Ka Makaainana, Volume VI, Number 1, 6 July 1896 — Page 2
| This text was transcribed by: | Kate Motoyama |
| This work is dedicated to: | brother mark kalahele |
Ka Makaainana.
2 HONOLULU, OAHU, POAKAHI, IULAI 6, 1896.
--
IOSEPINE
--KA--
EMEPRESE PUUWAI OLU
O FARANI.
--
MOKUNA III.
HOPUIA ANA O BOILANE A ME
IOSEPINE.
Iloko o keia manawa a laua e kukai olelo ana i komo mai ai o Bohane iloko o ka rumi, a me kona mau waimaka e kulu ana i lele aku ai oia (Iosepine) maluna o na lima o kaua kane, a olelo aku la i ka malihini "Ke ike nei anei oe, e ke kanaka kumeka kamaa, i ka'u kane?"
"Ua loaa ia'u ka hanohano o ka ike ana aku iaia," wahi a ke kanaka kumeka kamaa i pane mai ai.
Ia manawa i hoike mai ai ua kanaka la i ke kumu o kona hiki ana mai, me kona olelo pu ana mai e huli aku o Bohane i wahi hou aku nona e noho ai, a i ole ia, e luna iho iaia ma kekahi wahi okoa ae o ko laua hale.
No keia mau olelo maikai a ke kanaka kumeka kamee, ua lilo ia ma kekahi ano he mea maikai i ko Bohane manao, a ua ulu ae he manao iloko on a e haawi aku i makana kupeno iaia no kaua hana maikai o ka hoike e ana mai i ka lono hoehaeha naau iaia a me kana Iosepine, a iaia nae i hoike aku ai imua o ua kanaka la, ua hoole mai la o ia. Ua hoomau mai la no nae oia i ka olelo ana," E holo olua e hoopakele i ko olua mau ola mai ka make ae."
Pii ae la ka ula maluna o Behane i kela wa a me ka leo kalakala oia i pane aku ai: "Aole loa au e holo; heaha ka lakou e hoahewa mai ai ia'u?" Ua aloha au i ke kuokoa He mau lima ko'u e kakoo ana i ka hookahuli Aupuni."
"Pela no," wahi a ke kanaka opio i pane mai ai, "aka, he mea hanohano oe a imua o ua maka o na poe e manao nei e kue ia oe, he hewa karaima kou--he hewa hiki ole ke kalaia ae. A o kekahi no hoi, ua hoahewa mai lakou ia oe no kou lilo aua he hoa no ka Ahaolelo."
He oiaio ia," wahi a Boahne, "aka nae, he lei hanohano loa ia no'u Owai ka mea e hoole mai ana aole he hana hanohano no ke kanaka kona imi ana i pono no kona lahui, ka malamaia o na kanawai a me ka haulehia o na hana ino?"
"O na kanawai hea?" i kamailio ae ai o Iosepine. "Me ke kula keke i kakauia a ia mau mea."
"E Madame," wahi a ke kanaka kumeka kamaa me ka leo huhu, "i ka wa e kauuia ai ke kumulaau o ka manao lili iloko o ke kanaka no ke ake e hoomauia ka noho'na aupuni mua, he mea pono e hooma uia ia me ke koko o ka enemi."
Alaila, huli ae la ua kanaka Iakobine la a pane ae la ia Bohano, "Iloko o hookahi hora mai keia wa aku e hoopakele ai oe i kou ola. Ua makemake au e hoopakele ia oa, no ka mea, ua ike au ua hewa oe. O ka hana hoa'loha kou i hana ai. Aka nae, in a au e kauohaia mai e hopu ia oe, e kala mai oe ia'u, e hooko ana au i ka hana."
Haalele iho la ke kanaka opio ia laua a puka aku la, a oia no ka manawa o Iosepine i kamailio mai ai ia Bohane e holo i pakele kona ola. "Mahea au e holo aku ai?" wahi a kana kane i pane aku ai. "He wahi huna anei kahi maanei e hiki ai ia'u ke huna ia'u iho, a he pahuhao anei kahi maanei e hiki ai ke nalowale ae au mai na maka aku o Robesebia? E haawi pio aku kaua. No ka mea, aole e hiki ia'u ke holo in a ua kau mai ka lakou hoahewa ana maluna o'u. Aole loa au i makau no ia mea." Mahope iho o ka hala ana o na hora elua, komo mai la iloko o ko laua hale he ekolu mau kanaka i aahuia me ua kapa koa, a e ukali mai ana hoi mahope o laua he puali o na kanaka me na lako kaua. Iwaena o keia poe ekolu i komo mua mai ai o ke kanaka kumeka kamaa kahi. A oia ponoi ka mea i hele mai a heluhelu i ka palapala hopu imua o Bohane a alakai aku la iaia no ka halepaahao, a waiho iho la ia Iosepine e noho iloko o ke aloha no kana kane i hookawaleia aku mai kona poli. Ua lehulehu na poe i hele mai e hoomalielie i kona mau manao uluku o ke aloha kane, aole nae e hiki iaia ke pale ae ia mea.
Ua nui na manawa o Iosepine i hele aku ai e noi no ka hookuuia o kana kane mai ka noho pio ana, aole nae i oaa ka aeia. O kau mau hoao ana a pau e hookoia kona makemake, aole no hoi he aeia. A i wahi hoi e hiki ole ai i na keiki ke hoomaopopo ae ua paa ko laua makuakane iloko o ka halepaahao, ua hoike aku la oia ia laua ua hele aku la ko laua makuakane no kekahi wahi e hoolanalana ai mamuli o ke onawaliwali o kona ola kino. I kekahi la ua hele aku la oia e noi no kona aeia mai a me na keiki e hele aku e ike i ka makuakane, a ua aeia mai. Ua hui pu iho la o Bohane me kana wahine a me na keiki iloko o kona rumi i hoopaaia ai no kekahi manawa, me ka mokumokuahua o ka naau. I ko lakou hoi ana mai mai ka ike ana, ia Bohane, ua kamailio aku la o Hotenese i kona makuahine, na nuku loa ka rumi o kona makuakane, a aole hoi i kupono no kekahi kanaka ma'i e like me ia. O ia mau olelo no kana i hele aku ai a kamailio i kona kaikunane, me kona olelo pu ana aku
"He manaoio anei kou he ma'i io ko papa? Ina he ma'i kona, aole paha ia he ma'i o hiki ai i na kanaka ke lapaau."
"Heaha kau e kamailio nei, e kuu keiki?" wahine a Iosepine. "Ua manao anei oe, he hana malu kekahi a mana i hoolala ni no ke alakai hewa ana ia oe?"
"E kala mai oe ia'u, e mama, ua manaoio au, pela," wahi a ke kaikamahine. "Ea, e kuahine," wahi a Eugene," penea oe i manao ai pela?"
"No ka mea, iwaena o ka noho'na ohana ana o kekahi poe maikai, ua lilo i mea hooululua ia lakou ka noho aku o na keiki imua o ko lakou alo me ka hoopalaleha ma na mea e pono ai ka noho ana a me ka hanohano o ka inoa. Aole anei pela, e mama?"
Aole e hiki i ka makuahine ke pane koke mai, no ka mea, ua kahaha loa oia i ka naauao loa o na olelo a ka laua kaikamahine, aole nae hoi he mea i hoolalaia e laua o ia ano, eia nae, ua puka mai ia mau olelo me he mea la ua hoonaauaoia oia ma na kula kiekie a ua ike hoi i ka noho'na kane a wahine. A liuliu nae kona nana pono ana aku maluna o kana mau keiki, ua kamailio aku la oia me ka hoomalielie ana ia laua i ole ai e hooulukuia na manao ano e iloko o laua.
A no Bohane hoi, i kona wa i hui pu ai me kana wahine a me na keiki maloko o ka halepaahao, ua kamailio mai oia me ka manao kuio i kona hoahewa i na poe i hoopaa pio iaia. Aole oia i hopohopo a makau no ua poe e noho mai ana mawaho e hoolohe i kaua mau olelo a e hoopaa la hoi iloko o ka lakou mau pepa hoomanao. I kela a me keia manawa ua kiai paa loa ia oia.
He mau la mahope mai ua hopuia iho la hoi o Iosepine a hooleiia iloko o ka halepaahao. O na keiki hoi, ua hooweliweliia aku la i mea no laua e hoopuka mai ai i kekahi mea e hiki ai ke hoahewaia ko laua mau makua, aole nae he mau moali o ia ano i loaa mai ua keiki aku.
[Aole i pau.]
--
Ma ka po Poalua, hoa hoao iho la o Chas. Yalpoon, kekahi o na makai kaulio o Honolulu nei o noho nei mauka o Alanui Kula, kokoke i Alanui Liliha, e lawe i kona ole iho ma ka iuu ana i ka laaumake (carbolic acid), aole nae i ko kona makemake. Ua kii koke ia ke kauka a ua lawelawe koke ia na mea e hiki ai ke hoopakele ae i kona ola. Ua mo'a pu kekahi aoao o kona papalina.
Ma ka la eiwa o Iulei e malamaia ai ka hoie o ke kula o Sana Paulo me Iakapala, Kohala Akau, Hawai.
Ua make ma la la 11 o Iune iho la o Ross Kilani, ma Naalehu, Kau, Hawaii, kekahi o ko makou mea law@ pepa. Aloha no!
Ua loaa hoi mai nei no @ ka Australia @ ka Poakahi, Iune 22, he puui manu opeapea, a ua pau no ka hookuuia no ka hoolaha aia. Ea, manuunuu mai nei ka hoi ua opeapea, heaha mai ana la ka hana a ke opeapea?
--
Hoolaha Hoohui.
Ua hoo@ ae o L. H. Dee a me H. A. Juen ia laua iho i keia la, no ka lawelawe ana i ka oihana kalepa Mauu, Hua, a Mea-ai a na holoholona malalo o ka inoa hui o ke CITY FEED STORE, kihi o na Alanui Puowaina me Beritania ma Honolulu nei, o ko Hawaii Paeaina. iun 22-3mnw.
--
HELE HOOLUOLU.
O. R. L. Co.
MA NA POAONO. ME NA LA PULE.
E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 ame 5:55 P.M.
Na Palapala Uku Puni.
Papa 1. Papa 2.
Manana - - $ 75 $ 50
Mahiko o Ewa - - 1 00 75
Waianae 1 50 1 25
F. C. Smith,
Agena Ohua a Palapala Nui
feb 10-tf
--
HALEKUAI LAHUI KALAHIKI.
Helu 405, Alanui Moi, ma waikiki aku o Alanui Nuuanu, ma ka aoao mauka, ke keena mua o ka Hawaii Holomua."
Ma ia halekuai o na oiwi e loaa ai na ano a me na paihi o na ano hou loa, e laa
Na Kalakoa. Na Keokeo,
Na Makalena, Na Kinamu,
Na Huluhulu, Na Lihilihi,
Na Kamaa o na Kane, Wahine me Keiki, a pela aku.
Oluolu ke kuai ana. Aohe hewa ke kipa mai e ikemaka, a aohe no hoi ke kunu kunuia no ka hoikeike ana i na mea kuai.
M. PALAU, Luna Nui.
ok 14-tf
--
Hui Papa a Kukulu-
Hale Oahu.
(OAHU LUMBER & BUILDING CO.
Leoleo, Alanui Moi, kokoke i ke Ka-
hua o ka Hui Alahao & Aina Oahu
--
Poe Kalepa Laau, Hana Aelike
a me Kukulu Hale.
Poo Hookomo Mai a Hoolilo aku i ua
Puka, Olepelepe, Kui,
Pepa, Pena, Aila,
Na Pono Kamana,
A pela aku, a pela aku.
Telepone 53. Pahu Leta 222
apl 20-tf