Ka Makaainana, Volume V, Number 9, 2 March 1896 — Page 7
HONOLULU, OAHU, POAKAHI, MARAKI 2, 1896. 7
KAMAHAO UA MOE.
-
Ala Mai Paha Auanei ke Kai a
Popoi i ka Aina.
Ia'u i moe iho ai, ike aku la au ma ka moeuhane e ku ana ko'u uhane makai o Kakaako, me ka lehulehu o ua kanaka ua hele a piha pono, aole nae i maopopo ia'u ka mea a ka lehulehu e piha nei malaila. Oiai ko makou mau uhane e nana hoomau ana i ka ili hualala o ka moana, ua ikeia aku la he lehulehu wale o na holoholona like ole i hoea mai mai ke-kai mai, e laa ka liona, bea, tiga, keko, a pela aku. Ia manawa no i emi aku ai ke kai a maloo loa, mai kahi a makou e ku aku nei ka maloo a kahi e hiki ole ai i ko'u uhane ke hoomaopopo aku. Ma kahi no i maloo aku ai o ke kai, malaila no na mau holoholona la e kuku nui ana, e hoolewa ana ka bea, e hulakui ana ke keko, e maki hele ana na holoholona me ka poai puni ana, aole nae na holoholona i pii mai iluna o ka aina maloo nei, aka, ma ke kahua no kahi o ke kai i maloo aku ai. Me ka hau li ka lehulehu e hooho aku nei, - "Ka hopena o na hana! Ka hopena o na hana!"
MRS. A. KALANIMANUIA.
Ianuari 19, 1896.
Na Kaao Wehewehe Moeuhane.
O ka ike ana i na holoholona like ole mai ke kai mai, he hoike ia no ka hoea mai o kekahi mau enemi a manaoino paha; ina paha i ka mea nana ka moe, e laa ka punalua, ke kaikoeke, aikane a makamaka paha, a i ole, he hoohaluaia paha e kahi kanaka. A ina aole no ka mea nana ka moe keia mau enemi i hoikeia ae la maluna, alaila, aia paha iluna o ke kino laahia o kahi mea i neneilikapuia. A ina ua pili aupuni kela moe, alaila, he enemi no ke aupuni, a i ole ia, he nune no ke aupuni me na manao pono ole e hoea mai ana mai ke kai mai, e like me ka hoike a ka moe mai ke kai mai na holoholona like ole. Penei e hiki ai ke hoomaopopo aku he enemi na mau holoholona la: O ka liona, bea, tiga, he mau holoholona ai io a aikanaka lakou, a he omokoko hoi kahi holoholona o lakou. Nolaila, ma ka hoomaopopo ana i keia mau holoholona aikanaka, ua loaa ka mea like ma ka nana ana, oia hoi, pukuniahi, pu raifela, pupanapana, a me na mea make e ae, he mau holoholona aikanaka lakou a omokoko, he mau enemi keia no ke kanaka a he hihiu ka lakou mau hana, a me he la, o pukuniahi ma a me pu raifela ma no ua poe, holoholona la mai ke kai mai. No ka mea, ke hooiaio mai nei o Kakaako i kahi i moe ai o ua mau holoholona la, oia kahi o na pukuniahi, he wahi ki pu ia, a ilaila no i akoakoa mua loa ai na keko a hulaku'i nui ai no ilaila iloko o ka akulikuli. Eia nae, ke kuhikuhi nei no ka moe ilaila. Pahaohao no la.
O ka "lewa ana o ka bea," he hoonioni ana paha ia o na manao ano e e ala ae ai a kua bea mai na hana aikanaka, ina i ai ponoi iho ka bea i ka io o ke kahu ponoi, ka i ke kino la, hewa! "Ka hulakui ana o na keko" He hoike ia o na hana pupu ahulu me ka noonoo ole a me ka hana hupo aku, ina paha i ka mea nana ka moe no kona hana keko ia mai, a i ole, no kona hana hupo aku paha. Aka hoi, ina ua pili keia hana hupo no kahi mea mawaho ae i manao e lawe ae i kona ola iho, a i ole, i ke ola paha o kahi mea okoa aku i manao nui ia, alaila, he hupo ia, a he hana keko ia.
O na kanaka ka mea i ikeia i ka hulakui, o keia hoi, o na keko ae la hoi ka mea i ikeia e hulakui ana, he kupanaha no keia. Nolaila, ma ka hoomaopopo aku, no na kanaka no ka manao maoli o na hana a na keko A oiai, he holoholona hoopaaia keia i ke kaulahao, pela paha auanei kekahi poe i hoopaaia ai malalo o kekahi mana aupuni, o lakou ana no paha na keko e hoounaia aku ana e lalama maluna o na pa, maluna o na kumulaau, e kiu ana, a e hoohalua ana na ka hana ana i kahi mea i kauohaia na lakou e hooko a hana aku; alaila, e lilo aku ana lakou i poe hulakui na ka mea nana lakou i kauoha. Aia pu me keia poe keko ka liona, ka bea, a me ke tiga, no ka aikanaka ana aku. Ma kekahi ano hoi ke nana aku, he mau holoholona like ole ko ke kai, he mau manao like ole ko ka aina. Liona ko ke kai, he hooweliweli ko ka aina; bea huluhulu ko ke kai, he kunahihi me ka huluhulu o na hana kuhuluku okalakala ko ka aina; he tiga ko ke kai , he powa malu ko ka aina e kokolo malu ana ma o a maa nei.
I Kakaako ka lehulehu i ike aku ai i na holoholona i hoea mai ai mai ke kai mai, i Kakaako no paha auanei e hoea mai ai na hana a na holoholona aikanaka a me na hana keko e kokolo malu ai na tiga omokoko, a i ole, he hana kaawe iluna o ka laau e paialewaia ana e ka makani.
"Me ka hauoli ka lehulehu e hooho nei." O ke ano paha o ia hauoli, oia no na manao luuluu o ka lehulehu no na mea e hoea mai ana me ka pono ole no ka "hopena o ua hana" i ikeia aku e lewalewa mai ana iluna me he keko la e hulakui ana.
"Ka hopena o na hana! ka hopena o na hana!" Ina ua pili keia mau olelo i ka ehaeha o na hana e hoea mai ana, alaila, pela io ana paha. Alaila, e pono ke olelo ae, "Ka ehaeha o na hana! ka ehaeha o na hana!!" Ma ka nana aku i ka ke keko hana, ua maa ia holoholona i ka hoolewalewa i kona kino iluna o ka laau, a pela ana ianei ke ano o ka ehaeha e hoea mai ana? Owai la ke hanaia ana pela?
O keia ka hope o keia kaao, ua koe aku nae kekahi mau mea e ae e pili ana i kekahi mau hana e ae a na holoholona
KILOKILO DIMERATA.
-
Moe Kau a Moe Hooilo.
IOSEPA MAHI.
Ua make o Mr. Joseph Mahi i ka la 16 o Feberuari, 1896, hora 12 o ka po, iloko o Kuini Haukipila. Ua huliia na mea o oluolu ai oia a e palekana ai, aka, ua nui no ka ikaika o ke kaualako ana a ka nawaliwali iaia a hiki i kona haalele ana mai i keia ola ana. Ua haalele mai oia ia'u kona mama a me ka lehulehu a pau, e paiauma aku ma keia aoao o ka muliwai eleele o ka make. He oluolu oia, he heahea, he lokomaikai a he makamaka hoi no na malihini kipa mai. Ua hanauia oia i ka makahiki 1862, i ka la 25 o Okatoba, na Mr. Mahi me Mrs Pauahi ma Kapalama, Honolulu. O ka nui o kona la o ke ola ana, he 33 makahiki 3 malama me 2 la. Nolaila, e hoomaikaiia ke Akua, "Nana no i haawi mai a Nana no i lawe aku"
PAUAHI BURROWS
Kalaeokalaau, Molokai, Feberuari 21, 1896.
MISITA UAUA.
Ua haalele mai i keia ola ana o Mr. Uaua i ka la 17 o Feberuari, 1896, hora 12 o ka po ma Kalaeokalaau. Nolaila, ua haalele mai oia ia kakou a pau, ua pau kona maalo ana ma na alanui ou e Molokai-nui a Hina. He kupa oia no Kaluakoi, he keiki papa hoi no Nalaieluaakamanu, he kamaaina hoi no Kaluaaha. He oluolu, he lokomaikai, he heahea, he hookipa malihini, he ike i ke kiekie a hiki i ka haahaa. Ua haalele mai i kona hoapili he wahine me na keiki a me na moopuna e paiauma aku, ua haalele mai hoi ia makou a pau kona ohana e u, e kanikau aku iaia, he hope loaa nae i na mea a pau. Nolaila, e hoomaikaiia ke Akua ka mea Nana i haawi mai ke ola a Nana no i lawe aku. I ku like ai me ka ka Buke Hemolele, he "mahu no ke ola o ke kanaka i pu-a ae a nalo aku."
S.K. KIHA.
Kalaiakamanu, Feberuari 21, '96.
-
Ua Makemakeia
Ma ka
HALE INU RAMA LUVERA
(o ka Hale Meli mamua,)
Helu 91, Alanui Nuuanu.
5,000 Kanaka i na La a pau, no ka inu ana i ka
BIA KAULANA O KEOMOLEWA,
Ua Hele a Huihui i ka Hau.
EDUADA & HARE.
Telepona 589. Pahu Leta 475.
okt 28-tf
HELE HOOLUOLU.
O.R.L.Co.
MA NA POAONO A ME NA LA PULE
E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.
Na Palapala Uku Puni.
Papa 1. Papa 2
Manana - - $75 $50
Mahiko o Ewa - - 1 00 75
Waianae - - - 1 50 1 25
F.C. Smith,
Agena Ohua a Palapala Nui
feb 10-tf
-
C.E Williams me Keiki.
Ed. A. Williams, Luna Nui
Helu 611, Alanui Moi, ma Ewa iho o ka Pa o Aigupita.
-
He mau mea kuai lako hale o na ano a pau loa.
-
He mau mea Hana Pahu Kupapau a Hooponopono Hoolewa.
-
E hoolakoia no na Kaa Kupapau, na Kaapio a me na Kaa-ohana.
Ina no e ninau ia laua, e loaa no na Pohaku Kia Hoomanao no na He Kupapau.
-
O ka Ialoa kekahi hana hiki loa ia laua, aia ia malalo oka lawelawe ponoi ana a Ed. A Williams, F.D., he mea i puka pono mai ka Kalaka Kula o ka Ialoa Maikai ana iloko o Mei, 1894.
-NA TELEPONA-
Keena, Helu 179 - Kauhale a me Kahea Po,
Helu 815.
nov 2-mp. FEB 3-MP
-
J K KAHOOKANO
LOIO a he Kokua ma ke Kanawai.
KEENA HANA: Alanui Kaahumanu,
Honolulu. jan 8, '94-1mk
-
W.H. DANIELS,
[BILA DANIELA]
Agena Kuai, a Hooponopono Aina, Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka omoole.
Keena Hana a me Wahi Noho, aia ma Wailuku, Maui.
mei 6-mk.
-
C.B. DWIGHT
[KALE KUAIKA.]
Mea Hana Pohaku Kaekae Alanui, na He Kupapau a me na Kia Hoomanao Mabala.
-
E loaa no oia ma kona wahi noho ma Koiuiu, Honolulu nei. Telepona Helu 833. feb 17-1mk
-
E.M. NAKUINA.
KOMISINA O NA ALA LIILII A ME
NA PONO WAI.
Notari Lehulehu, a he Agena Haawi Palapala Ae Mare no Honolulu nei.
KEENA HANA: Helu 303, Alanui Kalepa. dk-1m.
-
Waihona Buke Hawaii.
E loaa no na buke ma ka olelo makuahine no ke kuai ma ke keena o ko makou Puuku. Penei iho kekahi o ia mau buke:
Laieikawai - - - $1 00
Gaberiela Lenoa - - - 75
R.W. Wilikoki - - - - 50
Hookahuli Aupuni o 1895 – 50
a pela aku, a pela aku.
O na buke e ae no hoi kekahi, e laa na buke kanawai, a me kahi mau ano e ae, ke ninau pololei ia mai ia
F.J. TEST (Hoke),
ko 28-tf 327 Alanui Moi.