Ka Makaainana, Volume VI, Number 15, 12 October 1896 — Page 4

Ka Makaainana.

 

4   HONOLULU,  OAHU,  POAKAHI,  OKATOBA  12,  1896.

 

KA MAKAAINANA,

 HE NUPEPA OILI PULE.

 

 UKU O KA NUPEPA.

No Hookahi Kope....$.10

No Hookahi Malama. .25

No Ekolu Malama...   .75

No Eono Malama...  1.25

 Ina e hookaa mua ia, peneia ka uku:

No Ekolu Malama ... $ .50

No Eono Malama ...    1.00

No Hookahi Makahiki..2.00

 UKU O NA LUNA NUPEPA.

5 Inoa ...   .15

10 Inoa..   .20

Maluna aku o 10 Inoa.. .25

 Aia a elima inoa a kekahi luna mawaho ae o kona inoa iho, alaila,  loaa he pepa aia me ka uku ole.

 

F. J. TESTA  (Hoke).

 Ona, Luna Nui a Lunahooponopono.

Wahi Noho, ma Honolulu.

 KEENA:  Helu 327, Alanui Moi, ma Waialeale, kokoke i Alanui Konia.

 

 POAKAHI,  OKATOBA 12, 1896.

 

 OWAI la ke aloha aina oiaio o like la me ia keiki, me ka ike iho no i ka aueane loa o kona luaui e haule aku iloko o ka luakupapau, ua haaleleia iho no a hele aku la no ka pono o ka lehulehu?  Ua makemake makou na Ke Aloha Aina keia e pane mai.

 

 POALIMA iho e pihaai ka iwakalua o na makahiki o ka Wohi Alii a ka lahui, ke Kama'liiwahine Kaiulani.  Mamua @e no hoi o ka hiki ana mai o ia la, ke haawi ae nei makou i na hoo maikai ana o ka la nona, me ka manaolana e hoea mai ana he wa nona e noho hoomalu ai maluna o kona lahuikanaka oiwi.  O ka makou kalokalo nona - E ola loihi oia ke Akua!

 

 AOLE o makou pu kekahi me Ke Aloha Aina ma ka elelo ao a kona lunahooponopono i make, iaia i olelo ai i kana wahine mamua o ke aili ana o kona aho -"mai koho oe i kahu a i lunahooponopono."  Ua naauao no paha hoi kela olelo ao no kahi wahine naanao@ e like me kana, aka, aole paha hoi i kupono no na wahine kanemake e ae a pau.  E pili ana hoi no na lilo, he mea maa mau no ia.

 

 

 MAI manaoia mai ua haalele honua aku makou i ke kumuhana a makou i hapai ae ai, oia hoi, e noi aku i keia Aupuni e aeia mai kakou e koho balota no ka kakou kulana hooponopono aupuni i makemake ai no nei mua aku.  Aole loa pela, aka, ua makemake makou i ko ka lehulehu hoike mai, oiai, ua hamauia na kolamu o KA MAKAAINANA nei no na kalaimanao kupono a pau e pili ana no nei kumuhana.  O na olelo koho@koho wale aoie ke Aupuni e ae ana, he mea waiwai ole ia e noonooia, aka, o ko kakou hoao aku no ka pono loa.

 

IA ANO O KE ALOHA AINA.

 

 Ua hoakaka aku makou ma ka helu i hala e pili ana no ko ka Mea Hanohano A. Rosa lawe aua i ke kulana Lunakanawai Kaapuni no Hawaii, oia hoi, no na Apana Hookolokolo Kaapuni Ekolu a me Eha, no ka manawa wale no, me ko makou hoaiai aku no hoi na ka hana oia i imi mai, a aole hoi nana i huli aku ka hana.  Mamuli hoi o ke koi hoomano a ka Loio Kuhina ma ko ka Aha Kuhina aoao i ae okoa ai oia; oiai, i kona hoopa mua ia ana i kinohi, ua hoole oia; aka, ua haawiia i manawa nona e noonoo ai, a malia o hoololi ae paha hoi oia i kona manao hoole mua.  A pela io no ke mea i ikeia; no ka mea, ua oleloia aku no nei kau wale no a hoi mai, waiho aku; aka, e kokua aku hoi i ke Aupuui no nei wa.  O kana ia i ae ai a holo aku la i ka Poalua iho la, mahope iho o kona lawe ana i ka hoohiki kakoo i ka Repubalika imua o ka Lunakanawai Kiekie.

 He apu auhuhu koheheo awaawa loa kela ana i lawe ai, eia nae, aa laweia no e ia me ka hoomanawanui no ka mea, ua maopopo no iaia kana mea e hana ana, aole no kona pono iho, aka, no ka pono o ka lehulehu.  Ua nana ole ae oia i kona luaui aloha e waiho ana ma ka moe ma'i a i kokoke loa hoi i kae o ka luakupapau, aka, o ko ka lehulehu pono ka mea oi ae imua ona. O nei hana ana ka makou e olelo ae nei he aloha aina a he aloha lahui oiaio, no ka mea, na kinai iho oia i kona mau manao kue kalaiaina no ka pono o kela poe lehulehu e kali ana ao ko lakou hookolokoloia. Iua paha aole oia i ae, a loaa koke ole paha hoi he mea e hele aku ma ia kulana, alaila, he mea pono anei e kakali kela poe no kokahi wa maopopo ole e hookolokoloia ai, a i ole ia, hoomau aku paha hoi i ka noho ana mu kahi paa a loaa he mea ma ko ke Aupuni aoao e noho ai e hoolohe i ko lakou mau@hihia like ole.

 Ma keia ae la e ike mai ai ka lehulehu i ka like ole o ko makou manao me ko Ke Aloha Aina manao moowiui, e hoino ana hoi i ko Akoni Rosa lawe ana i kela kulana oihane.  A ua manao no hoi makou na lawa loa na hoakaka mamua ae no kona kuina i lawe ai i kela oihana. E hoomaopopoia no hoi aia aku la oia ma ke kulana e hiki ai ke hoike ae i kona aloha aina a aloha lahui io, a e ikeia aku ana no ia ma kaua mau hana.  O ua hoino aua hoi a kamaiii i lihi launa ole aku ka naauao a i kupono ole hoi e wehe i kona mau kamaa, he mea wai, wai ole ia na ka lahui e hoomaopopo ai; aka, ina kakou e noonoo kauakamakua iho ana me ka hoopono, alaila, e like no auanei hoi ka noonoo ana me ko makou e hoaiai nei.

 

"HAEHAE KA MANU!"

 

 Ke kokoke aku nei kakou i ka palena o ka manawa i haawiia ai ia Pi Ki Keoni e hele e huli dala no ke Aupuni, a e pau ana no paha hoi me ka loaa ole.  E kala no KA MAKAAINANA nei i olelo ai aohe e loaa ana.

 

 Pehea no la e loaa ai ma Nu Ioka ina e banekarupe@ ana kekahi o ko laila mau halekuai nui, o ia ka oihana kalepa nui a A. T. Stewart i hoala ai.  Ua hoao a hooikaika ka loio o ia hui kalepa e aie dala aku a e hoolilo aku hoi i na bona@ waiwai nui, ua hiki ole nae.  Ina ka i loaa ka aie a i lilo na bona, paleia ka pilikia.  Nolaila, o ke pauiia ka hopena a hooliloia.

 

 Ua palapala mai hei ua o Pi Ki Keoni ua ae ka ko Nu Ioka pee nui o ke dala e lawe aku i na bona Hawaii kou a pau loa i Novemaba 15 - -ina hoi e kohoia o Makinile i peresidena  Pela paha.  O ka la mua ae ka hopena o kona manawa.  Malia o haawiia aku i manawa hou none, eia nae, aohe o makou, hilinai e loaa aku ana.

 

 Wahi a ka ohua palemo alaula, e pono e hookohuia ka Lunakanawai Kaapuni hou o Hawaii mai kekahi mai o na loio o ia mokupuni, aole hoi mai ko Honolulu aku nei poe loio.  Ke ole makou e kuhihewa, o G. K. Waila@ka moho a ia nupepa, a he mea ake mau e loaa ka oihana aupuni, i noho ai hoi me ka hoolai a me ka luhi nui ole.  O ka moho hoi a ke Kuokoa namu, o E. G. Hikikoki, a o ka makou hoi--aole.

 

 No ka Lunakanawai Kaapuni i make, e oleloia hoi nona ua make oia oiai no oia e lawelawe aua i kana hana, oia hoi, me ka paa no i na iii o ka oihana iaia hoi ma kona ale no ka malama ana i kekahi kau o kaua  Aha ma Kohala.  He lunakanawai oia i mahaloia no kona hoopono, a he hoa'loha oiaio hoi oia no ka lahui kumu oiwi.

 

 Kupaianaha no ia koo o keia Aupuni, oia o J. D. Parisa o Kona Hema, Hawaii, o ka hoole ana e hooko i ke kauoha helukauaka a kona Aupuni.  O ke kumu no paha hoi i hoole ai, oiai, he kanaka hanai holoholona oia, aole oia i makemake e hoike mai i ka nui o kana mau holoholona.  He helu holoholona kahi olelo ana no nei kau helukanaka.

 

 A ma Kau aku hoi, o kela ha ole kuli poohina no ka hoi kekahi kue, oia o Konela S. Noriai o Kahuku.  He ino loa keia Aupuni iaia, a he hoohuiaina maopopo loa hoi oia.  O ka huakai aku nei ka hoi ia a ka Ilamuku i ka Poalua iho la, no ka hoohulinuli ana mai ka ia laua e hana i ka helu-holoholona.

 

 Paewa ka makou i hoike ai no ko ka Malulani wa holo i ka Poalua iho la.  I hewa no nae hoi kahi i ko makou hoolohe wale ana aku no i na olelo a ka Lunakanawai Kaapuni o Maui i pau, aohe i hele a kahi e maopopo lea ai, aka, hilinai honua aku la no i kana mau olelo.  Ua kuhihewa nae hoi makou oia ka ona a haku o ia moku.  Mai no a hoao hou mai ko Maui keiki momona e hana mai ia makou pela, o welawela auanei ke kai.

 

 E holo hoomaha aku ana ka ke Kuhina o ko ua Aina E a Hoonaauao i ko na aina e ma ka mokumahu Monowai paha o ka Poaha iho.  He keu mai nei ka hoi keia a ke au hoomaha mau o na lala o ka Aha Kuhina, a o ua aina e no kahi e holo hoolanalana a hoomaha ai. Oiai no e hele ana, e mau ana no ka uku mahope nei.

 

 Owai la o D. K. H. a makou i ike ole ai, e noke mai nei no ko makou hailiili aku ka i kela ohakulai oili palemo hou o luna lilo loa aku nei.  E like no me ko makou ile ole iaia, pela no hoi oia e waihoia aku nei - a hoomaha iloko o ka maluhia.  Hu hoi ai ia oe!

 

 Ka i no paha e noke loa mai ana ke "au awaawa," eia ka auanei he mananalo wale no.  He mea maopopo loa ua ae kela ino a makou i hoomanawanui loihi ai, e noho kapena nei no kela ohakulai o luna lilo loa aku nei, e lawe aku i ka makou olelo ao a e pani i kona nuku, o noho auanui i kahi ana i makemake ole ai.

 

 Ua loheia ua hooholo ka Ilamue u e komo na makai o na mokupuui e aka i ua aahu e like la me ko Honolulu nei poe makai.  Maikai io no keia ina ua ke Aupuni e uku ana, aka, ina ua na makai no e uko, he keu aku a ka pono ole.  Ina he $25 wale no kahi uku o ka malama, pau e no i ka lole, a poino ke ola o ka ohana.  He wahi mea imi hana paha hei keia no kekahi poe humuhumu lole kakoo Aupuni.

 He mau poo-leta kaokoa ka ia i kauohaia no ka Oihana o ko