Ka Makaainana, Volume V, Number 7, 17 February 1896 — Page 3
HONOLULU, OAHU, POAKAHI, FEBERUARI 17, 1896 3
hanaia maluna ona e Pikaio me kona hoike pu ana ae i ke akea. O ka eha iho la ka keia o ka hoao ana a keia Paniolo e hana pela.
Ua hoole ae keia Momona aole ona makemake e noho pu hou me keia Paniolo, a kipaku iaia e hele. Eia nae kahi apiki, kii aku no keia Paniolo ia mama tutu e hoi mai no laua ae aku no o mama, me ka olelo mai ka o ka Paniolo iaia, ina laua e kaawale, aole ia ike i kana mea e hana ai maluna o Momona. He keu ka hilahila ole o keia Momona i ka puni wale aku no mahope o keia Paniolo hana lapuwale.
WILLIAM MALINA.
Kaumakapili, Feb. 6, 1896
-
Hala ia Kamaaina o Molokai.
O ka Lawe Leta mai Kalae a hiki i Halawa, oia o Mr. DB. Kauku, ua make oia i ka la 3 o Feberuari, 1896, hora 5. O kekahi keia o na kanaka i paa ma ka oihana Aupuni mai ka wa mai o ke Aupuni Moi a hiki i keia Aupuni Repubalika. Kona hoomaka ana ma keia oihana lawe leta, i ka 1863, i ka wa no e noho haku ana o J W. Burrows ma na aina o na Alii Kamehameha, o ia he 50 keneta no ka pule. Pela a hiki i ka wa o R.W. Meyer, pii ae he $5 no ka mahina. Pela oia i hoomanawanui ai a hiki i ka $10, a i keia mau makahiki aku nei hiki i ka $25 o ka mahina. O ka loihi o ka noho hana ana he 32 makahiki a oi, a ua kamaaina oia i na alanui o Molokaiakeala kahi, mai Kalae a hiki i Halawa, a na kamaaina na mea a pau iaia, he mau hoa'loha hoi nona na mea a pau.
Nolaila, ua haalele mai oia ia kakou a pau, ua pau ka maalo ana ona ma na alanui kiawe ou e Kamiloloa; e Kawela a ka ihuanu, na pau kou ike ana i ka maalo ana ma kou mau aeone; e Kamalo, ua pau kou ike ana i ka hihimanu mai me ka ukana a ke Aupuni, e Kaluaaha, ua pau kou ike ana iaia, e Honomuni, ua pau kou hea ana iaia e kipa aku ma kou mau ipuka hale, e Waialua, ua pau kona inu ana i ka wai huihui o kou mau kahawai; e na Honouli, ua pau kona ike ana i kou mau kaha wai uliuli; e Nihaukawa, ua pau kou ike ana i ka maalo ana ma ka wehi o na lau kukui, e ka ulukukui o Lanikaula, ua pau kou ike ana i ka maalo ana ma kualono; e Moaula, nou ua wailele huna i ka pali, ua pau kou ike ana i ka inuia o kou wai huihui, ua hala oia i ke ala hoi ole mai. Nolaila, e hoomaikaiia o Iehova o na kaua, ka mea Iaia ka make a me ke ola
Ua haalele iho oia i kona koolua, he wahine, a me na keiki, na moopuna a me ka ohana a pau, e u, e kanikau aku iaia, he hope loaa i ua mea a pau. E kaumaha ana kona mau hoa'loha iaia, a ua kamaaina ko Molokai nei a pau iaia.
Ina o keia oihana loihi a he ili keokeo, ma kahi o $50, a i ole, he elua kaau ma ka helu Hawaii. Ia ili ulaula, he $10 a he $25 e like iho me keia. He oki loa aku hoi keia au e nee nei, he oki loa aku hoi keia wa, aia i ka halekuai ma Ewa ae o ka Nekina, o Aienui. Ua laki hiki hou ia.
J.K. MAKUAIKI.
Kaunakakai, Feberuari 6, 1896.
KELA PAEE O NA OIWI.
-
Like ka Manao me ka Pokii no
ka Puali Puhiohe Lahui.
Ma kekahi manaopepa o makou ma ka helu i hala i hoike aku ai makou no ka loaa ana mai o kekahi palapala makou mai ia L. Kimo Aileti, e kakoo ana i ka hoike a kona pokii, a makou no i hoopuka aku ai ma ia helu like. Nolaila, eia mai ua palapala la malalo iho, i kakauia mai Kikako, Ilinoi, Ianuari 24, 1896:
"Mamuli o ka loaa ana mai o ka lohe ia'u no na hoolaha e pili ana i na hana ana keiki i kela wa ma Kalivilana, Ohio, penei na mea i hanaia a ulu mai ai kela mau mea. Oiai no ka bana e mau ana no kona alahele i hoomakaukauia mamua, ua hoea ae la mai loko ae o ke kumu Libonio, mamuli o ka hawanawanaia ana mai e kekahi mea okoa mawaho aku o ka bana he manao e hoao ana e wawahi i ka bana, e olelo ana, ua lawa a ua makaukau kekahi mea ma kona kua me na dala no ka hoolawa ana i na keiki me ka uku ana he umikumamalima ($15) dala o ke keiki hookahi no ka pule, ia Libonio na lilo kaa, ai, a me ka noho ana, ke ae na keiki e wawahi i keia huakai, a ina hiki ia manao, alaila, hoi aku na keiki a pau malalo o kana alakai ana me ka loaa o kela uku pule me na pono i haiia ae la maluna. O ia ka wa i hoomaka mai ai o na manao e uilani iloko o kela a me keia o na keiki, a hoao iho la e hooko ia manao. Ua hoao aku au e kinai ia mau manao i huiia me ko'u mau hoa a hiki i ke ko ole ana o ia manao, a oia kona (Libonio) wa i hoao mai ai i kona alanui, e hoololi i na keiki ma kona hoowalewale ana i na keiki e ae aku e ukuia oia i umi ($10) dala o ka la no kona mau lilo, me kona olelo aku ina aole e aeia, e waiho ana oia i ke alakai ana i ka bana. Nolaila, ua manao iho la na keiki o ka hana pono wale no o ka ae aku i kona manao, i ole e waiho mai oia. O keia ke alanui hou i manao ai oia e hookoia kona manao i kaunui ai. O kahi i hoao mua ia ai o keia hana, o ia ka hiki ana o ka bana i Loraine, Ohio, a mamuli o ka'u a me ko'u mau hoa hana alakai ana, aole i ko kona makemake. Mai ia manawa mai ua uluaoa mai na keiki, a mamuli o na alakai malie ana ua maalili mai ia mau uluaoa ana a hiki i ko makou holo ana ia kakahiaka nui ae no Kalivilana, Ohio.
"I ka hiki ana ilaila, ua hoao hou aku no o Libonio e kaualako hou i na keiki ma ke koi ana aku ia lakou e uku mua ia oia i kanahiku ($70) dala no ka pule, ina aole e uku mua ia aole oia e puhi ana a alakai paha i ka bana ia po. No ko'u lohe ana ia mau mea, nolaila, ua manao au he wa pono ia e hoao ai e komo aku e uwao no ka pono o na keiki, oiai no ka bana e noho ana no ia mau la me ka lawa no kona mau lilo ponoi iho ma ka hiki ole ke hoolawa aku no na lilo nui e aku mawaho ae o na lilo maa mau. Aka, aole i hoea mai kela hana a hiki i ka hoomaka ana o na hana o ia po, a i ka hapalua like paha o ka manawa hana, oiai no na keiki e puhi ana, ua hoea mai la kekahi haole a hai mai la ia maua me ko'u kokoolua e ohi ana oia i na dala he $70 ma ko Libonio kuleana. Ua hoole aku maua, oiai, aohe ana palapala i kakauinoaia e na luna o ka bana i hookohuia, a ua paa maua i na loaa a pau o ia po, me ka manao e noonoo like ia kela mea e na lala o ka bana ke pau ka hana, aka, aole i loaa he manawa no na keiki e noonoo pono ai, oiai, ia pau ana no o ka hana o ia po, ua hoao koke mai la no o Libonio e kukala leo nui me kona olelo mai e uku koke aku i kela mau dala me ia piha no i ka lehulehu i hele mai i kela po. O ka wa no ia i ulu mai ai he mau leo nui kupono ole imua o ka lehulehu, ua hoao aku maua e hoakaka no ka hoi iluna o ke kaa e kamailio ai, aka, aole i hooloheia mai.
"Nolaila, ua hoi makou no ke kaa me kekahi o na keiki i loaa he noonoo maikai. Ia manawa o Libonio i lawe aku ai i ka lehulehu o na keiki ma kona hotele e noho ana (malalo no o na lilo o ka bana), a ilaila oia i kamailio ai ia lakou me ka hooinu ana i ka rama. Ilaila i ike aku ai kekahi o na keiki aohe ka i lawa iaia (Libonio) na dala ana i kaena ai mamua aku me ka lawa ole e uku pule i na keiki, oiai, ua hoea kino mai ka mea nona ka leo hawanawana i hai mua ia a hoole mai la, me kona olelo pu mai i ka pilikia aole oia i makaukau, a o ia ko Libonio wa i hoi hou mai ai no ke kaa me na keiki. I ko lakou hiki ana i ke kaa, ua hoomaka koke no ko lakou uluaoa ana a hopuia o Kakauolelo Wilisona ma ka a-i a kiolaia iwaho o ke kaa, aohe kamaa, me kahi palule wale no. Ulu mai lahe mau leo kikoola no ka inu ana paha ke kahi, me ka ololo pu mai o lakou ka mana ma ke kaa. Pela iho la a hiki i ke ao ana.
"No Wilisona hoi, ua hoi oia i ka hotele no ia po. Ia ao ana ana ae, ua hoea mai la oia me na makai no ke kipaku ana i na mea a pau mai luna aku o ke kaa me ka hoopaa ana i na mea a pau o luna o ke kaa. O na keiki ua puka aku la mai luna aku o ke kaa a noho iwaho i ka hale hoolulu kaaahi. Ia wa, e lohe aku aua oe i na i ke kanawai, ikaika, a pela aku. Mai kela wa i paaia ai ke kaa a hiki i keia wa, eia no makou iluna o ke kaa, ua hoi mai no Kikako. O na keiki, ua hele aku mahope o Libonio me ko lakou nana ole ae i na poino o mua.
"Ua lohe mai nei makou, he ma'i kekahi o ua keiki a lakou e hele la, me ka nui no o na pilikia e ae o lakou. Aia no lakou i Beaver Falls, Penisilevenia.
"Ua halawai aku paha o Willie me oe a nana e hai aku ia oe i na mea a pau. Eia no maua me Mekia i Kikako nei. He maikai no ko mua ola kino. Aloha i ka lehulehu a pau.
"Owau o kou hoa i ka inea o keia aina malihini,
"L. JAMES AYLETT."
-
E ninau mau no ka Makapolena Ma mau ano Waina, a e loaa no ia oe ka mea maikai loa.
Imua o ke kiure ua hookuuia o Piipiilani no kona hewa i hoopiiia ai he aihue ma ke degere eha e ke kiure.
-
C.E Williams me Keiki.
Ed. A. Williams, Luna Nui
Helu 611, Alanui Moi, ma Ewa iho o ka Pa o Aigupita.
-
He mau mea kuai lako hale o na ano a pau loa.
-
He mau mea Hana Pahu Kupapau a Hooponopono Hoolewa.
-
E hoolakoia no na Kaa Kupapau, na Kaapio a me na Kaa-ohana.
Ina no e ninau ia laua, e loaa no na Pohaku Kia Hoomanao no na He Kupapau.
-
O ka Ialoa kekahi hana hiki loa ia laua, aia ia malalo oka lawelawe ponoi ana a Ed. A Williams, F.D., he mea i puka pono mai ka Kalaka Kula o ka Ialoa Maikai ana iloko o Mei, 1894.
-NA TELEPONA-
Keena, Helu 179 - Kauhale a me Kahea Po,
Helu 815.
nov 2-mp.
-
Waihona Buke Hawaii.
E loaa no na buke ma ka olelo makuahine no ke kuai ma ke keena o ko makou Puuku. Penei iho kekahi o ia mau buke:
Laieikawai - - - $1 00
Gaberiela Lenoa - - - 75
R.W. Wilikoki - - - - 50
Hookahuli Aupuni o 1895 – 50
a pela aku, a pela aku.
O na buke e ae no hoi kekahi, e laa na buke kanawai, a me kahi mau ano e ae, ke ninau pololei ia mai ia
F.J. TEST (Hoke),
ok 28-tf 327 Alanui Moi.
-
Ua Makemakeia
Ma ka
HALE INU RAMA LUVERA
(o ka Hale Meli mamua,)
Helu 91, Alanui Nuuanu.
5,000 Kanaka i na La a pau, no ka inu ana i ka
BIA KAULANA O KEOMOLEWA,
Ua Hele a Huihui i ka Hau.
EDUADA & HARE.
Telepona 589. Pahu Leta 475.
okt 28-tf
-
J K KAHOOKANO
LOIO a he Kokua ma ke Kanawai.
KEENA HANA: Alanui Kaahumanu,
Honolulu. jan 8, '94-1mk
-
W.H. DANIELS,
[BILA DANIELA]
Agena Kuai, a Hooponopono Aina, Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka omoole.
Keena Hana a me Wahi Noho, aia ma Wailuku, Maui.
mei 6-mk.