Ka Makaainana, Volume V, Number 26, 29 June 1896 — Page 2
2 HONOLULU, OAHU, POAKAHI, IUNE 29, 1896.
NA AINA MAMAO.
Mau Lono Huikau mai kela a me keia Wahi Like Ole.
Hookolokolo o na Poe Hoala Kipi.
Imua o kekahi o na Aha Hoomalu o Ladana, Enelani, i ka la 15 nei, ua waihoia aku na hihia o Kauka J.S. Jameson, Mekia Mekia Sir John Willoughby, Konela R. Grey, Mekia R White, Konela H.F. White a me Henry E. Coventry, na poe alakai nui ma kela huakai kipi paoa i ke Taranavaala, no ka Aha maluna ae, mahope iho o ka hookolokoloia ana no kekahi mau la lehulehu. He eiwa pee e ae i hoopiiia i pau i ka hookuuia. Ua hemo ae na poe no lakou na hihia i waihoia aku la malalo o $10,000 bela pilikino pakahi mawaho ae o hookahi hope o $5,000 ao kela a me keia.
Na Pio Hoomaemae o ke Taranavaala.
No Peretoria mai ka lono ua kapaeia ae ka manao lawe-a-lilo loa aku i ka waiwai o na pio. Hoomaemae koe nae maluna o Kale Leonada a me Kauka Wulufe.
O ka Lunakanawai i hookolokolo ai i na pio Hoomaemae, iaia i huli hoi aku ai no kona wahi ma ke Aupuni Alani Kuokoa, ua uwa a nunulu pahenehene ia mai oia e ka lehulehu.
Lehulehu na poo i haiolelo ae iloko o ka Ahaolelo e kue ana i Ahahui Aferika Hema Beritania a me Kikila Roke, ka mea i manao oia ke pookoi a waha mana hookahi ma Aferika Hema. Ua olelo ae ia poe he hana hoomeamea a maalea wale no ka hoouna ana i na koa Beritania i Matabelelani, i mea hoi e komo ai o na koa iloko o Aferika.
Ua ake loa ia e hoopau ae i ka palapala hoohui o ia ahahui, aka, ma ke kohoia ana imua o ka Ahaolelo o ka Panalaau Lae, ua haule ia manao.
Na ka mea kakau hoi o ka nupepa Manawa o Ladana ma Peretoria i hoike ae, a hoolahaia ma Ladana i ka la 10 nei, ua nui ka pioloke iwaena o na poai Aupuni, a ke kiaiia la na neeu a hoomaau ana a na pualikoa Beritania me ka hoohuoi nui loa ia.
Hoopaiia na Poe Pio Hoomaemae.
He lono telegarapa ka i loaa ae ma ke keena o ko na Aina E, ma Wasinetona, Amerika Huipuia, i ka la 11 nei, mai ka Hope Kanikela Amerika ma Kapetaona, penei: "Hookuuia na alakai Hoomaemae me ka hoopai o $25,000 pakahi. Aohe kipaku ana." Ua hooia ae hoi na alakai Hoomaemae e haawi no lakou he £40,000 no ka maheleheleia aku iwaena o na hana kokua aloha, i mea panai aku hoi no ko lakou hookuu loa ia ae.
Mau Lonolono e ae no Aferika.
Ua hoea aku o Eala Gere, hoa hooponopono pu me Kikila Roke i ka okana aina o ka Hui Aferika Hema Beritania o Masonalana, i Buluwaio ma kekahi mahele koa kiai mahuahua. Oia ka i hoonohoia aku ma ko Kauka Kemisona wahi. O ka hoopoino kukonukonu ana i na poe Matabele kipi, he mea ia no Buluwaio e palekana ai a loaa ka maha. Aohe manaolana ana i koe e lele kaua aluka hou aku ana na paele ia wahi, oiai no nae aia he 15,000 ko lakou heluna mawaho ae, ma na wahi e hookokoke aku ana.
O keia hiki ana aku o Eala Gere ilaila ka hoailona no ka nee aku o na pualikoa Beritania imua e kiie aku i na poe Matabele kipi. Ua manaoia aia a molaelae ae o waho o na wahi kokoke aku ia Buluwaio mai ka nonoho puuluulu aku o na paele kue, e kiiia aku ana ko lakou kahua poo ma na Puu Matopo e kaua.
No Kapetaona ka lono aia na poe kipi ke hoounauna la i na kauwa Matabele ma Buluwaio ma ke ano he poe kiu na lakou. Hookahi i loaa a kiia a make. Ekolu papu i lako pono a he puali o 100 kanaka ia e kiai la i ke alahele pali ololi o Manaiani. Ma kekahi hakaka koke ana mai nei i make ai o Sonoga (Czonga), ke keiki hanauna a ka Moi Lobenegula.
Ma kekahi halawai ana i malamaia ma Buluwaio, Aperila 15, lamaia ma Buluwaio, Aperila 15, ua hoike pili oihana ia ae aia he 1,000 kanaka ke nee la mai Mafekina aku no ia wahi, me ka lawe aku i na lako mea ai e lawa ai he 300 kanaka o eha malama. Aia hoi he 250 kanaka ma Buluwaio i hiki loa ke hoohana pu aku me ko Mafekina poe, no ke kue like aku hoi i na kipi.
Ua lilo pio pau loa mai i ko Mekia Bune Mudoka puali kaua lio Aigupita, ka puali Derevise ma Suada, a ua hoouna aku o Sa Hebeta Kikena i kekahi mahele o na koa helewawae e paa ia wahi, oiai, he kulana a kahua ano nui ia.
Papaia ko na Kepani Hel no Korea.
Ua papa loa ia ko na Kepani komo aku i Korea e ko lakou Aupuni me ka palapala ae ole. He nupepa Kepani ka i hoike ae he kumu kupono loa no keia kauohaia ana ae pela. Oiai ka moopuna a ke Tai Wono Kunu, o Li Shun Yo, a me elua Kuhina i pau, e noho nui ana ma Iapana, a no ka uluhua hoi kahi i ko ka Moi noho ma ke keena oihana Rukini, ua paipai ae i kekahi poe Kepani i kamaaina ia Korea e hoala ae i kipi no ka hoihoi ana aku i ka Moi iloko o ka halealii e noho ai a e hooponoponoia i aha kuhina hou. Lohe e nae hoi ke Aupuni i keia mea a hoopukaia ae ai kela kauoha papa.
Na Lonolono e ae no Asia.
Ekolu tausani pu-raifela Rukini a me na lako no ia mau pu, i hiki ae ma Seoula i Mei 9, ma ka inoa o ke Aupuni o Korea.
He mokukaua nui a me elua waapa topido ka i kauohaia ma Geremania no ke Aupuni o Kina.
Mei 5, he eono ka nui o na mokukaua Rukini e ku ana ma Chefoo (Sifu). Iloko o keia heluna he elua mau mokukaua hao nunui, ka oi loa aku hoi o na moku ikaika a i pale oolea ia ma ia kahua.
Aia ka ma'i luku ke holapu la ma Honama, Kina. Ua oleloia mai loko ae o kekahi ohana o 21 e noho ana ma ka hale hokahi, he 19 o lakou i pau aku i ka make i loko o na la pokole loa.
Nui ka poino o na mala-ko o ka Mokupuni o Foamosa i kaua, a ua emi mai hoi ka nui o ke kopaa i manaoia mamuli o nei ulia i ike mua ole ia.
Na Hunahuna Laulaha.
Ma kekahi palapala ua hoole ae o Kama'lii Vitoa Napoliona ua haalele aku oia, a i ole ia, ua manao paha e haalele loa aku i kona kuleana i ka nohoalii o Farani.
Ua hoohanohano aku o Emeperoa Uilama ia Li Hana Kana, Kuhina Nui o Kina, me ke Kea Kiekie o ka Oihana Hoohanohano Alii o ka Aeto Ulaula.
Aia ke holapu la ka ma'i samola poki ma Cuba, a ke pii mahuahua loa ae la me ka laulaha loa aku. Ua oi loa ka holapu ana mamua ae o ka ma'i fiva lenalena, ka enemi kuluma mau o ia aina.
He 50 poe luina o kekahi mokukaua Kepani e ku ana ma Anewena Holani i hoohaunaele kipi ae ia luua o ka moku, leleiuka a kue aku i na makai. Ua hoopioia na kipi a hoonohoia ka moku malalo o ke kiai ana a kekahi mahele o na makai.
He pane ka Pohakuhauoli i kakau ae i na olelo a kekahi mea kakau maloko o kekahi o na nupepa o Ladana, e olelo ana: "Ma ko'u manao o ke Aupuni o Tureke ka hoopai nui loa i loaa i na lahui kanaka o ke ao nei, a o ia no hoi kekahi mea hoohaumia nui a ku i ka hoohilahila loa i ka mea pili i na hoomana, ke huiia me ka hoomana Mahomeda, i loaa ma ka papalina o ka honua nei."
Ua lonolono loa ia ma Havana Cuba, ua waiho aku o Kapena Generala Weila a e paniia aku ana oia e Primero Veva ma ke ano Kiaaina-Generala, a e Polavieja ma ke kulana generala poo. Ma Maderida, ua hoole o Kuhina Nui Canovas i keia lono, a pela no ka hoi iwaena e na luna oihana ma Havana. O kahi mea oiaio nae, a hiki mai i keia la, ke mau la no oia ma ia kulana, aole i waiho aku.
He mokukaua ao moana Mekiko ke ku mai ana i keia mau la iho. E hele makaikai ana oia ma na wahi like ole me aa poe aliikoa i hemo mai na kula koa mai no ka hoomaamaa ana ia lakou. E ku iki ana oia no kekahi mau la a holo loa kau no kekahi mau awa ma ke Komohana.
Hui Papa a Kukulu Hale Oahu.
(OAHU LUMBER & BUILDING CO.)
Leleo, Alanui Moi, kokoke i ke Kahua o ka Hui Alahao & Aina Oahu.
Poe Kalepa Laau, Hana Aelike a me Kukulu Hale.
Poe Hookonio Mai a Hoolilo aku i na Puka, Olepelepe, Kini, Pepa, Pena, Aila, Na Pono Kamana,
A pela aku, a pela aku. Telephone 53. Pahu Leta 222.
apl 20-tf
C.E. Williams me Keiki
E d. A. Williams, Luna Nui.
Helu 611, Alanui Moi, ma Wea iho o ka Paq o Aigupita. He mau mea kuai lako hale o na ano a pau loa. He mau mea Haha Pahu Kupapau a Hooponopono Hoolewa.
E hoolakoia no na Kaa Kupapau, na Kaa pio a me ka Kaa ohana.
Ina no e ninau ia laua, e loaa no na Pohaku Kia Hoomanao no na He Kupapau.
O ka Ialoa kekahi hana hiki loa ia laua, aia ia malalo o ka lawelawe ponoi ana a Ed. A. Williams, F.D., he mea i puka pono ma ka Kalaka Kula o ka Ialoa Maikai ana iloko o Mei, 1894.
--NA TELEPONA--
Keena, Helu 179--Kauhale a me Kahea Po,
Helu 815. nov 2-mp feb 3-mp.