Ka Makaainana, Volume V, Number 4, 27 January 1896 — Page 6
6 HONOLULU, OAHU, POAKAHI, IANUARI 27, 1895.
ROMULA
-
Ke Duke Kuewa o
Farani.
-
[Helu 2.]
He wahi kaikamahine hookahi wale iho no ka ke duke i kipakuia, nona ka inoa o Roselina, ka mea a kela Duke Ferederika i aua iho ai i kona wa i kipaku aku ai i kona (Roselina) makuakane, e noho - pu me kana kaikamahine imua o kona aloalii. Ua pilipaa loa ke aloha mawaena o keia mau kaikamahine kekahi i kekahi, a ua lilo kela kuee mawaena o ua makua o laua i mea ole iloko o ia mau la a ka nanea nui wale. A e hoao mau ana no hoi o Selia, ke kaikamahine a ke Duke Ferederika, e hoolaulea mau ia Roselina, i ulu ole mai ai na hoomanao ana iloko ona no na hana ino a Ferederika i kona makuakane, no ka mea, i kahi manawa e noho ai laua a haliu aku iwaho o na ipuka aniani o ka halealii a lana e noho ana, ua lilo i mea nona e ano e ai ke nana aku maluna o na helehelena o Roselina, a haupu wale ae la no oia, aia paha he mau hoomanao ana iloko o ua nohea la no kona makuakane i hooliloia i kuewa iloko o na ululaau.
Ae, e ka mea heluhelu, aia ke paila malie la iloko o kona puuwai na noomanao ana no kona luaui aloha. Aia iloko ona na uilani e ninau aku i kona hoa noho no kahi i hele ai o kona makuakane, aka, aole loa nae e hiki iaia ke pane. Kulu wale iho la no kona mau waimaka a naka haalulu ae la kona kino. O na manao luuluu a pau, aia ke hekau la maluna ona me ka walohia.
I kekahi la, oiai o Selia e ka mailio ana iaia e like me kona ano mau, ua i aku la oia, "Ke noi aku nei au ia oe, e Roselina, e hoolana i kou manao, e noho hoi me ka hauoli," o ia no ka wa i komo mai ai ka elele mai ke duke mai ma ko laua rumi e noho ana, a hoike mai la, -
"Ma ke kauoha a ke duke, i kii mai la au ia olua e hele e nana i na lealea e malamaia ana ma ke alo o ka halealii nei i keia la, a ua kokoke e hoomaka na hana."
Huli ae la ka elele a hoi aku la, a i mea e maikai ai ka manao o ko laua makuakane, hooholo like ae la laua e hele e nana i na lealea o ia la.
Iloko o ia mau la, o na lealea hooikaika kino o kela a me keia ano, o ia na mea punahele loa imua o na poe o ia au, mai na keikialii a hoea loa aku i na lede kulana hanohano. A no ia mea i eu ae ai na mau kaikamahine la a hele aku la e nana i na lealea e hanaia ana. Ia laua i hoea aku ai ua piha ke kahua i na poe makaikai, a e noke ana no hoi kela a ma keia i ka uwauwa no na moho i hele ae ai a ku iwaena o ke kahua.
O kekahi o laua, he kanaka loihi oia mamua ae o kona kokoolua, a ua lanakila mau oia maluna o kona mau hoa mokomoko i na hora mamua iho. A i keia wa eia oia ke ku nei he alo a he alo me kekahi keiki opiopio, nona na helehelena a me ke kulana e hiki ole ai ke manaolana aku e lanakila ana oia maluna o kela kanaka loihi, i hiki ke oleloia nana no ka lanakili o ia la maka kanaka.
I ka wa o ke duke i ike aku ai ia Selia a me Roselina e hele mai ana no ke kahua lealea, i ae la oia, "Pehea la, ua makemake anei olua e nana i na lealea o keia la? He mau hana hoohauoli maikai keia, aka nae, no kela opio e ku mai la ma o he ano kaumaha ko'u nona, a e pono ia olua ke hele aku e olelo iaia e hookaawale aku. E hele aku olua e kamailio, e na lede, e hookaawale aku kela opio ma kahi e."
E like no hoi me ke ano mau o na lede, pela no laua i hooko aku ai i ka manao o ko laua makuakane, a o Selia ka mea mua i hele aku e noi i ua kanaka opio la e hele, no ka mea, he opiopio loa oia a aole i kupono no ia hana. Haka pono mai la kona mau maka maluna o ka mea e kamailio ana, me he la ua wela kona puuwai. Ia manawa no hoi o Roselina i hopu aku ai i na lima o na opio la a me ka leo waipahe i pane aku ai:
"E ke kanaka opio, e ae mai i ka'u e noi aku nei ia oe, e waiho i kou komo ana iloko o na lealea, o kou mau helehelena ke hoike mai nei aole oe i kupono no keia hana."
Me na maka e kaulona pono mai ana ia Roselina i pane mai ai ua opio la.
"He me kaumaha no'u ka hoole ana aku i ke noi a kekahi mau lede maemae e like me olua. Aka, e hookuu i ka lena ike a ko olua mau maka e nana ae maluna o na mea e hanaia ana, no ka mea, ina au e pio ana i keia la, alaila, owau wale iho no ke loaa ana ia mau haawina o ka hilahila; ina au e make, alaila, ua makaukau au e hele aku ilaila; e hana hewa ole aku au i ko'u mau hoa'loha, oiai lakou e hanaino ole mai ana ia'u, aole e ehaeha honua no'u; e hoi hou aku ana no au ilaila no ka wa mau loa."
[E hoomauia aku ana.]
Palapala Hoalohaloha.
Ia MRS. MELE J. ALAPAI;
Aloha oe:
Oiai, ua oluolu i ke Akua Mana Loa ka lawe ana aku i ka hanu ola o kou kokoolua, kau kane i aloha nui ia, oia o Mr. J. Alapai, ma ko olua home noho ma Kapalama, Honolulu, Mokupuni o Oahu, i Ianuari 15, 1896; a
Oiai, o kau kane i aloha nui ia, oia kekahi o na haumana Kula Sabati o ka Ekalesia Hoolepope o Kaumakapili iloko o na makahiki loihi a hiki i kona la i haalele mai ai ia makou kona mau hoa; a
Oiai hoi, o kona haalele ana mai ia oe, kana wahine, ua hekau iho ia i ka haawina kaumaha, ka manao luuluu, ka paumako, ka ehaeha o ka naau, e uwe paiauma aku ma keia aoao o ka muliwai eleele aloha ole o ka make, nolaila,
Hooholoia: O makou o na haumana Kula Sabati o Kaumakapili, ma o ko makou komite la, ke komo pu aku nei me oe ma ka u pu ana, ke kumakena, ka lihaliha a me ka minamina pu; a nolaila,
HOOHOLOIA: Ke uwalo ae nei ka makou leo pule i ka Makua Mana Loa, e hoomamaia mai kou mau manao kaumaha, a e kaomi mai i na manao oluolu, ka maha a me ka noho ana hauoli. No ka mea, "Nana no i haawi mai, a Nana no i lawe aku. E hoomaikaiia ke Akua ma na lani kiekie loa, a he malu ma ka honua, he aloha no i na kanaka a pau loa."
HOOHOLOIA: E hoounaia i hookahi kope o keia palapala i ka wahine a i na nupepa olelo Hawaii a pau.
O makou no na lala o Komite
Wm H. KAILIMAI,
S. H. KAUILAOKALANI,
ADAMS PUAALOA,
K.W. NAHALAU,
D.K. KAELELE,
J.W. MAHELONA,
S.H. ONI,
Wm CHUNG HOON,
REV. J. WAIAMAU.
Kula Sabati o Kaumakapili,
Honolulu, Ianuari 20, 1896.
-
Ke haawi aku nei o Makapolena Ma i na Waina Kaleponi ma na kumukuai haahaa. Ua maemae loa hoi ka lakou mau ano waina a aole hoi i paipaiia e like me na ano waina lehulehu e ae e kuaiia nei ma keia makeke.
Mahope iho o ko makou hoike ana aku ma ka helu 2 i hala, e kaiehuia aku ana o Rev. J. Waiamau mai ka Ekalesia aku o Kaumakapili, ua loaa hou mai la ka lono ia makou, ua hoole ua Revi la i ke noi a ka Papa Kahu Waiwai e waiho mai oia i kona noho kahu ana no ia pa hipa, aia wale no a waihoia aku na kumu kupono no kona waiho mai i ka hana, a me ka ukuia aku o ka aie o na hoahanau iaia he $400. Ke pau ka ia mau mea i ka hooponoponoia, alaila, waiho oia i ka hana.
Na Waina Kaleponi
HOEMIIA KUMUKUAI
-MA KAHI O-
MAKAPOLENA MA,
Alanui Kaahumanu.
-
Ke hoolilo aku nei makou i na WAINA MADEIRA, POTA, ANAGELICA a me TOKE, ma na
Kumukuai Emi Loa,
A no ka Maemae a me ka Mikomiko, o keia ae la na Waina maikai loa i haawiia ma keia mau Paemoku.
Ano no hoi o Mr. E.C. Makapolena i huli hoi mai nei mai Kaleponi a ua loaa aku nei hoi na launa a me na kukai ana me ka Halekuai Waina i ike lea ia o KOHLER & VAN BERGEN, no laua hoi na inoa i ikeia a puni o Amerika Huipuia no ka laua mau
Waina Maemae Maoli No.
Eia wale no ke kuai ana o keia mau waina ma keia Paeaina ma ko makou halekuai ma Alanui Kaahumanu, a ma ka HALE INU WAIONA O KAOPUAUA, kihi hikina o na Alanui Beritania me Nuuanu, a ma ka NEKINA, kihi hema o na Alanui Hotele me Nuuanu.
E HOOMANAO O NA
WAINA MAEMAE WALE NO
Ka makou e kuai nei a me ka haawi aku i ke ana piha.
Macfarlane & Co.,
Alanui Kaahumanu, makai iho o ko Bihopa ma Banako.
dek 9-mp
-
C.E Williams me Keiki.
Ed. A. Williams, Luna Nui
Helu 611, Alanui Moi, ma Ewa iho o ka Pa o Aigupita.
-
He mau mea kuai lako hale o na ano a pau loa.
-
He mau mea Hana Pahu Kupapau a Hooponopono Hoolewa.
-
E hoolakoia no na Kaa Kupapau, na Kaapio a me na Kaa-ohana.
Ina no e ninau ia laua, e loaa no na Pohaku Kia Hoomanao no na He Kupapau.
-
O ka Ialoa kekahi hana hiki loa ia laua, aia ia malalo oka lawelawe ponoi ana a Ed. A Williams, F.D., he mea i puka pono mai ka Kalaka Kula o ka Ialoa Maikai ana iloko o Mei, 1894.
-NA TELEPONA-
Keena, Helu 179 - Kauhale a me Kahea Po,
Helu 815.
nov 2-mp.
-
KU KIMA
Helu 411, Alanui Nuuanu. Helu 59 maluna.
Oiai, ua pau ka wa kuai hoemi ma ko'u halekuai, eia nae, e hoomauia aku ana no ke kuai emi ana o na waiwai iloko o keia mau la e nee nei a pau ae na la kulaia.
O na Kalakoa, na Lole Huluhulu, na Kinamu, na Keokeo Halua, na Lole Alapia, a pela aku.
Pela no hoi me na aahu o Kane me Keiki.
Heluna nui o na Kamaa no na poe a pau.
ok 14-2mh dek 9
-
E.M. NAKUINA.
KOMISINA O NA ALA LIILII A ME
NA PONO WAI.
Notari Lehulehu, a he Agena Haawi Palapala Ae Mare no Honolulu nei.
KEENA HANA: Helu 308, Alanui Kalepa. dk 3-1mk.