halewai.

          I keia ahiahi, hora 7, e weheia ai ke kula po o Koleaka.  Ua loaa he 60 poe hau@pana i keia wa.  E nui ku ana paha hoi ka hana o ia kula Aupuni hou.

          I keia kakahiaka e hoolo@ ka hou ai na Kula Aupuni a puni ka Paeaina, mahope iho o ka hoomaha Karisimasa ana a me Makahiki Hou.

          Ke aneane ae la e holopono na hoolala ana a ka Hui Uwila Hawaii no ona wahi e hana ai i hau paa ma ko lakou hale hana uwila i keia wa.

          He aha hulahula ko laua o ka Beninet@na i ka p@ Poalima nei, a ua lehulehu na poe o uka nei i pau nui aku i u@a ona e lealea a e lili haulani ai.

          Po Poalua iho la i maraia ai o W. Ka@mimoku me M si Pukoa ma Kapoukolo, e ka Rev. s. Kaili.  O keia no ke kaikaiua oa kaua wahine mare mua i make.

          E wehe ana o Mis sa Ane Pule i kana kula Enelani kuokoa i keia la, ma kahi noho o na kaikunane makai mai o Koleaka.  O ke alu aku o na kokua ana iaia ka mea i anoi nui ia.

          Ua ahewaia imua o ka Aha Apana i ka Poaono iho la ka Pake i hopuia ai mamua aku nei no ka noho huikau me elua wahine, a makou i hoike mua aku ai, a ua hookauluaia ka hoopai.

          O keia poe kanaka i hopuia ai i ka La Pule i hala no ka hoei@ ana ia A@ika mauka o Auwaiolimu, ua ku nui ae imua o ka Aha Apana i ka Poakahi ae a ua waihoia ka hoolohe ana i ko la kou hihia a ka Poaha iho.  He hookahi o lakou i hookuuia.

          I ka Mali@lani i ku# mai ai i Lahalua i kakahiaka Poalima nei, e nui ana ko laila ino, eia nae, ua hookuuia aku no na waapa o ka moku me ka piha i na ukana.  Hookahi waapa i poi pu ia e na nalu hai o Uo a hiona @k@ ae a pau, he mau eke kope a me na ukana e ae, a me ke eke leta.

          Eia mai ke oili pu aku la me keia helu ua o nei makahiki hoomaka hou o KA MAKAAINANA nei ka makou Alemanaka Hawaii haawia makena i kona poe lawe a pau.

          Aole i mala  no@a na lealea heihei ma Kapiolani Paka ma ka la 1 nei, mamuli o ke ano ukele o ke kahua i ke kuaua o na la mamua iho.  Ua hoopaneeia like a ka la 17 iho.

          Mai kek@ i palapala i loaa mai nei ia makou mai ka Panalaau mai o Kalawao, he nui ka ka hauoli o na ma'i ma ka La Makahiki Hou iho la a ua palena ole na lealea i malamaia e lakou ma ia la.

          O Kamaunu, ke kanaka Hawaii i pepehi ai a make kekahi wahine haole @@ Ele Dorado, Kalepono, ua kau mai nei ka hoopai o ka make maluna ona ma ka hooholo ana a ka Aha Hookolokolo o Kaleponi.

          Ua haawi ae na keiki hoehoe waapa he ahaaina ma ka po o ka la 31 o Dekemaba, 1895, makai no o ka uwapo.  Nui ko lakou hauoli ma ka hoomanao ana i ka mahiki i hala a me ka la mua o keia makahiki.

          Ua ku mai ka Miowera i ke ahiahi Poalua iho la mai Vitoria mai he hookahi pule mahope o kona manawa mau Aumoe mai o ka la 1 nei i holo loa aku ai no na Panalaau Hema me elua mau ohua mai keia awa aku.

          He aha hoolaulea ka na kumu o ke Kulanui o Sana Lui i hea w@ ae ai i ke ahiahi Poaha nei ke kahuapule o luna o ka mokukaua Balatimoa, maloko no o ka halekula.  Pena ana no hoi i nei ahiahi, i na makua o na keiki.

          La Lui Makalu e holo ana no waho o Kalia ma kona kaa huilalua ma ka la 1 nei, ua hookui aku la kona kaa me kekahi kaa p@e Pake a kiolaia aku la oia mai kona kaa aku.  Ua mokuia kona maka akau, poholehole kona helehelena a ua mauiia kekahi wawae ona ma o kona haule ana ilalo.  He wahi poino uuku waie @o ko ke kaa.

          O ka heihei moana mawaena o Kinau am me Kalaudine o ka hui mokumahu o Waila Ma, i ka Poakahi i hala, mai Honolulu aku nei a Lahaina, ua kaa ka eo ia Kinau ma kona ku e ana aku i Lahaina he 41 minute mamua o ko Kalaudine ku ana aku.  Ua hahani aku o Kalaudine mahope o Kinau mawaho ae o ka Lae o Kalaau, a ua mau laua pela a hoea wale no i ke awa.

NO. WAIANAE.

 

O. R. L. CO.

 

MA NA POAONO A ME NA LA PULE.

 

          E haalele no na Kaamahu ia Honolulu nei i na hora 9:15 A. M. a me 1:45 P. M. o ha Poano.  Ke huii hoi mai, e hoea ana i Honolulu nei ma na hora 3:11 a me 5:26 P. M.

 

          Ma na La Pule, e haalele ana ke Kaamahu ma ka hora 9:25 A. M.  E hoea hou mai ana i ka hora 5:26 P. M.

 

Na Palapala Uku Puni:

 

Papa Ekahi,         $1.75

Papa Eha             1.85

 

F. C. SMITH,

 

Agena Ohua a Palapala Nui

 

[contents unreadable]