Ka Makaainana, Volume VI, Number 6, 10 August 1896 — Na Moho a ka Poai Populisa. [ARTICLE]

Na Moho a ka Poai Populisa.

Ma Sana Lui, Misouri, i noho mai nei ka aha wae moho pereridena me hope peresidence ka poai Populisa (Lahui) o Amerika Huipuia. A ma ka ekolu hoi o na la hana o ka noho ana (lulai 25), ua kohoia o W. J. Baraiana, ka moho a ka oiahele sileva o na Demokarata, o ka lakou moho peresidena no hoi ia, me ka loaa iaia o 1,042 balota i ka 321 no Konela Notona o Kikako. Ua wawia ae nae hoi ka inoa hope, i ka wa hope loa, i moho na ka mahele Populisa i hoihoi ole i ka inoa mua. Hora 4:40 o ia auwina la i pau ai na hana a

ia aha wae a hoopanee ia no ka manawa e kahea hoou ia aku ai, No ka moho hepe-peresidena hoi, aohe ia poai i makemake ia •:* • • *, Sewala, a ua koho lakou ia Thomas Edward Watsou (Watasoaa), o Atalanata, Georegia. Ua hooikaika o Baraiana i kona kokoolna ma ka paa balota Demokarata, aohe nae hoi i apoia, a na akaka ole no hoi kona ae aku i kela kohoia ana ona ke ole me kona hoa pu kekahi, aole hoi me kahi mea e ae. Eia nae, aole pela ka kela poai i makemake ai, a na hana nui aku no hoi e like me ka lakou i manao ai he pono. O ka mea i manao mua ia, oia o Eugene V. Debs, i maa hoi e kono aku ai i ko na poe paahana kokua like aku,aka, ma kana noi ponoi no o ke telegarapa ana aku e waiho ae iaia, ua hookoia hoi e like me kona makemake, Aole i akaka aku ka hopena o keia mau ano e o na aoao kalaiana a elua, a malia o lokahi ae no hoi paha. Ke mau la nno ke kupaa o ka poai Republika. I — /; Aohe i oili ae ka huaelo a Kamaki. Ina ua oili, aohe i hoea mai.Eia no paha ke hookohi nei i ke kuakoko, ua hemo mua paha hoi ka inaina Aloha wale kela makamaka e imi hele ans i kana "iwi aoao" Ua haule paha, ai ole, ua lilo paha i ka waha o kekahi ilio bulu maalo o ke alanui. O ka mea hilu loa, o ka haalele i ka mea i ehaq ai e noho makua ole.