Ka Makaainana, Volume V, Number 12, 23 March 1896 — Page 6

Ka Makaainana.

 

Na palapala

            Aole maluna iho o makou ke koikoi o na hala a me na hewa no na ma nao i hoopukaia malalo o keia noo, aka a@a no ma maluna iho o na poe na lakou i kakau ma@.

           

Inaina Hewa ka Hoa'loha

Mr. Lunahooponopono:

            Ma kakahi mau helu o Ke Aloha Aina puka la o keia mau la iho la i ike iho ai au i "ka welawela o ke kai o ka moa" ia S. K. Kamakaia, o ka hailuku ana mai nei mai waho mai ia oe a me  kau nupepa. Aole oia i ana me ia, aka, awiliwili aku la ia'u, i ka mea i lihi kuleana ole aku i kou mau kolamu mawaho ae o ke kulana Puuku, oiai, o oe no ka ona a me ka lunahooponopono i pau i ke Aupuni, aole loa hoi owau. Ina ua kakou manao au, aia no ke koikoi o ia mau manao maluna ou, aole loa hoi maluna o'u, a ua ike no oia ia mea. Ua makehewa kona kuhi lalau ae ia hai.

            Eha loa oia no ka hoinoia o ka lakou kumu, i kou kuhi ana iaia he "ponalo, a he poonui hoi." Ma ko'u manao ponoi iho, ua pololei loa no ia mau olelo au. Ua oi loa aku nei ka hookano a me ka hookiekie o ua wahi Manila la i hapaiia ae e na oiwi o ka Puali Pohiohe Lahui a ma ke kulana alakai. Aole o Kamakaia i hoohewahewa ia mea. Ina aole ua wahi Manila la i lilo i alakai, ina no ua mau kona noho ana ma ke ano kuapaa malalo o hai, a ike ole loa ia hoi kona ike haku mele a me kona makaukau puhiohe.

            He mea ole nae hoi keia mau olelo ana. O ka'u i hoihoi ole ai i ua makamaka la, o kona ao ana mai nei i ka lahui e lawe nui i Ke Aloha Aina, i ike ai hoi i na mea hou e pili ana i ka lakou huakai. No'u iho, aohe a'u nana no ia mea. Ina ua moowini oia a makemake e haawi aku ia hai, ua hiki no, oiai, me ia no ia a o koua kuleana no hoi ia. Aole no hoi he ano waiwai loa o ka lakou mau palapala pina haanui. E noke wale no oia, aohe e hiki ke lanakila maluna o ka mea au i hilinai ai ma ka aoao o ka pono a me ka oiaio. Na ka manawa n ia o hoike mai.

            Ano, o olelo ae hoi au i kekahi mea a'u ponoi i olelo akea mua ole ai ma na kolamu o kau pepa, oia hoi, aohe oia a o lakou paha a pau ka mea o make ai o Ka Makaainana. Ke kaena nei au aia ia'u a iloko o ko'u mau poholima ko Ka Makaainana ola a make paha. Aka, i mau ai hoi he wahaolelo uo ka lahui i hiki ole ke upoipoiia, ke uahoa ole ia mai e ke Aupuni a kinaiia iho ma ke auo limanui a ku ole i ke kanawai, o ka'u ia a me ka kaua a ino kakou no a pau me na limahana e hoomanawanui nei i ka hana.

            No ua makamaka a hoa'loha la hoi, ua haie ke hilinaiia mai iaia aku, a he makehewa wale no ka hoohuikau ae i ke Akua me koua manao moowini pilia hooio a hoino, me he la paha oia ka oi ma ka hoopuka manao nupepa. Iaia ianei, ua haalele oia i ka waiona, aka, hiki oia i Kapalakiko mai nei aku, oia ka mea mua loa i hoi hou no i ka punana ana i noho mua ai a walea. A pela mau no ka ia e hele la. Eia nae, he mea ole ia ma keia mea. No kona makou hoi ia'u, palapala mai ai oia ia oe, e like me kau i hoike mai ai ia'u, aohe ka he makemake e hoouna palapala hou mai, o hoopuka ole ia. Aole i akaka ia'u kou manao ma ia mea, aka nae hoi, no'u iho, he mea ole loa ia, e pono e hamama kou mau kolamu no na aoao a elua.                Hoke  

            Maraki 18, 1896.

            Ua Kapaeia ka Oiaio

            [Hoomauia.]

           

            He hana hilahila ole ke kaena ana iho o Alapaki ma kana haiolelo i ka nui o na pomaikai i loaa i na alii a me ka lahui. O ka oiaio maoli, aole loa he pomaikai i loaa i na alii, aka, he mau poino ka i hooiliia iho maluna o ka lahui ma o ka ma'i kaokao la.

            O ke kuhikuhi kalaikii ana aia ka pono nui ma ka lani, he oiaio no paha ia ke hanaia me ka pono, aka nae, o na manao lana ana pela he lalau loa, a he kue loa i na kanawai o ke Akua, ka mea Nana i hana i ke kino o ke kauaka i ku i Kona ano a me ka uhane iloko o ke kino o ke Akua.

            Penei Kona manao hoakaka: "Aka, e hele mai ana ka manawa, a o nei hoi ia, o na poe hoomana oiaio, e hoomana ana lakou i ka Makua me ka uhane a me ka oiaio, no ka mea, o ia na poe a ka Makua i makemake ai e hoomana aku Iaia. He uhane ke Akua, a o na poe hoomana aku Iaia, he pono no la kou e hoomana aku Iaia me ka uhane a me ke kino." Ioane 4:23, 24.

            Ina pela ka ke Akua kanoha i mea e pono ai na kino a me ua uhane o kanaka, no ka mea, he kino a he uhane ka ka Makua i makemake ai e hoomana aku Iaia. Ina i make ke kino no ka hewa, ua make pu no kona uhane; no ka mea, o ke kino a me ka uhane ua ae pu laua e hana i ka hewa; nolaila i kau pu ia mai ai ka hoopai i ke kino a me ka uhane. Ina hoi ma ka uhane ko ke Akua manao nui, alaila, ua poho wale na mea a pau Ana i hana ai e pono ke kino a e oluolu ai hoi ka uhane. Ke ola nei ua uhane malalo o kekahi mea i hoomakaukau ole ia. Aole he ola e loaa i na uhane ke ole ke kino. Nolaila, ke noho hai@au nei na uhane iloko o ka ole a hiki i ka wa e puhi mai ai na anela ehiku i ka pu, no ke kahea ana i na ilina e ala, a o ia ka wa e hoi ai ka uhane i kona kino iho a o na kino a me na uhane i ma lama pono i na kanawai o ke Akua, o lakou ka ke Akua e makana mai ai me ka lei o ke ola mau loa.

            Ina e haalele ana kakou i ko kakou mau kiao ino, i ka hale o ke uhane; a manao nui aku i ka pono uhane ma ka lani, he kumu hoolalau loa ia a na mika nele. Olelo mai ka Haku, "Pomaikai na poe akahai, no ka mea, e lilo ka honua ia la kou." Aka nae hoi, he mau hana naauao no keia a na mikanele ke kuhikuhi mai aia ko kakou pomaikai nui ma ka lani, i kahi hiki ole ia kakou ke apa kau ae. Ia kakou hoi e paulele ana i nei alakai lalau, lilo lakou la i ka ohi hapuku i na pono kino o keia ao.

            O kekahi mea ano nui i hana ia i ka wa e noho poo ana na mikanele no ke Aupuni, o ia ka makahiki 1849, ka wa, o kela haunaele i hanaia ai e na luina moku okohola, me ka hui pu o kekahi poe haole kamaaina ma ke ano ohumu e kaili i ke kulanakauhale o Honolulu nei. O ka hana mua, o ia no ke puhiia ana o ka Halewai mua ma Polelewa i ke ahi, a ua nei na hale i hoopoinoia.      

            (A oili hou aku.)

           

            Ua hopuia ka Pake nana i hoopaa i kekahi no o kona hoa lahui me ke kaula a waihoia iloko o ka nahelehele iwaho o Waikiki, a makou i hoike mua aku ai, a ua hookolokolo a hoopaiia e ka Aha Apana he $25 me na koina.

           

Hoolaha Manao Hooko Moraki a me ke Kuai

            Mamuli o ka mana kuai i hoikeia ma kekahi Moraki i hanaia e G. W. Okuu o Honolulu Mokupuni o Oahu, Paeaina Hawaii, ia A. Rosa, Kahu Waiwai, i kakauia ma ke la 5 o lune, M. H. 1889, i kopeia ma ke Keena Kakau Kope Aupuni ma Honolulu i oleloia, iloko o ka Buke 110, ma na aoao 368 a me 369;

            Ke hoolahaia aku nei ma keia ua manao ka Mea Paa Moraki e paniku aku i ka Moraki i oleloia no ka uku ole ia o ke kumupaa a me ka ukupanee i ka wa e kupono ai no ka hookaa ana, a mamuli hoi o ia hooko ana e kuai aku ai ma ke kuai kudala akea ma na Keena Kudala o W. S. Luce, ma ke kihi komohana o na Alanui Papu me Moiwahine, ma Honoluu i oleloia, ma ka.

 

Poakahi, la 30 o Maraki, M.H. 1896,

            ma ka hora 12 Awakea, i na aina a pau loa i hoikeia maloko o ia palapala a i hoakaka piha loa ia hoi malalo iho.      A. Rosa,

Kahu Waiwai no ka Mea Paa Moraki.

Honolulu, Feberuari 29, 1896.

            No na mea hou aku i koe, i ninau ia A. Rosa, Loio, Alanui Kaahumanu, Honolulu.

 

            O kahi i paa malalo o ka Moraki i oleloia, o ia no: Kela mau apana aina a pau loa e waiho la ma Moanalua ma ka Mokupuni o Oahu oleloia, a i hoakakaia ma ka Palapala Sila Nui 427, Kuleana @@S6, no Kukalamanu, no laua hoi ka ili o 4.65 Kaulahao, a i lilo mai i ka Mea Hana Moraki ma o kekahi Palapala Kuai i hanaia i Mei 12, 1886, i kopeia ma ke Keena Kakou Kope i oleloia iloko o ka Buke 102, ma na aoao 37 a me 38.

            Ua paa keia aina i ke kanu laiki ia e kekahi Pake, e uku mua ana he uku hoolimalima o -- Dala no ka makahiki.                         ma@ 2-@p@.

 

           

            Eia ke ulu nui mai nei na ahahui paio iwaena o na opio i keia mau la e nee nei ma na apana like ole. Oka pono ia!

            Ua waihoia no ke kau kiure ka hihia aihue wati gula o Keomaka (k), e ka Lunakanawai Apana. He $125 ka waiwai io o ka wati.

            E malamaia ana ka hoike hapaha o na Kula Sabati o Kaumakapili a me Kawaiahao i keia Sabati ae ma ko laua ma luakini pakahi iho.

            Ua hoolanaia mai nei ma Galasegao, Sekotia, ma ke la 5 nei, ka mokukila Honolulu, a e holoholo aku ana oia mawaena o Honolulu nei a me Keomolewa. E hoonohoia aku ana oia malalo o ka hae Hawaii.

 

C.B. Dwight

{Kale Kuaika}

Mea Hana Pohaku Kaekae Alanui, na He Kupapau a me na Kia Hoomanao Mahala.

E loaa no oia ma kona wahi noho ma Koiuiu, Honolulu nei.                         Telepona Helu 833.    Feb 17-lmk

 

 

J.K Kahookano

Loio a he Kokua ma ke Kanawai.      Keena Hana: Alanui kai humanu Honolulu.               @an 8, '94 lmk

 

E.M. Nakuina

Komisina o na ala liilii a me na pono wai.

Notari Lehulehu, a he Agena Haawi Palapala Ae Mare no Honolulu nei.     Keena Hana: Helu 303, Alanui Kalepa.             dk-lm

 

F.J. Testa, (Hoke)

Mea ohi a koi aie

Mea Huli Moolelo Aina a Waiwai e ae paha.

Mea Unuhi a Mahele Olelo Hawaii a Enelani paha.

Mea Hana Palapala Kanawai o na Ano a pau.

Mea Kuai Mikini Humuhumu Lole.

Mea Hoolimalima a Hoolilo Aina

Mea Kuai Waiwai no ka Uku Komisina Haahaa

Ua makaukau mau oia e lawelawe i na hana a pau e haawiia mai ana iaia. He kuike ka rula.

E loaa no oia ma keia keena.              ane 8-1 mk

 

Hele Hooluolu

O.R.L Co.

Ma na poaono a me na la pule

E haalele mai no na Kaamahu i na hora 9:15 A.M. a me 10:45 P.M., a hoea hou mai i Honolulu nei ma na hora 3:11 a me 5:55 P.M.

 

Na Palapala Uku Puni.            Papa 1 Papa 2

Manana                                   $.75     $.50

Mahiko o Ewa                         1.00     .75

Waianae                                  1.50     1.25

 

F.O. Smith

Agena Ohua a Palapala Nui

Ab 10-11