Ka Makaainana, Volume V, Number 26, 29 June 1896 — Page 7

HONOLULU, OAHU, POAKAH1. IUNE 29, 1896. 7

 

MOOKUAUHAU ALII.

 

Na Iwikuamoo o Hawaii Nei Mai Kahiko Mai.
MAHELE III.

                E hoomaka ana keia mahele mai ka Moiwahine Kanemake Kapiolani, na Kama'liikane David Kawananakoa a me Jonah Kuhio Kalanianaole, na Kama'liiwahine Elizabeth Kekikuihala Kekaaniau, Theresa Owana Kaohelelani a me kana mau pua'lii, ke Keikialii Albert Kekukailimoku Kunuiakea, Catherine Kaonohiulaokalani, a pela aku, a pela aku.

KO KA MOIWAHINE KANEMAKE KAPIOLANI.

                1. Keawekekahialiiokamoku k noho ia Kalanikauleleiaiwi w. i loaa o Kalanikeeaumoku k a me Kekelaokalani w.
                2. Kalanikeeaumoku k noho ia Kailakanoa w, loaa o Kanekoa k.
                3. Kanekoa k noho ia Kalanikauleleiaiwi II. w, loaa o Poomaikekani w.
                4. Laakea k noho ia Poomaikelani w, loaa o Kuhio k.
                5. Kuhio k noho ia Kinoiki w, loaa o Kapiolani w.

                6. Namakeha k mare ia Kapiolani w, aohe pua.
                7. Kalakaua k mare ia Kapiolani, aohe no he pua.

KA AOAO O KA MAKUAHINE.

                8. Kalonaiki k noho ia Kike-nui-a-Ewa w, loaa o Piliwale k.
                9. Piliwale k noho ia Paakauilea w, loaa o Kukaniloko w.
                10. Luaia k noho ia Kukaniloko w, loaa o Kalaimanuia w.
                11. Lupekapukeahomakalii k noho ia Kalanimanuia w, loaa o Kaihikapu-a-Manuia k.
                12. Kaihikapu-a-Manuia k noho ia Kaunui a Kanehoalani w, loaa o Kekakuhihewa k.
                13. Kekakuhihewa k, noho ia Kahaiaonui a Kauailana w, loaa o Kahaiaonui-a-Kauailana w, loaa o Kahoowahaokalani k.
                14. Kihikapu-a-Kekakuhihewa k, noho ia Kalua-a-Hoohila w, loaa o Kahoowahaokalani k.
                15. Kahoowahaokalani k, noho ia Kawelolauhuki w, loaa o Kauakahi k.
                16. Kauakahi-a-Kahoowakaokalani k, noho ia Mahulua w, loaa o Kualii k.
                17. Kualii k, noho ia Kalanikahimakeialii w, loaa o Peleioholani k.
                18. Peleioholani k, noho ia Lonokahikini w, loaa o Kumahana k.
                19. Kumahana k, noho ia ______, loaa o Kaneoneo k.
                20. Kaneoneo k, noho ia Kamakahelei w, loaa o Lelemahoalani w, a me Kapuaamohu w.
                21. Kaeokulani k, noho no ia Kamakahelei w, loaa o Kaumualii k.
                22. Kaumualii k, noho no i kona kaikuahine ia Kapuaanohu w, loaa o Kinoiki w, a me Keliiahonui k, he mau alii pio.
                23. Kuhio k, noho ia Kinoiki w, loaa o Kapiolani w, Virginia Kapooloku Poomaikelani w, a me Kinoiki II, oia no o Kekaulike w.

KA AOAO O KO KAUMUALII MAKUAKANE.

                24. Kekaulike, moi o Maui, ka i noho ia Holau w, loaa o Kaeokulani k.
                25. Kaeokulani k, noho ia Kamakahelei w, loaa o Kaumualii k.
                26. Kaneoneo k, noho ia Kamakahelei w, loaa o Kapuaamohu w, a me Leleinahoalani w.
                27. Kaumualii k, noho ia Kapuaamohu w, loaa o Keliiahonui k, me Kinoiki w.
                28. Kuhio k, noho ia Kinoiki w, loaa o Kapiolani w, Kapooloku w, a me Kinoiki II w.
                29. Kapiolani w, noho me Namakeha k, aohe pua.
                30. Kalakau k, noho me Kapiolani w, aohe pua.

KO NA KAMA'LII DAVID KAWANANAKOA ME JONAH KUHIO KALANIANAOLE.

                1. Lonoikahaupu k, noho ia Kalanikauleleiaiwi w, loaa o Keawepoepoe k.
                2. Keawepoepoe k, noho ia Kumaiku w, loaa o Keeaumokupapaiaheahe k, a me Alapai k.
                3. Alapai k, noho ia Kamokuiki w, loaa o Kekahili w.
                4. J. Piikoi mare ia Kekahili w, loaa o David Kahalepouli Piikoi. (HOAKAKA--Kamanawa k. noho no me Kamokuiki w., loaa o Kapaakea k,--E nana ae i ka helu 3 maluna ae.)
                5. David Kahalepouli Piikoi mare ia Kinoiki II. w, loaa na Kama'lii David Kawananakoa a me Jonah Kuhio Kalanianaole.

KA AOAO O KA MAKUAHINE.

                6. Ahukina-a-Laa k, noho ia Hai-a-Kamaio w, loaa o Kamahano k.
                7. Kamahano k, noho ia Kaaueanui-o-Kalani w, loaa o Luanuu k.
                8. Luanuu k noho ia Kalanimoeikawaikai w, loaa o Kukona k.
                9. Kukona k noho ia Laupuapuamaa w, loaa o Manokalanipo k.
                10. Manokalanipo k, noho ia Naekapulani w, loaa o Kaumakamano k.
                11. Kaumakamano k noho ia Kapoinukai w, loaa o Kahakuakane k.
                12. Kahakuakane k noho ia Manukaikoo w, loaa o Kuwalupaukamoku k.
                13. Kuwalupaukamoku k noho ia Hameawahaula w, loaa o Kahakumakapaweo k.
                14. Kahakumakapaweo k noho ia Kahakukaena w, loaa o Kalanikukuma k. (Aole i pau.)

 

J.K. KAHOOKANO.

LOIO a he Kokua ma ke Kanawai.
KEENA HANA: Alanui Kaahumanu
Honolulu. ian 8, '94 1mk

 

PAKELE MAI EHA.

 

Ko Makou Puuku i kela Laau Kookoa Nui.

                Mamuli o na laweia haanui ana mai a na manu piheetero i kela huaolelo maluna ae, ua pihoihoi koke ae la makou e haawi i ke kauoha i na limahana o makou e hoopakele koke ae i ko makou Puuku mai na hoeha ana 'la a kekahi Samesona. A i ka noii pono ia ana aku o ka oiaio o keia mau lono piheetero, eia iho ka moolelo i loaa mai a e hu ai ka aka: Aole he Samesona ka mea i manao e hoeha i ka Puuku, aka, he wahi ukulele liilii aki maa mau (wahahee) malalo iho o ke kumu huelo o ka ilio nui, a o kela huelo wale no ke oni i ka maneo, aole nae he eha o ka ilio, malia pela no hoi paha keia. Ua loaa pono nae ia makou ka mea nana na olelo keha penei: "Mai eha hoi ia'u o Hoke, hele aku nei a hiki i ona la, o kona noho malie no hoi ke kumu o'u i hoeha ole ai, a e okalakala mai eha ia'u." Eia ka o J. Kanui ua mea la.
                A ia makou nae hoi i ninau pono aku ai i ko makou Puuku, na hoike mai oia ua nui io no ko Kanui huhu, ua hele a haikea, pii ka hua i ka nuku, a ano paupauaho ke kamailio ana. Eia nae , aole oia i hoao e hoeha aku, oiai no nae hoi, e paa ana no oia i kona kookoo nui ma kona lima akau. "Ina ka i hoao aku," wahi a ko makou Puuku, "ku e kona auwae a huli ke alo iluna a he make ka hopena.
                I ka Poakolu, La Kamehameha, ua hui aku no ka ko makou Puuku me ia a me J. M. Poepoe ma ke kihi o ka hale inu rama Helauma, a ua olelo mai la oia i kona minamina no kana mau olelo o ka Poakahi aku, a ua mihi ae. Pela no i hele hou mai ai e hui me ko makou Puuku ma kona keena i ka Poaha mai, me ka mihi no e like me kela maluna ae. Wahi ka ana, "mamuli no ka ia o kona moomoo ano e," a me ka nahenahe o ka leo, ua noi aku e hoololi ae KA MAKAAINANA i ka mano o kela hunahuna mua, a mamuli paha hoi o ia i komo ai kela manao pepa ma kela helu aku nei. Ua manao ka ko makou Puuku e kuhikuhi mai iaia i ka Lunahooponopono, oiai, aole ona kuleana i na manao o ka pepa, aka, o na mea pili dala wale no. Eia nae, i mea hoopokole hana, ua nei mai oia, a pela i komo ai he manaopepa i kahi helu mai.
                Pehea no la e hiki ai ia Kanui ke pepehi i ko makou Puuku ke hoopaanaau mua ole oia i ka hana a kahi ululele. Ua ninau aku makou i ko makou Puuku i ke kulana hekili o kona mau lima, o kana wale no i pane hoomakeaka mai ai, penei: "Ina ua molowa ka elemakule poohina i ka paa loihi o ka papa auwae ona, alaila, eia ia'u ka hamare e nele ai oia i ka puka hookomo ai ole." Wahahee no pahao Mahometa Kanui ka aa aku o ka mauna ke hele mai i ona la.

 

Na Aumokukaua o Enelani.

                Iloko o Novemaba o ka makahiki i hala, ua hiki aku la i ka 300 ka nui o na mokukaua o Beritania Nui i komisinaia, oia hoi, 48 mokukaua i lako pono me na mea kaua o na ano a pau, 196 mokukaua aole i lako pono, 7 mau moku hoomaamaa, a me 2 moku ao, 16 mokukaua kiai ma na kapakai, 13 mokuhae, lawe lanahu a me lawe ai, a me 18 moku ao paikau moana. Ma ka hoonohonoho pono ana, ua ikeia he 32 mokukaua i makaukau no ka wa kaua, 23 moku kiai awa, 263 mokukaua holo loa o na papa like ole, a me 118 moku topido. Iloko o Ianuari 1 o keia makahiki; ua kapili hou ae la o Enelani he 10 mau mokukaua maoli, 22 mau mokukaua holo a me 37 moku topida, i hiki aku ka huina nui o na tona i ke 88,850. Ua hiki aku ka huina nui o na lilo no ka 1895-96 i ka $1,00,000,000, no na mokukaua wale no.

 

Ma Ke Kauoha

 

HOOLAHA WAI.

                I kulike ai me ka Pauku 1, o ka Mokuna XXVI, o na Kanawai o 1886.
                O na poe a pau loa e paa ana ina pono wai a e uku ana paha hoi i na uku wai, ke hoikeia aku nei ka lohe ma  keia, ua kupono, a e ukuia hoi na uku wai no ka manawa e pau ana i Dekemaba 31, 1896, ma ke keena o ko Honolulu Oihana Waimaka la 1 o Iulai, 1896.
                O na uku wai e koe ana i uku ole ia no umikumamalima la mahope iho o ke kupono ana e ukuia, e hookauia no he uku kaulele o 10 pa-keneta.
                Aia ma ke keena o ka Oihana Wai ma Kapuaiwa Hale e ukuia ai na uku wai.
ANDREW BROWN,
Luna Nui o ko Honolulu Oihana Wai.
Honolulu, H.I., Iune 15, 1896.
iun 15 3maw

 

E.M. NAKUINA.

KOMI SINA O NA ALA LIILII A ME NA PONO WAI.
Notari Lehulehu, a he Agena Haawi- Palapala Ae Mare no Honolulu nei.
KEENA HANA: Helu 303, Alanui
Kalepa. dk--1m

 

Robert Napunako Boyd

(I TALIA.)
He Ana aina a he kokua no hoi ma ka hooponopono ana i na waiwai paa, huli ana paha i na Buke o ka Aupuni, a pela aku.
Keena Hana: Mauka iho o ka Hale Leta, maluna ae o ka haleaina Pake,
Alanui Hotele. apl 13-mp

 

C.B. DWIGHT

[KALE KUAIKA.]
Mea Hana Pohaku Kaekae Alanui, na He Kupapau a me na Kia Hoomanao Mahala.
E loaa no oia ma kona wahi noho ma Koiuiu, Honolulu nei. Telepona Helu
833. 17-1mk