Ka Makaainana, Volume V, Number 25, 22 June 1896 — Page 3

Ka Makaainana.

 

NA AINA MAMAO.

 

Mau Lono Huikau mai kela a me keia Wahi Like Ole.

 

Hopohopo na Karistiano o Lukuia.

 

Ua loaa ae na lono palapala ma Atenai, Helene, i ka la 7 nei, mai ka mokupuni o Cerete, a e hoike ana ia mau palapala aia no ke mau la na hana hooha@naele ma na wahi like ole o ia mokupuni.  Aia na pualikoa Tuke ke puhi ahi la i na puuluulu kauhale.

 

He hoike pili oihana hoi @@ i hoike ae ua leie kn@ aku he mahele o na Kede i na poe o ke alahao mai Simana a Caraba, a na lehulehu na poe i make, a ua pau pu me na wiliki Beritania, Farani me Geremania.

 

Ma Ladana, la 8 nei, na hoopuka ae ka nupepa Manawa he palapala mai Canea, Mokupuni o Cerete, a e olelo ana aia no ke mau la ka hopohopo nui ia iwaena o na Karistiano.  Ua oleloia i ahona iki wale no lakou i ke kuku aku o na moku kaua, ina la na pau loa lakou i ka lukuia.  O ke kumu nui o keia maka’uia o lakou, oia no na koa Tuke, a o lakou no hoi ia i loaa ai ke kaulana ma Zeitouna i ka wa o ka lukuia ana o na poe Amenia.  Aia lakou ke piepiele hele la i na wati a me na lako gula, a me ko lakou olelo hunahuna ole iho ua laweia mai e lakou mai ua Amenia mai.  Ua hooiaia ae no hoi aia ke kuai hele ia la na pepeiao maoli, me ke kau no o na kula pepeiao.

 

Ulia Poino Nui ma @osekao.

I ka la i poniia ai o ke Za o Rusia, Mei 30, oiai paha hoi e lawelaweia ana na hana poni, he ulia nui ka i pohola ae nana i hookau aku i kekahi kiko omamalu maluna o na nana o ia la.  Ma ke kaueha a ka Emeperoa, ua weheia he mau papaaina lehulehu @ ma ke kula mawaho aku o Mosekao no ka lehulehu ilihune i hele aku e ike i na hana, a malaila no hoi e hoomoaia ai na mea ai, malalo o ka hoomalu ana a na koa Oiai ka lehulehu e kakali hoomanawanui ana, a me ke akaka ole, ua nee aku la ke aluka imua, a ia wa no i hooma@a koke ai ka pilikia me ka hiki ole ke kaohiia.  Ua nee aku keia aluka nui imua mamuli paha hoi kahi o ka pololi loa, a ua hehihehiia iho na kanaka o ka oi loa aku no nae hoi o na poe elemakule, na wahine a me na keiki.  Ua eleu koke ae h@ n@ makai a me na koa e hoomalu, a me ka hana nui no ke kahi manawa loihi mahope iho a loaa no hoi he maluhia.  I ka lohe ana o ke Za a me ke Za@ina, ua kaumaha laua, a hoo@@a koke ia na kauka a me na poe e ae e nana a e hoomaopopo i ka nui o ka poino   He 1,000 rubela ka ke Za makana no ua ohana i popilikia.  Ua hoike ae kekahi nupepe o Parisa, i ka la 6 nei, he 3133 ka n@i o na poe i make a he 40,000 i eha   Weliweli no!

 

Lukuia e na Sepania.

 

Ua loaa ae ka lono mahope iho i Nu Ioka, la 9 nei, mai ka mea kakau ae o ka nupepa Honua ma Marianao, Cuba: Ano no i loaa mai nei na lono maanei no ka pepehiia ana o 17 poe noho maluhia ma Sana Karuza, ma ka aekai akau, ma ka hikina aku o Havana.  He mahele koa Sepania ka i hiki aku ma ia wahi, a ua pii ae la hoi ka inaina o ka Mekia hapa ona iaia ka hoomalu ana i ka nele o na poe o ia wahi me na hiohiona ohohia no ko lakou hiki ana aku, a ua hopuia he 50 o lakou.  O keia poe kana i kauoha ai e ki pu ia.  Ua hoomaka no hoi ka luku ana a kauoha ae ai kekahi Lutanela noonoo akahele e puhiia ka o le e kahea ana “e kau ma na lio.”  E ole keia, ua akakuu mai kela poe kanaka i hele a piha pioloke a pau ai no hoi ka luku ana, mahope iho nae hoi o ka maka ana o 17 poe.  Aohe lono i loheia ae no keia mea mai ka aoao Sepania mai.

 

Kipi na Paele o Matabelelani.

Hookahi ka puoho like ana ae o na paele o Matabelelani, Aferika Hema, e kipi.  Ma kekahi wahi ua lele kaua ia aku kekahi mahele o na koa Beritania a make he 22 poe, a o ke koena aku ua ououia aku a loko e kekahi kuono, a aia ko lakou ola iloko o na poholima o na paele kipi.  Aperila 15 i telegarapa aku ai e Kiaaina Robinesona i Ladana, e hoike aku ana ua puni o Buluwaio i na kipi, a he puali nui ka i makemakeia no ka hoopuehu ana aku ia lakou.  A pela io no mahope mai, e like me ia i hoike mua ia aku ai ma ka Helu 19 o KA MAKAAINANA nei.

 

Akaka Loa ka Hawahawa o na Lima.

Mamuli o ka hoolahaia ana mai nei o kekahi mau palapala a me na telegarama, ua ike moakaka loa ia ua komo hohonu loa o Kikila Roke iloko o na hana o kela huakai paoa a Kemisona no ka hookahulihia ana i ka Repubalika o ke Taranavaala o Aferika Hema. He mau hoa’loha pilipaa loa o Roke a me Kemisona.  Ua akeia ma ke Taranavaala e haalele loa aku o Kikila Roke ia Aferika, oiai, aia wale no ka a kaawale eia, alaila, manaoia ae ka maha a me ka palekana mai na hana kipi hou aku paha o ia ano like.

 

Huahua a Lokahi Ole na Cuba.

Mai Havana, la 9 nei, i loaa ae ai na lono i hiki ke bili@aiia mai Kuba Hikina, e hoike ana no ka oili ana ae o kekahi mau manao huahua a au @eu@e @nana e popilikia ai iwaena o na kipi mamuli o ko Jose Maceo hoole e ike aku i ko Garcia mana oi ae.  Ua hoao aku o Maceo e nee no ke komohana e hui me kona hoahanau ma Pina dele Rio, aka, ua keakeaia mai e Gomeze ma ka apana o Pueto Pirinicipe a kauohaia mai e hoi i hope no kona ku aku e hookolokoloia imua o ke Generala kipi no kona ano kipi a hoolohe ole.

 

Mau Lonolono e ae no Cuba.

Kakahiaka o Mei 12, ma Matanaza, ua ki pu ia o Felorenetine Herara a make, he mea i ahewaia no ke karaima kipi.

Ua louoia ua komo hou ia aku o Matanaza e Makimo Gomeze me kekahi puali ikaika loa o na kipi, me ke koiaweawe aku o ka mahele hope loa ma kahi kokoke loa ka i ke kaona o Baro.

Ua keakeaia ka holo aku o ka mokukuna Na Hoahanau Ekolu mai Felorida aku me ka pi@a i na lako kaua a me kekahi heluna o na poe hana kika no Kuba, e na luna oihana o Amerika Huipuia.

Maloko o ka hale noho o ke Kapena Generala ma Havana, Aperila 28, ua pahu ae ia kekahi mea hoopahu maloko a hiolo ae la na paia a me kahi wahi o kaupoku.  Hookahi kanaka i eha.  Ua oleloia ae na na kipi no nei hana.

No Havana ae ka lono i ka nupepa Honua o Nu loka, o ka la 9 nei, e olelo ana: Ua oleloia aia o Calixto Garcia, me kekahi puali nui, ma Duaba kahi i hoomoana ai, ma ka aekai akau, mawaena o Maica me Baracoa.  Ua haalele aku o Generala Linares ia Baracoa, me na pualikoa a me elua mokukaua liilii no ke kipaku ana aku iaia mai ia wahi mai.

Ua kauaia aku kekahi mahele koa ma ka mahiko o Adamiracione e na kipi malalo o Laearete, a na hoauheeia aku nae me ka waiho iho mahope he 13 poe i make a me na pu me na lako kana.  E ole nae kekahi puali pualu, pakele ai na hale mikini i hoomaka e hoi ka a ana o ke ahi.  Ua hopu pio ia ke alakai kipi Juan Baptista Fernandez.  Mahope iho o ia kaua ana, na hele poaipuai ae na koa pualu a loaa aku elua pio. I@ laua i hoao ai e holo aku ua ki pu ia a make.  Ua ikeia iho laua he mau mea hana karaima i makemakeia e na aha kivila.  He elele kekahi i hopuia me na palapala ao nui maluna ona.

U hoopuni aku o Jose Macao (Hose) he 380 peo koa Sepania me kekahi puali nui hewahewa o na kipi a ua lawe pio mai ia lakou me ke kaua ole.  Ua pau na lako kaua a me na aahu o lakou i ka laweia a hoouna nui ia aku na Sepania e hoi me ka aahu ole no Guanajay.  Aoue mau aahu paleili o na Sepania.  O ke kumu ka o keia lawe ana mai i ko na Sepania mau aahu i mea ka e loaa ai o ko lakou mau aahu koa.

 

Hui Papa a Kukulu-Hale Oahu.

(OAHU LUMBER & BUILDING CO.)

Leleo, Alanui Moi, kokoke i ke Kahua o ka Hui Alahao & Aina Oahu.

Poe Kalepa Laau, Hana Aelike a me Kukulu Hale

Poe Hookomo Mai a Hoolilo aku i na

Puk@, Olepelepe, Kui,

Pepa, Pena, Aila,

Na Pono Kamana,

A pela aku, a pela aku.

Telepone 53.   Pahu Leta 222.

 

apl    20-tf

 

C.E. Williams me Keiki

Ed. A. Williams, Luna Nui.

Helu 611, Alanui Moi, ma Ewa iho o ka Pa o Aigupita.

 

He mau mea kuai lako hale o na ano a pauloa.

He mau mea Hana Pahu Kupapau a Hooponopono Hoolewa.

{Picture of horse and carriage here)

E hoolakoia no na Kaa Kupapau, na Kaa pio a me na Kaa-ohana.

Ina no e ninau ia laua, e loaa no na Pohaku Kia Hoomanao no na He Kupapau.

 

@@ Ialoa kekahi hana hiki loa ia laua, ai@@ malalo a ka lawelawe ponoi ana a Ed. A. Williams. F. D., he mea i puka pono ma ka Kalaka K@la o ka Ialoa Maikai ana iloko o Mei, 1894.

 

--NA TELEPONA—

Keena, Helu 179---Kauhale a me Kahea Po, Helu 815.

 

nav 2-mp     feb 3-mp

 

J.K. KAHOOKANO

LOIO a he Kokua ma ke Kanawai.

KEENA HANA.  Alanuia Kaahumanu

Honolulu.          Ian 8, ’94 l@@k