Ka Makaainana, Volume VI, Number 3, 20 July 1896 — Page 2

Ka Makaainana.

HONOLULU, OAHU, POAKAHI, IULAI 20, 1898.

 

NA AINA MAMAO.

-----

Mau Lono Huikau mai keia a me kela Wahi Like Ole.

Maalea Rusia ia Iapana.

            Ua hoolaha ae ka nupepa Telegarapa o Honokona i kekahi lono telegarama hoopuiwa e hoike ana ua hoopua ae ka o Rusia ia Iapana e haalele a e unuhi aku oia iaia iho mai Foamosa aku.  Ina he oiaio a he oiaio ole paha keia lono, he mea ano e nae hoi ko Rusia hoakoakoa ae i kekahi puulu ikaika o ua mokukaua ma Valadivosetoka, 100,000 kanaka a me ua lako nui hewahewa o na opno kaua.  Aia o Enelani ke kahea la i kona poe mokukaua emi mai o ka ikaika a ua hoopiha aku i ko lakou mau wahi me na moku oi ae o ka ikaika, eia nae, ua oleloia oia ka helu ekolu o na @@ua ikaika kaua moana ma ka Hikina, o Rusia nae hoi ka helu ekahi a ua maopopo ole ka helu elua.  Ua olelo oolea ae na nupepa Kepani no nei ano hana a Rusia ma ke ano he kahua hana maikai o ke ano hookaumaha.

            Ua olelo ae hoi ka nupepa Honua Hikina ua kipaku maoli aku no o Rusia ia Iapana mai Korea aku, a ua hoolaha ae i kekahi manao loihi e hoakaka ana i ke ano kamahao o na mea e hanaia la me ke ku nana o ke ao holookoa nei me ka puili o ua lima, a me ke ano hoihoi a hiki ole hoi ke kokua aku a ku nana aku i keia mau lawelawe hana nui a Rusia no ka hoomalu ae i ka Hikina.

            Ano no i hoopauia mai nei na kiai luina ma ko Rusia keena oihana kuhina ma Korea a ua paniia aku ko lakou wahi e kekahi mahele o kauawalu poekoa helewawae Rukini. He iwakalua aliikoa kaualio me pukaa i komo aku i ke kulanakau hale me na koa helewawae. Ua hoikeia ae ua kukulu o Rusia i papu iluna o ka Mokupuni o Getesu-Fito, a ua kaoia ae hoi he pukuniahi iluna o ke keena oihana Rukini ma Korea me ka haliu pololei aku i ko Iapana keena kanikela. Na keia mea i hoolilo aku i na poe Korea naaupo e wiwo ia Rusia a e hoowahawaha hoi ia Iapana.

Kela Haiolelo a Generala Camaposo.

            Mawaho ae o ka mea i hoike ano nui ia aku ma ka helu i hala, ke panai hou aku nei ma kou i kekahi mau mea e ae e pili ana no kela haiolelo a Generala Camaposo e pale ana no kana mea i hana ai ma Cuba. Me ke kue ole i ke Aupuni, ua olelo ae oia in a aole oia i hooko i kekahi mau hana no ka hooponopono a hoomaemae ana ia Cuba, o ke kumu o ka hooko ole ia ana aole oia i kauohaia aku e ke Aupuni e hana aku pela. Ua hooki oia i kana haiolelo ana me kekahi uwalo ee hia a hoalohaloha e hana aku ke Aupuni a me ka lahui i na hana a pau e hiki ana maloko mai o ka mana i loaa ia lakou a me na hana i hiki ia lakou ke haawi aku, in a no he mau ae a hooluolu kupono ana aku kekahi, i loaa ai hoi he mea e hoopauia ai o ke kaua i hiki aku ka poino in a kahi o 20,000 ola a me $100,000,000 o ka makahiki.

            Na Kuhina Nui Canovasa ponoi no i pane aku ia Ilamuku Camaposo a me kekahi Senatoa kokua i ko Cuba pono e noho kuokoa, oia o Senora Labara, oiai, na keia mea hope na olelo o ka ike koke ia ae o ko Cuba kulana kuokoa ke alanui maalahi a pokole loa e loaa ai o ko Cuba hoomalielieia. Me ka ika ika ke Kuhina Nui i haiolelo ai, me ka nui o ka paipaiia e ka Aha Senate a me ka lehulehu, e kakoo ana no hoi i kana ka hua hana a me kona hoole loa i ka haawi ana aku i kekahi hooluolu ana ma Cuba aia a pio ke kipi. Alaila, ia wa auanei, wahi ana, e hoomahele loa aku ai oia ma ka hooko ana aku i kekahi mau kuko ana a ko Cuba poe, in a hoi e loaa ana me ia haawina kuokoa hooponopono ku loko a ano e ae paha me ka hoomauia o ka ninau hoomalu kiekie ae o Sepania ma Cuba. Nui loa ka hauoliia o keia haiolelo a ke Kuhina Nui e na poe o ka aoao Kahiko a me na poe o ka oihana kaua.

Mau Lonolono no Cuba.

            O na põe kipi i hopuia ai maluna o na mokumahu Kulanakauhale o Ki Komohana a me na Hoaʻloha Ekolu, mahope o ka hookolokoloia ana mai nei ma Ki Komohana, Felorida, ua hookuuia no ka lawa ole o na olelo ike.

            Ua hooweliweliia o Owene Militona, he pio Amerika no luna mai o ka moku Comopetitoa, maloko o ka papu o Cabanasa, e kekahi aliikoa Sepania, no kona ae ole e hoike aku i ka inoa o kekahi mea i kakau palapala ae iaia me ka inoa kapakapa mai Ki Komohana aku a he $10 ko loko o ua palapala la.

            Ma Nu Ioka ua lokahi ole ke kiure ma na hihia o Kapena John OʻBrien, Konela Nuneze a kekahi poe e ae. Ua hopu hou ia ke konela no ke kue i na kauawai noho kuikawa ma kona lawe ana i kekahi huakai kipi no Cuba maluna o ka moku Laurada. He bela o $2,500 ma ke dala kuike maoli kana i haawi ae.

Na Hunahuna Laulaha.

            Aia na põe Moremona ke hoohulihuli la i kekahi poe ma Nu Ioka a hoouna ae ia lakou no Uta.

            Ua lonoia ae aia ke Kedive o Aigupita ke manao la e holo no Europa maluna o kona moku holoholo ponoi, me ke ku mua aku ma Kofu a me Pilipolisa.

            Elua mahele bataliona o na koa Ureke ma Ieda, i loaa uku ole mai 1894 mai, ua hoole nui i ka holo aku no Kerete, a ua hoopaa ae ia lakou iho iloko o ko laila luakini.

            Ua lonoia ae ua kohoia o Horatio Guzemana i hoa no ka Ahaolelo o Nacaragua mai ka aoao Liberala, aka, e hoole ana oia mamuli o kona manao ana iho aole oia i koho pono ia. He Kuhina oia i Wasinetona mamua.

            E hoomaka koke ia aku ana ka hana ana o kekahi mau papu nui hewahewa no Nu Ioka. O na hana ma Papu Wadawota a me Sanade Huka e hiki aku ana ka lilo i ka $10,000,000, aka, o ka makamua wale no ia. Ke pau pono na hoolala ana i ka hookoia e hiki aku ana ka lilo ma kahi o $50,000,000

 

Mau no ka Ikaika o na Au.

            O na põe o Europa e ola mai nei i keia wa, ua elemakule a luahine no hoi, aka, he oia mau no ka ikaika a me ka ike hookele aupuni maluna o lakou. Ke lawe mai nei makou i kekahi poe o lakou a hoomaikeike aku imua o ko makou poe heluhelu, oia hoi: Moi Vitoria, ua kokoke e piha ke 77 o kona mau makahiki i keia wa; ke Keikialii Hoheuelohe, 71;  Kouna, Galuchowsky, ke Kuhina Nui hou o Auseturia, 65; Keikialii Lobanofa, ko Rusia Kuhina Nui, 67; Sigaor Crispi, Kuhina Nui o Italia, 77; ka Pope o Roma a me Pohakuhauoli, 86; a o ke Keikialii Bisimaka hoi, he 81; Haku Saulebure o Enelani, he 65.

 

            I ka hapaha i hala o ke keneturia ua lulu ae na hoahanau o ka Ekalesia o Enelani no ke kokua ana i na hana pili ekalesia i hui mai malalo iho, penei: No na kula kahunapule, @528,658; hana a hoomaemae hou ana i na luakini. @34,175,000; ua oihana kuloko, @7,426,478; na oihana kuwaho, @10,100,000; hoomahele ana ma na haawina mua o ka ike, @21,362,041; na ahahui kokua aloha, @3,818,200; na kokua aloha no na kahunapule ilihune, he @2,102,364.

 

Waina Kaleponi ma Halehai,

                        He mea ano hou no ka Union Saloon, Halehai@ e hoomaka ana i ka la apopo o ia ke kuaiia aku o na Waina Kaleponi maikai loa no ke kumukuai e like me ko na wahi e ae. E hele nui mai, a e ike no oukou iho.

E. S. CUNHA.

Honolulu, Iulai 13, 1896

iul 1@ @ml

 

Waiubata! Waiubata!

            E loaa no ka Waiubata o na Kona mai ma koʻu wahi ma Alanui Maunakea, no 35 keneta o ka paona hookahi. Hala ae no hoi ia, e a iho no na io Kamano momona o Keomolewa a pela iho no hoi me na Opu Bipi.

G. W. KUALAKU.

iul 13@1ml

 

Ilio Loaa.

            He Ilio Kane Keokeo, ua muumuu na pepeiao, eia iaʻu. O ka mea nona ia e kii mai me ka uku pu i na lilo o keia hoolahi a me ka malama ana.

LIKELA WAILEHUA.

Waiawa, Ewa, Oahu, Iuʻai 11, 1896.

iul 13-2pl

 

AHI

[PAIKII.]

Helu 89,          Alanui Nuuanu.

            PAIKII- Owau no nei, o ko oukou hoa kamaaina kahiko loa. E kipa mai, he emi loa na kii o na ano a pau ma koʻu hale paikii.

 

            NA LAKO HALE - Oluolu a makepono loa ke kuai ana o na Moe, Noho, Koki, Pahu lole, Pahu ume, Pahu ku, Pahu-kupapau, Pela, Uluna, Moena, a pela aku. Em. loa.

 

            E loaa no kumukuai maikai kupono no ke Keleawe a me ke Kepau.

iun 22-6ml

 

C. E. Williams me Keiki

Ed. A. Williams, Luna Nui.

Helu 611, Alanui Moi, ma Ewa iho o ka Pa o Aigupita.

 

He mau mea kuai lako hale o na ano a pau loa.

 

            He mau mea Hana Pahu Kupapau a Hooponopono Hoolewa.

            E hoolakoia no na Kaa Kupapau, na Kaa pio a me na Kaa-ohana.

            Ina no e ninau ia laua, e hoaa no na Pohaku Kia Hoomanao no na He Kupapau.

 

            O ka Ialoa kekahi hana hiki loa ia laua, aia ia malalo o ka lawelawe ponoi ana a Ed. A. Williams. F. D., he mea i puka pono ma ka Kalaka Kula o ka Ialoa Maikai ana iloko o Mei, 1894.

NA TELEPONA

Keena, Helu 179 - Kauhale a me Kahea Po, Helu 815.

nov 2-mp.        feh 3-mp

 

Robert Napunako Boyd

(ITALIA)

            He Ana-aina a he kokua no hoi ma ka hooponopono ana i na waiwai paa, huli ana paha i na Buke o ke Aupuni, a pela aku.

            Keena Hana; Mauka iho o ka Hale Leta, maluna ae o ka haleaina Pak@ Alanui Betela.

apl 13-mp

 

C. B. DWIGHT

[KALE KUAIKA.]

            Mea Hana Pohaku Kaekae Alanui, na He Kupapau a me na Kia Hoomanao Mabala.

 

            E loaa no oia ma kona wahi @oke ma Koi@, Honolulu nei. Telepona Hele 833.

27-1ml