Ka Makaainana, Volume VI, Number 19, 9 November 1896 — Hala ia Hulu Makua. [ARTICLE]

Hala ia Hulu Makua.

Me ka ehaeha a luuluu makou e hoike aku nei no ka hala ana aku o ia hulu makuahine o makou, oia o Misasa Ema Namakaokeawe, wahine a Kimo, ma Kainalu, Molokai, i ka La Pule i hala, la 1 nei, a nalo no ia la, i ke 50 paha o na makahiki a keu. Ma ka hoike palapala mai a ke keiki a kona mua ae, Samuela K. Kamaipelekane, aole kona noonoo i haalele mai iaia a hiki i kona make ana, me ke kauoha aku ka iaia e hoike i kona aloha i kana poe keiki a me na pilikoko a pau me ka helupapa aku i na inoa o kela a me keia O ka makou hoi nei e hoike aku nei i kona aloha i kona poe pili a paa. Aloha no. -