Ka Makaainana, Volume VI, Number 15, 12 October 1896 — Page 8

Ka Makaainana.

8 Honolulu, Oahu, Poakahi, Okatoba 12, 1896

 

 (Mei ka aoao ekahi mai)

 

ka iliki ana iho a hiki wale i ka wanaao,, a ua ano pioo na noonoo, malia paha o hoomauia mai keia mau kulu pakaua, a he mea hoopilikia mai hoi ia i ka huakai hoolewa o ia la, aole nae, oiai hoi, ma ke kakahiaka ana ae, a haawi mai la na lani i na hiohiona kalae, a o ke ao polu wale no o ka lani ke ikeia aku, a pela wale no a po ia la.

 

Hoohiwahiwa maloko o ka Luakini

 

            Ma ka hora 2 p.m., ua ikeia ke lehulehu e naua ana no ka halepule a iloko o ka wa pokole halepule a iloko o ka wa pokole wale no ua piha kui o loko, a ua ku ka hap mawaho kekahi heluoa nui o na kanaka, a ke nana aku oe ia loko ua hele ka awai, ka papa himeni; na kihi, me na paia a uluwehi i na pua like ole o na nanaina nani, a o ka oi aku no o na pua mai Honolulu aku nei, o ia kela uluna melemele o Uluhaimalama me ka inoa Joseph Nawahi a ke Aliiaimoku, kela lei lau uliuli i okomokomoia me ka melemele a James W. McGuie, a me kela lei opuu pua plum a Misasa Miles.  O keia na mea mahalo nui ia e ko Hilo mau lede maiau haua pua, a na ia mau mea i hoopupua, a na ia mau mea i hoopuhili aku ia lakou.

           

Anaian Haipule me Papa Kuhikuhi

 

            Ua malamaia ke anaina haipule e ka Rev. S.L. Desha, he ku i ke eehia a me ke anoano na lawelawe ana a he ilihia hoi na mele i himeniia mai e ka papa himeni, a i ka pau ana, ua hoonohonoho koke ia ka huakai hoolewa e na komite o ka la e like me keia papa kuhikuhi-

 

Ilamuku,

Puali – Puhiohe o ke Kula Hanai o

Hilo,

Kula Hanai o Hilo,

Na Kula Aupuni a me na Kula e ae,

Papa Himeni,

Na Kumu Kula Sabati,

Kula Sabati o Haili,

Puali Puhiohe Keleawe,

Kahunapule Lawelawe,

Ka Lehulehu e Huki ana i ka Kaa

Kupapau.

 

Na Hapi Pahu:                                                                                     Na Hapai Pahu:

Wahine Kanemake me na Keiki,

Na Hoa’loha me na Makamaka,

Na Luna o na Aina E,

Na Lala o ka Papa Loio,

Poe Kakau Nupepa,

Na Komite o na Ahahui Aloha Aina

i hiki aku,

Na Lala o ka Ahahui Aloha Aina

Kuloko,

Na Ahahui Pake,

Ka Lehulehu.

 

            Ina paha i hoonoho palua ia ka laioa, alaila, ua hiki e ka maka mua i Homelani a aia no iloko o ka luakini ka hope, a no ka makemake ole o kekahi poe e hala loa i hope e laa na Pukiki, na kanaka na hoi ua hele pua u no ma ka aoao o ka hoakai, a o na aoao o ka pahu kupapau ka oi loa aku, na huikau na kanaka me na hapai pahu.  Ua hele ka buakai mai ka halepule hui i ma alanui Front (Alo), huli ma alanui Waianuenue, i ke koko ana ae ma ka halepule Katollike, ua kanike ae la ka bele o ia hale kuahu o ke Akua, a he ku i ka ilihia anoano, kaalo ae la ia a huli ma alanui Kula a komo i Homelani, a malaila i haawi hope ia iho ai na leo mele me na leo pule, a iloko hoi o na leo uwe e lol ana ka pihe, me na waimaka hope nona, i nalo aku ai ka holowaa e apo ana i e kino wailua o ua Joseph Kahooluhi Nawahi-o-Kalaniopuu nei, a hoi ka lepo i ka lepo, nalo aku la, nalowale loa ke kanaka i aloha i kona Moiwahine, kona lahui, a me kona aina.  Auwe! Aloha!! L@@luu wale oe e HIlo Hankahi i ka Ua Kanilehua, i ke huna ana i na iwi o kau kamealei aloha.  Aloha wale.

 

Liuliu no ka Hoi Ana i Honolulu Nei

 

            Ma ke kakahiaka Puakahi ae, hora 9 a.m. ua liuliu ae la ma kou no ke kau mai ma ke Kinau no ka hoi mai i Honolulu nei, o na poe ma keia huakai o Misasa E. A. Nawahi, Albert Nawahi, Misasa L. A. Like, na Misi E. K. Nawahi, me Amelia Kekulu, Ester Alapai a me Annie Kapahu, na Misasa Mary Alapai, Elona Alapai, Lily Auld, Aheona Haumea me ke kaikamahine, Misasa a me Misita Kalana, Joe Clark a me Uuku.  Haalele aku ia Homelani, hora 9 a.m. malunao o ka wagonete me ka basa no Waiakea, iloko o na pihe uwe o na hoa’loha.  I ka hiki ana aku i Waiakea ea hele no a piha i na kanaka, e like no me ka puka ana aku, ua piha o loko a me waho o na hale, ka uwapo, na aeone o Ohele, Kanukuokamanu, oiai ka waapa o makou e nee malie mai ana no ka moku, ua haawiia na ani peahi, na leo aloha “Good bye,” a pela aku.

            Nui no na leo mahalo i ko Lahaina a me ko Hilo poe i na mea i hanaiia mai ia makou, ua ai a ua lawa i na mea a pau, a ua aie nui makou i ko lakou lokomaikai. 

Me ka mahalo,  Ikehouikananiohilo.

 

            He aha hoolaulea haiolelo ka i haawiia ae i ka po Poaono, la 3 nei, no ka Bihopa o Ponopolisa ma ke kulanui o Sa@a Lui e na hau mana kabiko i paka.  Lehulehu na poe i hele aku, a ua nui no ka mahaloia, o na mele uae hoi ka oi loa aku a me ka himeni a na kumu.  Ua haawi maka naia aku he wati me ke kaula gula i ka Bihopa mamua o ka hoomaka ana.

                Ma ka po Poaono nei, ua haawi ae o Misita me Misasa Oto Waila he papaaina hoomanao la hanau no ka piha ana o na makahiki elima o ka laua milimili.  Ua hoomaka ka ai ana i ka hora 7 o ke ahiahi, a ua ai no hoi oe poe i hiki aku malaile.  Mahope iho o ka pau ana o ka ai aua, ua malamaia he aha hulahula.  Europa e na dele a me ua keonimana i ike ia ano hana, a he ku  maoli no hoi i ka hoihoi ke nana aku.  Ua malamaia na lealea me ka inaluhia aole hoi me ka hau@nele.  O ka makou wale no e kalokalo ae nei, e ola loini ke ka@pa nona ka la.

 

 

KELA A ME KEIA

Aohe a makou “Mookuauhau Alii” o nei helu.

O ka mokumahu Peru ko keia kakahiaka mai ke Komohana mai.

He oili pahemo La Pule ka hoi kani lei puleho o luna lilo loa aku nei.

Poaha iho ka mokumahu Monowai mai ka Hema mai no Kapalakiko.

Aneane loa e paa ko Nawiliwili, Kauai, halekukui i a hanaia, nona hoi ke keikei o 43 kapuai.

Lehulehu na olelo hoalohaloha i loaa mai ia makou no J.K. Nawahi, a ua hookauluaia a no kahi wa okoa aku.

I na la hope o nei malama e makaukau ai ia mokumahu hou o ka Hui Hooholo Mokumahu Pili-Aina.

            Ua hookahakaha paikau ae na makai malalo o Kapena Poo Paka i kakahiaka Poaono nei ma Halealii Kuea, a ua hoi ka mahaloia.

Hora 11 a.m. o ka Poakahi i make ai o Kapena Alika Makalika a nalo i ka auwiona la o nehinei.  Mahope aku ka makou moolelo nona.

 

            Kakahiiaka Poalima nei i hanau mai ai ka wahine a Joseph (Keo) Rosa, he kaikaiahine Make a nalo no hoi ke kupuoa kaue, oili oia i ke ao nei.

 

            Ua kupihipihi loa ia kahi waihooa o kapihipihi loa ia kahi waihona o kahi ohakulai o luna lilo aku nei, aole wahi keneta hookani i loaa ae i kona mau paahana i ka Poaono nei.

 

            Aia ka Puali Puhiohe Lahui ma Kapalakiko aenei, pela ua lono hope mai nei no lakou, a ma kela Ausateralia ao piha hoi e huli hoi mai ai no ka aina nei.

 

            Aumoe Polua iho la i ku ma i ai ka mokumahu Darick iloko o 6 la me 8 hora wai Kapalakilo mai.  Auwinaa la ae o ka Poakolu i hoio loa aku ai ia no ke Komohana.

 

            Ma ke Kinau o ka Poalima nei i holo pili ekalesia aku ai ka Bihopa o Honolulu no Hawaii, a e hoea loa ae ana paha i Hamakua e mare hou ai ia keikamahine a W.H. Rikeda.

           

            Auwina la Poaha nei Lora 3, i u mai ai ka mokumahu Monomutasia (Monme@t@shire) iloko o 8 la holo mai Potalaua mai.  kakahiaka nui, hora 6, o ka Poaono nei i holo loa aku ai oia no Iapana.

 

            Awakea Poakahi nei, Okatoba 5, i malama ae ai o Mis ta me Misasa Pelehakala he paina la  hoomanao no ka piha aua o ka makahiki hookahi o ka laua keikikane Beni Pelehakala ma Kikihale.  E hoolaihiia ke ola o ke kama.

 

            No Koloa, Kauai, mai nei ka lono o ka la 9 nei, aia no ka apana o Lihue ke, hoomau la i ka helu lahui ana, a me ka pau ole no o Sepatemaba 27 @ae hoi ka i p@@ e.  O ke k@@ o keia pau ole, no ea aoae a@ ia e pili ana i ke Aupuni Moi i hoopauia, a pela hoi i alohi @oa @l Aole loa hoi he mea kue ma Koloa no nei haua a ke Aupuni.

 

            Ahiahi Poaono nei hora 5:30, maloko o ka luakini o Malieokamalu, i hoohuiia ai e ka Rev. Makua Leolono ma ka materemonio o Alapai Hao ia Misi Julita Nane.  He mau opio laua a elua.  O ka wahine, oia ka puukani o ka papa himeni o ia laukini.

                        Ua lohe mai makou e oili ae ana he nupepa puka la hou malalo o na hooponopono ana a kekani opio aloha aina o ke ahe makani hamumu Kaiaulu o Waianae Oia!  Ho aku imua, a keia oihana koikoi iloko o ka aina.  E akahele nae, o kuia me ka pilikia, no ka mea, o na limahana no ke pomaikai ana a he neio iho hoi ka ka ona, ina e hoopono ana oia ma kana hana.

 

            Aa mai nei o Wailuku poe keiki puni kinipopo i na kaeaea o keia kau o Honolulu nei i pau iho la, ka Hui Hoku, a ma ke Kinau o a Ppoalima nei lakou i pau aku ai no o e hoopapa ai.  I ka ulele nui ana i kakahiaka Poalono nei ma ke kahua i kai o Kahului, ua puhili ko maui poe a lilo ke eo i ka Hoku me 16 ai puni i ka 12 o na hoa mokomoko.  Nui na poe makaikai.  Kakahiaka o nehinei i ho@a ou mai ai na kaeaea ma ke Kalaudine.

 

            Kakahiaka Poaha nei, hora 8, maloko o ka luakini a Sana Anaru, i uo ae ai ka Haku Bihopa o Honolulu ia Kama’lii Jonah Kuhio Kalanianaole me Misi Elizabeta Kahimu Kaauwai, Kaikamahine hookaoi a Geo. Kaleiwohi Kaauwai i make Na E. K. Lilikaiani i haawi i ka lima o ka wahine e mareia.  He mau opio like no laua a ela a he  mau pua alii like no hoi no ka aina nei.  Aia ko wakou mau hoomaikai ana me ko laua mau kapuai.

 

            Ma kela ahaaina hoomanao la hana a Misita me Misasa G. A. Lona i haawi ai i ka auwina la Poaono, la 3 nei, o ka laua hiapo, a iwaena hoi hoi o na poe i hiki aku, o ke Aliiaimoku kekahi.  O keia ka mua loa o kona hele ana ma kekahi ahaaina mai kona hemo ana mai ka noho pio ana.  Ilaila i hoolaunaia mai ai me ia kekahi kama’lii wahine Rukini.  Ua ae aku no hoi oia i ko ka lehulehu hele ike aku iaia, mai na poe hoa’loha na malihini a me na poe i kupeeia malalo o nei Aupuni.

 

            Poaha, la 1 nei, i paumaia ai ka lua hookio wai hou i hanaia iho nei malalo nai o Puowalua, kokoke ia luna loa o alanui Alapai, a piha me ka wai, he hookahhi ka miliona galani a oi.  Ia po iho ua liu ka papku a ua holomoku ae ke kahe ana ma ia wahi.  Aohe ia liu i paa a hiki mai i nei wa.  E pono e haua kokeia mamua ae o ka poino ana o na ola a me na waiwai o na poe noho kokoke aku ma ia wahi no ke mea ina e naha ana, e hului ae ana na mea a pau ma ke ala o ka wai e kahe ai.

 

HOOLAHA HOOKAPU

                       

            Ke hoolahaia aku nei ma keia ua hookapu a papa loa iaka lawaia ana ma ke kai o na aina o ke Kahua Hanai Holoholona Puahue i Puahue Ranch@, a pela nohoi ke kiki pu ana mauka o e kula.  O na poe a pau e kue ana, e hoopiiia no @ia ke Kanawai.

PALMER P. WOODS

Luna nui,

Puuhue, Kohala Okatoba 7, 1896

okt, 12 -@@@