Ka Makaainana, Volume VI, Number 9, 31 August 1896 — Page 2

LEONE DE BOANE

 

Ka Mea Ohumu Kipi o Coadova

 

MOKUNA I.

 

Ka Naita Noremana Na Ulia O Ka Manawa

[Mai ka Helu 8.]

 

“Ae, pela no, aka, aole o ka poeleele aku ka’u mea e noonoo akua nei. Eia kaua ma kahi o hookah legue me ka hapa mai ke kulanakauhale mai, aole no hi he mau mea kokua e ae ia kaua, aka, o ka kaua mau kapuai wawae aku ana no ka luahi, a he maka’u au i ka hele i ka wa ino I ka po, a e poeleele ana kaua maua o ka kaua hea ana aku i kauhale. Aole anei oe i ike ke loli ano e mai nei ke ea i keia manawa,” wahi a Gaberiela e hookinakina mai ana i kona haku.

“Ua maopopo no ia’u, ke ike nei no au i ka pohu aua ako o ka makani,” wahi a Haku Leone, me ka alawa aole ae o kona mau maka iluna.

“Aole o ia wale no, e kuu haku, aka, ina e nana pono aku oe i keia wa ma na kuahiwi, e ike lea aku no auanei oe, aia ka ino la ua hele a haakokohi na ao,” wehi a Gaberiela.

Huli io aku la ua haita la a nana aku la ma kahi a kona kokoolua I kuhikuhi mai ia iaia, aia hoi, ike io aku la oia i ka panopano mai o kea o e lehau pho iho ana mana piko o ke Siera Morena, a o ia kana i pane ae ia:

“Pela io no paha la, he ano ino io no kela, aka, aole no ia he mea no kaua e kuemi ai. O ka hele aku no hoi koe o kaua.”

Noho malie iho la o Gaberiela me ka hakanu no kekahi mauawa no na hana a kona haku e hoapaapa nei maanei, oiai, ke hoomaka aku nei ka la e napoo, a ke pouli ae la na kakaipali i na ao hakumakuma o ka ino, a hoomaka iho la oia o nalu iho iloko ona. Heaha ia ke kumu a kuu Haku Naita Leone e hoapaapa nei ia maua maanei? O! Ua manao maopopo iho la no nae au i keia wa, he kumu no.

I keia Manawa aua e nalu malie nei, a no ka nui ulahua maoli, ua hoopuka okoa aku la no oia i kona Haku Leone me ka oluolu, i ka i ana aku:

“E kuu haku aloha e, ke ike nei au, aohe he kumu e ae a ano nui au e hoapaapa nei ia kaua maaanei, aoiai, ua hala ka wapho, a he mau mile loihi okoa no keia a kua e kuoe wawae aku ai a hiki i ke kulanakauhale, a e puka pio aku ana no kaua i kauhele. Nolaila, ma keia mau hana au ia kaua maanei ke ike nei au, aia hekumu okoa loa, a o ua kumu okoa la, o ia no keia, ua make meke loa oe e kie i kekahi mea maanei, a ma kou mano ana pela, ua akenui oe e noho maanei me ke kali ana, me kou manao ana paha, malia o maalo mai oia maanei a e ike aku oe i kona mau helehelena, a he mea oiaio, o ua mea la au, e kali nei, o ia no ke Lede Lula.”

No keia mau olelo a Gaberiela i pahu pho aku ai iamua o kona haku, ka Naita Leone de Boane, au ano mino holu no na opi aeao ua Naita la, a ike iho la ia, ua loaa pono mai la oia i na pahuna mamala olelo a kona kokoolua, a no kona ike ua loaa pono mai la oia, nolaila, ua hoao aku la oia e pane ma ke ano mau no o ke kanaka koa, i mea hoomaloeloe i kona mau aoao iho:

“E Gaberiela, maluna iho o’u ia mau mea a pau, a maluna ae o na mea e ae a pau, o koou manaolana maoli no ia, a ke ake nei au e imi a e halalo aku, a hiki I kona lilo loa ana na’u, a pela no hoi au nana, a ua ike no au e holopono ana no ia mau hoolala ana a’u a pau. Ua aloha au iaia a pele no hoi oia ia’u.”

No keia mau olelo ano nui a ka Naika Leone de Boane ia Gaberiela, ua panai hou aku la no kona kokoolua ma kea no e keakea aku ana no ia hana kipi a kona haku i ke kaikamahine a ka mea e hoomalu ana i ka lahikanaka.

“E kuu haku, ka Naita Leone de Boane, he wahi ano hanawela io no kau e noonoo nei e hana, a he hana hoi i kpono e kapaia mai he ohumu kipi no Coadova nei, hoi iho no hoi, o ke kaikamahine au e kuko la, ka Lede Lula, ke haikamahine kamakahi wale no ia a ke alii ka Mai Abederama III o ka lahui Mua, a pehea la oe aa nei e hana i keia hana ano nui a koikoi, i mea e hookomohia ai ia kaua iloko o kekahi poino nui e hiki mai ana, a o ko kaua mau kino aku ana no auanei paha ka luahi o keia mau hana au.”

Aole i pau.

 

 

He kaa huila-lua e hookeleia ana e kekahi Pake me kekahi lio ano hou ka i hookui me Wele Holo Maluna o kona kaa hehihehi-wawae ma alanui Moi makai iki aku o ko makou halepai, i ke awakea Poakolu, la 19 nei. Ua huli pu o Wile Holo me kona paa lole keokeo a haukae ana i ka lepo. O ka Pake hoi hei, hopuia a laweia i ka Halewai, a i kona uku ana he $2.50 no ka pomo o ko Wile Holo kaa, oiai, o ka lilo paha ia ke hana hou ia aku, ua hookuuia eia.

 

 

MOOKUAUHAU ALII

 

Na Iwikuanoo o Hawaii Nei Mai Kahiko Mai

[Mai ka Helu 8 mai.]

 

Ka Hattie panama Hianaloli Kaiwaokalani Hailauaala Parker Mau Moopuna

 

1.       C. Maguire mare ia Mary Parker, loaa o Iline Maguire.

2.       John Palmer Parker mare ia tutsy Dowsett, loaa o Annie Thelma Kahiluonapuaonahonoapiilani Parker

 

Ko Kahaule Ma.

 

1.       Liloa k noho ia Akahiakuleana w, loaa o Umi-a Liloa k.

2.       Uni-a-Liloa k noho ia Kapulani w, loaa o Keawenui-a-Umi k.

3.       Keawenui a-Umi k noho ia Koihalawai w, loaa o Kanaloakuaana k.

4.       Kanaloakuaana k noho ia Kaikilani w, loaa o Keliiokalani w, Keakealani k me Kelanio Umi w.

5.       Keakealani k noho ia Klaimakalii w, loaa o Keawekuikaii k.

6.       Keawekuikaai k nho ia Kihawahine w, loaa o Kaalonikanoa k.

7.       Kaaloaikanoa k noho ia Umihulumaka w, loaa o Palena, Paie me Luhine.

8.       Luahine noho ia Hiku, loaa o Pueokalaienoho w.

9.       Pueokalaienoho w noho ia Waiau k, loaa o Nuuanu k.

10.   Nuuanu k noho ia Kekaao w, loaa o Kanaloa w.

11.   Kanaloa w noho ia Kaluaokiha k, loaa o Kahaule-o-Kuakini k.

12.   Kahaule-o-Kuakini k noho ia Kaahumakini w, loaa o Mrs. Maluhi Reis me kona mau hoahanau, a he nui aku ka lakou mau pua.

(Ma Ko Waiau K Aoao.)

13.   Kamalalawalu k noho ia Piilani w,loaa o Kaunoho k.

14.   Kaunoho k noho ia Waikukai w, loaa o Kanumia k.

15.   Kanumia k noho ia Laakanihia w, loaa o Papakihalauinui k.

16.   Papakihalaninui k noho ia Konakaimehalai w, loaa o Kamalaualii k.

17.   Kamalaualii k noho ia Haliaiamanu w, loaa o Waiau k.

18.   Waiau k noho ia Pueokalaienoho w, loaa o Nuuanu k.

19.   Nuuanu k noho ia Kekaao w, loaa o Kanaloa w.

20.   Kanaloa w noho ia Kaluaokiha k, loaa o Kahaule-o-Kuakini

21.   Kahaule-o-Kuakininoho Kaahumakini w, loaa o Mrs. Maluhi Reis me kona mau hoahanau a me ka lakou mau pua.

Ko Kapooloku Ma.

22.   Waiau k noho ia Kalehunapuiina w, loaa o Halauwai w.

23.   Halauwai w noho Manuhoa k, loaa Kaikainalii w

24.   Kaikainalii w noho ia Ulaaloha k, loaa o Kapooloku w me Apikaila s.

25.   Apikaila w noho is J.W.. H. Maikai k, loaa Samuela Ikuwa k.

26.   Samuela Ikuwa k mare i kana mau wahine, loaa he mau pua e ola nei. Mai kana wahine mare mua, oia o Ane Kaikioewa, loaa he kaikamahine i heikeia me kekahi helu maua aku nei. Me Wahinepio, kana wahine mare hope, loaa elua keikikane e ola nei.

27.   Kapooloku w noho ia John Meek, loaa o John Meek Jr.

Ko Maraea Kaoaopa

28.   Moana w noho ia Heulu k, loaa o Hakau w.

29.   Hakau w noho ia Kanainanei, loaa o Hao k me Wahine w.

30.   Wahine w noho ia Keakeaina k, loaa o Kepoo w.

31.   Kepoo w noho ia Kalauikapuainui k, loaa o Naeole k.

32.   Naeole k noho ia Kauko w, loaa o Walawala w.

33.   Walawala w noho ia Amamalua k, loaa o Kaahumanu k.

34.   Kaahumanu k noho ia Hilipa w, loaa o Maraee Kaoaopa w.

35.   Maraea Kaoaopa w noho ia Hmukoki k, aohe pua.

(Ua make o Hamukoki, a ke ola nei no o Maraea Kaoaopa, he 70 na makahiki.)

Aole i pau.

 

 

Waihona Buke Hawaii

 

E loaa no na buke ma ka olelo makuahine no ke kuai ma ke keena o ko makou Puuku. Penei iho kekahi o ia mau buke:

Laieikawai      $1.00

Gaberiela Leona          75

R.W. Wilikoki             50

Hookahuli Aupuni o 1895      50

a pela aku, a pela aku.

O na buke e ae no hoi kekahi, e laa na buke kanawai, a me kahi mau ano e ae, ke ninau pololei ia mai ia.

F.J.Testa (Hoke),

ck 28-tf           327 Alanui Moi.

 

 

C.E. Williams me Keiki

Ed. A.Williams, Luna Nui.

Helu 611, Alanui Moi, ma Ewa iho o ka

Pa o Aigupita.

 

He mau mea kuai lako hale o na ano a pau loa.

 

He mau mea Hana Pahu Kupapau a Hooonopono Hoolewa.

 

E hoelakeia no na Kaa Kupapau, na Kaapio a me ana Kaa-ohana.

Ina no e ninau ia laua, e loaa no na Pohaku Kia Hoomanao no na He Kupapau.

 

O ka Ialoa kekahi hana hiki loa ia laua aia ia malalo o ka lawelawe ponoi ana e Ed.Williams, F.D., he mea i puka phono ma ka Kalaka Kula o ka Ialoa Maikai ana iloko o Mei, 1894.

NA TELEPONA

Keena, Helu 179 – Kauhaie a me Kahea Po Helu 818

Nov 2mo         Feb 3mp