Ka Makaainana, Volume V, Number 23, 8 June 1896 — Page 6
6 HONOLULU, OAHU, POAKAHI, IUNE 8, 1896.
MOOKUAUHAU ALII.
Na Iwikuamoo o Hawaii Nei mai Kahiko Loa.
Maanei, aole he mea hewa ke hookomoia kahi i hoea mai ai o Kaahumanu me kona mau muli mai, oiai, o kahi o lakou ke kupunawahine o na Kamehameha IV. me V., a pela me Lunalilo.
1. Kekaulike, Moi o Maui, noho ia Haalou w, loaa o Kekuamanoha k a me Namahana w.
2. Kekuamanoha noho ia Kamakahukilani w, loaa o (1) Kalaimoku k, (2) Boki k, a me (3) Wahinepio, o Kahakuhaakoi w kekahi inoa.
3. Namahana w noho ia Keeaumokupapaiaheahe k, loaa o (1) Kaahumanu w, (2) Kaheiheimalie w, (3) Keeaumoku opio k, (4) Kekuaipiia w, a me (5) Kuakini k.
MA KA AOAO O NA MAKUAKANE
4. Lonoikahaupu k noho ia Kalanikauleleiaiwi w, loaa o Keawepoepoe k.
5. Keawepoepoe k noho ia Kumaiku w, loaa o Keeaumokupapaiaheahe k me Alapai k.
6. Keeaumokupapaiaheahe k noho ia Namahana w, loaa o (1) Kaahumanu w, hanauia i ka 1768, (2) Kaheiheimalie w, (3) Keeaumoku k, o Kiaaina Cox kekahi inoa, (4) Kekuaipiia w, (5) Kuakini k, o Kiaaina Adamu kekahi inoa.
KO KA MOI KALAKAUA MAI IA KUMULIPO MAI.
Mai ia Kumulipo a ia Lailai, he 9 hanauna; mai ia Lailai a ia Papio, he 400 hanauna; mai ia Papio a ia Puanue, 420 hanauna; mai ia Puanue a ia Opaiakalani, 84 hanauna, mai ia Opaiakalani a ia Kumuhonua, 67 hanauna; mai ia Kumuhonua a ia Wakea, 31 hanauna; mai ia Wakea a ia Hanalaaiki, 43 hanauna; mai ia Hanalaaiki a ia I, 24 hanauna. Ka Nuhou Hawaii, Dekemaba 23, 1873.
AOAO O KA MAKUAKANE.
1. Lonoikahaupu k noho ia Kalanikauleleiaiwi w, loaa o Keawepoepoe k.
2. Keawepoepoe k noho ia Kanoena w, loaa o Kameeiamoku k me Kamanawa k.
3. Kameeiamoku k noho ia Kamakaeheikuli w, loaa o Kepookalani k.
4. Kepookalani k noho ia Alapaiwahine w, loaa o Kamanawa II., k.
5. Kamanawa II. k noho ia Kamokuiki w, loaa o Kapaakea k.
6. Kapaakea k noho ia Keohokalole w, loaa o David Kalakaua, Lydia Liliuokalani, Miriam Likelike a me W. P. Leleiohoku.
AOAO O KA MAKUAHINE
7. Umi a Liloa k noho ia Piikea w, loaa o Kumulae k.
8. Kumulae k noho ia Kunuunuipuawalu w, loaa o Makua k.
9. Makua k noho ia Kapohelemai w, loaa o I k.
10. I k noho ia Kawalu w, loaa o Ahu-a- I k.
11. O Ahu-a-I k noho ia Kaouiolani w, loaa o Kapaihi-a-Ahu k me Kapaihi-a-Ahu w.
12. Kapaihi-a-Ahu k noho ia Umiulaakahumanu w, loaa o Heulu k.
13. Heulu k noho ia Ikuaana w, loaa o Keaweaheulu k.
14. Keaweaheulu k noho ia Ululani w, loaa o Keohohiwa w.
15. Kepookalani k noho ia Keohohiwa w, loaa o Aikanaka k.
16. Aikanaka k noho ia Kamae w, loaa o Keohokalole w.
17. Kapaakea k noho ia Keohokalole w, loaa o Da vid Kalakaua, Lydia Liliuokalani, Miriama Likelike a me W. P. Leleiohoku.
KO KA MOIWAHINE L ILIUOKALANI
(He Mele na Keaulumoku k no Aikanaka k.)
E Kama, e Kama! E aua ia!!
O ke kama, kama, kama! I ka huli nuu,
O ke kama, kama, kama! I ka huli au,
Hulihia ke au, ka papahonua o ka moku,
Hulihia Papio, eia ilalo ke alo,
E Uli e! auiia!!
Hulihia o Maunakele,
Hulihia ka Unu ka okoa,
Ka aha o Makiilohelohe,
Ka aha nana i hikii o Hulahula,
Ua kalakalaia, ua wekewekea,
Ua he no aku la ka piko o ka aina.
AOAO O KA MAKUAKANE.
1. Keawekekahialiiokamoku k noho ia Lonomaaikanaka w, loaa o Kalaninuiamamao k.
2. Kalaninuiamamao k noho ia Kaolanialii w, loaa o Alapaiwahine w.
3. Kepookalani k noho ia Alapaiwahine w, loaa o Kamanawa II. k.
4. Kamanawa II. k noho ia Kamokuiki w, loaa o Kapaakea.
5. Kapaakea k ma re ia Keohokalole w, loaa o David Kalakaua, Lydia Liliuokalani, Miriam Likelike, a me W. P. Leleiohoku.
AOAO O KA MAKUAHINE.
6. Piilani k noho ia Laielohelohe w, loaa o Kihapiilani k.
7. Kihapiilani k noho ia Kumaka w, loaa o Kamalalawalu k.
8. Kamalalawalu k noho ia Piilaniwahine w, loaa o Kauhi-a-Kama k.
9. Kauhi-a-Kama k noho ia Kapukini w, loaa o Kaulanikaumakaowakea k.
10. Kaulanikaumakaowakea k noho ia Kaneakauhi w, loaa o Lonohonuakini k; noho hou me Makakuwahine w, loaa o Umialiloa k.
11. Umialiloa k noho ia Kuihewamakawalu w, loaa o Kuimeheua k, Papaikaniau w, a me Uluehu w.
12.Kuimeheua k noho ia Kalanikueiwalono w, loaa o Niau w.
13. Mokulani k noho ia Niau w, loaa o Ululani w.
14. Keaweaheulu k noho ia Ululani w, loaa o Keohohiwa w.
15. Kepookalani k noho me Keohohiwa w, loaa o Aikanaka k.
16. Aikanaka k noho ia Kamae w, loaa o Keohokalole w.
17. Kapaakea k noho ia Keohokalole w, loaa ka Moi Kalakaua, ka Moiwahine Liliuokalani, ke Kama'liiwahine Miriama Likelike me ke Kama'liikane W. P. Leleiohoku.
[Aole i pau.]
Hooulu Hakaka.
Ua hoikeia mai he lono ia makou no kekahi hooulu hakaka i malamaia ma Alanui Liliha i ka po Poaono, Mei 30, malalo o na hoonauluulu ana a kekahi poe keiki paele. A aia hoi malaila ia wa he makai kiai no Kawa, kahi i hoikeike ai i kona ikaika hakaka, eia nae, ua aluia aku la oia e kekahi poe keiki kino kanaka makua a pepehiia iloko o ka auwai, ma kahi kokoke i ke alanui e komo la iloko o Hauhaukoi, ma ka aoao makai. Ua noi ae ka makai e hookuu ae iaia, a ua hookuuia ae la. Hoomaka hou aku la nae ua makai la e hoohoa hou i kona ikaika, ia manawa no i alu like aku ai na liona pololei o Kikihale a me na paele o Alanui Liliha a hiki i ka hiki ole ana i kela makai ke hana hou ae, a waihoia iho la oia iloko o ka auwai. He hana maa mau loa no ka ia i keia auna o na poe o ka hui Mafia ka hoolilo ana i kela alanui i wahi e hooulu hakaka ai, oiai, he lehulehu wale o na io pipi ma ia wahi e hoona ae ai i ko lakou pololi. Ea, e akahele e na opio, o noho auanei i ke puhi, paa mau wale na kino i na hana uso ole.
O na hoopii koi poho elua a kekahi mau Pake ia Hanale Esepina no ka lawelawe ino ana ia laua i ko laua wa i hopuia ai, imua o ka Aha Kaapuni, ua haawiia ka pono no na mea hoopii me $30 a kekahi a he $15 a kahi. O keia no kahi makai ano hookiekie loa iwaena o na makai o ke kulanakauhale nei, a nona ke kani a i i pakele ai mai lele ke poo i na lima pilikua o ko makou Puuku i ka la o na Pio Aloha Aina i laweia ai no Hilo (Maraki 29, 1895.)
Awakea Poaha, Mei 28, i weheia ai ka haleaina hou o ka Ahahui Kokua a na Wahine ma Alanui Kalepa, ma ka halepai o ka Hui Kekake mamua. Ua luuluu na papaaina me na ono a ka puu, mai na mea-ai haole a na mea ai Hawaii. Lehulehu no hoi na poe i hiki kino ae malaila e haupa ai i na kuhinia o na papaaina. Ma ka rumi ma ka aoao mamua nei malaila na mea kuai a na wahine o na ano like ole, a ma na rumi mahope kahi paina. Ua eleu no keia poe.
Ma ka Poalua iho nei, ma Kamoiliili, ua make iho la o Kahalewai Waiokalehua i ka eiwa o kona mau mahina o ke ola ana. He moopuna oia na Mr. J. Kua o ia wahi. Aloha wale ia opio.
Ua ukali aku ka puali puhiohe Aupuni maluna o Eleu ia Kuhina Damona i ka Poakolu nei a hala i waho o Mamala. Ma ka Auseteralia ua Damona la i holo aku ai me kona ohana.
Hui Papa a Kukulu-Hale Oahu.
(OAHU LUM BER & BUILDING CO.)
Leleo, Alanui Moi, kokoke i k e Kahua o ka Hui Alahao & Aina Oahu. Poe Kalepa Laau, Hana Aelike a me Kukulu Hale. Poe Hookomo Mai a Hoolilo aku i na Puka, Olepelepe, Kui, Pepa, Pena, Aila, Na Pono Kamana, A pela aku, a pela aku. Telepone 53. Pahu Leta 222. apl 20-tf
Waihona Buke Hawaii.
E loaa no na buke ma ka olelo makuahine no ke kuai ma ke keena o ko makou Puuku. Penei iho kekahi o ia mau buke: Laieikawai - - - $1 00 Gaberiela Lenoa - - - 75 R. W. Wilikoki - - - - 50 Hookahuli Aupuni o 1895 - 50 a pela aku, a pela aku. O na buke e ae no hoi kekahi, e laa na buke kanawai, a me kahi mau ano e ae, ke ninau pololei ia mai ia F. J. TESTA (Hoke), 327 Alanui Moi. ok 28-tf
Robert Napunako Boyd
(I TALIA)
He Ana-aina a he kokua no hoi ma ka hooponopono ana i na waiwai paa, huli ana paha i na Buke o ke Aupuni, a pela aku. Keena Hana: Mauka iho o ka Hale Leta, maluna ae o ka haleaina Pake, Alanui Botela. apl 13-mp
C. B. DWIGHT
[KALE KUAIKA.]
Mea Hana Pohaku Kaekae Alanui, na He Kupapau a me na Kia Hoomanao Mabala. E loaa no oia ma kona wahi noho ma Koiuiu, Honolulu nei. Telepona Helu 833. 17-1mk
E. M. NAKUINA.
KOMI SINA O NA ALA LIILII A ME NA PONO WAI.
No tari Lehulehu, a he Agena Haawi Palapala Ae Mare no Honolulu nei. KEENA HANA: Helu 303, Alanui Kalepa. dk-1m
J. K. KAHOOKANO.
LOIO a he Kokua ma ke Kanawai. KEENA HANA: Alanui Kaahumanu, Honolulu. ian-8, '94 1mk