Ka Makaainana, Volume V, Number 16, 20 April 1896 — Page 6
| This text was transcribed by: | Arnold Hori |
| This work is dedicated to: | Moiliili Hongwanji Mission |
Ka Makaainana.
6 HONOLULU, OAHU, POAKAHI, APRILA 20, 1896.
NA AINA MAMAO.
Mau Lono Huikau mai kela a
me keia Wahi Like Ole.
Ninau Pili ia Venezuela,
He pane ka Haku Saulebure i hoouna aku ai, Maraki 22, i ka palapala a ka Ahahui Maluhia e kokua ana i ka manao uwao Anagelo-Amerika o ka ninau Venezuela a ia ahahui i apono ai ano koke mai uei. Ua kakauia ka pane i ka Mea Hanohano James Stanfield, ka lunahoomalu o na ahahui la. Ua hoike aku ke Kuhina Nui eia ke noonoo nei ke Aupuni ia ninau a aia no hoi ia manao like imua o ke Aupuni o Amerika Huipuia.
O ka hana Uruana i oleloia wahi o ka lono o Wasinetona, Maraki 21, ua hookaawaleia aku ia mai ka hoopaapaa palena ana o Venezuela, a ma na ano a pau, ahoe olelo ana i koe, ua pau ia i ka hooponoponooia mamuli o ka Amerika Huipuia mau lawelawe ana me ke komo ole aku o na elele o Beritania Nui me ko na Repubalika o Amerika-Hema iloko o na launa a kukai aoa. Ano kupikipikio keia kumuhana i kahi wa aku nei, aka, ua emi mai a ano malani loa, me ka hiki loa no ke hooponoponoia aku ma ke ano akahai a mahani pu. Ua oleloia ae uae hoi e kahi poe i maopopo loa aohe no he koi hope loa i waihoia aku no ia mea a aole loa no wahi kahua iki no ka lono e kauohaia aku ana na mokukaua Beritania e hana aku malaila e like la me ia i hanaia ai ma Korinito, Nicaragua.
O ka mea hoi i hoopukaia ae e na nupepa o Amerika Huipuia a me Europa ua makaukau loa ke Aupuni o Venezuela e uku aku i ke koi poho a Beritania Nui i koi ai no kekahi hana kue pili aupuni i lawelaweia ai ma Uruana, ua hoole pili oihana ia ia ma Caracasa, Aperila 1. Ke hoomau la no ka hoole o ke Aupuni o Venezuela i kekahi hooponopono aku me Beritania Nui no ia mau koi poho aia a pono ae ka mea e pili ana no ka lihi aina e hoopaapaaia nei mawaena o laua.
Na Misionari Amerika ma Asia Uuku
Ua telegarapa mai kekahi mau misionari Amerika, o laua na Rev. George P. Knapp a me R M. Cole, e noho ana ma Bitilisi, Asia Uuku, i ko lakou popilikia e noho la ma ia wahi, i ka Legationa Amerika ma Konakinopela, Tureke, Maraki 30. O ka inoa mua, aia oia ma ke ala e hoea aku ai i Konakinopela no ka pane ana i kekahi mau kumu hoonii no ke kini a me ka pepehikanaka i hoopiiia e na luna oihana Tureke.
Ua kue oolea aku o J. W. Biddle, kakauolelo, a mamuli o ke kaawale ana o ke Kuhina Amerika, o ka hope e malama ana i ka Legationa o Amerika Huipuia, i ke Aupuni o Tureke no ka hana a ke Kiaaina Tureke, a ua ukali aku i kana kue me ka hooweliweli aku e hookaawale koke no oia i na launa pili oihana a aupuni ana me ke Aupuni o Tureke aia wale no a kauoha ke Aupuni e hooki i kela kauoha. Ua kakau kokua ia aku ka paiapala e Sa Phillip Currie, ka Emebasedoa Enelani.
Aohe a ke Aupuni hana i koe, aka, ua aawi pio, pela ka lono o Maraki 31, a haawi ae i na ao ana i ke Kiaaina o Bitilisi e ae ia Misita Knapp e noho ma Bitilisi. Ua aoia aku ke Kiaaina e pili ana ia Misita Cole e aeia aku oia e haua e like me kona makemake a e lawelawe aku hoi i na hana mikanele me ke keakea ole ia.
Na Lilo Kaua ma Afeerika
Ua hooholo ko Italia Aha Senate i na noi aie no ka hoomau ana aku i ke kaua ma Aigupita. Aohe olelo ana ikoe no na Mana o Europa, ua ae ka hapanui, oia o Geremania, Auseturia, Italia, Farani a me Enelani i ka hoo liloia aku o 500,000[English Pound Sterling Currency] mai ka waihona hoahu Aigupita, a koe hookahi o Rusia me ka hoike ole i kona manao.
Na Hunahuna Laulaha.
He mokukaua nui hou ko Beritania Nui i hoolanaia mai nei i Maraki 30. Ua kapaia o Mars, no ka papa ekahi, o 14,900 tona a me 12,000 ikaika-lio a e lawe ana he 16 pukupiahi.
Ua hoikeia ae, Ladana, Maraki 30, ua hooholo ke Kuhina Kuloko e hookuu koke ae i na poe a pau i Loopaahaoia maloko o na halepaahao Beritania i keia wa i hihia no na hana hoopahu dainamita.
Ua mareia mai nei o Gerenala Beniamina Harisona, Peresidena i pau o Amerika Huipuia, me Misasa Dimiki, he wahine o 40 paha makahiki, me ka apono ole o kaua mau keiki. He kane opiopio ka kela wahine i mare mua ai, aka, ua make koke no ia laua e hele kaahele ana mahope o ko laua mare ana, a ua noho wahine kanemake oia no umi makahiki a keu.
Aia he wahine hoomanamana ma Parisa, Farani, o Henriette Condon kona inoa a he 25 kona mau makahiki. Ke haawi la oia he mau aha hoomoemoe me ka olelo ae ua loaa mai ka ike iaia mai ka Akianela Gaberiela. Ua wanaua ae oia e halawai ana ko Europa poe me ka popilikia o na poe Pelekano a me Palani ke oi loa aku ana. He Aperila Fulu wale no paha nei.
OLIVA KAZELA
KA OLALI NOHO KUAHIWI
O INIA.
KA UI HOLOLIO IMUA O
KE KAHUA KAUA.
Helu 1
O ka aina o Peresia, he aina ia i piha me na moolelo he nui, a he aina no hoi i kaulana iloko o na au i hala no ke koa a me ka wiwo ole o kona mau kanaka, a pela aku.
Iloko o ia mau la e holo haaheo ana kona Moi me ka lanakila hiwahiwa i loaa iaia ma o na hooili kaua i loaa iaia maluna o kekahi mau aupuni e ae o ka honua, a ua hele aku ka weliia o kona inoa a hoea loa aku i Inia a hahani loa aku no i ka paepae kapu o ka nohoalii o ka Moiwahine Sanamirohae o ka aina (nui palahalaha) laula o Kina, ka Loea o ka Honua ia mau la.
Ua kau ka weli i na poo kalaunu e ae i ka Moi o Peresia, a i ka wa e loheia ae ai aia oia me kona mau kanaka ke hooili ae la i kekahi kaua hahana me kekahi mau aupuni e ae, e kau e wale ana no ka lia maeele i kekahi mau moi. Aole hoi o ia wale, aka, aole he makemake o keia mau moi e hookahe wale ia ke koko o ko lakou mau makaainana.
A oiai, he Moi ake kaua ko Peresia a he makemake hoi e noho mana maluna o na aupuni a pau o ka honua, ua haawi pio wale aku no kekahi mau aupuni malolo o kona mana me ke kaua ole ia. O kekahi hoi, ua kaua aku no a hiki i ka pahu hopu hope lea, aole haawi pio.
Nolaila, e ka mea heluhelu, ua lawa ae la paha na hoomaikeike ana aku a ka mea kakau no ke kulana o ke Aupuni o Peresia, a e huli ae kaua a nana aku i ka mea nona keia nanea a kaua o hoohialaai nei.
Ua hanauia o Oliva Kazela maloko o ululaau o Inia. I kona wa he ekolu wale no ona mau makahiki, make aku la kona makuahine, a koe wale iho la no oia me kona luaui makua kane e noho hoomanawanui ana i ko lakou wahi pupupu hale. I ka wa e hoea mai ai ke kau hooilo e noho hookahi ana o Oliva i ka hale, oiai hoi kona wahi luaui makuakane e hele ana no ke kulanakauhale e kuai ai i mau wahi mea ai na laua, a e huli wahie no hoi i mea e hiki ai ke hooinoa i ka laua mau wahi mea-ai.
Ua malama kona wahi makua kane iaia me ke ahonui a me ka pauaho ole a hiki i ka nui ana a ano kanakamakua, o ka 16 paha ia o kona mau makahiki. O ka mea punahele loa i keia keiki, o ka hokua o na no ahiu. A i kekahi manawa e hoolilo ana oia i ke kua o ka lio me kona noho paniolo e kau ana maluna a me kana kaulaili punahele i home nona. Ma na wahi a pau ana e hele ai, e hoi mai ana oia a hoike i ka mea hou o kau huakai imua o kona wahi luaui makuakane.
Oia, he mea maa mau iaia ka hoi ana e paina pu me kona wahi luaui ke hiki i ko laua wa maa mau i ka paina, eia nae, i kekahi la, mahope iho o ka pau ana o ko laua paina kakahiaka, kau ae la na keiki la maluna o kona lio me kona mau pono a pau a holo aku la ma kana hana huli i na lio ahiu o loko o na ululaau. O kana hele aoa no ia a po ia la me ka hoi ole aku i ka poli o kona makua, a ua lilo i mea kaumaha loa ia Kazela.
Aia hoi na manao e lauwili ana iloko o kona makua ua make paha oia i na powa, a i ole, ua haule paha mai luua aku o ka lio a ua kaualakoia a make. O ia iho la na manao e hooluaiele ana i kona noonoo maikai ia wa, a ua loaa ole iaia he moe pono ana i ka po a ao wale no.
(A oili hou aku)
HELE HOOLUOLU.
O. R. L. CO.
MA NA POAONO A ME NA LA PULE
E haalele mai no na Kaamahu i na hora 9:15 A. M. a me 1:45 P. M., a hoea hou mai Honolulu nei ma na hora 3:11 a me 5:55 P.M.
Na Palapala Uku Puni.
Papa 1. Papa 2.
Manana . . $ 75 $ 50
Mahiko o Ewa . . 1 00 75
Waianae . . 1 50 1 25
F. C. Smith,
Agena Ohua a Palapala Nui
feb 10-tf
Waihona Buke Hawaii.
E loaa no na buke ma ka olelo makuahine no ke kuai ma ke keena o ko makou Puuku. Penei iho kekahi o ia mau buke:
Laieikawa - - - $1 00
Gaberiela Lenoa - - 75
R. W. Wilikoki - - 50
Hookahuli Aupuni o 1895 - 50
a pela aku, a pela aku.
O na buke e ae no hoi kekahi, e laa ha buke kanawai, a me kahi mau ano e ao ke ninau pololei ia mai ia
F. J. TESTA (Hoke.)
ko 28-tf 327 Alanui Moi.