Ka Makaainana, Volume VI, Number 9, 31 August 1896 — Page 8

Ka Makaainana.

HONOLULU, OAHU, POAKAHI, AUGATE 31, 1896.

8

 

(Mai ka aoao ekahi @.)

 

@ewa ka ona i ku @ i ka pu, o ia @ @ manawa i palu@ia @ ai kona mama i ka holo no ka mea, ua @ mai oia maluna o ka pa, haule ma waho o ke alanui aupuni, lele hou mai, haule hou maloko o ka pa makai o ke alaoui, holo pololei mailaila mai hiki ma kahi o S. K. Keaweolu, pii iuka hiki ma kahi o Atuna (Pake) a iaia malaila, ua maule iho la oia no @ manawa elua, a akahi no keia Along a ike i ka hele wai mai o ke koko

            O kahi i ku ai i ka poka, aia ma ka papakole, ma ka aoao mahope mai, a ua holo ka poka a kokoke i ka puumimi, no ka mea, he eha ka mimi.  Ua oleloia mai, aole ka e poino ke ola.  He oiaio, ua ike kou kiu ia Along, ua hele mai i kahi o @ Asana me ka poka no iloko, aole i hemo.

            O keia Along, mai @ mai oia, me Atoog @ @ ana mai i ka Poaono koke iho no, la 22.  Eia nae, he elua Pake mai Pelekunu mai i ka la 17 aku a ua hoohuoiia ua lawe mai paha laua he "Leimanu,"  o ia ke kumu i heleia ai e hakilo a loaa ai keia poe Pake e puhi opiuma ana.  A hookahi o na Pake i hoohuoiia i loaa pu aku iloko o keia hale, oia o Awong.

            O keia Along, ua manaoia e hoi ana no oia i ka la 24 (Poakahi) ae, no ka mea, ua haalele aku oia he wahine ka@a ma Wailau, a i hele mai oia e hoolimalima i ka ai@a kalo o S. Kaluaaha e wai@o ana ma Wailau, eia nae, ku e oia i ka poka mai kekahi pu panapana aku.

            O ka Pake i paa i ka hopuia, oia o Atai, ua ku ae oia imua o ka Lunakanawai Apana J. H. Mahoe, a ua ae oia i kona hewa.  A ua kapiia mai ina a-la paa o Kauweleau he $50 a me na koina.  I ka manawa i hopuia ai keia poe Pake maloko o keia hala, ua loaa pu aku no he kini aila mahu e waiho ana me ka aweawea no o ka haawe ana mai, ua puehu nae ka hulu, aohe wai o loko; aka, o ka aala puakalo, o ia ka mea i loaa aku.

            KIU IMI MEA HOU.

            Kamalo, Molokai, Aug 28, '96.

 

Opio Eueu ma ka Aihue.

            I ke ao okoa no, oiai paha hoi ua meha pu na poe paahana o ko Timi Mare hale liana, i lawe aihue ia aku ai he paa huila kaa.  Ua hoikeia ae keia ia Makaikiu D. Kaapa, me ka oleloia aku ua ikeia aia i kekahi hale hana kaa Pake malalo aku nei, ua penaia, eia nae, aole ia he mea e hoohewahewaia ai o ka mea nana i hana a i ike hoi i kana mea o ka hana ana.  Nolaila, i ke awakea Poakolu, la 19 nei, i loaa io aku ai no malaila, a o kahi keiki haole Pelekane kau a malama lio a me ka hookelekaapio, o Ata Fitigerala ka inoa, ka i hopuia no ia hewa.  Iaia i ku ae ai imua o ka Aha Apana i kahi kakahiaka ae, ua ahewaia oia, a ina kahi hoi o kona hoopai hoopaahao ia, e kipakuia hoi oia mai keia aina aku iloko o elua pule, no ka mea, he wahi kaaka ino maoli no.

            Eia nae, aole i loihi ua la o kona noho ana mawaho nei, ua paa hou no @ia i ka hopuia, i keia wa hoi, ma ke ano oia kekahi o na aihui i komo powa ai i ka hale o ka Hui Alahao Hawaii mauka o Waipilopilo, a makou no hoi i hoike aku ai ma ka helu i hala.  Hora 3 o ka auwina a Poakahi i hala, na loaa aku i kekahi poe kamalii liilii e paa ai ana iloko o kekahi papai hale kahiko ma ka pa o @ B. Pitasona, kahi o Mahuia @ mauka o Kapalama, he puolo koikoi, a i ka nana pono ia ana iho, loaa he mau ope hapaumi o 25 keneta ka waiwai @ no ka Hui Alahao, ua keia poe kamalii i @ ae i ka lohe a teleponeia i ka Halewai a ua holo koke aku @. Iaia i hiki aku ai, @ la oia o kekahi no ia o na @ @ aihueia ai.  Ua loaa aku @ maloko o kela puolo he @ o na ope hapaumi, a ma @ ana ua piha he $116 30 @ mau mea e ae i loaa @ i kona huli pono loa aha aku

            Na kela @ @ o keia mau dala ae @ @ @ kokoke loa i kahi o @ wahi keiki haole la e noho ana @ loa ae i ka ikaika o ka hoohuoi iloko ona, no ka mea. wahi o kana hoike mai, ua hoohuoi mua no oia i ka la 21 nei a ma ia la no i hanaia ai he palapala huli.  Ua hoihoiia mai na dala i loaa i ka Halewai a ia po iho, ua hoonoho oia he elua o kona mau @ kiai i ka hele ae o kahi mea i @ wahi la ia po, a pela no hoi i ka hale o ua wahi keiki la.  Hora 11 paha o ia po, ua hele hou aku me elua mau pani no na mea mua i kiai ai, hookahi o na mea hope he Pake, o Ah Fat ka inoa.  Aohe mea i ikeia a i ka hora 3 paha o ka wanaao Poalua iho, ikeia ua wahi keiki haole la e hele aku ana ilaila me kekahi pu-raifela.  Moe malie iho la na kiu, aka, iaia i kokoke aku ai i ua hale la, ua huli ae oia, hapai i kana pu a ki, no ka mea, e konane pono ana no ka mahina, a ku ka ke kiu Pake ma ka aoao io maloko o kekahi uha, a hina oia me ka olelo ae,  "Na Fitigerala au i ki."  Ua hoi aku ua wahi keiki eu la no kona hale, aohe i hookoloia aku mahope, no ka mea, ua ike pono ia aku la no oia.  O kekahi makai iho, holo a kahi kokoke o ke telepone, telepone i kai o ka Halewai, a aohe i liuliu ma ia hope iho, ua hiki aku o Kaapa me na kokua maluna o kekahi kaa.  Ua hapaiia ka mea i eha a kau i ke kaa a laweia i ka Halewai, kahi o kona eha i holoiia ai a kauia me ka laau.  Eia oia i ka Halemai, he nui ka eha, aohe nae e pilikia ana, a ua ano oluolu loa ae oia.

            Aohe ua wahi eu la i kue mai i kona kiiia ana aku e hopu, a ua loaa aku ma kona hale he 60 owili poka.  Oia a me kona mau pono o ka pu ka i holoiia ae a noho ana i ka Halewai.  Me ka pio ole o ka manaoia he hoa no kona ma kela powa ana i ka Hui Alahao, ua hopuia o Bosene Be@i, he haole okoa iho no i hele a aoo a i kamaaina no hoi ia Kawa, i ke awakea ae no ia hewa like mo kahi eueu opio, no ka mea, o ko laua hale hookahi no o ka noho ana.  Na Kapena Poo Paka i huli aku i ke kapuahi o ko laua hale a loaa he 25 keneta iloko o ka lehu a me na apana dala i hohee a me na apana pepa lehulehu i pau hapa i ke ahi, a ua laweia ae no i ka Halewai.  I nei kakahiaka laua e ku ae ai imua o ka Aha Apana, mahope o ka hoopaneeia ana mai ka Poakolu a me ka Poaha mai.

 

He Hoomaikai.

            Ke pahola aku nei makou ko Kamoiliili poe, i na hoomaikai ana he nui i na poe a pau i hiki mai e kokua ia makou ma ka @ Poaono i hala, mamuli o ko lakou hoolaukanaka ana mai i ka makou ahamele i wehe ai no ka pomaikai o ko makou halepule.  A o ka lakou mau kokua i pahola mai ai, ua nui ia no keia wa nel@.  Me ke aloha nui ia oukou, e na poe i hiki kino mai, a pela pu me na poe i hoouna mai i ka lakou mau kokua.  Aloha nui, aloha maikai aloha no oukou a pau loa.

KAMOILIILI.

 

Ili he Moku Piha Lanahu.

            Wanaao Poaono iho la, hora 4:30 paha, i ikeia aku ai he moku kiapa e ke kiai ma Laeahi e holo pololei aku ana a ma ka hora 5:30 iho, ua ili oia iluna o kekahi ahua akoakoa piha one ma kahi i kapaia o Keauau, Waikiki, mawaho pono aku o ka hale o ke kiai.  Ua telepone koke ia mai ka lohe iloko nei a ua hoounaia aku ka Eleu e ha awi i na kokua ana a pau malalo o Kuhina Kalaiaina Ki@@.  I ko ka Mokolii oili ana mai, ua kokua pu ae la oia, a pela no hoi me Ke Au Hou, eia nae, ua pahua ia mau kokua ana a lakou a po ia la.  Ua hoole loa ke kapena aohe ona makemake e kokuaia aku, oiai, ua manaolana oia e hemo ana no ke nui ke kai.  A hiki mai nae hoi i keia wa, aohe oia i neeu iki ae, aka, ua oi loa aku kona paa.  Ke paa nei oia maloko ae o ke poina nalu.

            He moku kiapa hao Beritania keia, a ua 30 na makahiki o kona holoholo ana, no ka mea, iloko o 1866 kona kapiliia ana.  O ke Gainsborough (Gaineboro) kona inoa.  He moku oia o 1039 ka huina nui o na tona.  Ua komo i ka lanahu mai Wesspota.  Na Kilani, a i holo mai maanei no ona mau lako ai a me ka wai, oiai, ua loihi na la ma ka moana, 62 la, a ua uuku mai na lako i koe.

            Ua lilo i mea ole na hoao ana e hoopakele iaia, oiai, ua komo a ua paa loa oia, he hapalua mile paha ka mamao mai ka aina aku.  Auwina la Poaono nei i haaleleia aku ai e ke kapena a me na poe a pau o luna, a aia oia ke ku la ma kahi o 16 kapuai ka hohonu, oiai nae he 18 kapuai 7 iniha kona komo iloko o ke kai.  Ua @ ae paha kekahi papaa hao o koua iwikaele a ua komo ke kai i nehinei.  Aohe oia i panihakahakaia, pela ka lo@o, a e hooliloia aku ana ma ke kuai kudala i keia awakea.  Ke kiaiia la oia e na makai maluna o kekahi waapa hueloboti.

 

Haule ka hoike kinipopo.

            Ma ka Mo@owai i holo aku ai o Kauka Makalelana me kona ohana, no ka hoi ana no ko lakou wahi noho hou aku ai ma Rarotonga.  Lehulehu na hoa'loha i hele aku a kai o ka uwapo e aloha ai ia lakou, a ohuohu nui no hoi me na lei.  Aloha!

            No Koloa, Kauai, mai nei ka lono mahope iho:  "Ma ka la hope o keia malama e pau loa ai ko J. Kala noho lunakanawai ana no ka apana o Koloa nei.  Maikai no kona pau ana, he lunakanawai oehaa a ka epaepa nui wale i noho ai."  Nolaila, o keia @

 

            KELA A ME KEIA.

            Poaono iho ka Auseterali@.

            Poaono nei i pau ai ka noho ana o-ko nei @ @.

            E pana ae i ka hoolaha pili oihana a S. K. Pua e puka aku nei ma keia helu

            Poakolu iho ke Kopetica mai Kapalakiko a hala loa aku no Iokohama me Honakona.

            Haule kuana i ka auwina la o nehinei, eloelo loa i ka po nei me ka hekili a me ka uwila.  He ehu wawae paha?

            Ua @ hoi mai o Peresidena Kole ma ke Kalaudine o kakahiaka o nehinei a me kona ukali pu no.

            Ua loheia mai e puka hou ae ana ka Ka Leo o ka Lahui i na la, a i ole ia, i ka la apopo paha malalo o ka D. M. Punini lawelawe a hooponopono ana.

            O ka lono hope loa mai nei e pili ana no Paulo Numana, e luakaha ia ma Kaleponi, ua oluolu iki ae kona omaimai a ua hiki ke hele e lawelawe i kekahi mau hana ana o laila.

            Poakahi i hala ka la hoano o Sana Batolomeo, kekahi o na Aposetole a he mea i make no kona Haku.  Ua hoomanaoia ka la ma na luakini o Sana Anaru me Malieokamalu.

            Ma ka Poaha iho nei, ma ka Huina-a Kale. ua haule a walawala a palahuli ana ke alo o kekahi lede, oiai oia e lele iho ana mailuna mai o ke kaa hapaumi, oiai no nae e holo ana no ke kaa.

            Au noe Poaha iho la i ku mai ai ka Monowai mai Kapalakiko, a ua hala loa aku no ka Hema i e awakea o kahi la mai.  Ua lohi oia he eono hora ma Kepalakiko, i ke kali i na eke leta Pelekane.

            Ma ka Monowai i hoea mai ai o Louis Voisson (Lui V@isona), ke Kanikela a Komisina hou no Farani maanei, a ke noho nei ma ka Hotele Hawaii.  I keia la paha hoi ole e hele aku ai e ike i ke Aupuni.

            Ahiahi Poaono nei i mareia ai o William Albert Chapman ia Misi Grace Keakalani Kahalewai ma ka luakini o Malieokamalu e ka Bihopa o Panopolisa.  Pau ia, he paina ma kahi o R. N. Boyd, Auwaiolimu.

            Poalima iho la i piha ai ke 39 o na makahiki o ke Kuhina o ko na Aina E. Ka@a, a me Hoonaauao.  Ua @ aku ka bana e hoolealea iaia ia kakahiaka, oia hoi, i ke Kuhina nona ke kino hookahi a me na kulana lehulehu.

            Hookahi makahiki i hala ae o ko Honolulu nei hol@puia ana e ka ma'i kolera.  Augate 15, i pae ae ai na ma'i mua ma Kahakaaulana; la 18 mai, i ka po, ikeia ka ma'i mua loa ma Iwilei e Kauka Mare, a i ka la 20 ae, hoomaka ka hoomalu mua loa ia ana i kai no o Iwilei, a mahope iho no hoi ka holapu loa ana ae i ka loa a me ka laula.

 

S. K. PUA,

He Agena no na Waiwai Paa

He Mea huli i na Kuleana Aina i mea e maopopo ai;

He Mea Ohi i na Aie i hiki ole ke Ohiia e na Poe no lakou na @ a

He Mea Hana i na Ano Palapala Pili Kanawai a pau.

@