Ka Makaainana, Volume VI, Number 18, 2 November 1896 — Page 2

2 HONOLULU, OAHU, POAKAHI, NOVEMABA 2, 1896.

 

MOOKUAUHAU ALII.

 

Na Iwikuamoo o Hawaii Nei
Mai Kahiko Mai.
[Mai ka Helu 17.]

 

KO KE ALIIWAHINE KAKAOLELO HANA KAUNAHI.

1. Keawekekahialiiokamoku k noho ia Lonomaaikanaka w, loaa o Kalaninuiamamao k.
2. Hulu k noho ia Lonomaaikanaka w, loaa o Kauhiokeka w.
3. Keawekekahialiiokamoku k noho ia Kauhiokeka w, loaa o Kekaulikeikawekiuokalani w.
4. Kekaulikeikawekiuokalani w noho ia Kalaninuiamamao k, loaa o Keawemauhili, Moi o Hilo.
5. Kekaulikeikawekiuokalani w noho ia Kepoomahoe k, loaa o Kalanikauleleiaiwi II. w.
6. Kalanileleiaiwi II. w noho ia Kalaninuiwahaikamoku k, loaa o Kalaniwohi w.
7. Kalaniwehi w noho ia Kaiwi k. loaa o Kaleiepu w.

8. Kalaniwohi w noho ia Haehae k, loaa ke Aliiwahine Kakaolelo Hana Kaunahi.
9. Kalaniwohi w mare ia David Malo, aohe pua.

10. Hana Kaunahi w mare ia Pikanele k, loaa o Keaupunihou w me Kapaakea k. Ua make pua ole lana.
11. Hana Kaunahi w mare hou ia D.W. Keawe, aohe pua. Ua make keia aliiwahine kekaololo kaulana i Iulai, 1874, iho nei no.

MA KA AOAO O HAEHAE K.

12. Keawekekahialiiokamoku k noho ia Umiulaakaahumanu w, loaa o Kauhiololi k.
13. Kauhiololi k noho ia Kalaniauki w, loaa o Aieono k.
14. Aieono k noho ia Kanuiokalani w, loaa o Haehae k.
15. Haehae k noho ia Kalaniwohi w, loaa o Hana Kaunahi w, loaa o Hana Kaunahi.
16. Hana Kaunahi w mare ia Pikanele k, loaa o Keaupunihou w me Kapaakea k. Ua make pua ole laua.
17. Hana Kaunahi w mare hou ia D.W. Keawe, aohe pua. Ua make keia aliiwahine kakaolelo kaulani i Iulai, 1874, iho nei no.

KO AKAHI.

1. Kalanikupuapaikalaninui Keona k noho ia Akahinui w, loaa o Kaleiwohi k.
2. Kaleiwohi k noho ia Kailipakalua w, loaa o Panelua k.
3. Panelua k noho ia Kaluai w, loaa o Akahi w.
4. AKahi w noho ia Kepaa k, aohe pua.

MA KA AOAO O KALUAI

5. Hinau k noho ia Kupapaoiwi w, loaa o Nuhi k me Kupapaulu k.
6. Nuhi k noho ia Kaohelelani w, loaa o G Laanui me Kekaikuihala.
7. G Laanui noho ia Teresa Owana Rives, loaa o Elizabeth Kekaikuihala Kekaaniau me G Kailipalaki, a pela aku.
8. Kupapaulu k noho ia Ahukinialaa w, loaa o Kaukoli w, Kaluai w me Maluae w.
9. Kaluai w noho ia Pauelua k, loaa o Akahi w.
10. Akahi w noho ia Kepaa, aohe pua.
Aole i pau.

 

Aihue a Hoopaiia no ka Opiuma.

                Poaha, Okatoba 1, i ku ai o Puakela imua o ka Aha Apana a ae i kona hewa no ka malama kue kanawai i ka opiuma. He aihue kona hewa o ka hopuia ana, i ka huliia ana nae i ka Halewai, ua loaa aku he mau wahi hua opiuma iluna o kona kino. I kona ninauia ana aku i ke ano o kana hoopai i makemake ai, ua hoike ae oia e hoopai dala ia, aka, i ka hookauia ana aku he $50 me ua koina, ua olelo mai oia no ka nui loa, aka, aohe i mahuia aku, oiai, wahi a ka hoike aku a ka Aha, o ia ka hoopai haahaa loa. Ua hoopau wale ia kona hoopii no ka aihue. O keia no kela eu i kakau apuka ai i kekahi palapala ma ko Peresidena Kole inoa a lilo mai ai na hua pea mai uka mai o ke awawa o Pauoa.

 

Wai Momona Malalo o ke Kai.

                Malalo o keia poo ma ka Helu 8 o Augate i hala, o nei Buke no, i hoopuka aku ai makou no kekahi wai momona ilalo a iloko o ka hohonu o ke kai ma Peresia, a ua ui aku hoi makou no na hoike ana mai a kahi poe iwaena o ka lahui oiwi no na wai i ikeia o ia ano ma o kakou nei. O ka hopena i loaa mai uo ia ui ana aku, he elua pane. Hookahi na J.B. Kaohi, e noho mai la i Kohala, o ke kipa kino ana mai no i o makou nei a hoike mai la no kaua mau wai i maopopo, o ia ka Wai Puapuao mawaho aku o Honomakau, ma Kohala, a me Kawa, kokoke i Punaluu, Kau. Aia ka wai hope iloko o ke kai, i ke poina-nalu.
                A o ka lua hoi o na pane, a o ka oi loa aku hoi o ka waiwai ia makou a no ka lehulehu, o ia ka palapala waiwai nui mahope iho mai ia makamaka hapauea mai o makou o na Kohala, o ua lawa no hoi me na hoakaka e maopopo loa ai o na olelo ana no kela a me keia ke kilo iho. Peneia ua palapala la:
E KA LUNAHOOPONOPONO:

                Ua ike iho i kau noi ma ka Helu 8, aoao ekolu, o kau nupepa o ka la 24 o Augate, e pili ana i na wai momona iloko o ka moana. Ua manao au e piha ana oe i na hoike o ia ano mai Hawaii nei a hala i Niihau. (He ole ka nui i loaa mai. L.H.) Aka, aole au e hewa ke hai aku ia oe no na wai momona e pili koke ana i ko'u mau palena.
                He nui no na wai momona e waiho mai nei ma ka Mokupuni o Hawaii a puni, hookahi kapuai ka hohonu o ke kai o kekahi, a he eono kapuai kekahi. Mai Kawaihae a Puako, he ekolu wai; ma ke one o Kaunooa, Hapuna a me Piliamoo. He mau wai momona keia aia i ke kai, a pela no ma na Kona.
                Eia nae ma Kohala nei kekahi mau wai luu iloko o ka hohonu o ka moana.
1--O Wai-a-Kane, e pili ana me ka aina o Punepa, aneane eono kapuai kona hohonu iloko o ka moana. Na ke kanaka ahaloa e luu. He wai momona keia aia i ka papaku o ka moana.
2--O Wai Puapuao, aia maluna aku o Haea, he 24 kapuai ka hohonu a oi aku. He wai huihui keia mai ke kuahiwi mai, eia i ka hohonu o ke kai. O na aina kokoke i keia wai, o ia ko lakou wai e inu mau ai. I keia wa, aole kiiia, no ka mea, ua lako i i na luawai a ua makauia i ka i'a huhu o ka moana, a kakaikahi no hoi na poe ike i ka luu.
                Ma ka makahiki 1843, ua hele au me ka'u aikane a me kona kaikoeke i ka luu wai i keia Wai Puapuao, a he ku no i ka makau ke nana aku. Na ke kaikoeke i luu ko makou wai, na ka mea ahaloa i ka luu, a he kamaaina i ka luu ia wai. Aole nae e pono i ka huewai wahanui, o komo kai; he huewai loloa a uuku o ka waha, i ole ai e komo ke kai. Ina e luu, pani ka waha o ka huewai, a hiki ilalo o ka hohonu, wehe ka lima, a ea hou ae iluna, pela a pau na huewai i ka piha. O ka inoa o ia huewai, he ole. He huewai loloa, i pili mai i ka pou, i pono ae luu ilalo, i ole ai e pau ke aho a hoolanaia iluna. Oia na me ahai aku i aoe e like me kau noi. Ina papau a hohonu, ua like no. Eia ka wai luu i Kohala nei, he eha auana ka hohonu iloko o ka papaku o ka moana.
He mau ia.
S.C. LUHIAU.

Kohala, Sepatemaba 3, 1896.
                Ke ui hou aku nei no makou i ka lehulehu ina paha he poe e ae no kekahi i ike no kekahi mau wai ma kekahi mau wahi e ae o kakou nei, e hewa ole no ke hoike mai, a e hauoli a hoihoi mau no hoi makou e hoike aku, i loaa ai hoi he mea no na poe o keia au e ike a e maopopo loa ai.

 

                Ua loaa aku ke kino make o kekahi Pake e lana ana iloko o kekahi kiowai o uka o Manoa i ka La Pule i hala, la 18 nei. He Pake omaimai oia a ua manaoia ua hele a pakika a piholo iloko ka wai. Ua hoikeia ae ka lohe i ka Halewai, a o Kapena Kahookano me na makai ka i hooonaia, a ua manaoia he makehewa ka malama ana i aha koronero a kauohaia e kanu.
                He aha hoolaulea ka Kuhiea a me Misasa Kupa i haawi ae i ko laua poe hoa'loha i ka po Poakolu, Okatoba 21, ma ko laua wahi noho, mamua ae hoi o ko laua holo ana aku nei no na aina e. Ua hala aku laua ma ka Miowera o ka Poaha nei.
                Ma ka hihia o Hosine, kela Kepani o ka Hale Dute i ahewaia ai no ka hoopae opiuma a hoopaiia ai no elua makahiki hoopaahao ma ka hana oolea a e uku i $500, ua hoole ka Aha Kiekie i ka Poakahi, Okatoba 19, i kana noi e hookolokolo hou ia, a ua hoihoiia oia no Kawa.
                Imua o ka Aha Apana i ka Poaha, Okatoba 22, ua pakelo kou aku la no ka olali o na wai maluhi kino, Keoki Hapakela mai kona hewa kuai waiona laikini ole i hopu hope ia iho nei. Eia paha me na G nei na diabolo a pau o ka moi alakohala kahi i uhaiaholo pu ai. Laki no ke kanaka. Iaia a hemo mai, ua noiia aku no kona mau waiwai i laweia ai e na makai, a o ka lakou hana nui ia o ka hoohikihiki ana ia la.

 

KUAI EMI LOA!

SING LOY,
(SINI LOY),
Helu 51 me 53, Alanui Moi, ma Ewa aku o ka Huina-a-Kale.
E Kuai Hoopau ia aku ana na Waiwai a pau o keia Halekuai me ka nana a hoomaopopo ole ae i ke Kumulilo.
No Elua Pule Wale No E Hoomaka ana i ka Poaono, Okatoba 31, a pau i ka Poaono, Novemaba 14
Mai no a hoopoina i keia ae la.
O na ano Waiwai like ole no a pau loa ke hooliloia aku ana, i nui loa hoi ke helupapa aku.
Hele mai Hookahi,
Hele mai no a pau loa.
SING LOY.
okt26-3mw

 

C.E. Williams me Keiki

E d. A. Williams, Luna Nui. Helu 611, Alanui Moi, ma Ewa iho o ka Pa o Aigupita.
He mau me akuai lako hala o na ano a pau loa. He mau mea Hana Pahu Kupapau a Hooponopono Hoolewa.
                E hoolakoia no na Kaa Kupapau, na Kaapio a me na Kaa-ohana.
                Ina no e ninau ia lana, e loaa no na Pohaku Kia Hoomanao no na He Kupapau.
                O ka Ialoa kekahi hana hiki loa ia laua, aia ia malalo o ka lawelawe ponoi ana a Ed. A. Williams, F.D., he mea i puka pono mai ka Kalaka Kula o ka Ialoa Maikai ana iloko o Mei, 1894.
---NA TELEPONA--
Keena, Helu 179, Kauhale a me Kahea Po, Helu 815.
nov 2-mp feb 3-mp