Ka Makaainana, Volume V, Number 21, 25 May 1896 — Page 6

6 HONOLULU, OAHU, POAKAHI, MEI 25, 1896.

MOOKUAUHAU ALII.

Na Iwikuamoo o Hawaii Nei mai Kahiko Loa.

                Ma keia wahi aku e hoomaka kakou i ke kamailio ana mai na kupuna mai o na alii o Maui, e hoomaka ana mai ia Hanalaa-iki k., ke keiki a Palena k laua o Hikawai w.
            Na Kane: 1 Hanalaa-iki, 2 Mauiloa, 3 Alau, 4 Kanemokuhealii, 5 Lonomai, 6 Wakalana, 7 Alo, 8 Kaheka, 9 Mapuleo, 10 Paukei, 11 Luakoa, 12 Kuhimana, 13 Kamaluohua, 14 Loe, 15 Kahaokuohua, 16 Kaulahea I., 17 Kakae, 18 Kahekili I., 19 Kawaokaohele, 20 Piilani, 21 Kihapiilani, 22 Kamalalawalu, 23 Kauhi-a-Kama, 24 Kalanikaumakaowakea, 25 Lonohonuakini, 26 Kaulahea II., 27 Kekaulike, 28 Kamehameha Nui, 29 Kahekili II.
            Na Wahine: 1 Kapukapu, 2 Kaohua, 3 Moikeaea, 4 Keikauhale, 5 Kolu, 6 Kauai, 7 Puhia, 8 Maiaoula, 9 Kamaiokalani, 10 Painalea, 11 Hinaapopo, 12 Kaumana, 13 Kapu, 14 Waohaakuna, 15 Hikakaiula, 16 Kapohanaaupuni, 17 Kapohauola, 18 Haukanuimakamaka, 19 Kepalaoa, 20 Laielohelohe, 21 Kumaka a me Koleamoku, 22 Piilaniwahine, 23 Kapukini, 24 Kaneakauhi a me Makakuwahine, 25 Kalanikauanakinilani, 26 Kalanikauleleiaiwi a me Papaikaniau, 27 Kahawalu, Kekuiapoiwanui, Kane-a-Lae, Holau a me Haalou, 28 Namahana, Kekukamano a me Manuhaaipo, 29 Kauwahine.
            Na Keiki: 1 Mauiloa, 2 Alau, 3 Kanemokuhealii, 4 Lonomai, 5 Wakalana, 6 Alo, 7 Kaheka, 8 Mapuleo, 9 Paukei, 10 Luakoa, 11 Kuhimana, 12 Kamaluohua, 13 Loe, 14 Kahaokuohua, 15 Kaulahea I., 16 Kakae, 17 Kahekili I., 18 Kawaokaohele, 19 Piilani, 20 Kihapiilani me Lono-a-Pii, 21 Kamalalawalu me Kauhiokalani, 22 Kauhi-a-Kama, 23 Kalanikaumakaowakea, 24 Lonohonuakini a me Umialiloa, 25 Kaulahea II., 26 Kekuiapoiwanui a me Kekaulike, o Kalaninuikuihonoikamoku kekahi inoa, 27 Kauhiaimoku-a-Kama (k) ke keiki me Kahawalu; Kamehameha Nui, Kalola (w) me Kahekili (k) na keiki me Kekuiapoiwanui; Luahiwa (w) ke keiki me Kane-a-Lae; Kekauhiwamoku (k), Kaeokulani (k) a me Manuhaaipo (w) na keiki me Holau; a o Kekuamanoha (k) a me Namahana i Kaleleokalani (w) na keiki me Haalou; 28 aole keike me Namahana, Kalanihelemailuna a me Peapea na keiki me Kekukamano, Kalaniulumoku ke keiki me Manuhaaipo, 29 Kalanikupule (k), Koalaukani (k), Kailikauoha (w) a me Kalola II. (w)
            Maanei e hoomaka kakou i na alii o Oahu nei, e hoomaka ana mai ia Kalona-iki, kekahi o na keiki a Mailikukahi (k) a me Kanepukoa (w). (E nana ma ka papa kuauhau o Nanaulu ma keia Mahele II.)
            Na Kane: 1 Kalona-iki, 2 Piliwale, 3 Luaia, 4 Lupekapukeahomakalii, 5 Kaihikapu-a-Manuia, 6 Kakuhihewa, 7 Kanekapu-a-Kakuhihewa, 8 Kaihikapu-a-Kakuhihewa, 9 Kahoowahaokalani, 10 Kauakahi-a-Kahoowaha, 11 Kualii, 12 Kapiohookalani, 13 Peleioholani, 14 Kumuhana, 15 Elani.
            Na Wahine: 1 Kikenui-a-Ewa, 2 Paakanilea, 3 Kukaniloko, 4 Kalaimanuia, 5 Kaunui-a-Kanehoalani, 6 Kahaiaonuiakauailana, Kaakaualani a me Koaekea, 7 Kalua-a-Hoohila, 8 Ipuwai-a-Hoalani, 9 Kawelolauhuki, 10 Mahulua, 11 Kalanikahimakeialii, 12 Kalanikahimakeialii, 13 Halakii a me Lonokahikini, 14 Lonokahikini, 15 Lonokahikini.
                Na Keiki: 1 Piliwale, Kamaleamaka a me Lo Lale, 2 Kukaniloko w a me Kohipalaoa w, 3 Kalaimanuia w a me Kauwahimakaweo k, 4 Ku-a-Manuia k, Kaihikapu-a-Manuia k, Hao k a me Kekela w, 5 Kakuhihewa, 6 Kanekapu-a-Kakuhihewa k, Kaihikapu-a-Kakuhihewa k a me Makakaialiilani w, na keiki me Kahaiaonuiakauailana w, a o Kauakahinui-a-Kakuhihewa k ke keiki me Kaakaualani, a o Kalehunanapaikua k ke keiki me Koaekea w, 7 Kahoowahaokalani, 8 Kauakahikuaanaauakane, 9 Kauakahi-a-Kahoowaha, 10 Kualii, 11 Kapiohookalani, Peleioholani a me Kukuiaimakalani, 12 Kanahaokalani, 13 Kumahana k a me Keelanihonuaiakama w na keiki me Halakii, a o Keeaumoku k a me Kapueo w na keiki me Lonokahikinui, 14 Kaneoneo, 15 Kahahana.
[No kahi wa aku.]

            Ua hala aku la o Loio Kuhina Kamika a Pere sidena hoi no ka Papa Ola, no Kina a me Iapana ma ke Dorika o ka Poalua nei. Ua kaa ae la ia Kauka Emekona ka lawelawe ana o kana hana ma ke ano he Peresidena no ka Papa Ola a hiki i kona hoi ana mai iloko aenei paha o Iulai.

KE PAHAOHAO LIMA OLE
Ma ria Moreires,
HANAUIA ME NA LIMA OLE.

Ua hiki loa i keia kaikamahine Pukiki uuku ke AI, KAKAU, HUMUHUMU, a me kahi mau hana e ae ke hana me na manamana o kona mau wawae. Ke Hoikeike nei i na La a pau, ma Alanui Nuuanu, Helu 410, mauka aku o Alanui Hotele a ma Waikiki ae o ko Love Hale Puhi Palaoa. Hemo mai ka hora 10 A.M. a ka hora 12 M., hora 2 a 5 P.M., a mai ka hora 7 a 9 P.M. Uku-komo, 25 ken.; Keiki, 10 ken. mei 4-mhp

NA AI NA MAMAO.

Mau Lono Huikau mai kela a me keia Wahi Like Ole.

Houpuupu Ala Kipi Hou.

                Aia ke upuia la e ulu hou ae ana he kaua kipi ma Berazila, ma ka apana o Rio Garana do Sula, i ano like aku no me ko ke ala kipi mua ana. Ua oleloia na na poe no nei o ka aoao alii a aia na ahewa ana no ka pio ole o nei manao maluna o Peresidena Moreirese. He wa wale no paha a maopopo loa ae.

Poino i ke Olai Hoonaueue.

                Elua olai i hoonaueue ae ia Puerto Viejo, kulanakauhale poo o ka apana o Manabi, Ecuadoa, me kona 10,000 kanaka, i ka la 8 nei. Ua poino holookoa loa ia wahi. Mahope aku o ke kuilua ana a ke olai, ua ukali aku na waikahe a hoolana pu ia ke kulanakauhale. He mau tausani ola i manaoia ua poino pu. Nui no ka weliweli.

E Noii Pono ana ke Aupuni.

                Ma kekahi paio ana imua o ka Ahaolelo Beritania i ka la 8 nei, ua hooia ae ke Aupuni e noii pono aku i na hana a Kikila Roke a me kahi poe e ae i hana ai ma ke Taranavaala mamua aku a hoea mai i ka wa i pukaamaka ai o na mea i hanaia ai no kela huakai kipi paoa a palaualelo, eia nae, e hoomaha iki a i keia makahiki ae ia mau noii ana. O ke kaona o ka haiolelo a Kuhina Kamelani, aole loa o Kikila Roke a me ka Ahahui Aferika Hema Beritania e hoopaiia no ka lakou karaima i hana ai i ka Repubalika o ke Taranavaala.

Na Hunahuna Laulaha.

                Ua hookohuia o Barona Heiking [Heikini] i Kuhina Geremania ma Pekina, Kina.
            Ke hopohopoia la e oili ae ana he kaua kipi ma ka mokupuni o Sana Donimigo.
            Ke oleloia la aole loa o Pe residena Kalivilana he moho peresidena no keia kau hou ae.
            La 4 nei i weheia ai ke kau Ahaolelo o ke Taranavaala e Peresidena Karuga, ma Peretoria.
            Aia ke kolera ma Alekane deria, Aigupita, e noke la. La 5 nei, he 17 na mai hou a me 11 make.
            Aia imua o ko Amerika Huipuia Ahaolelo he kumuhana no kekahi uweaolelo moana hou, me ka mana mai a Honolulu nei.
            Ua waiho aku o Kama'lii vona Hohenelohe i kona kulana Kuhina Nui, a ua ae o Emeperoa Uilama, a ina ka la mua o Augate e mana ai.
            No Konakinopela mai ka lono ua hookohuia o Mo setapa Be, Hope Kakauolelo no ka Oihana Kuwaho, i Kuhina Tureke ma Wasinetona.
            Aohe mea koe mamua o Makinile, oia ka moho pe residena Repubalika. Ke hooikaikaia la e ia aoao e ae o Reed e lawe i ke kulana lalo iho ma ke ano hope-peresidena.
            La 7 nei, ma Bueno Ea, i wehe ai o Peresidena Uribu i ka Ahaolelo o Agenetina. Ua hoike ae ka Peresidena ma kana haiolelo he $25,000,000 ka oi o ka waiwai io o na waiwai i hoopukaia mai ko na waiwai i hookomoia aku.
            Ua mareia mai nei o Kama'liiwahine Lui se o Denemaka, ke kaikamahine hiapo a ka Hooilina Moi Ferederika, me Kama'lii Ferederika o Saumebega-Lipe, hoahanau hanauna o Kama'lii Keoki e noho alii la, maloko o ka halealii o Amalemebega, Kopenahagena, i ka la 5 nei.
            Mawaho ae o na pualikoa helewawae elua i kauohaia e hele no Suakima no ka hana iloko o na halekoa, he mau puali okoa ae kekahi a Enelani e hoouna aku ai me ka awiwi loa no Aferika, oia hoi, he puali kaualio, he puali pukaa hele kuahiwi a he mahele o na poe ana aina mai Simila, Inia.

                Po o ka Poakahi, Iune 1, e hoolaaia ai kela wahi hale halawai hou e ku nei iuka o Leleo.
            He kope o ka hoike makahiki mau a ka Luna Dute Nui ka i loaa mai ia makou. Mahalo.
            Ke lilo mai nei kela mele maki "Kuokoa," a Mi si Waka i haku ai no na poe aloha aina i leo hokiokio nui ia ma na pipa alanui i keia mau la. Ohohia loa!
            Nui ka mama o na limahana o ka Halepai Makaainana i ke alualu mahope o kekahi kaa me ka lio puiwa i ka Poalima nei. Paa mai ke kaa i ko makou Sepauta, a o ka lio hoi, i ko makou keiki hehihehi papapai liilii. Eleu no! Heaha mai la keia, he ma'i ahulau paha?

HALEKUAI LAHUI KALAHIKI.

Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua." Ma ia halekuai o na oiwi e loaa ai na anoi a me na paihi o na ano hou loa, e laa Na Kalakoa, Na Keokeo, Na Makalena, Na Kinamu, Na Huluhulu, Na Lihilihi, Na Kamaa o na Kane, Wahine me Keiki, a pela aku. Oluolu no ke kuai ana. Aohe hewa ke kipa mai e ikemaka, a aohe no hoi he kunukunuia no ka hoikeike ana i na mea kuai. M. PALAU, Luna Nui. ok 14-tf