Ka Makaainana, Volume VI, Number 9, 31 August 1896 — Page 6

Ka Makaainana.

6     HONOLULU, OAHU, POAKAHI, AUGATE 31, 1896.

IOSEPINE

---KA---

EMEPERESE PUUWAI OLU

O FARANI.

MOKUNA IV

NA HIONA O KA HALEPAAHAO.

[Mai ka Helu 7.]

Noho iho la o Bohane maloko o kona rumi ne ka hakanu a me ka pili kaumaa maoli no.  Aka, oiai oia e noho ana pela, ua ulu ae la ka manao iloko ona, malia he mea pono loa iaia o hana i kekahi hana e hoomaha iki ae ai i kona ehaeha mokumokuahua no kana wahine.  Nolaila, o ua hana la ana i manao ai e hooko, e pono iaia e kakau palapala na kaua Iosepine aloha; no ia mea, na hoomaka koke iho la oia e kakau i leta na kana wahine, a malaila hoi oia e hoike pau aku ai i kona mau manao a pau no kana wahine.

Ke aloha, na waimaka a me ka upe ia e noke nei ma keia leta, ka maikai a me ka nanai o kona puuwai palupalu, ka nanai a me ka hanohano o kon akulana, a o ka lilo ana iaia o Iosepine me ke kumukuai ole ma ke ano he wahine nana e hooponopono ana hoi iaia me he makuahine la nona ponoi iho.

Ua noke aku oia i ka mahalo iaia ma na ano a pau, a me kona hoike pau ana aku i ka iini nui o kona uhane, e kalaia mai oia no kaua mau hana epa a pau iaia i na la i hala ae.

Ua uwalo aku oia ia Iosepine, e hoike aku i ka laua mau keiki elua i na hoomanao walohia ana a ko laua makuakane pilikia, oiai oia e noho nei ma kahi paa, malia paha he make aku kona, aka, aia no nae oia ke ola la iloko o ko lakou hoomanao ana.

Iaia no e noke nei i ke kakau i keia leta nui launa ole mai, ua komo mai la kekahi luna o ka halepaahao a wehe mai la i ka puka o ko ianei rumi e paa ana, a hele pololei mai la i o ianei.

Ma kona lima e paa ana he wahi koi uuku kupono, a hoomaka ae la oia e oki i na lauoho loloa o Bohane, a iho koke iho la ka maka o ke koi a moku @o ae la, a ua maopopo iho la iaia e kakau leta ana ka paahao Bohane na kaua wahine Iosepine, nolaila, he mea pono e hooili pu ia keia mau mea ma ke ano o ia kana hooilina hope loa na kaua wahine, he mau hana hoomaewaewa wale no nae keia iaia mai keia luna manao nonohua aku

Me na lauoho i okiia o Bohane ma ka lima o ka lunapaahao, ua lawe ae la oia i kekahi mau maawe lauoho a hookomo iho la iloko o kana leta i kakau ai a hoouna aku la i kana wahine

Ua kakau oia i keia leta ano nui mamuli o kona hoopuiwa mau ia me na inoa o na poe a pau e kaapahuia aku ana na poo ma ka pahi okipoo, a ma ka la 24 o Iulai, 1794, a ma ke ahiahi o ua la la, ua loaa iho la iaia o kona inoa pu kekahi e kau ana ma ka papainoa o na poe e pokepokeia aku ana na poo ma ka pahi okipoo, i ke ao ana ae o kahi la ae, a na ia mea i hoopiha iaia i ke aloha no kana wahine.

Ma ka wanaao o kekahi la, ua hoea ae la ke kaa o ka mikini okipoo ma ka ipuka o ka halepaahao, a ua hoomaka koke ia iho la no na hana hookahe koko weliweli loa e hanaia me ka manaonao nui.

I ka miki poke poo e nome nei ma kana hana, aia no ka lehulehu a pau ke naan aku nei i keia mea weliweli me ka walohia nui a me ka manaonao, a oiai ke anaina e hoomau ana pela, ua maalo ae la imua o lakou ke kino o Bohane, a komo pu aku la oia iloko o ka heluna o na poe poo ole ma ka pahi okipoo, a he heluna nui o na poe hanohano i komohia pu ma keia ulia weliweli a kaapahu na kino me na poo ole ia kakahiaka nui poniponi wale no, a o ka hopena o na mea ola a pau, ua nalo a ua hoea mai ka hopena o na mea ola hauu a pau i alakaiia ae malaila.  Oiai ke kino kaapahu pu o Bohane o waiho oni ole ana, aia no o Iosepine ke noho nanaea la, me ka manao ole ae e loaa mai ana iaia he lono ehaeha loa no ka make mainoino ana o kana kane i ka pahi okipoo, a o kona hauoli wale no o ka hui koke ae no he kane a he wahine a e huli hoi aku e ike i na maka o na keiki noho makua ole mai la ma ko lakou home aloha.

I kekahi kakahiaka mahope mai o keia la luku weliweli, ua laweia ae la he nupepa puka la iloko o ka halepaahao, a maloko o ua pepa puka la, la, ua hoikeia ka papainoa o na poe a pau i make i ka pepehiia i kela la mamua iho ma ka pahi okipoo.  Aia he mau lede maloko o ka halepaahao, ua ike iho la lakou o ka inoa kekahi o Bohane ma ia papainoa hoomanaouao.  I ko lakou iek ana i keia, ua makaala loa ia iho la ia mea, me ka manao e hoonalonalo iho mai ka ike ana mai o Iosepine i ka inoa o kana kane, ua make, oiai, aia no o Iosepine ke noho la me ka nanea a me ka maopopo ole.  Aka, aia no o Iosepine ke ake nui la e loaa iaia kekahi kope o ua nupepa la, a mahope wale iho, ua loaa io aku la ma kona lima @a nupepa la, a eleu o iho la no kona mau maka maluna o ka papa hoike o na poe i lukuia--auwe! emoole!  Ike iho la oia o ka inoa pu kekahi o kana kane e kau ana.

I keia manawa koke no, ua haule-a make aku la oia ma ka papahele, a he wa loihi keia waiho mauleule ana, ua hoi iki mai la kona noonoo, a pohala ike ae la oia mai keia haawina ehaeha i loaa iaia, ua puana ae la oia me ka leo walohia--"E ke Akua!  E ae mai ia'u e make!  E pono au ke make!  Aole loa he wahi e ae no'u e maha ai, aka, o ka luakupapa u wale no."

No keia haawina i loohia ia Iosepine, na pu ni koke ae la oia i kona mau hoa'loha a pau, me ka hooikaika nui ana aku e hoomama i kona naau, a e noonoo iho hoi no ka laua mau keiki, aka, aole loa he wahi mea a maha iki ae.

Aole i pau.

Ua hoolaha ae ke Kuhina o ko na Aina E ua hoomaka hou ae o Kuhina Wilisi e lawelawe i na hana e pili ana i kana oihana.

He alahele wawae pohaku ka i uhauia iho nei no kahi noho o Samu Alani ma na alanui Moi me Rikeke a ua paa i keia wa.  Maikai ka nanaina o ia wahi.

Poalima, la 20 nei, mamuli o na olelo ike a Kauka Mare, ua hoouna aku ka Lunakanawai Apana ia Misasa Nawaa Joseph, o Leleo aenei, e hoihoiia i ka Halemai Pupule.  He pule no a oi o kona ano e ana.

Eia ke manaoia nei e wehe i hotele ma Waikiki, a ke akeia nei e loaa ko ke Aupuni ae e kuaiia na waiona malaila.  He palapala noi ia e lawe hele ia nei a ke kakauinoa nui ia nei e na poe kalepa a me na haole koikoi a kuonoono.

E nana ae malalo o ke poo hoolaha "Ma ke Kauoha," a e ike no ko makou poe heluhelu i ka hoolaha a ka Papa Ola e pili ana i ka hoike ae i na hanau, na make a me na mare i ka luna hoopaa ma ia mau hana.  He mea waiwai nui keia no kakou, i ano hoopalaleha loa ia hoi mamua.  Owai la ka luna hoopaa?

Ma ke ahiahi Poakahi iho nei, ua uniki ae ka lealea Europa i alakaiia e Kahale (he opio Hawaii), makai o Iwilei, a he mau opio Hawaii no na lala.  Ua weheia na hana o ka la ma na wili ana ma o a maanei Pau keia, ua paneoia mai he papaaina luluu i na onoono a ka puu.  Ai kela a me keia, a maona a po-hu aku la ka lua o ka inaina.

La Pule, la 9 nei, maloko o ka luakini o Maliookamalu, ua poniia o Rev. Makua Aloisio i kahuna.  Ma Hilo oia kahi i hoohala ai i kona manawa no ka hoomakaukau ana iaia iho mai ke kulana diakona a i keia kulana hou oi ae ona.  He malihini oia o ka hiki pu ana mai me ka Bihopa o Panopolisa ma kana huakai hope loa iho nei.  Ua anoano a eehia ia anaina poni.

C. B. DWIGHT.

[KALE KUAIKA.]

Mea Hana Pohaku Kaekae Alanui, na He Kupapau a me na Kia Hoomanao Mabala.

E loaa no oia ma kona wahi nohe ma Koiuiu, Honolulu nei.   Telepono=a Helu 833.

BUKE BANAKO NALOWALE.

Owau, o ka mea nona ka ino malalo iho nei, ka ona nona kekahi Buke Banako Hale Leta i nalowale, a i ole, lawe maoli ia paha mai ko'u wahi noho aku ma Kaopuaua , Honolulu, Oahu; ke hoikeia aku nei ka la lohe i na mea a mau mea paha e loaa ana ua Buke nei, nona ka Helu 7962, ma ka inoa o Luacy Kalei, e hoihoiia ae ma ke keena o Ka Makaainana, a i ole, ma ke kkena loio o Jas. K. Kaulia, ma Honolulu, Oahu, a e loaa no he uku makana i ka mea nana e hoihoi mai i na Buke nei.

Owau iho no.  LUACY KALEI.

Honolulu, Augate 17, 1896.

HALEKUAI LAHUI KALAHIKI.

Helu 405, Alanui Moi, ma Waikiki akuo Alanui Nuuanu, ma ak aoao mauka, ke keena mua o ka "Hawaii Holomua."

Ma ia halekuai o na oiwi e loaa ai na anoi a me na paihi o na ano hou loa, e laa

Na Kalakoa,     Na Keokeo,

Na Makalena,    Na Kinamu,

Na Huluhulu,     Na Lihilihi,

Na Kamaa o na Kane, Wahine me Keiki, a pela aku.

Oluolu no ke kuai ana.  Aohe hewa ke kipa mai e ikemaka, a aohe no hoi he kuna kunuia no ka hoikeike ana i na mea kuai.

M. PALAU, Luna Nui.

HELE HOOLUOLU

O. R. L. Co.

MA NA POAONO A ME NA LA PULE.

E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.

Na Palapala Uku Puni

                                    Papa 1.                        Papa 2.

Manana                       $   75              $   50

Mahiko o Ewa               1 00                    75

Waianae                        1 50                 1 25

F. C. Smith,

AHI

[PAIKII.]

Helu 89,          Alanui Nuuanu.

PAIKII---Owau no nei, o ke oukou hoa kamaaina kahiko loa.   E kipa mai, he emi loa na kii o na ano a p u ma ko'u hale paikii

NA LAKO HALE---Oluolu a makepono loa ke kuai ana o na Moe, Noho, Koki, Pahu-lole, Pahu-ume, Pahu-ku, Pahu-kupapau, Pela, Uluna, Moena, a pela aku.  Emi loa.

E loaa no kumukuai maiaki kupono no ke Koleawe a me ke Kepau.

Hui Papa a Kukulu-

Hale Oahu.

(OAHU LUMBER & LUMBER & BUILDING CO.)

Leleo, Alanui Moi, kokoke i ke Ka-

hua o ka Hui Alahao & Aina Oahu.

Poe Kalepa Laau, Hana Aelike

a me Kukulu Hale.

Poe Hookomo Mai a Hoolilo

aku i na

Puka, Olepelepe, Kui,

Pepa, Pena, Aila,

Na Pono Kamana,

A pela aku, a pela aku.

Telepone 53.  Pahu Leta 222.