Ka Makaainana, Volume V, Number 12, 23 March 1896 — Page 3

Ka Makaainana.

 

HONOLULU, OAHU, OAKAHI, MARAKI 23, 1896

 

NA AINA MAMAO.

 

Mau Lono Huikau mai kela a me keia Wahi Like Ole.

 

Ke L@@lia Mau Popilikia.

 

Nui palena ole mai ko Italia mau popilikia e hoopioloke la hoi i ka ai ia holookoa mai o a o.  A mawaho ae hoi o ka makou mau hoaiai ano nui ma ka helu i hala, ua ku ae la he Aha Kuhina h@@ i ka la 8 nei, me Makuisa d@@@dini @@ ke ano Kuhina Nui@@@ole e haaleleia ana ka hoohoa kaua i hoomakaia ma Abesinia, e halawai la hoi na pualikoa Italia me ka poino.  I ko ka Makuisa lawe ana oia i kona mau manao pilikino ponoi e pili ana i ka unuhiia mai o na pualikoa mai Aferika.

 

O kekahi kumu o keia pioloke loa o Italia, no ka loaa aku o na lono mai Masowa, n ka nui loa o na poe i pau i ka make a me ke akaka ole o ka heluna. Ua manao wale ia he 500 a keu na aliikoa a he 5,000 paha na koa i pau i ka make.  No nei mea, nui loa ke inoia o Generala Baratieri a ua kikooia aku e hoi mai, me ka manaoia e hookolokolo iaia.  A ma ka aoao hoi o ka lahui, e ki pu ia oia me ka hookolokolo ole ia.  O kekahi kumu o kona ino loa ia, i ka wa i hoounaia aku Generala la i kakali iho a hiki aku kokua, aka, lele kamoko e aku la no oia a halawai mai oia me ke kuia, nui na poe i make, a hookuemi hope ia ka pualikaua holookoa.

 

Kue loa kekahi nupepa Italia alakai i ko Farani komo aku e keakea ma na hana pili ia Italia, me ka olelo ae ua konoia o Farani e kekahi manao inaina piha laulea ole a piha makona ia Italia.

 

Ua hoole aku ke Aupuni o Italia i ka haawi hoaie a na poe banako o Ladana a me Berelina, mamuli o ka hooia aku a ko Italia poe banako ponoi ua hiki loa ia lakou ke hoolawa aku i ka aie i mamaoia iloko o hookahi la.

 

Manao Ike i na Kipi o Kuba.

 

O ke Komite o ko na Aina E o ka Hale o ko Amerika Huipuia Ahaolelo, mahope o kekahi paio hanana ana no elua hora i Feberuari 27, na apono i kekahi olelo hooholo e kukala ana na manao ka Ahaolelo ai@ he kulana kau@ ma Kuba a e haawiia aku hoi na pono o na poe e kaua ana no ko lakou mau pono iho i ka aoao o na kipi, a ua manao no hoi ka Ahaolelo e hooikaika aku ke Aupuni o Amerika Huipuia ma ka hoohulihuli manao ana e kinai i ke kaua, ina he mea hiki, ma ke komo ana aku, a e hoopaa ana i ko ka Ahaolelo kukoo aku.  I ka wa i hoikeia aku ai o keia olelo hooholo iloko o ka Hale, ua ulu ae he pioloke ano uluaoa nui.  Ua makemake kekahi poe hoa e hooholo koke ia, aka, ua hooholoia ana ia hope iho o ia ka hana kaokoa o ka la no Maraki 3

 

I kahi la ae hoi, iloko o ka Aha Senate, ma o kekahi koho ana o 64 kue ia 9, ua aponoia he olelo hooholo i like me ia i hoikeia maluna ae.  Nui ka uwauwa a me ka paipaiia e na poe makaikai o luna i ka wa i hoikeia ae ai o keia koho ana.  He hoike ohohia no hoi ko loko o ka Hale i ka wa i hoike pili oihana ia aku ai o keia hana a ka Aha Senate.

 

Mamuli o keia hana a ko Amerika Huipuia Ahaolelo i ulu mai ai na hana hehiku a hoowahawahaia o kona hae e na poe Sepania, a KA MAKAAINANA nei i hoike aku ai ma ka helu i hala, a me he la e pololei ana no paha hoi kela mea i oleloia ai o ke kaua wale aku ana no ka hopena o keia hana.  Na ka wa e nee aku nei imua ia e hoike mai.

 

He haiololo oolea loa ka Senatoa Hale i kamailo ai iloko o ka Aha Senate i ka la 9 nei, e kue ana i ka ikeia aku o na kipi o Kuba, ma ke hoike e ae ana i na olelo hooholo o ka Hale.  Ua olelo ae oia no na hana makamaka a Sepania i ka wa o ke kaua huliamahi, ma ke keakea ana i na moku kipi i hanaia e ko Beritania poe ma ka noho loihi ana ma kekahi mau awa o Sepania, a ina he poe Amerika kekahi o luna ua hookuu koke ia ma na kauoha a na luna oihana Sepania.

 

Ke Taranavaala me ka Panalaau Lae

 

Ua hoike ae o Sa J. Gordon Sprigg, Kuhina Nui o ka Panalaau Lae, ma kekahi ha@olelo ana ana, aole loa he lala o ka Aha Kuhine mua, koe o Kikila Roke, ke Kuhina Nui, i ike i kekahi mau mea e pili ana i kela huakai pana i ke Taranavaala mamua aku o ka hookoia ana.  Mamuli hoi o ke ano eeke loa o na launa a kukai ana mawaena o Enelani a me ke Taranavaala, ua hiki ole loa ia S@ Gorodona ke kamailio nui aku no nei mea.  Ua hoikeia ae nae a ua hooleia no ua hoopukaia he palapala hopu no Kikila Roke, Kuhina Nui i pau o ka Panalaau Lae.

 

Nauki loa ke Komite Hoomaemae o kela haunaele kipi ma ke Taranavaala i ka ulolohi loa o ko lakou hookolokoloia.  Ke hoomaluia la lakou malalo o ke kiaiia, a na lakou ponoi no e uku @@

lilo k@ai, i hiki aku ma ka hi o £100 o ka la.  No keia nui loa aku o na lilo a lilo hoi i mea hookaumaha ke kumu o keia nauki loa.

 

Ma ka nieuieleia ana mai nei o Rutafoda, he mea kalepa al@kai o Kaona Lae, no ka hoolako ana i na pono kaua i ko Iohane sebega poe haole i ake ai e kipi, ua hoikeia ae nae noi ua hoouna akea ia aku no ia mau lako ia Gadana Wiliama, he Amerika.  Ua hopuia o Wiliama me Kimi bale, kona wahi e noho ana.

 

Mau Manao Enelani Kehakeha.

 

Ia Generala Haku Wuluse i haiolelo ai ma Ladana, ua olelo ikaika ae oia o ka hoomahuahua ana i na aumokukaua ka Beritania Nui hana mua loa no ka hoopakele ana iaia iho.  Ua hoike ae oia i ka manao "ke ulu ae ke kaua, he mea hiki pono ole loa ke okiia aku ko kakou mau hoolako ana i na pono ai."

 

Ua olelo ae o C. J. Goschen (Gosene), ka Haku Mua o ka Papa Adimerala, aole o ko Enelani ku hookahi ana "he mea ia e hoike ai i kona nawaliwali, aka, he kulana lanikila ia e hana aku ai me ke kuokoa."  Ua olelo ae no hoi oia ua maikai loa ko Beritania mau launa ana me ka Emeperoa Geremania i nei wa e like la no hoi me ka mea hiki.

 

Rusia me Iapana no Korea.

 

Ma ka manao o kekahi nupepa alakai o Sana Peterobuga, e paa no o Rusia i ke kuokoa o Korea, a ina hoi o Iapana e hoomau aku i na hana poholalo, alaila, e konoia aku ana o Rusia e noho hoomalu aku ma ia puali  E noonoo iho o Iapana o ka lawe ana ia Korea, ua like ia me ke kauka ana aku me Rusia.  Nolaila, heahea la ka waiwai a me ka pomaikai i loaa ia Iapana ma ke kaua ana me Kina, oiai, o ko Korea kuokoa ka mea ana i anoi ai e loaa, oia ka auanei hoi e kaili limanui ia aku ana ka hanohano i loaa iaia mamuli o ka ikaika e kekahi mea e ae i lihi launa ole aku.

 

Beritania Nui me Venezuela.

 

Ua hoolahaia mai nei ma Ladana he Buke Bolu, e hoakaka piha ana i ko Beritania aoao ma ke paonioni me Venezuela.  Aia iloko o keia buke na palapala pili moolelo mai Hol@ni mai, no ka hapa hope mai o ke keneturia umikumamaono a hiki i ka hapa mua o ke keneturia umikumamaiwa, a pela n hoi mai na palapala mai Sepania mai.  Ua oleloia aohe hopohopo ana no keia koi a Beritiania, no ka mea, aia na hoike oolea loa ma kona aoao, a nawaliwali loa hoi ko Veneszuela aoao.  He mau kope mua ka i hoounaia aku ia Amebasedoa Ba@ada, a ua hoounaia hoi i Wasinetona i Feberuari 28.

 

Na Hunahuna Laulaha.

 

He ala kipi hou ia e hoopioloke la ia Nicaragua.  Ua kauoha ae ke Kanikela Amerika e hoouania aku i mau mokukaua i Korinito.

 

Mamuli o ke kauia ana o ka hae o Kuba mawaho iho o ke keena o kekahi nupepa o Parisa, Farani, ua ulu ae la he haunaele a hopuhopuia kekahi poe lehulehu.

 

Ma kahi hoi o ka hookoia aku o ka hoopai make maluna o kanakolu poe kipi o Kuba i hoopaaia maloko o ke Kakela Moro, ua hookuu aku ke Kapena Generala i na poe a pau i ano koikoi ole ka hewa.

 

Mamuli o kekahi ninau iloko o ka Hale Makaainana o ko Beritania Nui Ahalelo, ua pane aku o A. J. Balafoa aole loa i manaoia e noi aku i ka apono ana o na aoao i kakauinoa ai ma ke kuikahi o Berelina no ko Rusia noho hoomalu aku ia Auatolia, kekahi o na okana i ulu nui ae ai o na hana hiena a Tureke e pili ana i na poe Amenia.

 

Ua kipakuia o Haku Duneravene mai ka noho lala ana no ka Hui Moku-Heihei o Nu Ioka.  Ma ka manao o kekahi mau nupepa Pelekane he mea keia e keakea ai i ka loaa o na heihei ana mawaena o ia ma@aupuni ma keia mua aku.  He kanaka puni lealea o Haku Duneravene a he keonimana maopopo no hoi, a e pono hoi e komo aku na hoomalielie ana a na poe uwao.  E lilo loa aku ana nae paha hoi keia i mea e hapai mau ai i ke koko ino e like la me na paio ana no na aina pohopoho o Amerika Hema.

 

Hoolaha Manao Hooko Moraki a me ke Kuai.

 

MAMULI O KA MANA KUAI I HO-ikeia maloko o kekahi Moraki i hanaia ma ka la 6 o Augate, M. H. 1892 @@ JOHN K HANUNA a me POIPE, kana wahine mare, o Hana, Maui, ia ISAAC TESTA, K@u Waiwai, o Honolulu, Oahu, i kopeia ma ke Keena Kakau Kope Aupuni ma Honolulu, iloko o ka Buke 139, ma na aoao 175 a me 176; ke hoolahaia aku nei ma keia ke manao nei ka Mea Paa Moraki e paniku aku i ka  Moraki i oleloia no ka uhakiia o ke kumu, oia hoi:  ka uku oie@ ia o ke kumupaa a me ka ukupanee i ka wa e kupono ai no ka uku a, a mamuli hoi o ia paniku ana e hoolilo aku i ka waiwai i hoakakaia @aloko o ia palapala ma ke

 

POAKAHI, LA 30 O MARAKI, M. H. 1896, ma ka hora 12 awakea, ma ke kuai kudala akea @@@ Keena Kudala o W. S. Lu@ce ma Honolulu.  ISAAC TESTA, Kahu Waiwai, a Mea Paa Moraki.  Honolulu, Feberuari 27, 1896. No na mea hou aku koe, e ninau ia A. Rosa, Loio, Alanui Kaahumanu, Honolulu

 

O ka waiwai i paa ma ka Moraki i oleloia e manaoia nei no ka hoolilo aku, o ia no@ na Mahele he Umikumamawalu iloko o ke Kumu Waiwai o ka Hui Mahiko Panailike, o Hana, Maui, i hoakah@ maopopo loa ia ma ka Helu 31 o ka Buke Kuleana Mahele no Umi Ma hele; Helu 55, Ekolu Mahele; Hele 4@S, Elima Mahele.  @@8@@.