Ka Makaainana, Volume VI, Number 3, 20 July 1896 — Page 7

Ka Makaainana.

 

HONOLULU, OAHU, POKAHI, IULAI 20, 1896             7

 

MOOKUAUHAU ALII.

 

Na Iwikuamoo o Hawaii Nei Mai Kahiko Mai.

[Hoomauia mai kela helu mai]

 

            KO NA KAMA'LIIWAHINE BERNICE PAUAHI, RUTH KEELIKOLANI A ME KO A. K. PALEKALUHI MA.

            1. Keawekekahialiiokamoku k noho ia Lonomaaikanaka w, loaa o Kalaninuiamamao k.

            2. Kalaninuiamamao k noho ia Kamakaimoku w, loaa o Kalaniopuu k.

            3. Kalaniopuu k noho ia Kapekapolei w, loaa o Keoua Kuahuula k a me Pauli Kaoleioku k.

            (HOAKAKA - Ma na aoao 333, 334 a me 335 o ka Buke II. a Aberahama Fonana, ua hoikeia ke keiki kamehai o Pauli Kaoleioku na ka na'i aupuni Kamehameha I, a oia hoi kana keiki o ke wa heu ole, oiai oia e noho a@a i ke aloalii o ka Moi Kalaniopuu.)

            4. Pauli Kaoleioku noho ia Luahine w, loaa o Konia w.

            5. Pauli Kaoleioku noho ia Keoua w, loaa o Pauahi w.

            6. M@ Kekuanaoa noho ia Pauahi w, loaa o Ruth Kehikolani (O Kahalaia kekahi kane a Pauahi w, a ua manaoia no hoi oia ka makuakane o Ruth Keelikolani; a o ka kekahi hoi, o M. Kekuanaoa; aka, ua hooholoia e ka Aha Kiekie o M. Kekuanaoa.)

            7. Paki k noho ia Konia w, loaa o Bernice Pauahi w.

            8. C. R. Bishop mare ia Bernice Pauahi, aohe pua.

            9. W. P. Leleiohoku (ke keiki a Kalaimoku k me Kuwahine w) mare me Ruth Keelikoloni, loaa o W. P. Kinau.

 

MA KO PAKI MA AOAO.

            10. Kaulahea k noho ia Papaikaniau w, loaa o Kekaulike k.

            11. Kekaulike k noho ia Kekuiapoiwanui w, loaa o Kamehamehanui k.

            12. Kamehamehanui k noho ia Kekumano w, loaa o Kalanihelemaiiluna k.

            13. Kalanihelemaiiluna k noho ia Kawao w, loaa o Paki k.

            14. Paki k noho ia Konia w, loaa Bernice Pauahi w.

 

MA KO KEOUA (W) AOAO.

            15. Kaulahea k noho ia Papaikaniau w, loaa Kekaulike k.

            16. Kekaulike k noho ia Holau w, loaa o Kekauhiwamoku k, Kaeokulani k a me Manuhaaipo w.

            17. Kekauhiwamoku k noho ia Haalou w, loaa o Kauhiwawaeono k a me Kuapoi-ula k, ka wahine hoi a Kahahana, Moi o Oahu.

            18. Kauhiwawaeono k noho ia Hauwahine w, loaa o Keoua w, Kanahoahoa k a me Kaloloua w.

            19. Pauli Kaoleioku noho ia Keoua w, loaa o Pauahi w.

            20. M Kekuanaoa noho ia Pauahi w, loaa o Ruth Keelikolani w.

 

KO A. K. PALEKALUHI MA

            1. Kaulahea k noho ia Kalanikauleleiaiwi w, loaa o Kekuiapoiwanui w.

            2. Kekaulike k noho pio ia Kekuiapoiwanui w, loaa o Kamehamehanui k.

            3. Kamehamehanui k noho ia Manuhaaipo w, loaa o Kalaniulumoku k.

            4. Kalaniulumoku k noho ia Kaalii w, loaa o Loeau I. w.

            5. Koakanu I. k, noho ia Loeau I. w, loaa o Liliha w.

            6. Liliha w noho me Namaile k, loaa o Abigail Lanihau w, a me Jane Loeau w.

            7. Liliha w noho me Kamaile k, loaa o J. F. Koakaau, Maheha w a me Kaili@oa w.

            8. Liliha w no noho me Haalou k, loaa o Mary Kiliwehi.

            9. Liliha w hou no noho me Kulinui k, loaa o A. K. Palekaluhi k.

            10. Abigail Lanihau mare ia Kaule k, aohe pua.

            11. Jane Loeau mare ia Kale, loaa o Paki-liilii k.

            12. Maheha w noho me Keaupuni k, loaa o Keano w.

            13. William Hoapili Kaauwai mare ia Kiliwehi w, aohe pua.

            14. Lihilihi k mare ia Keano w, loaa o Kekuiapoiwa k a me William Hoapili

            15. J. F. Koakanu mare ia Peke w, loaa o Mary Lanihau.

            16. Mary Lanihau mare ia Opeka k, loaa he poe keiki lehulehu e ola nei.

            17. A. K. Palekaluhi mare ia Kaluna w, loaa o John Kamehamehanui. Ua make no ia ka 1880.

[Aole i pau.]

 

Liilii Koe, Poino o Take.

            I ka Poakahi i hala, ia Kealoha, he opio kuai pepa namu ma na alanui o ke kulanakauhale nei, i lele iho ai mai luna aku o kekahi kaa kikane no ka holo ana aku a kau iluna o kekahi kaa okoa aku, o ia no ka wa i holo mai ai o kekahi kaapio a hooku'i me ia a hina aku la oia ilalo a pii aku la na huila maluna ona a moku ke poo, ma ka aoao hema a me ka lae. Ua hoi aku kahi keiki a ka hale a holoiia a pau ke koko a ka@@a i ka laau. I keia wa ua ano oluolu oia, a ke kuai nei no i ke Kuokoa namu ma na alanui o Honolulu nei. Ea, Take, i ka holo nui loa no hoi paha kahi, no ke ake no nae paha hoi kahi e pau loa aku na nupepa i ka lilo.

 

            He 233 mau ohua Pake a me 79 Kepani a ke Kina i haliahali mai ai no keia awa.

 

Kau Kiure o Augate.

            E whwe ana ke kau kiure o ka Aha Hookolokolo Kaapuni, Apana Ekahi, ma ka Poakahi, la 3, hora 10 kakahiaka, imua o Lunakanawai Kaapuni Kaaka. Eia iho ka papainoa o na kiure i ohiia:

            Na Haole - Henry Davis, W. H Hopper, Frank Hustace, William Lucas, F. J. Lowrey, Fritz Rowald, J. J. Egan, L H Dee, Archie Turner, C. V. Sturdevant, T. M. Starkey, J. M. McChesnev, C. H. Atherton, C. B. Huston, S. I. Shaw, W. M. Cunningham, George S. Harris, Jr, C. B. Gray, W. C. Wilder, Jr, L. C. Ables, F. C. Smith, George Angus, J. S. Martin, George Grey, V. J. Fagerroos, E. M. Marshall, William Chamberlain, D B Smith, Theo Wolfe, W W Dimond, George Dillingham, JJ Lecker, John Phillips, C M V Forster, C J Ludwigsen a me H G Wooten.

            Na Hawaii - H N Crabbe, J Nalau, Isaac Adams, Wm Chung Hoon, Kahololio, L P Fernandez, Eli J Crawford, T C McGuire, James Spencer, Adam Puaaloa, A K Kunuiakea, Jas Mahoney, C A Long, C P K Kamoa, E Lazarus, G R Keomaka, Solomon Mahelona, John Crowell, Pinehaka Niahe, Pamalo Huli, H J Messman, James H Bolster, John Galbraith, A M Kakina, D H Kahanamoku, C P Kanakanui, James Morse, Marcus R Colburn, U H Jones, S L Kinimaka, W C Elia, D K Naone, William McGurr, Douglas Brown, John Ahsing a me Samuel Moloi.

            Eha mau inoa o nei papa kiure i waeia ua kaawale no kahi e, oia hoi, hookahi ua make a hookahi aia i Kalaupapa kahi i noho ai, a elua aia i Hawaii, aohe kala.

 

Na Poo Kalaunu Ulakolako.

            Eia o Italia ke uku nei i kona Moi he $2,600,000 o ka makahiki. A ke loaa nei hoi i ka Emeperoa o Germania he $4,000,000 no ka makahiki, mawaho ae hoi o ia ke ohi nei ka ohana alii he mau loaa mai loko mai o na aina waiwai nui. O ke Za o Rusia, ke noho nei oia maluna o 1,000,000 mile kuea o na aina i mahiia, e ohi ana hoi i kona pomaikai e noho ulakolako ai ma ka $12,000,000 i ka makahiki. O ka Moi o Sepania, Alafoneso XIII, ina he alii opio hookuonoono oia, alaila, oia ana kekahi o na poo kalaunu waiwai o Europa ke hiki aku i kona wa kanakamakua. Ke uku nei ka lahui iaia he $1,400,000 i kela a me keia makahiki, a me ka pakui pu ia aku o $600,000 no ka ohana alii.

            A ke hiki mai ka milenio, owai la o keia poe ke oi aku ana o ka ulakolako?

            Ua lohe wale mai no makou mai kekahi poe mai o Waialua, ke lawe la ka Hope Makai Nui o laila i ka waiwai kipe a na Pake kipa, a ke holomoku la ia hana piliwaiwai ma ia apana.

 

            He 9 la me 12 hora ka manawa i holoia mai e ka moku mahu Kina mai Iokohama a ku iho la ianei i ka po La Pule, la 12 nei. Mahope iho o ke ahiahi Poakahi mai i holo loa aku ai oia no Kapalakiko.

 

Hoolaha Hooko o ka Moraki a me ke Kuai.

            Mamuli o ka mana kuai i haawiia ma kekahi moraki i hanaia e J. W. Pit a me MAULE, kana wahine, no Kaneohe, Koolaupoko, Mokupuni o Oahu ia S. B. Dole, o Honolulu, Oahu i oleloia, i hana a ma ka la 15 o Aperila, M. H. 188@, kopeia ma ka Buke 111, ma na aoao 397, 398 a me 399, a o ia Moraki no ua hooliloia aku ia Malie Kahai, o Honolulu no i oleloia, i hanaia ma ka la 10 o Augate. M. H. 1893, a i kopeia ma ka Buke Kope 145, ma na aoao 128 a me 129 a i hoolilo hou ia aku e Malie Kahai ia Lulia Kalaukoa, o Honolulu no ia oleloia, @a mea e paa nei i na moraki la, i hana a @ a ka la 23 o Sepatemaba, M. H. 1893, kopeia ma ka Buke Kope 145, ma na aoao 245 a me 246.

            Ke hoolahaia aku nei ma keia, o hookoia ana ua Moraki la mamuli o ka makemake o Lulia Kalaukoa, ka mea e paa aei i ua moraki la, a no @a kumu i k eia ma ka moraki, o ia ka uku ole ia o ka ukupanee a me ke kumupaa i koe, i ka wa i oleloia no ka hookaa ana, a mamuli o keia hooko ana e kuaiia aku ana ka aina i koe ma ua moraki la, a me na mea a pau maluna iho, ma ke kuai kudala a@a ma ke akea, ma ka rumi kudala o James F. Morgan, ma Alanui Moiwahine, Honolulu i oleloia, ke hi i aku i ka POAKOLU, la 29 o IULAI, M. H. 1896, hora 12 awakea.

            LULIA KALAUKOA,

            Mea Paa Moraki.

            Hanaia Honolulu, Iulai 6, 1896.         

            O na mea i koe e ninau ia Jas. K. KAULI@,  loio no ka mea paa moraki, kihi o na Alanui Nuuanu a me Moiwahine, Honolulu, keena maluna.

 

            O ka aina e hooliloia aku ana ma ke kuai, o ia ka aina ma ka mahele elua i ole o a ma ka moraki maluna ae, o ia hoi ke kuleana hapalua i mahele ole ia iloko o ka aina i kap@ ia o Kukuiwaluhia a me Apaakehau, Kohala Akau, Mokupuni o Hawaii, i ikeia ma ka hala@ala Sila Nui Helu 2553 ma ka inoa o Kawainui, @ona ka ili a pau he 110 Eka; a o ka hapalua i paa ma keia moraki he 55 Eka, o ia ke hooliloia aku ana ma ka hookoia a a o keia moraki, a he aina kupono i ka mahi ko.

            iul 13 3pl

 

HELE HOOLUOLU.

O.R.L. Co.

MA NA POAONO A ME NA LA PULE.

            E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.

Ma Palapala Uku Puni

                                    Papa 1.                        Papa 2.

Manana                       $ 75                 $ 50

Mahiko o Ewa             1 00                   75

Waianae                      1 50                 1 25

F. C. SMITH,

Agena Ohua a Palapala Nui

feb 10-@@

 

Waihona Buke Hawaii.

            E loaa no na buke ma ka olelo makuahine no he kuai ma ke keena o ko makou Puuku. Penei iho kekahi o ia mau buke:

La@eikawai                            $1 00

Gaberiela Lenoa                         75

R. W. Wilikoki                           50

Hookahuli Aupuni o 1895         50

@ pela aku, a pela aku

            O na buke e ae no hoi kekahi, e laa na buke kanawai, a me kahi mau ano e ae, ke ninau pololei ia m@i ia

            F. J. TESTA (Hoke),

ok 96-@@      327 Alanui Moi.