Ka Makaainana, Volume V, Number 22, 1 June 1896 — Page 7
| This text was transcribed by: | Toni Ka'a'a |
| This work is dedicated to: | Makuahine, Esther Kalino (Kauaulalena) Campbell |
Ka Makaainana.
HONOLULU, OAHU, POAKAHI, IUNE 1, 1896 7
@@, o ia iho la ko ke alii hoike mua loa ana aku i ka mea nana ka moe a me kona hoa pu i lulu iluna pu ia ai e ke alii, ka hai nona loa ana aku ia i kana huakai hoolana no Waialua. A ma kekahi ano hoi, me he la e lulu iluna aku ana paha lakou (na keiki puhiohe), me kekahi lede o ke kulana kiekie, a keonimana kiekie paha o ke kulana manaouia [manaoia] kulike me ko Liliu kulana Moiwahine, a malia hoi o loaa he mau makana mai laila mai.
Ma ka nana ana i keia mea, elua mahele no ka Moiwahine Liliu.
1--Ka mahina ka mea i kapaia ke aliiwahine o ka po;
2--Maria ka mea i kapaia he "Domina," ka Hakuwahine a Aliiwahine.
Ma ka nana ana hoi i ka inoia o ka mea nana ka moe, he elua no mahele,
1--ke kea, ka mea i kapaia ka "lana kila;"
2--Iesu, ka mea i kapaia ka "Hoola," o ia paha ka mea i kapaia Victor.
O ka ike ana ia Iesu me Maria ma ka moeuhane, he hoike ia no ka loki ana ae o ke kulana hewa a lilo i mea hoopono; a pela hoi i ke kanaka pono, he oi loa aku ia o na haawina maikai nona me ka pii mahuahua o ka manaolana i na pono lani.
Nolaila, e na keiki aloha aina, e aahu iho oukou i ka aahu keonimana o ka inoa maemae, a e kakua ae i ka laahia o ka oihana koa no ka pono o ko oukou lahui, ko oukou aina a me ko oukou Moiwahine, a e hele aku imua me ka manaolana, a e makaala i na pahele a me na imihala e poai mai ana ia oukou.
O keia iho la na kualehelehe ana a ka mea wehewehe. Nolaila, e hoomau aku i ka hana a ka inoa Vitori (Victor) a hiki i ke ko ana.
KILOKILO DIMERATA.
Ma keia Poano ae ka hoike hui o na Kula Sabati o ka Mokupuni o Oahu nei ma Kawaiahao.
Mamua o ke awakea o ka Poalua nei, ua pau iho la i ke ahi ka hale o Haliilehua (w) e ku nei ma Kukuluaeo. Aole i kani iki ke oeoe hoopuoho pauahi a lilo wale no ka hale i puu lehu. Aole i maopopo ke kumu o ke ahi.
O ka mokumahu Kina ka i ku mai i ka Poalua iho la mai ka Ipuka Gula me na nuhou makamaka loa mai na aina mamao. Mahope iki iho paha o ka hora 5 o ke ahiahi Poakolu mai i haalele mai ai oia ia Kou nei no Kina a me Iapana.
Ua hoopaiia o Ane Luahiwa me kana ipo hana lealea i ka Poalua iho la he $15, a o ke kane he $30. O laua nei ka i u loaa pono aku ia Luahiwa me na makai e hiolana ana iluna o ka moe, maloko ka o kekahi hale makai o Kakaako, mahope iho o ka u hoonuu ana a kena. O ka hiolani ana iho, paha hoi ia ua lai, hoeu ana ka mea waiwai.
MOKUAUHAU ALII.
Na Iwikuamoo o Hawaii Nei mai Kahiko Loa.
Maahei, e hoomaka kakou i na kupuna alii o Kauai, e hoomaka ana mai ia Puna-imua (k), kekahi o na keiki a Aikanaka (k) laua o Hinahanaiakamalama (w). (E nana ma ka Mahele I.)
Na Kane:
1 Puna-imua,
2 Ua,
3 Uamaikalani,
4 Uaninui,
5 Auanini,
6 Newalani,
7 Lonohuanewa,
8 Lonowahilani,
9 Pau,
10 Paumakua,
11 Moeanaimua,
12 Kumakaha,
13 Nana,
14 Luahiwa,
15 Ahukai,
16 Laa,
17 Laamaikaliiki,
18 Lauli-a-Laa,
19 Ahukioi-a-Laa,
20 Kamahauo,
21 Luanuu,
22 Kukona,
23 Manokalanipo,
24 Kaumakamano,
25 Kahakuakane,
26 Kuwalupaukamoku,
27 Kahakumakapaweo,
28 Kalanikukuma,
29 Ilihiwalani,
30 Kauhi-a-Hiwa,
31 Keneiahaka,
32 Kapulauki,
33 Kuluina,
34 Lonoikahaupu,
35 Kaumeheiwa,
36 Kaneoneo,
37 Kaeokulani.
Na Wahine:
1 Hainalau,
2 Kahilinai,
3 Haimakalani,
4 Welihaakona,
5 Maunakuahaokalani,
6 Kahihiikaale,
7 Loiloa,
8 Kahikihaaueue,
9 Kapalakuakalani,
10 Keananui,
11 Alahoe,
12 Moanaaulii
13 Haakaleikini,
14 Kilohana,
15 Keakamilo,
16 Kaikulani,
17 Hoakamaikapuaihelu,
18 Maelo,
19 Hai-a-Kamaio,
20 Kaaueapuiokalani,
21 Kalanimoeikawaikai,
22 Laupuapuamaa,
23 Naekapulani,
24 Kapoinukai,
25 Manukaikoo,
26 Hameawahaula,
27 Kahakukukaena,
28 Kapoleikauila,
29 Kamili,
30 Kueluakawai,
31 Kealohi,
32 Kainaaila,
33 Kanakahilau,
34 Kamuokaumeheiwa o me Kalanikauleleiaiwi,
35 Kaapuwai,
36 Kamakahelei,
37 Kamakahele
Na Keiki:
1 Ua,
2 Uamaikalani,
3 Uanioi,
4 Auanini,
5 Newalani,
6 Lonohuanewa,
7 Lonowahilani,
8 Pau,
9 Paumakua,
10 Moeaniaimua,
11 Kumakaha,
12 Nana,
13 Luahiwa,
14 Ahukai,
15 Laa,
16 Laamaikahiki,
17 Lauli-a-Laa ke keiki me Hoakamaikauaihelu (w), Ahukini-a-Laa ke keiki me Waolena (w), a me Kukona-Laa ke keiki me Manoopupaipai (w),
18 Laulihewa,
19 Kamahano,
20 Luanuu,
21 Kukona,
22 Manokalanipo,
23 Kaumakamano,
24 Kahakuakane,
25 Kuwalupaukamoho,
26 Kahakumakapaweo,
27 Kalauikukuma,
28 Ilihiwalani,
29 Kauhi-a-Hiwa,
30 Kaneiahaka,
31 Kapulauki,
32 Kuluina,
33 Lonoikahaupu,
34 Kaumeheiwa ke keiki me Kamuokaumeheiwa (w), a o Keawepoepoe ke keiki me Kalanikauleleiawi (w),
35 Kamakahelei,
36 Leleamahoalani (w) a me Kapuaamohu (w),
37 Kaumualii
Maanei e hoomaka ai kakou i ka papa o na Moi mahope mai o na Kamehameha ekolu. E hoonohonoho mua ia aku ana ma ka aoaoa o ka makuakane, alaila, o ko na makuahine aoao mai.
KO NA KAMEHAMEHA IV ME V.
1 Kalanikauhialiiokamoku (k) noho ia Uluehu (w), loaa o Kuimeheua II. (k)
2 Kuimeheua II. (k) noho ia Kaupekamoku (w), loaa o Nahiolea (k).
3 Nahiolea (k) noho ia Inaina (w), loaa o Mataio Kekuanaoa.
4 M. Kekuanaoa, mare i Okatoba, 1827, ia Kinau (w), a o na pua i loaa mai, o ia o Lota Kamehameha, Alekanedero Liholiho a me Vitoria Kamamalu.
MA KO NA MAKUAHINE AOAO.
5 Kamehameha 2. noho ia Kaheiheimalie (w), kaikaina o Kaahumanu (w), loaa o Kamamalu (w) me Kinau (w).
6 Kamamalu (w) noho ia Liholiho, oia o Kamehameha II, aohe pua i loaa mai.
7 Kinau (w) mare ia M. Kekuanaoa, loaa o Lota Kamehameha, Alekanedero Liholiho a me Vitoria Kamamalu.
8 Alekanedero Liholiho, hanauia Feberuari 9, 1834, noho i ke kalaunu i Ianuari 11, 1855, malalo o ka inoa Kamehameha IV, mare ia Ema Kaleleonalani i Iune 19, 1856, a o ka hua o keia mare ana he keikikane ka "Haku o Hawaii," oia hoi, ke Keikialii Albert Edward Kanikeaouli, hanauia i Mei 20, 1858, a make opiopio i ka la 27 o Augate, 1862. Make o Kamehameha IV. i Novemaba 30, 1863.
9 Lota Kamehameha, hanauia i ka malama o Dekembaba, la 11, 1830, noho i ke kalaunu i Novemaba 30, 1863, ma ka inoa Kamehameha V., a make i Dekemaba 11, 1872.
KO KA MOI LUNALILO.
1 Charles Kanaina mare ia Kekauluohi, loaa o William Charles Lunalilo.
2 Kalaninuikupuapaikalaninui Keoua noho ia Kamakaeheikuli (w), loaa o Kalaimamahu (k).
3 Kalimamahu noho ia Kaheiheimalie, loaa o Kekauluohi (w).
4 Kekauluohi mare ia Charles Kanaina, loaa o William Charles Lunalilo.
5 Hanauia o William Charles Lunalilo i Ianuari 31, 1832; kohoia i Mei i Ianuari 8, 1873; a make i Feberuari 3, 1874.
[E hoomauia aku ana.]
I kahi mau la paha o keia pule, a i ole i kela pule ae paha e holo aku ai ka Hokuao no na paeaina o Maikonisia. Ua hoomaemae hou ia iho nei kona iwikoele popopo a maikai, i ole si [ai] e kau iluna o na mokupuni papapa.
Peaha e ku nei ai ka M@nowai mai Kapalakiko.
Eha mau Pake hou i hopuia i keia mau la iho la no ka hoohuoi wale ia no ua komo pu iloko o kela hana ohumu ino a Lau Chong. I keia la e hookolokoloia ai lakou a pau.
Huina Waiwai Nui!
Hoemi Nui loa Ia!
Pomaikai Nui ma na Mahele a pau ma ko L. B. Kerr Halekuai,
Alanui Moiwahine.
30 i-a kalakoa no $1
Papale Mauu Laiki no 25 keneta pakahi.
12 i-a Kalakoa Huluhulu no $1,
18 i-a Lipine no 25 keneta,
15 i-a Makalena Keokeo no $1.
Na hainaka Silika 10 keneta pakahi.
Na Pua a me Na Hulu Papale, aneane e haawi wale ia.
Ua makemakeia e lilo pau loa aku na waiwai, aohe hookoe ana iho i kahi mea. O ka emi oiaio keia i ike ole ia mamua. E hele koke mai, i loaa koke no na mea e anoiia ana. Na ka hiki mua no ka wae mua.
L. B. Kerr,
apl 27-tf Alanui Moiwahine.
Robert Napunako Boyd
(ITALIA)
He Ana-aina he kokua no hoi ma ka hooponopono ana i na waiwai paa, huli ana paha i na Buke @ ke Aupuni, a pela aku.
Keena Hana: Mauka iho o ka Hale Leta, maluna ae o ka haleaina Pake, Alanui Betela.
apl 13-mp
C. B. DWIGHT
[KALE KUAIKA.]
Mea Hana Pohaku Kaekae Alanui, na He Kupapau a me na Kia Hoomanao Mabala.
E loaa no oia ma kona wahi noho ma Koiuiu, Honolulu nei. Telepona Helu 833.
17 lmk
E. M. NAKUINA
KOMISINA O NA ALA LIILII A ME NA PONO WAI.
Notari Lehulehu, a he Agena Haawi Palapala Ae Mare no Honolulu nei.
KEENA HANA: Helu 303, Alanui Kalepa.
dk-lm
F. J. TESTA, (Hoke).
MEA OHI A KOI AIE
Mea Huli Moolelo Aina a Waiwai e ae paha.
Mea Unuhi a Mahele Olelo Hawaii e Enelani paha.
Mea Hana Palapala Kanawai o na Ano a pau.
Mea Kuai Mikini Humuhumu Lole.
Mea Hoolimalima a Hoolilo A@@a
Mea Kuai Waiwai no ka Uku Komisina Haahaa.
Ua makaukau mau oia e lawelawe i na hana a pau e haawiia mai ana iaia. He kuike ka rula.
E loaa no oia ma keia [contents unreadable]
Keena
apr 8-lmk