Ka Makaainana, Volume V, Number 7, 17 February 1896 — Page 6
6 HONOLULU, OAHU, POAKAHI, FEBERUARI 17, 1896.
NA AINA MAMAO.
-
Mau Lono Huikau mai kela a
me keia Wahi Like Ole.
Kehakeha ko Iapana Manao.
No Valadivosetoka ka lono i loaa ma Sana Peterabuga ke ake la ke Aupuni o Iapana e hooia ae i kona mana ma ka hapa komohana o ka Moana Pakipika, a o kekahi no hoi, ua hooholo oia e paa mai no ia Korea maloko o ka pohai o kona mana kalaiaina a kalepa paha. Ua lilo keia i mea no Rusia e nauki loa ai iaia no kona hoopaakiki ma ke ano hoonana paha.
Pio Ole ko Cuba Kaua Kipi.
Akaka ole no hoi ka hopena o keia kaua kipi e nokeia mai la ma ia Mokupuni Panalaau o Sepania, mawaena o na oiwi o ka aina a me ke Aupuni Makua Ua pau ko Generala Camaposo noho alakai ana no na pualikoa Aupuni malaila a ua huli hoi aku no ka aina He Generala hou ka Sepania i hoouna mai ma kona wahi, he mea no ua kamaaina mua ia Kuba, a me kekahi poe aliikoa malalo aku ona. Aia ke kaua ana i keia wa ma kahi mamao aku mai ia Havana, a akahi no hoi a loaa ka maha i ko laila poe. Me he la, ma ke koho wale ia aku, e ike aku ana o Amerika Huipuia i na aoao paonioni a elua, oiai, e komo ae ana ia ninau ma ke ano olelo hooholo imua o kona Aha Senate. He pualikoa kaualio Sepania o 625 kanaka me na lio a me na pono a pau ka i pae aku i Havana i ka la 6 nei, a e komo aku ana no i ke kaua.
Hookelakela Iapana ma ke Kalepa.
E kuaianui aku ana ko Iapana poe hana iole i ka pulupulu o Amerika Huipuia, a mahope aku o ka hanaia ana, e hoouna hou aku no i Amerika Huipuia e paonioni ai me na mea i hanaia malaila. Ua lilo keia i mea e hopohopoia ai. Ma ke ala ae o Mekiko keia waiwai e hoounaia ae ai, no ka mea, ua oi aku ka emi o ia mamua ae o ka hoouna ana a ma ke ala ae o Livapulu. Aia wale no paha ko Amerika pono a hoopii hou ae oia i ka auhau dute maluna o na waiwai o na aina e mai. Ke komo la na lako hale Iapana i Amerika Huipuia, a ke kuaiia la malaila a oi aku ka emi i na lako i hanaia malaila Wahi a ka oleloia, ua hiki ia Iapana ke hana i na kaa hehihehi wawae a kuai ma Amerika no $12 wale no. Mawaho ae hoi o keia mau mea, aia ko Iapana poe kalepa alakai ke noonoo la no ka hooholo aku i kekahi laina moku mahu mai Iokohama a hala loa i Livapulu, no ke ake e hoohahani aku mahope o Enelani ma ka hali ohua a me ukana ana, i mea hoi e hoopalahalaha loa aku ai i kona oihana kalepa moana ma ko na aina e.
Na Hunahuna Laulaha.
Mamuli o ke pahu ana mai nei o kekahi lua eli lanahu ma Wale, ua poino aku na ola o kanalima kanada.
Ke hoolilo la ko Wale Hema Hou Oihana o na Hana Aupuni Hou ma kahi o £50 000 o ka malama no ka hana ana i na alanui, na alahaka a me na hana e ae.
He bila kanawai ka Senatoa Lodge i waiho aku ai imua o ko Amerika Huipuia Aha Senate no ka hoopuka ana i na bona no $100,000,000 ka huina waiwai io, i loaa ai hoi ke dala no ka hana ana i na papa a palekaua aekai.
O na kohokoho ana no na lilo o ko Beritania Nui oihana kaua moana, e hiki aku ana paha hoi ia ma kahi o $93,000,000 no keia makahiki. No ka hana ana hoi i na mokukaua hou, e hiki ana no ia ma kahi o $27,000,000.
He kuikahi ka i hooholoia mai nei e ke Kuhina Italia ma Berazila me ia Aupuni, mamuli hoi o ia ua aeia ka ukuia o kekahi mau koi poho ma kekahi mau koi ana no na hoopilikiaia ana o na poe kupa Italia malaila, a ma kekahi hoi e waihoia aku no ia imua o kekahi ahauwao.
Nui ka poino o na ola ma Auseteralia mamuli o ka wela ikiiki launa ole mai. Ke hele la ke ana wela ma kekahi mau wahi a oi aku mamua o 100 degere malalo o ka malumalu, mai ka 121 ke kiekie a ka 115 ka haahaa. Ma Melebona, o Ianuari 23 ka la ikiiki loa i ikeia, he 112 degere.
Ua loaa ae na lono ma Roma, Ianuari 25, ua haalele aku na pualikoa Italia me na hanohano o ke kaua ia Makale, Abesinia, kahi hoi o lakou i hoopoaipuniia ai no kahi wa i hala ae. Noi ke ohohia a me ka hauohia o keia mau lono. Ua Manaoioia e loaa aku ana ka maluhia mamuli o keia hana ae la mawaena o Italia a me Abesinia.
No Kumaise, Aferika, mai ke kahi lono i loaa ae ma Ladana, Ianuari 21, e olelo ana na hala aku ka Moi Peremepe, ka makuahine o ka Moi, na elele elua i hoounaia ai mamua aku i Enelani, a me kekahi poe alii lehulehu e ae, malalo o ke kiaiia e na koa, no ko Kakela o ka Aekai Lae, kahi hoi o lakou e hoopaa pio nui ia ai oiai e noonooia ana ka hooponopono o ke poho a Asanati e uku ai ia Beritania Nui.
HOOMANA KATOLIKA
-
He Kuhikuhi no ke Ao ana i na
Hoahanau o ka Ekalesia
-
APANA ELUA - MAHELE VIII
KE KAHUA ANAGALIKANA E PILI
ANA NO KA OIAIO.
[Hoomauia mai ka Helu 6, Buke V.]
Ua moakaka lawa nono loa no hoi aole ka ka Hoolepope, a aole no hoi ka ke Katolika Roma hou, i ina e pili ana i ka oiaio, a makou no hoi i kamailo aenei, o ia ko ka Ekalesia i kona mau la omaka hou loa i kinohi. He mau mea hou pu laua i ike ole ia no kekahi mau keneturia, a ua paapu hoi me na popilikia he nui, e like la hoi me ka hoike ana i loaa mamuli o ka ike ana a me ka moolelo. He mau mea hou lakou. He mau mea ano hou lakou, a kakou hoi paha o manao iho ai me ka mahalo ana, ma ka maopopo pono loa ana hoi o kona loina io, ua hoopakeleia hoi ka Ekalesia o Enelani.
-ii-
Alaila, heaha la ka mole o ka Ekalesia o Enelani e pili ana no ke kahua hana a loina paha o ka manaoio? Heaha la ke kahua Anagalikana e pili ana no ka oiaio? Ke pane nei makou, - o ia no ke kahua o ka Ekalesia kahiko a i mahae ole ia, oia hoi,-
O NA PALAPALA HEMOLELE KA MANA HOPE LOA MA NA NINAU E PILI ANA I KA OIAIO KATOLIKA, O KA EKALESIA HOI KA MEA WEHEWEHE O IA MAU PALAPALA, A OIA HOI, MA KA MANAO ANA A NA MAKUA I HOOMAOPOPO LAULAHA AI NO LAKOU. O keia ke kahua-hana o ka loina kaulana a Vinikenikio (Vincentius); - "Ua kina ole ke Kanawai o ka Palapala Hemolele, a ua nui wale loa hoi nona iho me ka lawa pono no na mea a pau" Eia nae, "oiai ua hohonu a kukonukonu loa ka Baibala nona maoli iho, aole i like ka hoomaopopo ana a na kanaka a pau ma ke ano a ma ka manao hookahi, aka, o na kanaka lehulehu, ma na ano okoa ae, keia kanaka a me kela kanaka, keia ano a me kela a ano, ua wehewehe a unuhi ae i na olelo ana o loko, i kulike ai hoi me ka noonoo ana o kahi, e like me ka lehulehu ana o kanaka, pela no paha hoi o lehulehu ai na manao ana e loaa ai mai waena mai o lakou . . . no ke pale ana ae i ke kuhihewa, nolaila, e weheweheia hoi na Kaula a me na Aposetole e like la me ka loina o ka manao pili i ka Ekalesia a Katolika hoi."
Ua hoike moakaka a malaelae loa ia mai hoi keia mole a kahua oiaio o ka Ekalesia mua e Kauka Piuse - "O ka mea hoi e pili ana no ka manaoio, e kupono hoi ia e hooiaia ae mai loko mai o ka Palapala Hemolele; oia nae hoi, aole ma ke ano i kulike ai me ka manao maoli iho o kela a me keia, aka, e kulike no hoi ia me ke ao ano like ana a ka Ekalesia." Nolaila, he mau ala hoopololei hui like a lokahi like hoi o ka manaoio ka Palapala Hemolele a me ka moolelo Katolika. Ua haawiia ka manaoio i na Poe Hemolele (Saints-Kaneka), a waihoia mai hoi i ka Ekalesia, mamua ae o ke kakauia ana o ke Kauoha Hou; eia nae hoi, o ka manaoio holookoa i haawiia mai ai pela, ua hookomoia no ia mahope mai, mamuli o ko ke Akua oluolu, iloko o ka Palapala Hemolele. Ua loaa i ka Ekalesia kona manaoio mamua ae o ka loaa ana iaia o kona mau Palapala Hemolele, eia nae hoi, ua hiki no i ka manaoio holookoa i loaa mai ai pela ke hooiaia ma o ka Palapala Hemolele. I ka wa i kakau hoopaa ia ai o ka hoikeana Karistiano a apoia e ka Ekalesia, ua lilo o ka Ekalesia kona mea unuhi a wehewehe, i kukuluia hoi o ke Akua no nei hana, a me ke kokuaia hoi e ka Uhane Hemolele ma ka hooko ana aku.
Nolaila, ua hiki no ke ikeia iho o ka mole Katolika, e like me ka makou i hoike aenei, o ia ka pale o ka poino e kue ana i na hopena o na ano paewaewa elua e hoea aku ai i ka oiaio, i hoikeia ai hoi ma kinohi o keia mahele.
[E hoomauia aku ana]
-
HELE HOOLUOLU.
O.R.L.Co.
MA NA POAONO A ME NA LA PULE.
E haalele mai na na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.
Na Palapala Uku PUni.
Papa 1. Papa 2.
Manana - - $.75 $.50
Mahiko o Ewa - - 1 00 75
Waianae - - - 1 50 1 25
F.C. Smith,
Agena Ohua a Palapala Nui
feb 10-tf
-
Hale Inu Rama o Kaopuaua
(COMMERCIAL SALOON)
Kihi Hikina o na Alanui Beritania me Nuuanu.
WAINA KALEPONI EMI LOA,
Kanakolu Keneta no ka Omole, a
Hookahi Dala no ke Galani,
aia malaila e loaa ai, a o ia no hoi ke ano Waina maikai loa a Van Bergen & Kohler, he hale i kamaainaia no ka maikai o ka lakou Waina, a o Makapoena Ma na agena. Ina o ka mea maikai ka i makemakeia, e pono e hele ilaila, i loaa ai hoi ka mea maikai.
dek 23-mhp.
-
E.M. NAKUINA.
KOMISINA O NA ALA LIILII A ME
NA PONO WAI.
Notari Lehulehu, a he Agena Haawi Palapala Ae Mare no Honolulu nei.
KEENA HANA: Helu 308, Alanui Kalepa. dk 3-1mk.